തെരഞ്ഞെടുപ്പ് പ്രചാരണത്തിനായി കേന്ദ്ര പ്രതിരോധ വകുപ്പ് മന്ത്രി രാജ്നാഥ് സിംഗും ബിജെപി ദേശീയ അധ്യക്ഷൻ ജെ.പി.നഡ്ഡയും ഇന്ന് കേരളത്തിൽ. ഇന്ന് രാവിലെ 9 മണിക്ക് വർക്കലയിലെത്തുന്ന രാജ്നാഥ് സിംഗ് മണ്ഡലത്തിലെ എൻഡിഎ സ്ഥാനാർഥിക്കായി റോഡ് ഷോ നടത്തും. റോഡ് ഷോയ്ക്ക് ശേഷം ശിവഗിരിയിൽ എത്തുന്ന അദ്ദേഹം മഹാസമാധിയിൽ പുഷ്പാർച്ചന നടത്തിയ ശേഷം സ്വാമിമാരുമായി കൂടിക്കാഴ്ച നടത്തും. ഉച്ചയ്ക്ക് ശേഷം പുതുപ്പള്ളി, ഇരിഞ്ഞാലക്കുട, എറണാകുളം മണ്ഡലങ്ങളിലും പര്യടന പരിപാടികളിൽ പങ്കെടുക്കും. ദേശീയ അധ്യക്ഷൻ ജെ.പി.നഡ്ഡ ധർമ്മടം, നാട്ടിക, തൊടുപുഴ,…

ഇടുക്കി തൊടുപുഴയിൽ ഒമ്പത് വയസ്സുകാരിയെ പീഡിപ്പിക്കാൻ ശ്രമിച്ച മധ്യവയസ്‌കൻ അറസ്റ്റിൽ. ഇടവെട്ടി സ്വദേശി മുഹമ്മദാണ്(53) അറസ്റ്റിലായത്. ഇടവെട്ടിയിൽ പലചരക്ക് കട നടത്തുന്നയാളാണ് മുഹമ്മദ്. കഴിഞ്ഞ ദിവസം കടയിൽ സാധനങ്ങൾ വാങ്ങാനെത്തിയ കുട്ടിയോട് ഇയാൾ അപമര്യാദയായി പെരുമാറുകയായിരുന്നു. വീട്ടിലെത്തിയ കുട്ടി ആരോടും സംസാരിക്കാതെ മാറി ഇരിക്കുന്നത് കണ്ട വീട്ടുകാർ കാര്യം തിരക്കിയപ്പോഴാണ് പ്രതി ഉപദ്രവിച്ച കാര്യം പറയുന്നത്. പ്രതി നേരത്തെയും കുട്ടികളെ ഇതേ പോലെ ഉപദ്രവിച്ചിട്ടുണ്ടെന്നാണ് റിപ്പോർട്ടുകൾ. പോക്‌സോ അടക്കമുള്ള വകുപ്പുകൾ ചേർത്താണ് ഇയാൾക്കെതിരെ കേസെടുത്തത്.

സംസ്ഥാനമൊട്ടാകെ ഇരട്ട വോട്ട് ആരോപണം ഉന്നയിച്ച് പ്രതിപക്ഷ നേതാവ് കോടതിയെ സമീപിക്കുന്നതിനിടെ ചെന്നിത്തലക്ക് തന്നെ തിരിച്ചടി. കോൺഗ്രസ് സ്ഥാനാർഥിക്കും എംഎൽഎക്കുമൊക്കെ ഇരട്ട വോട്ട് കണ്ടെത്തിയതിന് പിന്നാലെ പ്രതിപക്ഷ നേതാവ് രമേശ് ചെന്നിത്തലയുടെ അമ്മക്കും ഇരട്ട വോട്ടുണ്ടെന്ന് തെളിഞ്ഞു പ്രതിപക്ഷ നേതാവ് രമേശ് ചെന്നിത്തലയുടെ അമ്മ ദേവകിയമ്മക്ക് ചെന്നിത്തല തൃപ്പെരുന്തുറ പഞ്ചായത്തിലെ 152ാം ബൂത്തിലും ഹരിപ്പാട് നഗരസഭയിലെ 51ാം ബൂത്തിലുമുണ്ട്. പേര് നീക്കാനായി അപേക്ഷ നൽകിയിരുന്നുവെന്നും അധികൃതരുടെ വീഴ്ചയാണ് പിഴവിന് പിന്നിലെന്നും ചെന്നിത്തല ന്യായീകരിക്കുന്നു. കഴക്കൂട്ടം മണ്ഡലത്തിലെ യുഡിഎഫ്…

നെയ്യാറ്റിൻകര വെള്ളറടയിൽ ക്ഷേത്രം കുത്തിത്തുറന്ന് സ്വർണാഭരണങ്ങൾ മോഷ്ടിച്ചു. കത്തിപ്പാറ ശിവക്ഷേത്രത്തിലാണ് മോഷണം നടന്നത്. ക്ഷേത്രത്തിലെ കമ്മിറ്റി ഓഫീസിൽ സൂക്ഷിച്ചിരുന്ന ആഭരണങ്ങളാണ് കവർന്നത്. ഭക്തർ നേർച്ചക്കായി നൽകിയ മൂന്ന് മാല, സ്വർണ പൊട്ടുകൾ, താലി, തുടങ്ങി എട്ട് പവന്റെ ആഭരണങ്ങളാണ് മോഷണം പോയത്. ഒരു വെങ്കല ഉരുളിയും അഞ്ച് നിലവിളക്കുകളും അയ്യായിരം രൂപയും മോഷ്ടിക്കപ്പെട്ടിട്ടുണ്ട് രാവിലെ ക്ഷേത്രം തുറന്നപ്പോഴാണ് മോഷണവിവരം അറിഞ്ഞത്. ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി.

നാടുകാണി പവലിയന് സമീപം പാറക്കെട്ടിൽ വീണ കാഞ്ഞാർ സ്വദേശിയായ പെൺകുട്ടി ഗുരുതര പരിക്കുകളോടെ അത്ഭുതകരമായി രക്ഷപ്പെട്ടു. എന്നാൽ, പെൺകുട്ടി മരിച്ചെന്ന്‌ കരുതി ഒപ്പമുണ്ടായിരുന്ന മേലുകാവ്‌ സ്വദേശിയായ യുവാവ്‌ സമീപമുള്ള മരത്തിൽ തൂങ്ങി മരിച്ചു. ഇല്ലിക്കൽ(മുരിക്കൻ തോട്ടത്തിൽ) അലക്‌സാ‌(23) ണ്‌ മരിച്ചത്‌. വ്യാഴാഴ്ച വൈകിട്ടാണ് സംഭവം എന്ന് കരുതുന്നു. നാടുകാണി പവലിയന് സമീപം പാറക്കെട്ടിൽ ഇരുന്ന് സംസാരിക്കുന്നതിനിടെ പെൺകുട്ടി താഴേക്ക്‌ വിഴുകയായിരുന്നു. നൂറടി താഴ്‌ചവരുന്ന പാറക്കെട്ടിലൂടെ ഇറങ്ങി പെൺകുട്ടിയുടെ അടുത്തെത്തിയ യുവാവ് ബോധരഹിതയായ പെൺകുട്ടിയെ കാണുകയും മരിച്ചെന്നു കരുതി…

തിരുവനന്തപുരം: പൗരത്വ ഭേദഗതി നിയമം രാജ്യത്ത് വിഭജനം ഉണ്ടാക്കുന്നതിന് കൊണ്ടുവന്ന നിയമമാണെന്നും അതൊരിക്കലും കേരളത്തില്‍ നടപ്പാക്കില്ലെന്നും മുഖ്യമന്ത്രി പിണറായി വിജയന്‍. എല്‍ഡിഎഫ് സര്‍ക്കാര്‍ പൗരത്വനിയമത്തെ തുറന്നെതിര്‍ക്കുമെന്നും മുഖ്യമന്ത്രി പറഞ്ഞു. തിരുവനന്തപുരത്ത് സംഘടിപ്പിച്ച എല്‍ഡിഎഫ് തിരഞ്ഞെടുപ്പ് റാലിയില്‍ സംസാരിക്കുകയായിരുന്നു മുഖ്യമന്ത്രി. ”പൗരത്വഭേദഗതി നിയമം രാജ്യത്തെ ജനങ്ങളെ വിഭജിക്കുന്നതിനാണ് കൊണ്ടുവന്നത്. അത് ജനങ്ങളില്‍ ഭയം ജനിപ്പിക്കാന്‍ ഉദ്ദേശിച്ചുകൊണ്ടുള്ളതാണ്. രാജ്യത്ത് തലമുറകളായി താമസിച്ചുവരുന്നവര്‍ക്ക് ഇവിടെ താമസിക്കാന്‍ അവകാശമില്ലെന്നാണ് നിയമം പറയുന്നത്. പൗരത്വനിയമം പാസ്സാക്കിയപ്പോള്‍ എല്‍ഡിഎഫിന് അത് നടപ്പാക്കില്ലെന്ന് പ്രഖ്യാപിക്കുന്നതില്‍ ഒരു സംശയവുമുണ്ടായില്ല”-…