മുല്ലപ്പെരിയാറിൽ മരം മുറിക്ക് അനുമതി തേടി തമിഴ്‌നാട് സുപ്രീം കോടതിയെ സമീപിച്ചു. ബേബി ഡാം ശക്തിപ്പെടുത്തുന്നതിനായി മരം മുറിക്കാൻ അനുമതി നൽകാൻ കേരളത്തിന് നിർദേശം നൽകണമെന്നാണ് തമിഴ്‌നാടിന്റെ  ആവശ്യം. കൂടാതെ വള്ളക്കടവ്-മുല്ലപ്പെരിയാർ റോഡിന്റെ അറ്റകുറ്റപ്പണി നടത്താൻ കേരളത്തോട് നിർദേശിക്കണമെന്നും തമിഴ്‌നാട് ആവശ്യപ്പെടുന്നു വെള്ളിയാഴ്ച ഉച്ചയ്ക്ക് ശേഷമാണ് തമിഴ്‌നാടിന്റെ സ്റ്റാൻഡിംഗ് കോൺസൽ അപേക്ഷ ഫയൽ ചെയ്തിരിക്കുന്നത്. 15 മരങ്ങൾ മുറിക്കാൻ അനുമതി നൽകണമെന്നാണ് തമിഴ്‌നാടിന്റെ ആദ്യത്തെ ആവശ്യം. വള്ളക്കടവ് മുല്ലപെരിയാർ റോഡിന്റെ അറ്റകുറ്റപ്പണി അടിയന്തരമായി നടത്താൻ കേരളത്തിന് നിർദേശം…

തൃശ്ശൂർ കാരമുക്ക് വിളക്കുംകാലിൽ ബൈക്കും സൈക്കിളും കൂട്ടിയിടിച്ചുണ്ടായ അപകടത്തിൽ സൈക്കിൾ യാത്രക്കാരൻ മരിച്ചു. പുളിപറമ്പിൽ വിദ്യാസാഗർ(60)ആണ് മരിച്ചത്. ബൈക്കോടിച്ചിരുന്ന പുത്തൻപുരയിൽ ശ്യാമിന് പരുക്കേറ്റു. ഇയാളെ ആശുപത്രിയിൽ പ്രവേശിപ്പിച്ചു. വെള്ളിയാഴ്ച രാവിലെ എട്ടരയോടെയാണ് അപകടമുണ്ടായത്.

വൃക്ക വിൽക്കാൻ വിസമ്മതിച്ചതിന് വീട്ടമ്മയ്ക്കും മക്കൾക്കും ക്രൂരമർദനം. ഭർത്താവ് വിഴിഞ്ഞം സ്വദേശി സാജനെ പൊലിസ് അറസ്റ്റ് ചെയ്തു. ഭാര്യ സുജയുടെ പരാതിയിലാണ് അറസ്റ്റ്. കഴിഞ്ഞ ഏതാനും നാളുകളായി വിഴിഞ്ഞം മേഖല കേന്ദ്രീകരിച്ച് വൃക്ക വിൽപ്പന സജീവമായി നടക്കുന്നതായുള്ള വാർത്തകൾ വന്നിരുന്നു. ഇത്തരത്തിൽ പത്തിലേറെ വീട്ടമ്മമാർ വൃക്ക നൽകിയതായാണ് റിപ്പോർട്ടുകൾ. മോശം ജീവിതസാഹചര്യങ്ങളെ തുടർന്നാണ് വീട്ടമ്മ വൃക്ക വിൽക്കാൻ തയ്യാറായത. എന്നാൽ ഇതിനായി കൊച്ചിയിൽ പോകാനിരിക്കെ ഇവർ പിൻമാറി. തുടർന്നാണ് ഭർത്താവ് വീട്ടമ്മയെയും മക്കളെയും മർദിക്കാൻ ആരംഭിച്ചത്.

കുട്ടിയെ തിരികെ ലഭിച്ചെങ്കിലും സമരം തുടരുമെനന്ന് അനുപമ. ഡിസംബർ 10 മുതൽ സെക്രട്ടേറിയറ്റിന് മുന്നിൽ സമരം തുടരുമെന്നും അനുപമ പറഞ്ഞു. കുറ്റവാളികൾ ശിക്ഷിക്കപ്പെടുന്നതുവരെ സമരം തുടരാനാണ് തീരുമാനം. ടിവി അനുപമ ഐഎഎസ് നൽകിയ അന്വേഷണ റിപ്പോർട്ട് സി ഡബ്ല്യു സിയെയും ശിശുക്ഷേമ സമിതിയെയും സംരക്ഷിക്കുന്ന തരത്തിലുള്ളതാകാനാണ് സാധ്യത. റിപ്പോർട്ടിന്റെ പകർപ്പ് ആവശ്യപ്പെട്ട് പരാതി നൽകിയിട്ടുണ്ട്. ആരൊക്കെ മൊഴി നൽകി, എന്താണ് മൊഴി എന്നതൊക്കെ പുറത്തുവരണം. എന്നാലേ തനിക്കെതിരെയുള്ള വ്യാജ പ്രചാരണം അവസാനിക്കു. അച്ഛനെതിരെ നിസാര വകുപ്പുകളാണ് ചുമത്തിയതെന്നും…

  മൊഫിയയുടെ മരണത്തിൽ കുറ്റക്കാർക്കെതിരെ നടപടിയുണ്ടാകുമെന്ന് മുഖ്യമന്ത്രി പിണറായി വിജയൻ. മൊഫിയയുടെ മാതാപിതാക്കളുമായി ഫോണിൽ മുഖ്യമന്ത്രി സംസാരിച്ചു. മന്ത്രി പി രാജീവ് മൊഫിയയുടെ വീട്ടിൽ എത്തിയപ്പോഴാണ് മുഖ്യമന്ത്രി മാതാപിതാക്കളുമായി ഫോണിൽ സംസാരിച്ചത്. സിഐ സുധീറിനെതിരെ നടപടിയുണ്ടാകുമെന്ന് മുഖ്യമന്ത്രി ഉറപ്പ് നൽകിയതായി മൊഫിയയുടെ പിതാവ് മാധ്യമങ്ങളോട് പറഞ്ഞു. മുഖ്യമന്ത്രിയുടെ ഉറപ്പിൽ വിശ്വാസമുണ്ട്. മുഖ്യമന്ത്രിയുടെ ഉറപ്പിൽ പ്രതീക്ഷയുണ്ടെന്ന് മൊഫിയയുടെ മാതാവും പ്രതികരിച്ചു കുറ്റക്കാരെ സംരക്ഷിക്കുന്ന നടപടി സർക്കാരിന്റെ ഭാഗത്ത് നിന്നുണ്ടാകില്ലെന്ന് മന്ത്രി പി രാജീവ് പറഞ്ഞു. സർക്കാർ നീതി ഉറപ്പാക്കും….

  റോഡുകളുടെ ശോച്യാവസ്ഥയിൽ ഹൈക്കോടതിയിൽ നിന്ന് വിമർശനമേൽക്കേണ്ടി വന്നതിന് പിന്നാലെ ജല വകുപ്പിനെതിരെ പൊതുമരാമത്ത് വകുപ്പ് മന്ത്രി മുഹമ്മദ് റിയാസ്. റോഡ് കുളമാക്കുന്നതിന് പ്രധാന ഉത്തരവാദി ജല അതോറിറ്റിയാണെന്ന് മന്ത്രി വിമർശിച്ചു. കുത്തിപ്പൊളിച്ച റോഡുകൾ പഴയ പടിയാക്കാൻ കുത്തിപ്പൊളിച്ചവർക്ക് ഉത്തരവാദിത്വമുണ്ട്. ജല അതോറിറ്റി അത്തരത്തിൽ റോഡുകൾ കുത്തിപ്പൊളിക്കുകയാണെങ്കിൽ അത് പഴയ നിലയിലാക്കണമെന്ന് 2017ലെ സർക്കാർ ഉത്തരവ് ചൂണ്ടിക്കാട്ടുന്നുണ്ട്. കുടിവെള്ളത്തിന്റെ ആവശ്യത്തിന് റോഡുകൾ കുത്തിപ്പൊളിക്കുകയാണെങ്കിൽ ജല അതോറിറ്റി അത് പഴയ സ്ഥിതിയിലാക്കണം എൻജിനീയർമാർക്ക് ഇക്കാര്യത്തിൽ സന്ദേശം നൽകിയിട്ടുണ്ട്. നിശ്ചിത…

  ആലുവയിൽ നിയമ വിദ്യാർഥിനി മൊഫിയ പർവീൺ ആത്മഹത്യ ചെയ്ത സംഭവത്തിൽ ആരോപണ വിധേയനായ സിഐ സുധീറിനെ സർവീസിൽ നിന്ന് സസ്‌പെൻഡ് ചെയ്തു. സർക്കാരിന്റെ നിർദേശപ്രകാരം ഡിജിപിയാണ് നടപടിയെടുത്തത് സുധീറിനെതിരെ വകുപ്പുതല അന്വേഷണവും പ്രഖ്യാപിച്ചിട്ടുണ്ട്. കൊച്ചി ഈസ്റ്റ് പോലീസ് അസി. കമ്മീഷണർക്കാണ് അന്വേഷണ ചുമതല. സംഭവത്തിൽ സിഐക്ക് ഗുരുതര പിഴവ് സംഭവിച്ചതായി കണ്ടെത്തിയിരുന്നു. മൊഫിയയുടെ ആത്മഹത്യക്ക് പിന്നാലെ സുധീറിനെ തിരുവനന്തപുരം പോലീസ് ആസ്ഥാനത്തേക്ക് സ്ഥലം മാറ്റിയിരുന്നു. എന്നാൽ സിഐക്കെതിരെ നടപടി ആവശ്യപ്പെട്ട് കോൺഗ്രസ് നേതാക്കൾ സ്‌റ്റേഷന് മുന്നിൽ…