അടുത്ത 12 മണിക്കൂറിനുള്ളിൽ ആൻഡമാനിൽ പുതിയ ന്യൂനമർദം രൂപപ്പെടാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. മധ്യ കിഴക്കൻ ബംഗാൾ ഉൾക്കടലിൽ ന്യൂനമർദം എത്തിച്ചേരും. ഇത് ശക്തി കൂടി തീവ്രന്യൂനമർദമായേക്കും. അറബിക്കടലിൽ ചക്രവാത ചുഴി നിലനിൽക്കുന്നതായും കാലാവസ്ഥാ വകുപ്പ് മുന്നറിയിപ്പ് നൽകി തെക്കൻ കേരളത്തിൽ കൂടുതൽ ജാഗ്രത വേണമെന്നാണ് മുന്നറിയിപ്പ്. ശനിയാഴ്ച തിരുവനന്തപുരം മുതൽ ഇടുക്കി വരെയുള്ള ജില്ലകളിൽ കനത്ത മഴയ്ക്ക് സാധ്യതയുണ്ട്. ഞായറാഴ്ച പത്തനംതിട്ട മുതൽ എറണാകുളം വരെയുള്ള അഞ്ച് ജില്ലകളിൽ ഓറഞ്ച് അലർട്ട് പ്രഖ്യാപിച്ചു.

  സാമ്പത്തിക തട്ടിപ്പ് കേസിൽ മോൻസൺ മാവുങ്കലിനെതിരെ എൻഫോഴ്സ്മെന്റ് ഡയറക്ടറേറ്റ് കേസെടുത്തു. കള്ളപ്പണ ഇടപാടുകൾ നടന്നിട്ടുണ്ടോയെന്ന് ഇ ഡി പരിശോധിക്കും . മോൻസൺ മാവുങ്കലിനെതിരായ എട്ട് കേസുകളിൽ അന്വേഷണം നടത്തും. മോൻസണിന്റെ മുൻ ഡ്രൈവർ അജിത്തിനെയെയും കേസിൽ പ്രതി ചേർത്തിട്ടുണ്ട്. കൂടുതൽ വിശദാംശങ്ങൾ തേടി ക്രൈംബ്രാഞ്ചിന് എൻഫോഴ്സ്മെന്റ് ഡയറക്ടറേറ്റ് കത്ത് നൽകി. വ്യാജ പുരാവസ്തുക്കൾ കാട്ടി കോടികളുടെ തട്ടിപ്പ് ഇയാൾ നടത്തിയിട്ടുണ്ടെന്നാണ് വിവരം. ഉന്നത പോലീസുദ്യോഗസ്ഥരും രാഷ്ട്രീയ നേതാക്കളും ഇയാളുടെ സ്ഥിരം സന്ദർശകരമായിരുന്നു.

  പിണങ്ങിപ്പോയ കാമുകിയെ തട്ടിക്കൊണ്ടുപോയി മർദിച്ച ശേഷം വായിൽ ഡീസലൊഴിച്ചു.  പ്രതിയും ഓട്ടോ റിക്ഷാ ഡ്രൈവറുമായ ജിതിൻ സുരേഷിനെ(24) പോലീസ് അറസ്റ്റ് ചെയ്തു. വ്യാഴാഴ്ച പൂവന്തുരുത്തിയിലാണ് സംഭവം നടന്നത്. 19കാരിയായ പൂവന്തുരുത്ത് സ്വദേശിനിയും കടുവാക്കുളം മടമ്പുകാട് സ്വദേശിയായ ജിതിനും നേരത്തെ അടുപ്പത്തിലായിരുന്നു. ജിതിന്റെ സ്വഭാവദൂഷ്യത്തെ തുടർന്ന് യുവതി അടുത്തിടെ പിണങ്ങിപ്പിരിഞ്ഞു. ഇതിന്റെ ദേഷ്യത്തിലാണ് ആക്രമണം വ്യാഴാഴ്ച പൂവന്തുരുത്തിയിൽ സുഹൃത്തുമായി സംസാരിച്ച് നിൽക്കുകയായിരുന്ന യുവതിയെ ബലമായി ഓട്ടോയിൽ കയറ്റി ഓടിച്ചു കൊണ്ടുപോയി. തുടർന്ന് ആളൊഴിഞ്ഞ സ്ഥലത്ത് നിർത്തി പെൺകുട്ടിയെ…

  മുൻ മിസ് കേരളയുടെയും റണ്ണറപ്പിന്റെയും മരണത്തിന് ഇടയാക്കിയ വാഹനാപകടത്തിന് പിന്നിൽ ഒരു ഓഡി കാറിന്റെ ചേസിംഗ് എന്ന് നിർണായക വെളിപ്പെടുത്തൽ. മരിച്ച അൻസിയുടെയും അഞ്ജനയുടെയും കാർ ഓടിച്ചിരുന്ന അബ്ദുൽ റഹ്മാനാണ് പോലീസിന് മൊഴി നൽകിയത്. ഇവരുടെ കാറിന് പിന്നാലെ ഓഡി കാർ ചേസ് ചെയ്യുന്ന സിസിടിവി ദൃശ്യങ്ങളും പോലീസിന് ലഭിച്ചിട്ടുണ്ട് ഇരുസംഘവും മത്സരയോട്ടം നടത്തിയതാണോയെന്ന കാര്യം പോലീസ് പരിശോധിക്കുന്നുണ്ട്. ഗുരുതരമായി പരുക്കേറ്റ അബ്ദുൽ റഹ്മാൻ കൊച്ചി മെഡിക്കൽ സെന്റർ ആശുപത്രിയിൽ ജുഡീഷ്യൽ കസ്റ്റഡിയിൽ ചികിത്സയിലാണ്. ഓഡി…

ജലനിരപ്പ് ഉയരുന്ന സാഹചര്യത്തിൽ ഇടുക്കി ഡാം വീണ്ടും തുറന്നേക്കും. ഇന്ന് വൈകുന്നേരം നാല് മണിക്ക് ശേഷമോ നാളെ രാവിലെയോ തുറക്കാനാണ് ആലോചിക്കുന്നത്. നിലവിൽ 2398.46 അടിയാണ് ഡാമിലെ ജലനിരപ്പ്. ഡാമിൽ ഇന്നലെ ഓറഞ്ച് അലർട്ട് പ്രഖ്യാപിച്ചിരുന്നു. റൂൾ കർവ് പ്രകാരം 2399.03 അടിയിലെത്തിയാൽ റെഡ് അലർട്ട് പ്രഖ്യാപിക്കും. അപ്പർ റൂൾ ലെവലായ 2400.03 അടിയിലേക്ക് ഉയർന്നാൽ മാത്രം ഷട്ടറുകൾ തുറക്കാനാണ് കെ എസ് ഇ ബിയുടെ തീരുമാനം   പെരിയാറിന്റെ ഇരുകരകളിലും താമസിക്കുന്നവർ ജാഗ്രത പാലിക്കണമെന്ന് ജില്ലാ…

മുല്ലപ്പെരിയാർ കേസ് ഇന്ന് സുപ്രിം കോടതി പരിഗണിക്കും. റൂൾ കർവുമായും വിദഗ്ധ സമതിയുമായും ബന്ധപ്പെട്ട് കേരളം ഉന്നയിച്ച കാര്യങ്ങളിൽ കോടതി വിശദമായി വാദം കേൾക്കും. റൂൾ കർവ് സംബന്ധിച്ച് കേരളം വിശദമായ സത്യവാങ്മൂലം നൽകിയിട്ടുണ്ട്. വിദഗ്ധ സമിതി ശുപാർശ ചെയ്ത റൂൾ കർവ് കേരളത്തിന് സുരക്ഷാഭീതി ഉണ്ടാക്കുന്നതാണെന്നാണ് സംസ്ഥാനത്തിന്റെ നിലപാട്. ജലനിരപ്പ് 142 അടി വരെ ഉയർത്താമെന്ന റൂൾ കർവ് പുനഃപരിശോധിക്കണമെന്നും, റൂൾ കർവ് തമിഴ്‌നാടിന്റെ താൽപ്പര്യം സംരക്ഷിക്കാൻ ഉള്ളത് ആണെന്നുമാണ് സർക്കാർ വാദം. ബേബിഡാമിൽ അറ്റകുറ്റപ്പണിക്കും,…

സംസ്ഥാനത്ത് ഇന്ന് തീവ്ര മഴയ്ക്ക് സാധ്യത. ആറ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് ഓറഞ്ച് അലർട്ട് പ്രഖ്യാപിച്ചിരിക്കുന്നത്. മറ്റ് ജില്ലകളിൽ യെല്ലോ അലർട്ടായിരിക്കും. ബംഗാൾ ഉൾക്കടലിലെ പുതിയ ന്യൂനമർദത്തിന്റെയും വടക്കൻ തമിഴ്‌നാട് തീരത്തുള്ള ന്യൂനമർദത്തിന്റെയും സ്വാധീനഫലമായാണ് സംസ്ഥാനത്തും മഴ തുടരുന്നത്. ഒറ്റപ്പെട്ട ശക്തമായ മഴയ്ക്കും അതിശക്തമായ മഴയ്ക്കുമാണ് സാധ്യത. നാളെയും കനത്ത മഴയ ലഭിക്കും. നാളെ അഞ്ച് ജില്ലകളിലാണ് ഓറഞ്ച് അലർട്ട്. ശക്തമായ കാറ്റിനും സാധ്യതയുണ്ട്.