വായു മലിനീകരണം രൂക്ഷമായതതിനെ തുടർന്ന് ഡൽഹിയിൽ സ്‌കൂളുകൾ അടച്ചിട്ടത് നീട്ടാൻ തീരുമാനം. ഇനിയൊരറിയിപ്പുണ്ടാകുന്നത് വരെ ഓൺലൈൻ ക്ലാസുകൾ മാത്രമായിരിക്കുമെന്ന് ഡയറക്ടറേറ്റ് ഓഫ് എജ്യുക്കേഷൻ അറിയിച്ചു. വായു മലിനീകരണ തോത് ഉയർന്നു നിൽക്കുന്നതിനിടെയാണ് തീരുമാനം. നവംബർ 13ന് ഒരാഴ്ചത്തേക്കാണ് വായുമലിനീകരണത്തെ തുടർന്ന് സ്‌കൂളുകളും കോളേജുകളും അടച്ചിട്ടത്. 350നും 400നും ഇടയിലാണ് ഡൽഹിയിൽ അന്തരീക്ഷ മലിനീകരണ തോത് എത്തിയിരിക്കുന്നത്. രാജ്യ തലസ്ഥാനത്തെയും സമീപ പ്രദേശങ്ങളിലെയും വായുമലിനീകരണ പ്രശ്‌നത്തിൽ സുപ്രീംകോടതിയും ഇടപെട്ടിരുന്നു. ലോക്ഡൗൺ ഏർപ്പെടുത്തിക്കൂടെയെന്നായിരുന്നു സുപ്രീംകോടതിയുടെ ചോദ്യം. മലിനീകരണ തോത് കുറക്കാൻ…

പതിനഞ്ച് പേരെ കൂടി ഉൾപ്പെടുത്തി രാജസ്ഥാനിൽ മന്ത്രിസഭ പുനഃസംഘടിപ്പിച്ചു. 11 ക്യാബിനറ്റ് മന്ത്രിമാരും നാല് സഹമന്ത്രിമാരും സത്യപ്രതിജ്ഞ ചെയ്ത് അധികാരമേറ്റു. സച്ചിൻ പൈലറ്റ് ക്യാമ്പിലെ നേതാക്കളെ കൂടി ഉൾപ്പെടുത്തിയാണ് മന്ത്രിസഭ പുനഃസംഘടിപ്പിച്ചത്. മന്ത്രിസ്ഥാനത്ത് നിന്ന് കഴിഞ്ഞ വർഷം പുറത്താക്കപ്പെട്ട വിശ്വേന്ദ്ര സിംഗ്, രമേശ് മീണ എന്നിവരടക്കം അഞ്ച് പേർ സച്ചിൻ പൈലറ്റ് ക്യാമ്പിൽ നിന്ന് മന്ത്രിമാരായി. മൂന്ന് പേർക്ക് ക്യാബിനറ്റ് പദവി ലഭിച്ചു. രണ്ട് പേർ സഹമന്ത്രിമാരാണ്. ഇതോടെ രാജസ്ഥാൻ മന്ത്രിസഭയുടെ എണ്ണം മുപ്പതായി. പുതുതായി മന്ത്രിപദവിയിലേക്ക്…

ചൈനക്കെതിരെ രൂക്ഷ വിമർശനവുമായി പ്രതിരോധ മന്ത്രി രാജ്‌നാഥ് സിംഗ്. ചില ഉത്തരവാദിത്വമില്ലാത്ത രാഷ്ട്രങ്ങൾ അവരുടെ നിക്ഷിപ്ത താത്പര്യങ്ങൾക്ക് വേണ്ടി അന്താരാഷ്ട്ര നിയമങ്ങളെ തെറ്റായി വ്യാഖ്യാനിക്കുകയാണെന്ന് രാജ്‌നാഥ് സിംഗ് പറഞ്ഞു. ചൈനയുടെ പേര് എടുത്തുപറയാതെയായിരുന്നു അദ്ദേഹത്തിന്റെ വിമർശനം. ഐഎൻഎസ് വിശാഖപട്ടണം രാജ്യത്തിന് സമർപ്പിക്കുന്ന ചടങ്ങിലാണ് കേന്ദ്രമന്ത്രിയുടെ വിമർശനം ഇന്ത്യ യുദ്ധക്കപ്പൽ നിർമിക്കുന്നത് രാജ്യത്തിന്റെ ഉപയോഗത്തിന് മാത്രമല്ല, ലോകത്തിന്റെ മൊത്തം ആവശ്യത്തിന് വേണ്ടിയാണെന്നതിൽ സംശയമില്ല. ഐഎൻഎസ് വിശാഖപട്ടണത്തിലെ സൗകര്യങ്ങൾ ഇന്നത്തെ ആവശ്യങ്ങൾ നിറവേറ്റാനുള്ളതല്ലെന്നും ഭാവിയിലെ ആവശ്യങ്ങൾ കൂടി ലക്ഷ്യമിട്ടുള്ളതാണെന്നും രാജ്‌നാഥ്…

തമിഴ്‌നാട് തിരുച്ചിറപ്പള്ളിയിൽ കാലിമോഷണം തടയാനെത്തിയ എസ് ഐയെ അക്രമികൾ അടിച്ചുകൊന്നു. നവൽപേട്ട് സ്റ്റേഷൻ എസ് ഐ ഭൂമിനാഥനാണ് കൊല്ലപ്പെട്ടത്. ഞായറാഴ്ച പുലർച്ചെ രണ്ട് മണിയോടെയാണ് സംഭവംം ബൈക്കിൽ പട്രോളിംഗ് നടത്തുന്നതിനിടെയാണ് മൂന്ന് ബൈക്കുകളിൽ ആടുകളുമായി അഞ്ചംഗ സംഘം വരുന്നത് ഭൂമിനാഥൻ കണ്ടത്. ഇവരോട് വാഹനം നിർത്താൻ ആവശ്യപ്പെട്ടു. എന്നാൽ രണ്ട് ബൈക്കുകൾ വേഗതയിൽ ഓടിച്ചുപോകുകയും മൂന്നാമത്തെ വണ്ടിയിലുണ്ടായിരുന്നവരെ എസ് ഐ പിടിച്ചു നിർത്തുകയുമായിരുന്നു അൽപ്പ സമയത്തിന് ശേഷം മുന്നിൽ പോയവർ തിരികെ എത്തി ഭൂമിനാഥനെ ആക്രമിക്കുകയായിരുന്നു. പുതുക്കോട്ട…