മുൻ മിസ് കേരളയുടെയും റണ്ണറപ്പിന്റെയും മരണത്തിന് ഇടയാക്കിയ വാഹനാപകടത്തിന് പിന്നിൽ ഒരു ഓഡി കാറിന്റെ ചേസിംഗ് എന്ന് നിർണായക വെളിപ്പെടുത്തൽ. മരിച്ച അൻസിയുടെയും അഞ്ജനയുടെയും കാർ ഓടിച്ചിരുന്ന അബ്ദുൽ റഹ്മാനാണ് പോലീസിന് മൊഴി നൽകിയത്. ഇവരുടെ കാറിന് പിന്നാലെ ഓഡി കാർ ചേസ് ചെയ്യുന്ന സിസിടിവി ദൃശ്യങ്ങളും പോലീസിന് ലഭിച്ചിട്ടുണ്ട്
ഇരുസംഘവും മത്സരയോട്ടം നടത്തിയതാണോയെന്ന കാര്യം പോലീസ് പരിശോധിക്കുന്നുണ്ട്. ഗുരുതരമായി പരുക്കേറ്റ അബ്ദുൽ റഹ്മാൻ കൊച്ചി മെഡിക്കൽ സെന്റർ ആശുപത്രിയിൽ ജുഡീഷ്യൽ കസ്റ്റഡിയിൽ ചികിത്സയിലാണ്.
ഓഡി കാറിലുണ്ടായിരുന്ന റോയ് അടക്കമുള്ളവരെ പോലീസ് ചോദ്യം ചെയ്യും. മരണത്തിന് തൊട്ടുമുമ്പ് നടന്ന നിശാപാർട്ടിയിൽ റോയ് പങ്കെടുത്തിരുന്നു.
