വാഷിങ്ടൻ∙ എച്ച്1 ബി ഉൾപ്പെടെയുള്ള തൊഴിൽ വീസകൾക്കു നൽകി വരുന്ന 60 ദിവസത്തെ ഗ്രേസ് പീരീഡ് നിർത്തലാക്കാൻ ട്രംപ് ഭരണകൂടത്തിന്റെ നീക്കം. തൊഴിൽ നഷ്ടമായാൽ പുതിയ സ്പോൺസറെ കണ്ടെത്താനും മൂന്നുമാസത്തോളം യുഎസിൽ തുടരാനും അനുവദിക്കുന്ന ഗ്രേസ് പീരീഡാണ് നിർത്തലാക്കുന്നത്.
യുഎസ് ആഭ്യന്തര സുരക്ഷാ വിഭാഗം (ഡിഎച്ച്എസ്) ഫെഡറൽ റജിസ്റ്ററിൽ പ്രസിദ്ധീകരിച്ചിട്ടുള്ള, പുതിയ ചട്ടഭേദഗതി പ്രകാരം, എച്ച്1 ബി വീസയോ മറ്റ് ഏതാനും താൽക്കാലിക തൊഴിൽ വീസകളോ ഉള്ളവർ തൊഴിൽ അവസാനിച്ചാൽ ഉടൻ തന്നെ യുഎസ് വിടേണ്ടി വരും. വിദേശ തൊഴിലാളികളെ വലിയ തോതിൽ ആശ്രയിക്കുന്ന മുൻനിര അമേരിക്കൻ സാങ്കേതികവിദ്യ കമ്പനികളെ ഈ നീക്കം സാരമായി ബാധിക്കും.
നിയമവിധേയമായ കുടിയേറ്റത്തെയും നിയന്ത്രിക്കാനായി യുഎസ് പ്രസിഡന്റ് ഡോണൾഡ് ട്രംപ് സ്വീകരിക്കുന്ന ഏറ്റവും പുതിയ നടപടിയാണിത്. നേരത്തെ, വിദഗ്ധ തൊഴിലാളികൾക്കുള്ള വീസ ഫീസിൽ വലിയ വർധനവ് കൊണ്ടുവരുകയും പുതിയ പരിശീലന പദ്ധതിയുടെ പേരിൽ, ലോകമെമ്പാടുമുള്ള യുഎസ് മിഷനുകളിലെ കുടിയേറ്റ വീസ അഭിമുഖങ്ങൾ താൽക്കാലികമായി നിർത്തിവയ്ക്കുകയും ചെയ്തിട്ടുണ്ട്.
പുതിയ ചട്ട ഭേദഗതി പ്രകാരം, കമ്പനികളുടെ പ്രവർത്തനങ്ങളിൽ തടസമുണ്ടായേക്കാമെന്നും എന്നാൽ ഈ തീരുമാനം അമേരിക്കൻ പൗരന്മാർക്ക് ജോലി ലഭിക്കുന്നതിനു കാരണമാകുമെന്നും ഡിഎച്ച്എസ് പറയുന്നു. 2017 ലാണ് തൊഴിൽ വീസയുള്ളവർക്ക് 60 ദിവസത്തെ ഗ്രേസ് പീരീഡ് നിലവിൽ വന്നത്.
Read More
വായിച്ച് തുടങ്ങിക്കോളൂ, ഗ്രേസ് മാർക്ക് ഉണ്ട്; വായനയ്ക്ക് ഗ്രേസ് മാർക്കുമായി വിദ്യാഭ്യാസ വകുപ്പ്
ട്രംപിന് വീണ്ടും തിരിച്ചടി: ജന്മാവകാശ പൗരത്വം അവസാനിപ്പിക്കാനുള്ള ഉത്തരവ് റദ്ദാക്കി അമേരിക്കൻ സുപ്രീം കോടതി
എസ്.എസ്.എൽ.സി, പ്ലസ്.ടു വിദ്യാര്ഥികളുടെ ഗ്രേസ് മാര്ക്കിന്റെ കാര്യത്തില് ഉടന് തീരുമാനം; ഫലം ജൂലൈയിൽ
ഇന്ത്യ-പാക്ക് ‘യുദ്ധം’ നിർത്തിയത് താരിഫെന്ന് ട്രംപ്; ‘അപ്രതീക്ഷിത’ മിസൈലുമായി ഇറാൻ, എണ്ണവില മേലോട്ട്? ഓഹരിക്ക് പേടി, താഴ്ന്ന് സ്വർണം
