കൽപറ്റ∙ ‘ബാങ്കിലേക്കു പോകാൻ തുരങ്കപ്പാതയ്ക്കു മുന്നിലെ ബസ് സ്റ്റോപ്പിൽ നിൽക്കുകയായിരുന്നു ഞങ്ങൾ. നല്ല മഴ. വലിയ ശബ്ദം. മലയൊന്നാകെ ഇടിഞ്ഞുവരുന്നു. ഞങ്ങൾ കൈപിടിച്ച് തിരിഞ്ഞോടി. ലോറി കുത്തിയൊലിച്ചു പിന്നാലെ വരുന്നുണ്ടായിരുന്നു. കടവുൾ കാത്തു…’ മണ്ണിടിച്ചിലിൽനിന്നു തലനാരിഴയ്ക്കു രക്ഷപ്പെട്ട തോട്ടം തൊഴിലാളി ബൽരാജും ഭാര്യ കൂടമ്മാളും പറയുന്നു. ഒലിച്ചു വന്ന ലോറിക്കിടയിൽ നിന്നാണ് ഇരുവരും ജീവിതത്തിലേക്കു തിരികെ വന്നത്. തമിഴ്നാട് മധുര സ്വദേശികളാണ്. 17 വർഷമായി മേപ്പാടിയിലെ മീനാക്ഷി എസ്റ്റേറ്റിൽ ജോലി ചെയ്യുന്നു.
∙ ഒരു ശബ്ദം; മലയൊന്നാകെ പിന്നാലെ
‘വലിയൊരു ശബ്ദം കേട്ടപ്പോഴാണ് ഓടി പുറത്തിറങ്ങി നോക്കിയത്. അപ്പോഴേക്കും മണ്ണിടിഞ്ഞ് അതിവേഗത്തിൽ വരാൻ തുടങ്ങിയിരുന്നു. ഞങ്ങൾ ഇറങ്ങിയോടി തോട്ടത്തിലേക്കു കയറി’– മണ്ണിടിച്ചിലിൽനിന്ന് രക്ഷപ്പെട്ട കള്ളാടി മീനാക്ഷിപ്പാലത്തിനു സമീപത്തെ ഗ്രില്ലാക്സ് ഹോട്ടലിന്റെ നടത്തിപ്പുകാരൻ പി.സി.ആഷിഖ് പറഞ്ഞു.തലനാരിഴയ്ക്കാണ് ആഷിഖിന്റെയും ജീവനക്കാരുടെയും ജീവൻ രക്ഷപ്പെട്ടത്. മണ്ണിടിഞ്ഞപ്പോൾ പാലത്തിനു മുകളിലുണ്ടായിരുന്ന ടാങ്കർ ലോറി നിരങ്ങിവന്നത് ആഷിഖിന്റെ കടയിലേക്കാണ്. തൊട്ടുമുന്നിൽ നിർത്തിയിട്ടിരുന്ന ജീപ്പിൽ തട്ടിനിന്നതു കൊണ്ടു മാത്രമാണ് ലോറി കടയിലേക്ക് ഇടിച്ചു കയറാതിരുന്നത്.
‘2 ദിവസമായി ഭയങ്കര മഴയാണ്. തുരങ്കപാതയുടെ സമീപം കഴിഞ്ഞ ദിവസം മണ്ണിടിഞ്ഞിരുന്നു. പക്ഷേ ഇത്ര ഗുരുതരമാകുമെന്ന് കരുതിയില്ല. മണ്ണിടിയുമ്പോൾ തുരങ്കത്തിന്റെ അടുത്തുള്ള ടെന്റിൽ പണിക്കാരുണ്ടായിരുന്നു’– ആഷിഖ് പറഞ്ഞു.
Read More
ലോറിയുടെ ഒറ്റ ഇടയില് തകര്ന്നത് കെട്ടിടത്തിന് അധികൃതര് നല്കിയ ‘ഉറപ്പ്’, കല്പ്പറ്റയിലെ കെട്ടിടം പൊളിച്ചു നീക്കി അധികൃതര്; സോഷ്യല് മീഡിയ തിരഞ്ഞ അപകടത്തിന്റെ കഥ ഇങ്ങനെ
കല്പറ്റ തിരുത്തുമോ ചരിത്രം? കൗതുകത്തോടെ രാഷ്ട്രീയ കേരളം കല്പറ്റ-മുസ്ലിം നാമധാരിയെ നിയമസഭയിലേക്കു അയയ്ക്കാത്ത മണ്ഡലമെന്ന ചരിത്രം ഇക്കുറി കല്പറ്റ തിരുത്തുമോ? ഉറ്റുനോക്കുകയാണ് രാഷ്ടീയ കേരളം
‘രാത്രി യാത്രചെയ്ത വിദ്യാർഥിനികൾ ആവശ്യപ്പെട്ട സ്റ്റോപ്പിൽ ഇറക്കിയില്ല’; KSRTC കണ്ടക്ടറെ സർവീസിൽ നിന്ന് നീക്കി
തദ്ദേശ തെരഞ്ഞെടുപ്പില് തോറ്റവര്ക്കു നിയമസഭയിലേക്കു സീറ്റില്ലെന്ന കോണ്ഗ്രസ് നിലപാടിനെച്ചൊല്ലിയും വയനാട്ടില് വിവാദം
