തിരുവിതാംകൂര് ദേവസ്വം ബോര്ഡ് പ്രസിഡന്റായി നിയമിക്കപ്പെട്ട കെ. ജയകുമാറിനെ അയോഗ്യനായി പ്രഖ്യാപിക്കണമെന്നാവശ്യപ്പെട്ട് ഹര്ജി. സര്ക്കാരിന്റെ ശമ്പളം പറ്റുന്ന പദവി വഹിക്കുന്നയാള് തിരുവിതാംകൂര് ദേവസ്വം ബോര്ഡ് അംഗമോ, പ്രസിഡന്റോ ആകുന്നതിന് അയോഗ്യതയുണ്ടെന്ന് ചുണ്ടിക്കാട്ടി കാര്ഷികോത്പാദന കമ്മിഷണര് ഡോ. ബി. അശോക് ആണ് ഹര്ജി നല്കിയത്. തിരുവനന്തപുരം പ്രിന്സിപ്പല് ജില്ലാ കോടതി ഹര്ജി ഫയലില് സ്വീകരിച്ചു.
ഹര്ജിയില് കെ.ജയകുമാറിനും ദേവസ്വം സെക്രട്ടറിക്കും സര്ക്കാരിനും തിരുവനന്തപുരം ജില്ലാ കോടതിയുടെ നോട്ടീസയച്ചു. കെ. ജയകുമാര് നിലവില് ഇന്സ്റ്റിറ്റ്യൂട്ട് ഒഫ് മാനേജ്മെന്റ് ഇന് ഗവണ്മെന്റ് (IMG) എന്ന സര്ക്കാര് സ്ഥാപനത്തിന്റെ ഡയറക്ടര് കൂടി ആണ്. 2026 ജനുവരി 15ന് കോടതിയില് ഹാജരാകാന് ജില്ലാ കോടതി നോട്ടീസ് നിര്ദേശിക്കുന്നു. ബി. അശോക് കാര്ഷികോത്പാദന കമ്മിഷണര് എന്ന നിലയിലല്ല വ്യക്തിപരമായാണ് ഹര്ജി നല്കിയത്.
എല്ലാത്തിനും കര്മം സാക്ഷിയായി ശബരിമലയില് അയ്യപ്പനിരിക്കുകയല്ലേ. അദ്ദേഹത്തിന് ഹിതകരമായിട്ടുള്ള തീരുമാനങ്ങളെടുത്താല് അവിടെ നിന്ന് സംരക്ഷണവുമുണ്ടാകും. ആ ധൈര്യത്തിലല്ലേ ഞാന് ജീവിക്കുന്നത് – കെ. ജയകുമാര് പറഞ്ഞു.
Read More
പ്രഭാത വാർത്തകൾ
ശബരിമല സ്വര്ണക്കൊള്ളക്കേസ്: സിപിഐഎം പ്രതിരോധത്തില്; ദേവസ്വത്തിന്റെ സമ്പത്ത് കാക്കാന് എ സമ്പത്ത് എത്തുമോ ?
കെ ജയകുമാര് തിരുവിതാംകൂര് ദേവസ്വം ബോര്ഡ് പ്രസിഡന്റ്; ഉത്തരവ് ഉടന് പുറത്തിറങ്ങും
ശബരിമല സ്വര്ണ്ണക്കൊള്ള; 2019 ല് കട്ടിള പാളി കൊണ്ടു പോയത് ബോര്ഡ് അറിഞ്ഞില്ലെന്ന വാദം നിലനില്ക്കില്ല; തെളിയിക്കുന്ന ദേവസ്വം ആക്ടിന്റെ പകര്പ്പ് പുറത്ത്
