തിരുവനന്തപുരം ∙ ഏജൻസികളിൽനിന്നു പാചകവാതകസിലിണ്ടർ വിതരണം 2 ദിവസത്തിൽ കൂടുതൽ വൈകിയാൽ ബുക്കിങ് റദ്ദാക്കുന്ന സംഭവങ്ങളിൽ വിശദീകരണം നൽകാതെ പാചകവാതക റീഫില്ലിങ് കമ്പനികൾ. എന്നാൽ, ബിപിസിഎൽ ഉപയോക്താക്കളുടെ ബുക്കിങ്ങുകൾ, വിതരണ ഏജൻസികൾ അറിയാതെ സെയിൽസ് ഓഫിസർമാർ നേരിട്ടു റദ്ദാക്കുന്നതായി ഏജൻസികളുമായി ബന്ധപ്പെട്ടവർ ‘മനോരമ’യോടു പറഞ്ഞു.
മൂന്നു തവണ വിതരണത്തിന് എത്തുമ്പോഴും ഉപയോക്താവിനെ കാണാതെ മടങ്ങേണ്ടിവരുന്ന സന്ദർഭങ്ങളിൽ മാത്രമാണ് ബുക്കിങ് റദ്ദാക്കാൻ അനുവാദമുള്ളത് എന്നാണ് ബിപിസിഎൽ അധികൃതർ നൽകുന്ന അനൗദ്യോഗിക വിശദീകരണം. വിതരണത്തിന് വീടുകളിൽ എത്തുമ്പോൾ ആളില്ലെങ്കിൽ രണ്ടോ മൂന്നോ അവസരങ്ങൾ വീട്ടുകാരുടെ അഭ്യർഥന പ്രകാരം നൽകാറുണ്ടെന്ന് ഏജൻസി പ്രതിനിധികൾ വിശദീകരിച്ചു. അതേസമയം, ഓണം പോലുള്ള ഉത്സവ സീസണുകളിൽ അനാവശ്യമായി കൂടുതൽ ബുക്കിങ് നടത്താൻ ഉപയോക്താക്കൾ നീക്കം നടത്തരുതെന്നു പാചകവാതക റീഫില്ലിങ് കമ്പനികളുടെ അധികൃതർ വ്യക്തമാക്കി
Read More
അമ്പലമുകൾ BPCL അപകടം; പുക ശ്വസിച്ചവർ ചികിത്സയിൽ തുടരുന്നു
‘ഓണകിറ്റിലെ ഏലയ്ക്ക ഗുണനിലവാരമുള്ളത് തന്നെ’; പ്രതിപക്ഷ ആരോപണം തള്ളി സപ്ലൈക്കോ
ലോകം എണ്ണയിൽ ‘കത്തുമ്പോൾ’ കോടികൾ വാരി യുഎസ് കമ്പനികൾ; ഇതിനായിരുന്നോ ട്രംപിന്റെ ഇറാൻ യുദ്ധം? കൂപ്പുകുത്തി ഇന്ത്യൻ കമ്പനികൾ
ഗുരുവായൂർ ക്ഷേത്രം: ഓഗസ്റ്റിലെ വെർച്വൽ ക്യൂ ബുക്കിങ് കഴിഞ്ഞു; 6നും 7നും രാത്രി ദർശന നിയന്ത്രണം
