അമേരിക്കയ്ക്ക് മുന്നറിയിപ്പുമായി ഇറാന്. കരയുദ്ധത്തിനു വന്നാല് ശത്രുസേനയില് ആരും ശേഷിക്കില്ലെന്ന് ഇറാന് കരസേനാ മേധാവി അമീര് ഹതാമി പറഞ്ഞു. ഇറാന് ദേശീയ മാധ്യമമായ ഐആര്ഐബിയോടാണ് അമീര് ഹതാമിയുടെ പ്രതികരണം. പശ്ചിമേഷ്യന് യുദ്ധത്തില് വിജയ പ്രഖ്യാപനവുമായി അമേരിക്കന് പ്രസിഡന്റ് ഡോണള്ഡ് ട്രംപ് രംഗത്തെത്തിയതിന് പിന്നാലെയാണ് ഇറാന്റെ മുന്നറിയിപ്പ്. ഇറാനെ തിരികെ ശിലായുഗത്തിലേക്ക് പറഞ്ഞയക്കുമെന്നായിരുന്നു അമേരിക്കയുടെ മുന്നറിയിപ്പ്. എന്നാല് സൈനിക നടപടി എന്ന് അവസാനിക്കുമെന്നതില് അവ്യക്തത തുടരുകയാണ്. (No Enemy Should Survive says Iran Army Chief)
അമേരിക്ക കരയുദ്ധത്തിന് മുതിര്ന്നാല് ശത്രുസേനയിലെ ഒരാള് പോലും അവശേഷിക്കില്ലെന്നാണ് ഇറാന്റെ ഭീഷണി. അമരിക്കന് സൈനികരുടെ ചലനങ്ങള് നിരീക്ഷിക്കുകയാണെന്നും അമേരിക്കന് ആക്രമണം നേരിടാന് ഇറാന് സൈന്യം സജ്ജരാണെന്നും ഹതാമി വ്യക്തമാക്കി. വിവിധ ആര്മി ഉദ്യോഗസ്ഥരുമായി ഹതാമി സംസാരിക്കുന്നതിന്റെ വിഡിയോയും പുറത്തെത്തിയിട്ടുണ്ട്. ഇറാന് ദേശീയ മാധ്യമമാണ് വിഡിയോ പുറത്തുവിട്ടത്.എന്നാല് ഇറാന് യുദ്ധത്തില് നിന്ന് ഉടന് പിന്മാറുമെന്നാണ് ഡോണള്ഡ് ട്രംപ് അവകാശപ്പെടുന്നത്. യുദ്ധം ആവശ്യമെങ്കില് തിരിച്ചുവരും. ഇറാന് യുദ്ധത്തില് സഹായിച്ചില്ലെങ്കില് നാറ്റോ സഖ്യത്തില് നിന്ന് പിന്മാറുന്നതിനെ കുറിച്ച് ആലോചിക്കുന്നതായി ട്രംപ് പറഞ്ഞു.
Read More
അമേരിക്കയുമായി ചര്ച്ചയ്ക്കില്ല; സമവായത്തിന് ഇറാന് മുന്കൈയെടുത്തെന്ന വാര്ത്ത തള്ളി ഇറാന് സുരക്ഷാ കൗണ്സില് സെക്രട്ടറി
ചര്ച്ചകള്ക്ക് ഇറാന് ആഗ്രഹിക്കുന്നു; വ്യവസ്ഥകള് പാലിച്ചാല് അതിന് തയാര്; ഡോണള്ഡ് ട്രംപ്
‘ഖമനയിയുടെ കൊലയാളികളെ വെറുതെ വിടില്ല, ചരിത്രത്തിലെ വലിയ തിരിച്ചടി നല്കും’; പ്രതികാരം ഉടന് ചെയ്യുമെന്ന് ഇറാന്
‘ ഇറാന് അയല്രാജ്യങ്ങളോട് ക്ഷമ ചോദിക്കേണ്ടി വന്നത് അമേരിക്കയുടെയും ഇസ്രായേലിന്റെയും നിരന്തരമായ ആക്രമണം കൊണ്ട്’; ഡോണള്ഡ് ട്രംപ്
