ഓപ്പറേഷന് സിന്ദൂര് 29ാം തിയതി പാര്ലമെന്റ് ചര്ച്ച ചെയ്യും; 16 മണിക്കൂര് സമയം അനുവദിച്ചു
ഓപ്പറേഷന് സിന്ദൂറിനെ കുറിച്ചുള്ള വിശദമായ ചര്ച്ച പാര്ലമെന്റില് ജൂലൈ 29ന് നടക്കും. 16 മണിക്കൂര് വിശദമായി വിഷയത്തില് ചര്ച്ച നടക്കും. പ്രധാനമന്ത്രി നരേന്ദ്രമോദി, കേന്ദ്ര ആഭ്യന്തരമന്ത്രി അമിത്ഷാ, പ്രതിരോധമന്ത്രി രാജ്നാഥ് സിങ് എന്നിവര് സംസാരിക്കുമെന്നാണ് ദേശീയമാധ്യമങ്ങള് റിപ്പോര്ട്ട് ചെയ്യുന്നത്. ബുധനാഴ്ച ചേര്ന്ന ബിസിനസ് ഉപദേശക സമിതി (ബിഎസി) യോഗത്തിലാണ് ചര്ച്ചയ്ക്ക് പ്രത്യേക സമയം അനുവദിക്കാന് തീരുമാനമായത്. രാജ്യസഭയില് ചര്ച്ച ആരംഭിക്കുന്നതിനുള്ള പ്രമേയം ബിജെപി നേതാവ് ഷാമിക് ഭട്ടാചാര്യയാണ് അവതരിപ്പിക്കുക. സര്വകക്ഷി യോഗത്തില് പഹല്ഗാം ഭീകരാക്രമണം, ഓപ്പറേഷന് സിന്ദൂര്,…