കോവിഡ് വ്യാപനത്തിൻ്റെ രൂക്ഷത ഉൾക്കൊണ്ട് ബത്തേരി നഗരസഭയിൽ ആഗസ്ത് 5 മുതൽ സെപ്തംബർ 5 വരെ ഏർപ്പെടുത്തിയ എല്ലാ നിയന്ത്രണങ്ങളും ഓണം പ്രമാണിച്ച് പിൻവലിച്ചു. ബത്തേരിയിൽ മുനിസിപ്പൽ അധികൃതർ ,ആരോഗ്യ വിഭാഗം ,പോലീസ് ,വ്യാപാരികൾ ,സംഘടനാ പ്രതിനിധികൾ തുടങ്ങിയവരുടെ സംയുക്ത യോഗത്തിലാണ് തീരുമാനം. കോവിഡ് വ്യാപനം മഴ കനക്കുന്നതോടെ കൂടാൻ സാധ്യത ഉണ്ടെന്ന ആരോഗ്യ വിഭാഗത്തിൻ്റെ കണ്ടെത്തലിനെ തുടർന്നുള്ള മുൻകരുതൽ എന്ന നിലയിലായിരുന്നു നിയന്ത്രണങ്ങൾ ഏർപ്പെടുത്താൻ യോഗം തീരുമാനിച്ചത് .വാഹനങ്ങൾ നിരത്തിലിറങ്ങുന്നതിനും, കടകൾ തുറക്കുന്നതിനും അടക്കുന്നതിനും വഴിയോര കച്ചവടങ്ങൾക്കും എല്ലാം നിയന്ത്രണങ്ങൾ ഏർപ്പെടുത്തിയിരുന്നു. എന്നാൽ ഓണം അടുത്തതോടെ ജനങ്ങൾക്കുണ്ടാകുന്ന ബുദ്ധിമുട്ടുകൾ മനസ്സിലാക്കിയാണ് നിയന്ത്രണങ്ങൾ പിൻവലിക്കാൻ സംയുക്ത യോഗത്തിൽ തീരുമാനിച്ചതെന്ന് നഗരസഭ ചെയർമാൻ ടി.എൽ സാബു പറഞ്ഞു. ജില്ലാ ഭരണകൂടത്തിൻ്റെയും ,ആരോഗ്യ വിഭാഗത്തിൻ്റെയും നിർദ്ദേശങ്ങൾ കർശനമായി പാലിക്കണമെന്നും നഗരസഭ ചെയർമാൻ പറഞ്ഞു.
Read More
കെ എസ് ആർ ടി സി സുൽത്താൻ ബത്തേരി ടൗൺ സർവ്വീസ് ആരംഭിക്കാൻ ആലോചന
സുൽത്താൻ ബത്തേരി സർവജന സ്കൂളിൽ കരിയർ ഗൈഡൻസ് വെബ്ബിനാർ ഈ മാസം 4 ന് നടക്കും
17 ജീവനക്കാർക്ക് കോവിഡ്: സുൽത്താൻ ബത്തേരി മലബാർ ട്രേഡിംഗ് കോർപ്പറേഷൻ്റെ ലൈസൻസ് നഗരസഭ റദ്ദാക്കി
ചെതലയം ഫ്ലാറ്റിന് തുരങ്കം വെച്ച സുൽത്താൻ ബത്തേരി മുൻസിപ്പൽ കൗൺസിലർ കണ്ണിയാൻ അഹമ്മദ് കുട്ടി രാജിവെക്കണമെന്ന് സി പി ഐ എം ബത്തേരി ലോക്കൽ കമ്മറ്റി വാർത്ത സമ്മേളനത്തിൽ ആവശ്യപ്പെട്ടു.