വിവാഹം കഴിഞ്ഞ് ഒരു മാസത്തിനുള്ളിൽ ഭർത്താവിനെ കൊല്ലാൻ ക്വട്ടേഷൻ നൽകിയ യുവതി തൂങ്ങിമരിച്ചു. ക്വട്ടേഷൻ പരാജയപ്പെടുകയും ഗുണ്ടകളെ പോലീസ് പിടികൂടുകയും ചെയ്തതോടെ താനും പിടിക്കപ്പെടുമെന്ന ഭയത്തിലാണ് യുവതി തൂങ്ങിമരിച്ചത്. തമിഴ്‌നാട് തേനി ജില്ലയിലെ കമ്പത്താണ് സംഭവം കമ്പം സ്വദേശിനി ഭൂവനേശ്വരി(21)ായാണ് തൂങ്ങിമരിച്ചത്. നവംബർ 10നാണ് ഗൗതം എന്ന 24കാരനുമായി ഇവരുടെ വിവാഹം കഴിഞ്ഞത്. പോലീസിൽ ചേരാൻ ഭുവനേശ്വരി പരിശീലനം കഴിഞ്ഞ് കാത്തിരിക്കുകയായിരുന്നു. എന്നാൽ ജോലിക്ക് വിടില്ലെന്ന നിലപാടിലായിരുന്നു ഗൗതമിന്. ഇതോടെയാണ് വിവാഹം കഴിഞ്ഞ് 22ാം ദിവസം തന്നെ…

കൊല്ലം ബൈപ്പാസിൽ കല്ലും താഴത്തുണ്ടായ വാഹനാപകടത്തിൽ ലോറി ഡ്രൈവർ മരിച്ചു. ലോറിയും ടിപ്പറുമാണ് കൂട്ടിയിടിച്ചത്. കൊല്ലം മൈലക്കാട് സ്വദേശി സുനിൽകുമാർ (46) ആണ് മരിച്ചത്. സുനിലിന്റെ ലോറിയുമായി കൂട്ടിയിടിച്ച ടിപ്പറിന്റെ ഡ്രൈവർക്കും ഗുരുതര പരുക്കുണ്ട്. പുലർച്ചെ 5 മണിയോടെയായിരുന്നു അപകടം ലോറിയുടെ ക്യാബിൻ വെട്ടിപ്പൊളിച്ചാണ് ഡ്രൈവർമാരെ പുറത്തെടുത്തത്.  

കൊവിഡ് വ്യാപനത്തിന്റെ പശ്ചാത്തലത്തിൽ ജനുവരി 31 വരെയുള്ള പാർട്ടിയുടെ എല്ലാ പൊതുപരിപാടികളും മാറ്റിവെച്ചതായി സിപിഐ സംസ്ഥാന സെക്രട്ടറി കാനം രാജേന്ദ്രൻ. കേന്ദ്രസർക്കാരിന്റെ കേരളത്തോടുള്ള അവഗണനക്കെതിരെ തിങ്കളാഴ്ച നടത്താനിരുന്ന മണ്ഡലതല ധർണയും ഒഴിവാക്കി കൊവിഡ് മാനദണ്ഡം പാലിച്ചുമാത്രമേ പാർട്ടിയുടെ സംഘടനാ പരിപാടികൾ നടത്താവൂ എന്നും പൊതുപരിപാടികൾ ഒഴിവാക്കണമെന്നും കാനം രാജേന്ദ്രൻ പാർട്ടി ഘടകങ്ങളോട് അഭ്യർഥിച്ചു. നേരത്തെ കോൺഗ്രസും ജനുവരി 31 വരെ പൊതുപരിപാടികളെല്ലാം റദ്ദാക്കിയിരുന്നു.

മലപ്പുറം താനൂരിൽ അച്ഛനും മകളും ട്രെയിൻ തട്ടി മരിച്ചു. തലക്കടത്തൂർ സ്വദേശി അസീസ്(42), മകൾ അജ്വ മർവ(10) എന്നിവരാണ് മരിച്ചത്. പാളം മുറിച്ചു കടക്കുന്നതിനിടെ മംഗലാപുരം-ചെന്നൈ എക്‌സ്പ്രസ് തട്ടിയാണ് അപകടമുണ്ടായത്. അസീസ് സംഭവ സ്ഥലത്ത് വെച്ച് തന്നെ മരിച്ചു. അജ്വ മർവ ആശുപത്രിയിൽ ചികിത്സക്കിടെയാണ് മരിച്ചത്.