വയനാട് മേപ്പാടിയിൽ ജനവാസ കേന്ദ്രത്തിലിറങ്ങിയ കാട്ടാനകളെ തിരികെ കാട്ടിലേക്ക് തുരത്തുന്നതിനായി റാപിഡ് റസ്‌ക്യു ടീം എത്തി. ചെമ്പ്രമലയുടെ താഴ് വര പ്രദേശങ്ങളിലെ ജനവാസ കേന്ദ്രത്തിലാണ് കാട്ടാനകൾ സ്ഥിരമായി ഇറങ്ങുന്നത്. ഏഴ് ആനകളാണ് ജനവാസ കേന്ദ്രത്തിലിറങ്ങിയത്. കാട്ടാനകളെ തുരത്താൻ കുങ്കിയാനകളെ എത്തിക്കുമെന്നായിരുന്നു വിവരം. എന്നാൽ കൂടുതൽ ആനകളുള്ളതിനാൽ കുങ്കിയാനകളെ എത്തിച്ചാൽ ശരിയാകില്ലെന്ന് വനം വകുപ്പ് ഉദ്യോഗസ്ഥർ അറിയിച്ചതിനെ തുടർന്നാണ് റാപിഡ് റസ്‌ക്യു ടീമിനെ എത്തിച്ചത്.

കൽപ്പറ്റ :മേപ്പാടി കുന്നംമ്പറ്റയിൽ കടകൾ കുത്തിത്തുറന്ന് മോഷണം. ഇന്നലെ രാത്രിയാണ് കുന്നമ്പറ്റയിലെ റോയൽ മെഡിക്കൽസിലും തൊട്ടടുത്ത മൊബൈൽ കടയിലും മോഷണം നടന്നത്. മെഡിക്കൽ ഷോപ്പിൽ നിന്ന് 85,000 രൂപ കളവു പോയിട്ടുണ്ട്. കടയുടമകൾ നൽകിയ പരാതിയുടെ അടിസ്ഥാനത്തിൽ മേപ്പാടി പോലീസ് അന്വേഷണം ആരംഭിച്ചു.മൊബൈൽ കട കുത്തിത്തുറന്നുവെങ്കിലും ഒന്നും നഷ്ടപ്പെട്ടിട്ടില്ല

സുൽത്താൻബത്തേരി നെന്മേനി ഗ്രാമ പഞ്ചായത്തിലെ വാർഡ് 16 ൽ പ്പെട്ട റോഡിൽ പഴപ്പിള്ളി ഫ്ലോർമിൽ മുതൽ വില്ലജ് ഓഫീസ് വരെയും ,മാടക്കര ചീരാൽ റോഡിൽ തുമ്പക്കുനി വരെയും, മാടക്കര പാലാകുനി റോഡിൽ പാലക്കുനി അംഗൻവാടി വരെയും, മാടക്കര തവ നി റോഡിൽ കരിവളം കോളനി വരെയുള്ള പ്രദേശങ്ങൾ മൈക്രോ കണ്ടയ്ൻമെൻ്റ് സോണായി ജില്ലാ കളക്ടർ പ്രഖ്യാപിച്ചു

  വയനാട് ജില്ലയില്‍ ഇന്ന് (14.10.21) 249 പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍.രേണുക അറിയിച്ചു. 411 പേര്‍ രോഗമുക്തി നേടി. 8 ആരോഗ്യ പ്രവര്‍ത്തകര്‍ ഉള്‍പ്പെടെ 246 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ജില്ലയിലെ ടെസ്റ്റ് പോസിറ്റിവിറ്റി റേറ്റ് 9. 23 ആണ്. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ എണ്ണം 121228 ആയി. 117640 പേര്‍ ഇതുവരെ രോഗമുക്തരായി. നിലവില്‍ 2865 പേരാണ് ജില്ലയില്‍ ചികിത്സയിലുള്ളത്. ഇവരില്‍ 2621 പേര്‍ വീടുകളിലാണ്…