സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകൻ ബിനീഷ് കോടിയേരിക്കെതിരെ എൻഫോഴ്‌സ്‌മെന്റ് ഡയറക്ടറേറ്റ് കേസെടുത്തു. കള്ളപ്പണം വെളുപ്പിക്കൽ നിരോധന നിയമപ്രകാരം കൊച്ചി ഇ. ഡി യൂനിറ്റാണ് കേസെടുത്തിരിക്കുന്നത്. ബിനീഷിന്റെ സ്വത്തുവകകൾ സംബന്ധിച്ച വിവരങ്ങൾ അറിയിക്കുന്നതിന് ഈ മാസം 11ന് കത്ത് നൽകിയിരുന്നു. ബിനീഷിനെതിരെ കേസെടുത്തതായും കത്തിൽ പറയുന്നുണ്ട്. ബിനീഷിന്റേതായി കണ്ടെത്തുന്ന ആസ്തിവകകൾ ഇ.ഡിയെ അറിയിക്കാതെ ക്രയവിക്രയം ചെയ്യാൻ പാടില്ലെന്ന് എൻഫോഴ്‌സ്‌മെന്റ് അസി. ഡയറക്ടർ രജിസ്‌ട്രേഷൻ വകുപ്പിന് നൽകിയ കത്തിൽ പറയുന്നു. നേരത്തെ ബിനീഷിനെ ഇ ഡി ചോദ്യം…

സംസ്ഥാനത്ത് ഇന്നും മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ഏഴ് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. തിരുവനന്തപുരം മുതൽ എറണാകുളം വരെയുള്ള ജില്ലകളിലും കാസർകോട്ടുമാണ് ഓറഞ്ച് അലർട്ടുള്ളത്. മറ്റ് ജില്ലകളിൽ യെല്ലോ അലർട്ടാണ് പ്രഖ്യാപിച്ചിട്ടുള്ളത്. യെല്ലോ അലർട്ടുള്ള ജില്ലകളിൽ അടക്കം റെഡ് അലർട്ടിന് സമാനമായ മുന്നൊരുക്കങ്ങൾ നടത്താനാണ് നിർദേശം. ഇന്ന് തെക്കൻ ജില്ലകളിലും നാളെ മധ്യ, വടക്കൻ ജില്ലകളിലും അതിതീവ്ര മഴയുണ്ടാകുമെന്നാണ് മുന്നറിയിപ്പ്.

യുഡിഎഫ് കൺവീനർ സ്ഥാനത്ത് നിന്ന് ഒഴിയാൻ താത്പര്യം പ്രകടിപ്പിച്ച് ബെന്നി ബെഹന്നാൻ. യുഡിഎഫ് നേതൃത്വത്തിന് ഇക്കാര്യം ചൂണ്ടിക്കാട്ടി കത്ത് നൽകിയതായി കൊച്ചിയിൽ നടത്തിയ വാർത്താ സമ്മേളനത്തിൽ ബെന്നി പറഞ്ഞു.   യുഡിഎഫ് നേതാക്കളുമായി അഭിപ്രായ വ്യത്യാസങ്ങളുണ്ടെന്ന് മാധ്യമ വാർത്തകൾ കുറച്ചു ദിവസങ്ങളായി വരുന്നു. ഇത്തരം അടിസ്ഥാനരഹിതമായ വാർത്തകളുടെ പുകമറയ്ക്കിടയിൽ ഈ സ്ഥാനത്ത് തുടരാൻ ആഗ്രഹിക്കുന്നില്ല. കേന്ദ്ര-സംസ്ഥാന സർക്കാരുകൾക്കെതിരെ ഒറ്റക്കെട്ടായി പോകുന്നതിനിടെ ഇത്തരത്തിലുള്ള ഒരു അപശബ്ദവും ഉണ്ടാകരുതെന്ന് ആഗ്രഹിക്കുന്നതു കൊണ്ടാണ് സ്ഥാനം ഒഴിയാൻ തീരുമാനിച്ചതെന്നും ബെന്നി ബെഹന്നാൻ പറഞ്ഞു.

  കൊവിഡ് ചികിത്സക്ക് മുറിവാടക നിരക്ക് സ്വകാര്യ ആശുപത്രികൾക്ക് നേരിട്ട് നിശ്ചയിക്കാമെന്ന ഉത്തരവ് ഹൈക്കോടതി തടഞ്ഞു. ആശുപത്രികൾക്ക് ചെറിയ ഇളവുകൾ നൽകുന്നതിൽ തെറ്റില്ല. എന്നാൽ സ്വകാര്യ ആശുപത്രികളുടെ ഇഷ്ടത്തിന് എല്ലാം വിട്ടു കൊടുക്കരുതെന്നും ഹൈക്കോടതി നിർദേശിച്ചു ഉത്തരവിൽ അവ്യക്തതയുണ്ടെന്ന് സർക്കാരും സമ്മതിച്ചു. ഉത്തരവിലെ അപാകതകൾ തിരുത്തി പുതിയ ഉത്തരവിറക്കുമെന്നും സർക്കാർ പറഞ്ഞു. കഴിഞ്ഞ ദിവസമാണ് കൊവിഡ് ചികിത്സക്ക് മുറിവാടക നിരക്ക് ആശുപത്രികൾക്ക് നേരിട്ട് നിശ്ചയിക്കാമെന്ന ഉത്തരവ് ആരോഗ്യവകുപ്പ് പുറത്തിറക്കിയത്. വാർഡ്, ഐസിയു, വെന്റിലേറ്റർ തുടങ്ങിയവയിലെ ചികിത്സാ നിരക്ക്…