ജനനായകന് സിനിമയുടെ പുതിയ അപ്ഡേറ്റുമായി തമിഴ്നാട് മുഖ്യമന്ത്രി സി ജോസഫ് വിജയ്. തന്റെ ഇന്സ്റ്റഗ്രാം പേജിലൂടെയാണ് ജനനായകന് എ സര്ട്ടിഫിക്കറ്റ് ലഭിച്ച പോസ്റ്റര് വിജയ് പങ്കുവച്ചത്. തമിഴ്നാട് മുഖ്യമന്ത്രി സി. ജോസഫ് വിജയ്യുടെ ‘ജനനായകന്’ എന്നാണ് സിനിമയുടെ ടൈറ്റിലില് എഴുതിയിരിക്കുന്നത്.
കഴിഞ്ഞ ദിവസമാണ് ചിത്രത്തിന് സെന്ട്രല് ബോര്ഡ് ഓഫ് ഫിലിം സര്ട്ടിഫിക്കേഷന് ലഭിച്ചത്. ഏഴ് മാസത്തെ കാത്തിരിപ്പിന് ശേഷമാണ് വിജയുടെ അവസാന ചിത്രം റിലീസിന് തയ്യാറെടുക്കുന്നത്. മൂന്ന് മണിക്കൂര് മൂന്ന് മിനിറ്റ് ദൈര്ഘ്യമുള്ളതാണ് ചിത്രം. സിബിഎഫ്സി നിര്ദേശിച്ച മാറ്റങ്ങള് എല്ലാം ഉള്പ്പെടുത്തിയാണ് ചിത്രം പുറത്തിറങ്ങുന്നത്. സിബിഎഫ്സി സര്ട്ടിഫിക്കറ്റ് നല്കാത്ത സാഹചര്യത്തില് ഹൈക്കോടതിയും സുപ്രീംകോടതിയും കയറിയിറങ്ങിയാണ് ചിത്രത്തിന് സെന്സര് സര്ട്ടിഫിക്കറ്റ് ലഭിച്ചത്. ജൂലൈ 24ന് ചിത്രം തീയറ്ററുകളില് എത്തുമെന്നാണ് സൂചന.
എച്ച്. വിനോദാണ് ചിത്രം സംവിധാനം ചെയ്തിരിക്കുന്നത്. അനിരുദ്ധ് സംഗീതമൊരുക്കുന്ന ചിത്രത്തിന്റെ ഛായാഗ്രഹണം നിര്വഹിക്കുന്നത് സത്യന് സോറിയാന് ആണ്. പ്രദീപ് ഇ. രാഘവ് എഡിറ്റിങ് കൈകാര്യം ചെയ്യുന്ന ചിത്രം നിര്മ്മിക്കുന്നത് കെ.വി.എന് പ്രൊഡക്ഷന്സ് ആണ്.
Read More
ജനനായകന് ഇന്ന് നിര്ണായകം; സെന്സര് ബോര്ഡ് സര്ട്ടിഫിക്കറ്റ് നല്കാത്തതിനെതിരെ നല്കിയ ഹര്ജിയില് ഇന്ന് വിധി
ജനനായകന് സെന്സര് സര്ട്ടിഫിക്കറ്റ് നല്കാനുള്ള തീരുമാനം; റിവൈസിങ് കമ്മിറ്റിയ്ക്ക് വിട്ടു
വിജയ് ബി ജെ പിയുമായി സഖ്യമുണ്ടാക്കുമോ ? തമിഴകത്തെ രാഷ്ട്രീയ നീക്കത്തില് കരുതലോടെ ഡി എം കെ
കൊവിഡ് മരണ സര്ട്ടിഫിക്കറ്റിന് നാളെ മുതല് അപേക്ഷിക്കാം; അപേക്ഷിക്കേണ്ടതെങ്ങനെ..?
