കെ കെ രമയെ പിന്തുണക്കുന്നത് ഉപാധികളില്ലാതെയെന്ന് മുല്ലപ്പള്ളി; പ്രതിപക്ഷ നേതാവ് അന്നം മുടക്കിയിട്ടില്ല

ഉപാധികളില്ലാതെയാണ് വടകരയിൽ കെ കെ രമയെ കോൺഗ്രസും യുഡിഎഫും പിന്തുണക്കുന്നതെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ. വടകരയിൽ ജയിക്കാമെന്നത് എൽ ഡി എഫിന്റെ ദിവാസ്വപ്‌നം മാത്രമാണെന്നും മുല്ലപ്പള്ളി പറഞ്ഞു

കെ കെ രമയ്‌ക്കൊപ്പം സംയുക്തമായി വിളിച്ചു ചേർത്ത വാർത്താ സമ്മേളനത്തിൽ സംസാരിക്കുകയായിരുന്നു മുല്ലപ്പള്ളി. പ്രതിപക്ഷ നേതാവ് ആരുടെയും അന്നം മുടക്കിയിട്ടില്ല. ആർഭാടവും ധൂർത്തും നടത്തുന്ന പിണറായിക്ക് ആക്ഷേപം ഉന്നയിക്കാൻ അർഹതയില്ല. പി ആർ ജോലികൾക്കായി ഈ സർക്കാർ ആയിരം കോടി ചെലവഴിച്ചുവെന്നും മുല്ലപ്പള്ളി ആരോപിച്ചു

സ്പീക്കർക്കെതിരായ സ്വപ്‌നയുടെ വെളിപ്പെടുത്തൽ ഒറ്റപ്പെട്ട സംഭവമല്ല. സ്ത്രീ സുരക്ഷ പറയുന്നവരുടെ പാർട്ടിയാണിതെന്ന് ഓർമ വേണം. മുഖ്യമന്ത്രിയെ കസ്റ്റഡിയിൽ എടുക്കാത്തത് കേന്ദ്ര ഏജൻസികളുടെ പിഴവാണ്. മുഖ്യമന്ത്രിയുമായി പരസ്യസംവാദത്തിന് തയ്യാറാണെന്നും മുല്ലപ്പള്ളി പറഞ്ഞു