വോട്ടർ പട്ടികയിലെ ഇരട്ട വോട്ടുകൾ കണ്ടെത്തുന്നതിനായി ബൂത്ത്തലത്തിൽ പരിശോധന ആരംഭിച്ചു. 30ന് മുമ്പ് നടപടികൾ പൂർത്തിയാക്കും. കലക്ടർമാർ നൽകുന്ന റിപ്പോർട്ടുകളുടെ അടിസ്ഥാനത്തിലാകും മുഖ്യ തെരഞ്ഞെടുപ്പ് ഓഫീസർ തുടർ നടപടി സ്വീകരിക്കുക
പേര് ഒന്നിലധികം തവണ ഉൾപ്പെടുകയോ ഒന്നിലധികം തിരിച്ചറിയൽ കാർഡുകൾ ലഭിക്കുകയോ ചെയ്തിട്ടുണ്ടെങ്കിൽ നടപടി കർശനമാക്കണമെന്ന് തെരഞ്ഞെടുപ്പ് കമ്മീഷൻ മുഖ്യ തെരഞ്ഞെടുപ്പ് ഓഫീസറോട് ആവശ്യപ്പെട്ടിട്ടുണ്ട്. ഉദ്യോഗസ്ഥർ ബോധപൂർവം വീഴ്ച വരുത്തിയതാണെങ്കിൽ പ്രോസിക്യൂഷൻ അടക്കമുള്ള നടപടിയുണ്ടാകും
തെരഞ്ഞെടുപ്പ് പൂർത്തിയാകുന്നതുവരെ പട്ടികയിൽ നിന്ന് പേര് നീക്കം ചെയ്യുക സാധ്യമല്ല. കണ്ടെത്തിയ ഇരട്ട വോട്ടുകളിലും ഒന്നിലധികം മണ്ഡലങ്ങളിൽ ഒരാൾക്ക് വോട്ടുള്ളതിലും ഒറ്റ വോട്ട് മാത്രമേ രേഖപ്പെടുത്തുന്നുള്ളുവെന്ന് ഉറപ്പാക്കാനുള്ള ശ്രമമാണ് നടക്കുന്നത്.
