Wayanad

സുൽത്താൻ ബത്തേരി: മാടക്കര മരുതുങ്കൽ മാമുക്കോയ (56) നിര്യാതനായി. ഭാര്യ -സൗദ മക്കൾ -ഷാഹിൻ, ഷെഫീൻ, ഷബ്‌ന മരുമകൻ: ഹബീബ് ഖബറടക്കം ഇന്ന് 4 മണിക്ക് മാക്കര ജുമാമസ്ജിദ് ഖബർ സ്ഥാനിൽ

സുൽത്താൻ ബത്തേരി:കൊവിഡ് വ്യാപനം ഉണ്ടോ എന്നറിയാൻ; സുൽത്താൻ ബത്തേരി , ബീനാച്ചി, ചെതലയം പ്രദേശങ്ങളിൽ വെച്ച് ഇന്ന് 200-ഓളം പേർക്ക് ആന്റിജൻ ടെസ്റ്റ് നടത്തും. ഒരിടവേളക്ക് ശേഷം ജില്ലയിൽ കൊവിഡ് ആശങ്ക ശക്തമാകുകയാണ്. ബത്തേരിയിലെ സൂപ്പർ മാർക്കറ്റ് കേന്ദ്രീകരിച്ചും വാളാട് മരണാനന്തര ചടങ്ങുകളിൽ പങ്കെടുത്തവരിലുമാണ് രോഗം പടർന്ന് പിടിക്കുന്നത്. ബത്തേരി ലാർജ്ജ് ക്ലസ്റ്ററാകാൻ സാധ്യതയുണ്ടെന്ന് മുഖ്യമന്ത്രി ഇന്നലെ മുന്നറിയിപ്പ് നൽകിയിരുന്നു. ബത്തേരിയിലെ മലബാർ ട്രേഡിംഗ് കമ്പനിയിലെ ജീവനക്കാർക്കാണ് ഇതിനോടകം രോഗം സ്ഥിരീകരിച്ചത്. ഇവരുടെ സമ്പർക്ക പട്ടികയിൽ 300ൽ…

സുൽത്താൻ ബത്തേരി:മലബാർ ട്രേഡിംഗ് കോർപ്പറേഷനുമായി ബന്ധപ്പെട്ട് വ്യാപനമുണ്ടോ എന്ന ആശങ്കയിൽ മടക്കര, താഴത്തൂർ, കൊഴുവണ പ്രദേശങ്ങളിലെ 7 – ഓളം കടകൾ ആടക്കാൻ ആരോഗ്യ വകുപ്പ് നിർദേശം നൽകി മാടക്കരയിൽ 4, താഴത്തൂർ 1, കൊഴുവണ 2 പ്രദേശങ്ങളിലെ കടകൾ അടച്ചിടാനാണ് നിർദേശം. ഈ കടയിലേ ജീവനക്കാരോട് സ്വയം നിരീക്ഷണത്തിലിരിക്കാൻ ആരോഗ്യ വകുപ്പ് നിർദ്ദേശം നൽകിയിട്ടുണ്ട്.

സുൽത്താൻ ബത്തേരി : ബത്തേരി പട്ടണത്തിൽ കൊവിഡ് 19 പോസിറ്റീവ് സ്ഥിരികരിച്ചവരുടെ സമ്പർക്കത്തിൽപ്പെട്ട മൂന്ന് പേർക്കുകൂടി ഇന്നലെ രോഗം സ്ഥിരികരിക്കുകയുണ്ടായി. ഇതോടെ ബത്തേരി പട്ടണത്തിലെ മൊത്ത പലചരക്ക് കടയായ മലബാർ ട്രേഡിംഗ് കമ്പനിയിലെ തൊഴിലാളികളിൽ നിന്ന് സമ്പർക്കത്തിലൂടെ രോഗം പിടിപ്പെട്ടവരുടെ എണ്ണം 21 ആയി ഉയർന്നു. രോഗവ്യാപനം കൂടുതലായ സാഹചര്യത്തിൽ ബത്തേരിയിൽ ജാഗ്രത ശക്തമാക്കി . ബത്തേരി സർവ്വജന ഹൈസ്‌കൂളിൽ നടന്ന മൊബൈൽ മെഡിക്കൽ ടീമിന്റെ ആന്റിജൻ പരിശോധനയിലാണ് ഒരു മൂന്ന് വയസുകാരൻ ഉൾപ്പെടെ മൂന്ന് പേർക്ക്…

സുൽത്താൻ ബത്തേരിയിൽ കച്ചവട സ്ഥാപനങ്ങളുടെ പ്രവർത്തന സമയം നിചപ്പെടുത്തി. അവശ്യസാധനങ്ങൾ ഉൾപ്പടെ വിൽപ്പന നടത്തുന്ന എല്ലാ സ്ഥാപനങ്ങളുടെയും പ്രവർത്തന സമയം, കൊവിഡ് പ്രതിസന്ധി കഴിയുന്നത് വരെ രാവിലെ 9 മണി മുതൽ വൈകിട്ട് 5 മണി വരെയായി നിചപ്പെടുത്തിയതായി വ്യാപാരി വ്യവസായി ഏകോപന സമിതി ബത്തേരി യൂണിറ്റ് പ്രസിഡണ്ട് അറിയിച്ചു. മെഡിക്കൽ ഷോപ്പുകൾ വൈകിട്ട് 7 മണി വരെ പ്രവർത്തിക്കുമെന്നും ഭാരവാഹികൾ അറിയിച്ചു.

അമ്പലവയൽ ഗ്രാമപഞ്ചായത്തിലെ 5, 6, 7, 13 വാര്‍ഡുകള്‍ കണ്ടെയ്ന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു.

സുൽത്താൻ ബത്തേരി:വയനാട് ജില്ലയിലെ സുല്‍ത്താന്‍ ബത്തേരി ലാര്‍ജ് കമ്യൂണിറ്റി ക്ലസറ്ററാവാനുള്ള സാധ്യത നിലനില്‍ക്കുകയാണ്. ഇവിടെ ഒരു വലിയ വ്യാപാര സ്ഥാപനത്തിലെ 15 പേര്‍ക്കാണ് കോവിഡ് സ്ഥിരീകരിച്ചത്. ഈ സ്ഥാപന ജീവനക്കാരുമായുള്ള സമ്പര്‍ക്കത്തില്‍ 300ലധികം പേര്‍ വരുമെന്നാണ് കണക്കു കൂട്ടുന്നത്. ഇവരെയെല്ലാം കണ്ടെത്തി അടിയന്തരമായി പരിശോധന നടത്തി വരികയാണിപ്പോള്‍. വാളാട് ഒരു കുടുംബത്തിലെ എട്ട് പേര്‍ക്കാണ് കോവിഡ് സ്ഥിരീകരിച്ചത്. ഇവിടെ സമ്പര്‍ക്കത്തിലുള്ള 110 പേരുടെ സാമ്പിള്‍ പരിശോധന നടത്തുന്നുണ്ട്.

സുൽത്താൻ ബത്തേരിയിൽ പ്രവർത്തിക്കുന്ന മലബാർ ട്രേഡിംഗ് കമ്പനിയുടെ ലൈസൻസ് ബത്തേരി നഗരസഭ റദ്ദാക്കിയിരിക്കുന്നു. കേരള പകർച്ചവ്യാധി നിയന്ത്രണ ഓർഡിനൻസ് ലംഘിക്കും വിധം കച്ചവടം നടത്തിയതായി പ്രാഥമിക അന്വേഷണത്തിൽ ബോധ്യപ്പെട്ടതുകൊണ്ടുംസ്ഥാപനത്തിൽ വേണ്ട മുൻകരുതൽ നിർദ്ദേശളും മാനദണ്ഡങ്ങളും പാലിക്കാതെ കച്ചവടം നടത്തിയതായും കണ്ടെത്തിയതിനാലാണ് ലൈസൻസ് റദ്ദാക്കുന്നതെന്ന് ചെയർമാൻ റ്റി എൽ സാബു പറഞ്ഞു.

തവിഞ്ഞാല്‍ പഞ്ചായത്തിലെ എല്ലാ വാര്‍ഡുകളും കണ്ടെയ്ന്‍മെന്റ് സോണായി ജില്ലാ കലക്ടര്‍ പ്രഖ്യാപിച്ചു. വാളാട് സമ്പര്‍ക്ക വ്യാപനം: മരണാനന്തര- വിവാഹ ചടങ്ങുകളില്‍ പങ്കെടുത്ത എല്ലാവരും ബന്ധപ്പെടണം തവിഞ്ഞാല്‍ പഞ്ചായത്തിലെ വാളാട് സമ്പര്‍ക്ക വ്യാപനത്തിന് കാരണമായ മരണാനന്തര ചടങ്ങിലും വിവാഹ ചടങ്ങിലും പങ്കെടുത്ത എല്ലാവരും നിര്‍ബന്ധമായും ബന്ധപ്പെട്ട പ്രാഥമികാരോഗ്യ കേന്ദങ്ങളില്‍ റിപ്പോര്‍ട്ട് ചെയ്യണമെന്ന് ജില്ലാ കലക്ടര്‍ ഡോ. അദീല അബ്ദുള്ള അറിയിച്ചു. രണ്ട് ചടങ്ങുകളിലും പങ്കെടുത്ത എല്ലാവരെയും അടിയന്തര പരിശോധനയ്ക്ക് വിധേയമാക്കേണ്ടതുണ്ടെന്നും ആരും റിപ്പോര്‍ട്ട് ചെയ്യാതിരിക്കരുതെന്നും കലക്ടര്‍ അഭ്യര്‍ഥിച്ചു.

കൽപ്പറ്റ:വയനാട് ജില്ലയില്‍ ഇന്ന് 17 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു. 15 പേര്‍ക്ക് സമ്പര്‍ക്കത്തിലൂടെയാണ് രോഗബാധ. രണ്ട് പേര്‍ ഇതര സംസ്ഥാനങ്ങളില്‍ നിന്ന് വന്നവരാണ്. 49 പേര്‍ രോഗമുക്തി നേടി. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 401 ആയി. ഇതില്‍ 251 പേര്‍ രോഗമുക്തരായി. ഒരാള്‍ മരണപ്പെട്ടു. നിലവില്‍ 149 പേരാണ് ചികില്‍സയിലുളളത്. ഇതില്‍ ജില്ലയില്‍ 141 പേരും കോഴിക്കോട് മെഡിക്കല്‍ കോളേജില്‍ ഏഴും എറണാകുളത്ത് ഒരാളും ചികിത്സയില്‍ കഴിയുന്നു….