Top News

  സിജെപി പ്രതിഷേധത്തെ പിന്തുണച്ച് ശശി തരൂർ എംപിയുടെ തുറന്ന കത്ത്. വിദ്യാർത്ഥികളുടെ രോഷം സ്വാഭാവികം. ചോദ്യപേപ്പർ ചോർച്ചയിലൂടെ തകരുന്നത് സാധാരണക്കാരുടെ സ്വപനം. സോനം വാങ്ചുക്ക് നിരാഹാരം അവസാനിപ്പിക്കണമെന്ന് ശശി തരൂർ അഭ്യർത്ഥിച്ചു. രാജ്യത്തിന്റെ മനസ്സാക്ഷി ഉണർത്തുകയെന്ന ലക്ഷ്യം പൂർത്തിയാക്കി. രാഷ്ട്രീയക്കാരനോ പാർലമെന്റംഗമോ ആയല്ല, മറിച്ച് യുവതലമുറ നേരിടുന്ന പ്രതിസന്ധികളിൽ ആഴത്തിൽ അസ്വസ്ഥനായ ഒരാളെന്ന നിലയ്ക്കാണ് ഈ കത്തെന്ന് സമരക്കാരെ അഭിസംബോധനചെയ്തുകൊണ്ട് തരൂർ വ്യക്തമാക്കി.     An Open Letter to the Jantar Mantar…

  കാസർഗോഡ് ജനറൽ ആശുപത്രിയിൽ ശസ്ത്രക്രിയയ്ക്കിടെ 9 വയസ്സുകാരൻ മരിച്ചു. ബേഡകം സ്വദേശി അഷ്‌റഫിന്റെ മകൻ ഇയാസ് ആണ് മരിച്ചത്. ഉദരസംബന്ധമായ അസുഖത്തെ തുടർന്നാണ് കുട്ടിയെ ആശുപത്രിയിൽ പ്രവേശിപ്പിച്ചത്.ശസ്ത്രക്രിയക്കിടെ കുട്ടിക്ക് ഹൃദയാഘാതമുണ്ടായതായാണ് ആശുപത്രി അധികൃതർ കുടുംബത്തെ അറിയിച്ചത്.     മരണശേഷമാണ് വിവരം കുടുംബത്തെ അറിയിച്ചതെന്ന് കുടുംബം മാധ്യമങ്ങളോട് പ്രതികരിച്ചു. കാസർകോട് ഗവ. ജനറൽ ആശുപത്രിയിൽ ഇന്ന് രാവിലെയായിരുന്നു ശസ്ത്രക്രിയ. കുണ്ടം കുഴി ഗവൺമെന്റ് സ്‌കൂളിലെ 4-ാം ക്ലാസ് വിദ്യാർത്ഥിയാണ് മുഹമ്മദ് ഇയാസ്. സംഭവത്തിൽ പൊലീസ് കേസെടുത്തു….

  കേരളാ വഖഫ് ബോർഡിന്റെ പ്രവർത്തനം താത്കാലികമായി മരവിപ്പിച്ച് ഹൈക്കോടതി. ബിജെപി സംസ്ഥാന ഉപാധ്യക്ഷൻ അഡ്വ. ഷോൺ ജോർജ് ഉൾപ്പെടെ നൽകിയ പൊതു താൽപ്പര്യ ഹർജിയിലാണ് നടപടി. താത്കാലികമായി മരവിപ്പിച്ച് ഇടക്കാല ഉത്തരവ് പുറപ്പെടുവിച്ചു. വഖഫ് നിയമത്തിലെ ചട്ടം (40 ) പ്രകാരമല്ല പ്രവർത്തനമെന്ന് വിലയിരുത്തൽ.     ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് ഉത്തരവ്. ഭരണഘടന വിരുദ്ധമായ പ്രവർത്തങ്ങൾ അടക്കം ആരോപിച്ചായിരുന്നു ഹർജികൾ കേസിൽ ഇനിയൊരു ഉത്തരവ് ഉണ്ടാകും വരെ വഖഫ് ബോർഡ് നടപടികൾ നിർത്തിവെക്കണം….

  കടയിൽ ഭക്ഷണം എത്തിയ്ക്കാൻ വൈകി. തമിഴ്നാട്ടിൽ യുവാവ് ഭാര്യയെ ആശുപത്രിയിൽ കയറി വെട്ടിക്കൊലപ്പെടുത്തി. തിരുച്ചിറപ്പള്ളി ധീരൻനഗർ സ്വദേശി കവിതയാണ് കൊല്ലപ്പെട്ടത്. ഭർത്താവ് സമ്പത്ത് കുമാറിനെ ഉറയൂർ പൊലിസ് അറസ്റ്റ് ചെയ്തു.പാൻ ഷോപ്പ് നടത്തുന്നയാളാണ് സമ്പത്ത് കുമാർ. എല്ലാ ദിവസവും ഭാര്യ കവിതയാണ് ഉച്ചയ്ക്ക് ഭക്ഷണം കൊണ്ടുപോയി നൽകുന്നത്.     ഇന്ന് ഭക്ഷണം എത്തിക്കാൻ വൈകി ഇത് ചോദിക്കാൻ വീട്ടിലെത്തിയ സമ്പത്ത് ഭാര്യയെ ഇരുമ്പ് വടി കൊണ്ട് തലയ്ക്കടിച്ചു ക്രൂരമായി മർദിച്ചു. ശേഷം കവിതയുടെ വീട്ടിൽ…

  കൂടല്‍ വ്യാജ പീഡന പരാതിക്കേസില്‍ നീതി ലഭിച്ചില്ലെന്ന് പൊലീസ് അതിക്രമത്തിനിരയായ 20 കാരന്‍. മര്‍ദനത്തിന് നേതൃത്വം നല്‍കിയ കോന്നി സിഐക്കെതിരെ നടപടി എടുത്തില്ലെന്നും നീതി വൈകിയാല്‍ ഡിവൈഎസ്പി ഓഫീസിന് മുന്നില്‍ സമരം നടത്തുമെന്നും കുടുംബം പറഞ്ഞു.     വ്യാജപരാതിയില്‍ 20കാരനെയും പ്രായപൂര്‍ത്തികാത്ത സഹോദരനെയുമാണ് പൊലീസ് വേട്ടയാടിയത്. യുവാവിനെതിരെ പോക്‌സോ കേസ് എടുത്ത ശേഷമായിരുന്നു പൊലീസ് മര്‍ദ്ദനം. പരാതി വ്യാജമാണെന്ന് വ്യക്തമായിട്ടും നീതി ലഭിച്ചില്ലെന്ന നിലപാടിലാണ് 20കാരനും ബന്ധുകളും. കൂടല്‍ എസ്‌ഐ അന്വേഷണ വിധേയമായി സ്ഥലംമാറ്റിയത്…

  ലഹരിക്കെതിരായ സംസ്ഥാന സര്‍ക്കാരിന്റെ പോരാട്ടത്തിന് പിന്തുണയുമായി തമിഴ്‌നാട് മുഖ്യമന്ത്രി സി ജോസഫ് വിജയ് കേരളത്തിലേക്ക്. കൊച്ചിയില്‍ മോഹന്‍ലാലിനൊപ്പം പരിപാടിയില്‍ സി ജോസഫ് വിജയ് പങ്കെടുക്കുമെന്ന് ആഭ്യന്തരമന്ത്രി രമേശ് ചെന്നിത്തല പറഞ്ഞു. തൂഫാന്‍ ദ നാര്‍കോ ഹണ്ടിന് സി ജോസഫ് വിജയ് പൂര്‍ണപിന്തുണ അറിയിച്ചു. ചെന്നൈയില്‍ സി ജോസഫ് വിജയ്യുമായുള്ള കൂടിക്കാഴ്ചയ്ക്ക് ശേഷമായിരുന്നു രമേശ് ചെന്നിത്തലയുടെ പ്രതികരണം.     സി ജോസഫ് വിജയുമായി അരമണിക്കൂറിലേറെ നേരെ സംസാരിച്ചുവെന്ന് രമേശ് ചെന്നിത്തല പറഞ്ഞു. കാര്യങ്ങള്‍ ചര്‍ച്ച ചെയ്തു….

  ഒരുപോലെ കരുത്തരായ ഫ്രാന്‍സ്- സ്‌പെയിന്‍ സൂപ്പര്‍ സെമി ഡാലസ് സ്റ്റേഡിയത്തില്‍ തീപാറിച്ചപ്പോള്‍, ഗോട്ട് എന്ന് വിളിക്കാവുന്ന എംബാപ്പെയ്ക്ക് അടിപതറിയപ്പോള്‍, സ്പാനിഷ്പ്പട പൊളിച്ചടുക്കിയപ്പോള്‍ അതിനെല്ലാം നേര്‍സാക്ഷിയായി ഡാലസ് സ്‌റ്റേഡിയത്തില്‍ മലയാളത്തിന്റെ ഗോട്ടുമുണ്ടായിരുന്നു. സ്‌റ്റേഡിയത്തിലിരുന്ന് ഭാര്യയ്ക്കും സ്റ്റീഫന്‍ ദേവസ്സിയ്ക്കുമൊപ്പം കളികാണാനിരിക്കുന്ന മോഹന്‍ലാലിന്റെ ചിത്രങ്ങള്‍ ഇന്‍സ്റ്റഗ്രാമില്‍ തരംഗം സൃഷ്ടിക്കുകയാണ്. വന്‍ മലയാളി സാന്നിധ്യമുണ്ടായിരുന്ന സ്‌റ്റേഡിയത്തില്‍ ലാലേട്ടന്റെ സാന്നിധ്യം ഇരട്ടിഓളമുണ്ടാക്കി. (Mohanlal watches France vs Spain World Cup semi-final in Dallas)     മോഹന്‍ലാല്‍, ഭാര്യ സുചിത്ര,…

  ഫിഫ ലോകകപ്പില്‍ ഫൈനല്‍ ബെര്‍ത്ത് ഉറപ്പിക്കാന്‍ അര്‍ജന്റീനയും ഇംഗ്ലണ്ടും ഇന്ന് മുഖാമുഖം വരികയാണ്. ലോകകിരീടം നിലനിര്‍ത്തുന്ന മൂന്നാമത്തെ രാജ്യമെന്ന ചരിത്ര നേട്ടത്തിലേക്ക് കുതിക്കുക്കുകയാണ് അര്‍ജന്റീന. 1966ന് ശേഷം സ്വര്‍ണക്കപ്പ് തിരികെ വീട്ടിലെത്തിക്കാനാണ് ഇംഗ്ലണ്ടിന്റെ ശ്രമം. വെറുമൊരു മത്സരത്തിനപ്പുറം രാഷ്ട്രീയവും യുദ്ധവും പ്രതികാരവുമെല്ലാം സമ്മിശ്രം ചാലിച്ച ക്ലാസിക് പോര് തന്നെയാകുമിത്. അറ്റ്‌ലാന്റയില്‍ ഇന്ന് തീപാറുമെന്ന് ഉറപ്പ്.     നിര്‍ണായക പോരാട്ടത്തിന് കളമൊരുങ്ങുമ്പോള്‍ അര്‍ജന്റീനക്ക് അനുകൂലമായി ചില തീരുമാനങ്ങള്‍ ഫിഫയുടെ ഭാഗത്ത് നിന്ന് ഉണ്ടായിരിക്കുകയാണെന്ന ആക്ഷേപം ആരാധകരുടെ…

  മഹാരാഷ്ട്രയിലെ ധാരാശിവ് ജില്ലയിലുള്ള ഭൂം താലൂക്കില്‍ നടന്ന വ്യാജപ്പാല്‍ നിര്‍മ്മാണവുമായി ബന്ധപ്പെട്ട് പൊലീസും ഫുഡ് ആന്‍ഡ് ഡ്രഗ് അഡ്മിനിസ്‌ട്രേഷനും നടത്തിയ അന്വേഷണത്തില്‍ ഞെട്ടിക്കുന്ന വിവരങ്ങളാണ് പുറത്തുവന്നിരിക്കുന്നത്. ജനങ്ങളുടെ ആരോഗ്യത്തെ ഗുരുതരമായി ബാധിക്കുന്ന ഈ തട്ടിപ്പില്‍ വന്‍ തോതിലുള്ള വ്യാജപ്പാല്‍ വിപണിയില്‍ എത്തിയതായാണ് കണ്ടെത്തല്‍. (Detergent, palm oil used to make fake milk in Maharashtra)     കഴിഞ്ഞ ആറ് മാസത്തിനിടെ ഭൂം താലൂക്കില്‍ ഏകദേശം 2.3 കോടിയിലധികം ലിറ്റര്‍ വ്യാജപ്പാല്‍ വിറ്റഴിച്ചതായാണ്…

  സിപിഐക്കെതിരായ വിമര്‍ശനത്തില്‍ ആര്‍ജെഡിക്കും ഐഎന്‍എല്ലിനും മറുപടിയുമായി സംസ്ഥാന സെക്രട്ടറി ബിനോയ് വിശ്വം. എല്‍ഡിഎഫ് ഉണ്ടാക്കിയ പാര്‍ട്ടിയാണ് സിപിഐ എന്നാണ് പ്രതികരണം. പ്രതിപക്ഷ ഉപനേതാവ് സ്ഥാനം അടഞ്ഞ അധ്യായമല്ലെന്നും പദവി കിട്ടുമെന്ന കാര്യത്തില്‍ ഒരു സംശയമില്ലെന്നും ബിനോയ് വിശ്വം പറഞ്ഞു.     മുന്നണി ഇല്ലാതാക്കാന്‍ ഒരിക്കലും സിപിഐ ഒന്നും ചെയ്യില്ലെന്ന് അദ്ദേഹം പറഞ്ഞു. ഈ മുന്നണി സിപിഐ ഉണ്ടാക്കിയതാണ്. അത് ആര്‍ജെഡിക്കുമറിയാം. ആര്‍ജെഡി, ഐഎന്‍എല്‍ അടക്കം എല്ലാ പാര്‍ട്ടകളോടും ഏറ്റവും കൂടുതല്‍ സൗഹാര്‍ദ ബന്ധം സിപിഐക്കുണ്ട്….