Top News

ജമ്മു കശ്മീർ: കുൽഗാമിലെ ഭീകരാക്രമണത്തിൽ തിരച്ചിൽ അഞ്ചാം ദിവസത്തിൽ. ഭീകര സംഘടനയായ ലഷ്‌കർ-ഇ-തൊയ്ബയുടെ പങ്ക് എൻഐഎ പരിശോധിച്ചു വരികയാണ്. ബുള്ളറ്റ് പ്രൂഫ് ജാക്കറ്റുകൾ പോലും തുളച്ചുകയറാൻ ശേഷിയുള്ള പ്രത്യേക വെടിയുണ്ടകളാണ് ഭീകരർ ഉപയോഗിച്ചതെന്ന് അന്വേഷണത്തിൽ വ്യക്തമായി. ബൈക്കിലാണ് അക്രമികൾ എത്തിയതെന്ന പ്രാഥമിക നിഗമനം സുരക്ഷാ ഏജൻസികൾ തള്ളി. സമീപത്തെ ചതുപ്പുനിലത്തിലൂടെയും മരങ്ങൾക്കിടയിലൂടെയും കാൽനടയായെത്തിയ ഭീകരർ വെടിയുതിർത്ത ശേഷം വനമേഖലയിലേക്ക് രക്ഷപ്പെടുകയായിരുന്നുവെന്ന് കണ്ടെത്തി. ഡ്രോണുകളും ഡോഗ് സ്ക്വാഡും ഉൾപ്പെടെയുള്ള സന്നാഹങ്ങളുമായി ഉപയോഗിച്ചാണ് പരിശോധന. സംഭവത്തിൽ പ്രദേശവാസികളായ 500 ഓളം…

തിരുവനന്തപുരം: ചാല സ്വർണ കവർച്ചയിൽ വയനാട്ടിൽ പിടിയിലായ പ്രതികളുമായി പൊലീസ് സംഘം തിരുവനന്തപുരത്തേക്ക്. മൂന്നുപേരുമായാണ് അന്വേഷണ സംഘം തിരിച്ചത്. കസ്റ്റഡിയിലെടുത്ത നാലാമൻ, റിസോർട്ട് ജീവനക്കാരനായ രാജീവിനെ നോട്ടീസ് നൽകി വിട്ടയച്ചു. സംഘത്തിൽ പ്രധാനിയെന്ന് കരുതുന്ന ഒരാൾക്കായി അന്വേഷണം തുടരുകയാണ്. അഞ്ച് പേരാണ് അറസ്റ്റിലായത്. അനൂപ്,അനിൽ,വിനോദ്,അമുൽ,ദിലീപ് എന്നിവരാണ് പിടിയിലായത്. വാഹനത്തിൽ നിന്നും ഓടി രക്ഷപെട്ട സ്രാവൺ എന്നയാൾക്കായാണ് തിരച്ചിൽ തുടരുന്നത്. 400 ഗ്രാം സ്വർണ്ണവും കണ്ടെത്തി. തിരുവനന്തപുരത്ത് പിടിയിലായ രണ്ട് പേരുടെ കേസിലെ പങ്കാളിത്തം പൊലീസ് പരിശോധിക്കുകയാണ്. സ്വർണ്ണം…

തിരുവനന്തപുരം: KMSCL തലപ്പത്തേക്ക് വരാൻ ഐഎഎസ് ഉദ്യോഗസ്ഥർക്ക് താല്പര്യക്കുറവ്. ചുമതല ഏൽപ്പിക്കുന്ന ഉദ്യോഗസ്ഥരാരും ഏറ്റെടുക്കാൻ തയ്യാറാകുന്നില്ല. സ്ഥാപനത്തിന്റെ സാമ്പത്തിക ബാധ്യതയും അന്വേഷണം നടക്കുന്നതുമാണ് ഉദ്യോഗസ്ഥരെ സ്ഥാനമേറ്റെടുക്കുന്നതിൽ പിന്നോട്ടടിക്കുന്നത്. മാസങ്ങളായി കേരള മെഡിക്കൽ സർവീസസ് കോർപ്പറേഷൻ തലപ്പത്ത് ആരുമില്ല. പുതിയ മാനേജിങ് ഡയറക്ടറെ നാളെ തീരുമാനിച്ചേക്കും. യുഡിഎഫ് സർക്കാർ അധികാരത്തിൽ വന്നതിനുശേഷം KMSCL മാനേജിംഗ് ഡയറക്ടർ സ്ഥാനത്തേക്ക് നിയമിച്ച ആരും സ്ഥാനമേറ്റെടുത്തില്ല. ഡി ബാലമുരളിയും അസൗകര്യം സർക്കാരിനെ അറിയിച്ചു. വിവാദങ്ങളുടെ പശ്ചാത്തലത്തിലാണ് ഡി ബാലമുരളിയെ സ്ഥാനത്തു നിന്ന് മാറ്റാൻ…

മുളന്തുരുത്തി (എറണാകുളം) ∙ ആദ്യ മുളന്തുരുത്തി സുന്നഹദോസിനു നേതൃത്വം നൽകിയ പരിശുദ്ധ ഇഗ്നാത്തിയോസ് പത്രോസ് തൃതീയൻ പാത്രിയർക്കീസ് ബാവായെ വിശുദ്ധനായി പ്രഖ്യാപിക്കുന്നതിനുള്ള നടപടികൾക്ക് എപ്പിസ്കോപ്പൽ സുന്നഹദോസിൽ തുടക്കമായി. ആഗോള സുന്നഹദോസിൽ മലങ്കര സഭയുടേതായി വന്ന നിർദേശത്തിനു പരിശുദ്ധ പാത്രിയർക്കീസ് ബാവാ അനുമതി നൽകി. 1872 ൽ അന്ത്യോക്യ പാത്രീയർക്കീസ് ആയി വാഴിക്കപ്പെട്ട പരിശുദ്ധ പത്രോസ് തൃതീയൻ ബാവായാണു മലങ്കരയിൽ സന്ദർശനം നടത്തിയ ആദ്യ പാത്രിയർക്കീസ് ബാവാ.1798 ൽ ഇറാഖിലെ മൊസൂളിലായിരുന്നു ജനനം. മലങ്കരയിലെ ആദ്യ സുന്നഹദോസ് 1876…

തിരുവനന്തപുരം: തൃശ്ശൂർ പൂരം കലക്കലിലെ അന്വേഷണ റിപ്പോർട്ട് മടക്കി ആഭ്യന്തര വകുപ്പ്. റിപ്പോർട്ടിൽ അവ്യക്തയും തെളിവുകളുടെ അഭാവവുമെന്ന് വിലയിരുത്തൽ. പൊലീസ് വീഴ്ച്ച സംബന്ധിച്ച് കൃത്യമായ വിവരങ്ങളില്ലെന്നും ആഭ്യന്തര വകുപ്പ്. പൊലീസ്-ദേവസ്വം ഏകോപനമില്ലായ്മ പൂരം അലങ്കോലപ്പെടാൻ കാരണമെന്നായിരുന്നു റിപ്പോർട്ട്. തെളിവുകൾ ഉൾപ്പെടുത്തി റിപ്പോർട്ട് സമർപ്പിക്കണമെന്ന് നിർദ്ദേശിച്ചാണ് റിപ്പോർട്ട് മടക്കിയത്. 16 വീഴ്ച്ചകളാണ് റിപ്പോർട്ടിൽ പറഞ്ഞിരുന്നത്. എന്നാൽ ഇക്കാര്യങ്ങളിൽ തെളിവുകൾ ഇല്ലെന്ന് ആഭ്യന്തര വകുപ്പ്. ക്രൈം ബ്രാഞ്ച് മേധാവി എച്ച്.വെങ്കിഡേഷിന്റെ റിപ്പോർടട്ടാണ് പൊലീസ് മേധാവി സർക്കാരിന് സമർപ്പിച്ചത്. തിരുവമ്പാടി ദേവസ്വത്തിലെ…

തിരുവനന്തപുരം: ചാലയിൽ ജ്വല്ലറി ഉടമയിൽ നിന്ന് സ്വർണ്ണം കവർന്ന സംഭവത്തിൽ 6 പ്രതികൾ പിടിയിൽ. നാല് പേരെ വയനാട് ലക്കിടിയിൽ നിന്നും രണ്ട് പേരെ തിരുവനന്തപുരത്ത് നിന്നുമാണ് പിടികൂടിയത്. പിടിയിലായവരിൽ ജ്വല്ലറിയുമായി ബന്ധമുള്ളവരുമുണ്ട്. ഒരാൾ ഒളിവിലാണ്. പ്രതികൾ സഞ്ചരിച്ച വാഹനവും പൊലീസ് കസ്റ്റഡിയിലെടുത്തു. ഇവർ 3 കിലോ സ്വർണ്ണമാണ് കവർന്നത്. മോഷണത്തിന് ദിവസങ്ങൾ നീണ്ട തയ്യാറെടുപ്പ് പ്രതികൾ നടത്തിയിട്ടുണ്ട് എന്നാണ് പൊലീസിൻ്റെ നിഗമനം. പിടിയിലായവരെ വിശദമായി ചോദ്യം ചെയ്തതിന് ശേഷം മാത്രമേ അറസ്റ്റിലേക്ക് കടക്കുകയുളൂവെന്നാണ് പൊലീസ് വ്യക്തമാക്കുന്നത്….

കാസര്‍ഗോഡ്: ശില്‍പ്പി കാനായി കുഞ്ഞിരാമന്റെ ശില്‍പം അനാച്ഛാദന ചടങ്ങില്‍ പങ്കെടുക്കാത്തതില്‍ വിശദീകരണവുമായി സ്പീക്കര്‍ തിരുവഞ്ചൂര്‍ രാധാകൃഷ്ണന്‍. കാസര്‍ഗോട്ടെ യാത്രയ്ക്കായി ടിക്കറ്റ് ഉള്‍പ്പെടെ എടുത്തിരുന്നുവെന്നും രാത്രി 9 വരെ മണിക്ക് അവരുടെ ഭാഗത്തുനിന്ന് അറിയിപ്പ് കിട്ടിയില്ലെന്നും സ്പീക്കര്‍ പറഞ്ഞു. കാസര്‍ഗോട്ടെത്തിയാല്‍ താമസിക്കാനുള്ള ഇടംവരെ തയ്യാറായിരുന്നുവെന്നും സ്പീക്കര്‍ വ്യക്തമാക്കി. (thiruvanchoor radhakrishnan on kanayi kunhiraman sculpture release row) പരിപാടിയില്‍ പങ്കെടുക്കാന്‍ തനിക്ക് മോഹമുണ്ടായിരുന്നുവെന്നും സംഘാടകരില്‍ നിന്നും കണ്‍ഫര്‍മേഷന്‍ ലഭിക്കാനായി അവസാന നിമിഷം വരെ കാത്തിരുന്നുവെന്നുമാണ് സ്പീക്കറുടെ പ്രതികരണം….

തമിഴ്നാട്: മധുര തനിഷ്ക് ജ്വല്ലറി മോഷണകേസിൽ രണ്ടുപേർ അറസ്റ്റിൽ. മുഖ്യപ്രതി നിഷാന്തിന്റെ പിതാവ് സുരേഷ്, നിഷാന്തിന്റെ സുഹൃത്തും സോഷ്യൽ മീഡിയ ഇൻഫ്ളുവൻസറുമായ മീനാക്ഷി എന്നിവരാണ് പിടിയിലായത്. ഇവരുടെ കൈയ്യിൽ നിന്നും അഞ്ച് കിലോ സ്വർണവും കണ്ടെടുത്തു. ഇന്ന് വൈകിട്ടോടെയാണ് രണ്ടുപേരുടെയും അറസ്റ്റ് രേഖപ്പെടുത്തിയത്. മുഖ്യപ്രതി നിഷാന്തും പിതാവും ചേർന്ന് മോഷണസമയത്ത് ധരിച്ചിരുന്ന വസ്ത്രങ്ങൾ കത്തിക്കുന്നത് ഒരാൾ കണ്ടിരുന്നു. ഇയാളുടെ മൊഴി പ്രകാരം പൊലീസ് പ്രദേശത്ത് പരിശോധന നടത്തി. പൊലീസ് നൽകിയ ഫോട്ടോയിൽ നിന്ന് നിഷാന്തിനെ യുവാവ് തിരിച്ചറിഞ്ഞു….

ഇടുക്കി: മൂന്നാർ ദേവികുളത്ത് ഗർഭിണിയായ പശുവിനെ കടുവ ആക്രമിച്ച് കൊന്നു. ലയത്തിന് സമീപം തേയിലത്തോട്ടത്തിലാണ് പശുവിനെ ചത്തനിലയിൽ കണ്ടെത്തിയത്. ദേവികുളം മാനില എസ്റ്റേറ്റിൽ രാജയുടെതാണ് പശു. ഇത് രണ്ടാം തവണയാണ് രാജയുടെ കന്നുകാലികളെ കടുവ ആക്രമിക്കുന്നത്. ഇന്നലെ വൈകീട്ടോടെ മേയാൻ വിട്ട പശുവിനെയാണ് ചത്തനിലയിൽ കണ്ടെത്തിയത്. ലയത്തിലെ നിരവധി തൊഴിലാളികളുടെ പശുക്കളെ സമാനമായി തന്നെ കടുവ ആക്രമിച്ചിട്ടുണ്ട്. കടുവയെ പിടികൂടുന്നതിനുള്ള അടിയന്തിരമായ ഇടപെടൽ എത്രയും വേഗം തന്നെ ഉണ്ടാകണമെന്നാണ് തൊഴിലാളികളുടെ അടക്കം ആവശ്യം. ഇല്ലെങ്കിൽ ശക്തമായ പ്രതിഷേധവുമായി…

ജുവനൈൽ കേസുകളിലെ പ്രായപരിധി 16 വയസ്സാകുന്നത് പരിഗണിക്കണമെന്ന ഹൈക്കോടതി നിരീക്ഷണത്തെ സ്വാഗതം ചെയ്യുന്നുവെന്ന് മന്ത്രി ബിന്ദു കൃഷ്ണ. കൗമാരക്കാരിൽ വർധിച്ചുവരുന്ന അക്രമവാസന കൊലപാതകം അടക്കമുള്ള കുറ്റകൃത്യങ്ങൾ ചെയ്യുവാനുള്ള രീതിയിലേക്ക് പരിവർത്തനം ചെയ്യപ്പെടുമ്പോൾ ശക്തമായ നിയമത്തിലൂടെ ഇത്തരക്കാരെ നിലയ്ക്ക് നിർത്താൻ ആവശ്യമായ നടപടികൾ എടുക്കേണ്ടത് സർക്കാരിന്റെ ഉത്തരവാദിത്വമാണെന്ന് മന്ത്രി പ്രതികരിച്ചു. ഏത് നിയമവും ഭേദഗതി ചെയ്യപ്പെടുന്നതും പുതിയ നിയമങ്ങൾ നിർമിക്കപ്പെടുന്നതുമെല്ലാം സാമൂഹ്യ ആവശ്യങ്ങളെ മുൻനിർത്തിയാണ്. അത്തരം ഒരു സാഹചര്യം തന്നെയാണ് ഇന്ന് കേരളത്തിൽ ഉള്ളത് മന്ത്രി ട്വന്റിഫോറിനോട് പറഞ്ഞു….