National

ബീഹാറിലെ ബക്‌സറിൽ യുവതിയെ കൂട്ടബലാത്സംഗത്തിന് ഇരയാക്കിയ ശേഷം അഞ്ച് വയസ്സുകാരനായ മകനോടൊപ്പം പുഴയിൽ തള്ളി. യുവതിയെ നാട്ടുകാർ രക്ഷപ്പെടുത്തി. അതേസമയം കുട്ടി മരിച്ചു   ബക്‌സറിലെ ഓജോ ബാരോൺ എന്ന സ്ഥലത്താണ് ദാരുണ സംഭവം. ബാങ്കിലേക്ക് പോകുകയായിരുന്ന യുവതിയെയും കുട്ടിയെയും ഒരു സംഘമാളുകൾ തട്ടിക്കൊണ്ടു പോകുകയും ബലാത്സംഗത്തിന് ഇരയാക്കുകയുമായിരുന്നു. തുടർന്ന് യുവതിയെയും കുട്ടിയെയും കൂട്ടിക്കെട്ടിയ ശേഷം നദിയിലേക്ക് എറിയുകയായിരുന്നു. സംഭവത്തിൽ പോലീസ് കേസെടുത്തു. പ്രതികളെ ആരെയും ഇതുവരെ പിടികൂടിയിട്ടില്ല

ഡല്‍ഹി: ആളുകള്‍ കൂട്ടം കൂടുന്ന ഉത്സവങ്ങളും ആഘോഷങ്ങളും കോവിഡ് വ്യാപനം രൂക്ഷമാക്കുമെന്ന് കേന്ദ്രആരോഗ്യമന്ത്രി ഡോ.ഹര്‍ഷവര്‍ധന്‍. കേരളത്തില്‍ ഓണാഘോത്തിന് ശേഷം രോഗം രൂക്ഷമായെന്നും എസ്.ബി.ഐ റിസര്‍ച്ച് നടത്തിയ പഠന റിപ്പോര്‍ട്ടിനെ ഉദ്ധരിച്ച് മന്ത്രി പറഞ്ഞു.   വിശ്വാസം തെളിയിക്കാന്‍ വന്‍തോതില്‍ ആളുകള്‍ കൂട്ടംചേര്‍ന്ന് ഉത്സവങ്ങള്‍ ആഘോഷിക്കണമെന്ന് ഒരു ദൈവവും മതവും ആവശ്യപ്പെടുന്നില്ലെന്ന് മന്ത്രി പറഞ്ഞു. ഉത്സവങ്ങള്‍ ആഘോഷിക്കുന്നത് സംബന്ധിച്ച് വിശദമായ മാര്‍ഗനിര്‍ദേശങ്ങള്‍ പുറപ്പെടുവിച്ചിട്ടും അവ പാലിക്കുന്നതില്‍ വീഴ്ചസംഭവിക്കുന്നത് കോവിഡ് 19 കേസുകളില്‍ വലിയ വര്‍ധനയുണ്ടാക്കുമെന്ന് ആശങ്കയുയര്‍ത്തുന്നതായും അദ്ദേഹം പറഞ്ഞു….

കാർഷിക നിയമങ്ങൾക്കെതിരെ പ്രതിഷേധിക്കുന്നവരെ വിമർശിച്ച് പ്രധാനമന്ത്രി നരേന്ദ്രമോദി. ദല്ലാളുമാർക്കും ഇടനിലക്കാർക്കും വേണ്ടി പ്രവർത്തിക്കുന്നവരാണ് കാർഷിക നിയമ പരിഷ്‌കരണത്തിനെതിരെ നുണകൾ പ്രചരിപ്പിക്കുന്നത്. എന്തുവന്നാലും സർക്കാർ ഇതിൽ നിന്ന് പിൻമാറില്ല   ചരിത്രപരമായ നിയമ പരിഷ്‌കരണത്തെ എതിർക്കുന്നവർക്കൊപ്പം കർഷകർ നിൽക്കില്ല. കഴിഞ്ഞ ആറ് പതിറ്റാണ്ടുകൾ കൊണ്ട് ഗ്രാമങ്ങൾക്കും ഗ്രാമീണർക്കുമായി വിവിധ സർക്കാരുകൾ ചെയ്ത കാര്യങ്ങളേക്കാൾ കൂടുതൽ കാര്യങ്ങൾ തന്റെ സർക്കാർ കഴിഞ്ഞ ആറ് വർഷം കൊണ്ട് ചെയ്തിട്ടുണ്ട് ഗ്രാമീണരെയും പാവപ്പെട്ടവരെയും കർഷകരെയും സ്വയംപര്യാപ്തരാക്കുകയാണ് തന്റെ സർക്കാരിന്റെ ലക്ഷ്യം. രാജ്യത്തെ കൊള്ളയടിച്ചവരെ…

ജാർഖണ്ഡിൽ 17 വയസ്സുള്ള പെൺകുട്ടിയെ കൂട്ടബലാത്സംഗത്തിന് ഇരയാക്കി. സുഹൃത്തിനൊപ്പം സഞ്ചരിക്കുകയായിരുന്ന പെൺകുട്ടിയെ തടഞ്ഞുനിർത്തിയ പ്രതികൾ ഇവരെ ബലമായി പിടിച്ചു കൊണ്ടുപോകുകയും തോക്കിൻമുനയിൽ നിർത്തി ബലാത്സംഗം ചെയ്യുകയുമായിരുന്നു   സുഹൃത്തിനെ കെട്ടിയിട്ട ശേഷമായിരുന്നു പീഡനം. സംഭവത്തിൽ അഞ്ച് പേരെ പോലീസ് അറസ്റ്റ് ചെയ്തു. പ്രതികളിൽ ഒരാൾക്ക് പ്രായപൂർത്തി ആയിട്ടില്ല. ഇയാളെ ജുവനൈൽ ഹോമിൽ പ്രവേശിപ്പിച്ചു. ബാക്കിയുള്ളവരെ ജയിലിലേക്ക് മാറ്റി. ശങ്കർ തിയു, റോഷൻ കുജൂർ, സൂരജ് പട്രോ, സണ്ണി സോറൻ എന്നിവരാണ് പിടിയിലായത്. തോക്കും തിരകളും ഇവരിൽ നിന്ന്…

ബംഗളൂരു: രാജ്യത്ത് കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തില്‍, സംസ്ഥാനത്ത് സ്‌കൂളുകൾ ഉടന്‍ തുറക്കില്ലെന്ന് കർണാടക. സ്‌കൂളുകൾ തുറന്നു പ്രവര്‍ത്തിച്ചാല്‍, കുട്ടികളില്‍ രോഗവ്യാപനമുണ്ടാകാന്‍ സാധ്യതയുണ്ട്. ഇങ്ങിനെ ഒരു അവസ്ഥ വന്നാല്‍ നിലവിലെ ചികിത്സാ സൗകര്യങ്ങള്‍ തികയാതെ വരുമെന്ന് മെഡിക്കല്‍ വിദ്യാഭ്യാസമന്ത്രി ഡോ. കെ സുധാകര്‍ പറഞ്ഞു. രോഗവ്യാപനം അതിര് കടന്നതിനാൽ സ്കൂളുകള്‍ ഉടന്‍ തുറക്കേണ്ടെന്നാണ് വിദഗ്ധസമിതി സര്‍ക്കാരിന് നല്‍കിയ ഉപദേശം. കഴിഞ്ഞദിവസം ചേര്‍ന്ന യോഗത്തില്‍ ആരോഗ്യവകുപ്പ് ഉദ്യോഗസ്ഥരും ഒട്ടേറെ ഡോക്ടര്‍മാരും സ്‌കൂളുകൾ തുറക്കുന്നതില്‍ ആശങ്കയറിയിച്ചു. നടപ്പു അധ്യയനവര്‍ഷം…

ന്യൂഡല്‍ഹി: രാജ്യത്ത് കൊവിഡ് ബാധിതരുടെ എണ്ണം 70 ലക്ഷം കടന്നു. കഴിഞ്ഞ 24 മണിക്കൂറില്‍ 74,383 പേര്‍ക്ക് കൂടി രോഗം സ്ഥിരീകരിച്ചതോടെയാണ് രോഗബാധിതരുടെ എണ്ണം 70,53,807 ആയി ഉയര്‍ന്നത്. ഇന്നലെ 918 പേര്‍ കൂടി മരിച്ചതോടെ ആകെ മരണം 1.08 ലക്ഷമായി. രാജ്യത്ത് 60.77 ലക്ഷം ജനങ്ങള്‍ ഇതുവരെ രോഗമുക്തി നേടിയെന്നും നിലവില്‍ 8.67 ലക്ഷം പേരാണ് ചികിത്സയിലുളളതെന്നും കേന്ദ്ര ആരോഗ്യ മന്ത്രാലയം അറിയിച്ചു. ഇന്നലെ 10.78 ലക്ഷം സാംപിളുകളാണ് രാജ്യത്ത് പരിശോധിച്ചത്. ഇതുവരെ 8.68 കോടി…

ഇടത് എംപിമാരുടെ സംഘം ഇന്ന് ഹത്രാസില്‍ എത്തും. സിപിഎം, സിപിഐ, എല്‍ജെഡി പാര്‍ട്ടികളുടെ എംപിമാരാണ് ഹാത്രാസില്‍ പീഡനത്തിനിരയായി കൊല്ലപ്പെട്ട പെണ്‍കുട്ടിയുടെ വീട് സന്ദര്‍ശിക്കുക. കുടുംബാംഗങ്ങളില്‍ നിന്നും ഗ്രാമവാസികളില്‍ നിന്നും സംഘം വിവരങ്ങള്‍ ചോദിച്ചറിയും. ജില്ലാ കലക്ടറുമായും പോലീസ് മേധാവിയുമായും എംപിമാരുടെ സംഘം കൂടിക്കാഴ്ച നടത്തും. സന്ദര്‍ശന ശേഷം രാഷ്ട്രപതി, സുപ്രീം കോടതി ചീഫ് ജസ്റ്റിസ്, പ്രധാനമന്ത്രി എന്നിവര്‍ക്ക് വസ്തുതാന്വേഷണ റിപ്പോര്‍ട്ട് സമര്‍പ്പിക്കും. എളമരം കരീം, ബികാശ് രഞ്ജന്‍ ഭട്ടാചാര്യ ബിനോയ് വിശ്വം, എം വി ശ്രേയാംസ് കുമാര്‍…

ജമ്മു കാശ്മീരിലെ കുൽഗാമിലുണ്ടായ ഏറ്റുമുട്ടലിൽ രണ്ട് ഭീകരരെ സുരക്ഷാ സേന വധിച്ചു. പുലർച്ചെയാണ് ഏറ്റുമുട്ടലുണ്ടായത്. മേഖലയിൽ ഭീകർ തമ്പടിക്കുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിലാണ് റെയ്ഡ് നടന്നത്. ഭീകരർ താമസിക്കുന്ന ഒളിത്താവളം സൈന്യം വളയുകയും പിന്നാലെ ഏറ്റുമുട്ടൽ ആരംഭിക്കുകയുമായിരുന്നു. കൊല്ലപ്പെട്ടവർ ഏത് സംഘടനയിൽപ്പെട്ടവരാണെന്ന് തിരിച്ചറിഞ്ഞിട്ടില്ല.

മൊറട്ടോറിയം കാലയളവിലെ പലിശ തിരിച്ചടവിന് കൂടുതൽ ഇളവുകൾ ഏർപ്പെടുത്താനാകില്ലെന്ന് കേന്ദ്രസർക്കാരും റിസർവ് ബാങ്ക് ഓഫ് ഇന്ത്യയും സുപ്രീം കോടതിയെ അറിയിച്ചു. ധനകാര്യ മന്ത്രാലയവും റിസർവ് ബാങ്കും ഇക്കാര്യം ചൂണ്ടിക്കാട്ടി സുപ്രീം കോടിതയിൽ സത്യവാങ്മൂലം സമർപ്പിച്ചു സാമ്പത്തിക നയ രൂപീകരണത്തിനുള്ള അധികാരം സർക്കാരിനാണ്. രണ്ട് കോടിക്ക് മുകളിൽ വായ്പ ഉള്ളവർക്ക് കൂടുതൽ ആനുകൂല്യം നൽകാൻ കഴിയില്ല. രണ്ട് കോടി വരെയുള്ള വായ്പകൾക്ക് കൂട്ടുപലിശ ഈടാക്കില്ലെന്ന് കേന്ദ്രം നേരത്തെ അറിയിച്ചിരുന്നു. എന്നാൽ കൂടുതൽ വ്യക്തത കോടതി തേടിയതോടെയാണ് സത്യവാങ്മൂലം സമർപ്പിച്ചിരിക്കുന്നത്…