ന്യൂഡൽഹി: രാജ്യത്ത് കൊവിഡ് ബാധിച്ചവരുടെ എണ്ണം 70 ലക്ഷം കടന്നു. ഇതിൽ 63 ലക്ഷം പേരും കൊവിഡ് മുക്തി നേടി. കഴിഞ്ഞ 24 മണിക്കൂറിനിടയിൽ 67,708 പേർക്ക് കൊറോണ വൈറസ് സ്ഥിരീകരിച്ചു. 680 മരണം റിപ്പോർട്ട് ചെയ്തു. ഇതോടെ രോഗബാധിതരുടെ എണ്ണം 73,07,098 ആയി ഉയർന്നു. നിലവിൽ 8.12 ലക്ഷം സജീവ കേസുകളാണുള്ളത്. ഇതുവരെ 63.83 ലക്ഷം പേർ രോഗവിമുക്തി നേടി. കൊവിഡ് ബാധിച്ചു 1,11,266 പേരാണ് മരിച്ചത്. മഹാരാഷ്ട്രയിൽ 158 പേരും കർണാടകത്തിൽ 75 പേരും…
ഭാര്യയെ മാനസിക രോഗിയെന്ന് മുദ്ര കുത്തി ഒരു വർഷത്തോളം കക്കൂസിൽ പൂട്ടിയിട്ട ഭർത്താവ് പിടിയിൽ. യുവതിയെ വനിതാ സംരക്ഷണ വകുപ്പിന്റെ നേതൃത്വത്തിൽ രക്ഷപ്പെടുത്തി. ഹരിയാനയിലെ പാനിപത്തിനടുത്തുള്ള റിഷ്പുർ ഗ്രാമത്തിലാണ് സംഭവം. രഹസ്യവിവരത്തിന്റെ അടിസ്ഥാനത്തിലാണ് വനിതാ സംരക്ഷണ വകുപ്പ് വീട്ടിൽ പരിശോധനക്കെത്തിയത്. ദിവസങ്ങളോളം ഭക്ഷണം കഴിക്കാതെ അവശനിലയിലായ യുവതിയെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചു. ഭാര്യക്ക് മാനസിക രോഗമാണെന്ന് ആരോപിച്ചാണ് ഭർത്താവ് നരേഷ് ഇവരെ പൂട്ടിയിട്ടിരുന്നത്. സംഭവത്തിൽ നരേഷിനെതിരെ പോലീസ് കേസെടുത്തു. എന്നാൽ ഭാര്യ സ്വമേധയാ കക്കൂസിൽ തന്നെ അടച്ചുപൂട്ടി…
കൊവിഡ് മാനദണ്ഡങ്ങൾ പാലിച്ച് രാജ്യത്തെ സ്കൂളുകൾ ഇന്ന് മുതൽ തുറക്കാൻ കേന്ദ്രസർക്കാരിന്റെ അനുമതി. എങ്കിലും ഭൂരിപക്ഷം സംസ്ഥാനങ്ങളും സ്കൂളുകൾ ഉടൻ തുറക്കാൻ സാധ്യതയില്ല. കേരളം, കർണാടക, ആന്ധ്രാപ്രദേശ്, ഗുജറാത്ത്, ഛത്തിസ്ഗഢ്, മഹാരാഷ്ട്ര സംസ്ഥാനങ്ങളിൽ സ്കൂളുകൾ ഉടൻ തുറക്കില്ലെന്ന് വ്യക്തമാക്കിയിട്ടുണ്ട് യുപിയും പഞ്ചാബും ഒമ്പത് മുതൽ പ്ലസ് ടു വരെയുള്ള ക്ലാസുകൾ ഇന്ന് മുതൽ ആരംഭിക്കും. ഒരു സെഷനിൽ 20 കുട്ടികൾ മാത്രമാകും പങ്കെടുക്കുക. കൂടാതെ ഓഡിറ്റോറിയങ്ങൾ തുറക്കാനും കേന്ദ്രം അനുമതി നൽകിയിട്ടുണ്ട് കണ്ടെയ്ൻമെന്റ് സോണുകൾക്ക് പുറത്തുള്ള സ്കൂളുകൾ,…
കൊച്ചി: മുന് കേന്ദ്രമന്ത്രിയും രാജ്യസഭാ അംഗവുമായ അല്ഫോണ്സ് കണ്ണന്താനത്തിന് കൊവിഡ് സ്ഥിരീകരിച്ചു. ഭാര്യ ഷീലയ്ക്കും മകന് ആകാശിനും നെഗറ്റീവാണെന്നും കണ്ണന്താനം ഫേസ്ബുക്കിലൂടെ അറിയിച്ചു. ഇന്നലെ വൈകീട്ടാണ് കൊവിഡ് പോസിറ്റീവാണെന്ന വിവരം ഡോക്ടര് വിളിച്ചറിയിച്ചതെന്നും അദ്ദേഹം വ്യക്തമാക്കി. അടുത്ത 14 ദിവസം താന് ലാപ്ടോപ്പിന് മുന്നിലായിരിക്കും. അനേകം ജോലികള് ചെയ്ത് തീര്ക്കാനുണ്ടെന്നും കണ്ണന്താനം പറഞ്ഞു.
ഉത്തർപ്രദേശിലെ ഹാത്രാസിൽ ഒരു പെൺകുട്ടി കൂടി ബലാത്സംഗത്തിന് ഇരയായി. ഹാത്രാസിലെ സാസ്നി ഗ്രാമത്തിലെ നാല് വയസ്സുകാരിയാണ് ബലാത്സംഗത്തിന് ഇരയായത്. സംഭവത്തിൽ പെൺകുട്ടിയുടെ ബന്ധു കൂടിയായ പ്രതിയെ അറസ്റ്റ് ചെയ്തതായി പോലീസ് അറിയിച്ചു ഹാത്രാസിലാണ് 19കാരി കൂട്ടബലാത്സംഗത്തിന് ഇരയായി കൊല്ലപ്പെട്ടത്. ഇത് രാജ്യവ്യാപകമായി പ്രതിഷേധത്തിന് വഴിവെച്ചിരുന്നു. ഇതിന് പിന്നാലെ രണ്ട് ബലാത്സംഗങ്ങൾ കൂടി ഹാത്രാസിൽ റിപ്പോർട്ട് ചെയ്യപ്പെട്ടു
ഹൈദരാബാദിൽ കനത്ത മഴയെ തുടർന്ന് ചുറ്റുമതിൽ ഇടിഞ്ഞ് വീടുകൾക്ക് മേലെ വീണ് ഒമ്പത് പേർ മരിച്ചു. മരിച്ചവരിൽ രണ്ട് മാസം പ്രായമുള്ള കുഞ്ഞുമുണ്ട്. പത്തോളം വീടുകൾക്ക് മേലാണ് മതിലിടിഞ്ഞുവീണത്. തീവ്രന്യൂനമർദം കര തൊട്ടതിന് പിന്നാലെ ആന്ധ്രയിലും തെലങ്കാനയിലും വ്യാപക നാശനഷ്ടമാണുണ്ടാക്കിയത്. തെലങ്കാനയിൽ കഴിഞ്ഞ മൂന്ന് ദിവസത്തിനിടെ 12 പേർ മഴക്കെടുതിയിൽപ്പെട്ട് മരിച്ചു. പതിനാല് ജില്ലകളെയാണ് വെള്ളപ്പൊക്കം സാരമായി ബാധിച്ചിരിക്കുന്നത്. നിരവധി വാഹനങ്ങൾ വെള്ളപ്പൊക്കത്തിൽ ഒലിച്ചുപോയി. മഴ തുടരുന്നതിനാൽ ജനങ്ങൾ വീടിന് പുറത്തിറങ്ങരുതെന്ന് അധികൃതർ നിർദേശം നൽകിയിട്ടുണ്ട്
രാജ്യത്ത് കൊവിഡ് ബാധിതരുടെ എണ്ണം 72 ലക്ഷം കടന്നു. കഴിഞ്ഞ 24 മണിക്കൂറിനിടെ 63,509 പുതിയ കേസുകൾ കൂടി രാജ്യത്ത് റിപ്പോർട്ട് ചെയ്തു. ഇതോടെ ആകെ രോഗികളുടെ എണ്ണം 72,39,390 ആയി ഉയർന്നു. 8,26,876 പേരാണ് നിലവിൽ ചികിത്സയിൽ തുടരുന്നത്. 63,01,928 പേർ രോഗമുക്തി നേടി. 730 പേരാണ് ഒരു ദിവസത്തിനിടെ മരിച്ചത്. രാജ്യത്തെ ആകെ കൊവിഡ് മരണം 1,10,586 ആയി ഉയർന്നു. രാജ്യത്ത് നിലവിൽ ചികിത്സയിലിരിക്കുന്നവരിൽ 12 ശതമാനത്തോളം പേർ കേരളത്തിലാണ്. അടുത്തിടെയായി സംസ്ഥാനത്ത് രോഗികളുടെ…
ജമ്മു കാശ്മീർ മുൻ മുഖ്യമന്ത്രിയും പിഡിപി നേതാവുമായ മെഹബൂബ മുഫ്തിയെ വീട്ടുതടങ്കലിൽ നിന്ന് മോചിപ്പിച്ചു. ഒരു വർഷത്തിലേറെയായി ഇവർ തടങ്കലിൽ തുടരുകയായിരുന്നു. ചൊവ്വാഴ്ച രാത്രിയോടെയാണ് മെഹബൂബയെ മോചിപ്പിച്ചത്. കഴിഞ്ഞ ഓഗസ്റ്റ് അഞ്ചിനാണ് മെഹബൂബ മുഫ്തിയെ വീട്ടുതടങ്കലിലാക്കിയത്. കാശ്മീരിന്റെ പ്രത്യേക പദവി റദ്ദാക്കുകയും സംസ്ഥാനത്തെ രണ്ടായി വിഭജിക്കുകയും ചെയ്തതിന് മുന്നോടിയായിട്ടായിരുന്നു നടപടി. മെഹബൂബയെ മോചിപ്പിക്കണമെന്നാവശ്യപ്പെട്ട് കോടതി ഉത്തരവിറക്കിയിരുന്നു. ഒക്ടോബർ 16ാം തീയതി മെഹബൂബ വാർത്താ സമ്മേളനം നടത്തുമെന്നാണ് അറിയുന്നത്. മെഹബൂബ മോചിതയായതിൽ സന്തോഷമുണ്ടെന്ന് മുൻ മുഖ്യമന്ത്രി കൂടിയായ ഒമർ…
മരുന്ന് പരീക്ഷണത്തിനിടെ ഒരാളിൽ വിപരീത ഫലം ഉണ്ടായതിനെ തുടർന്ന് ജോൺസന് ആൻഡ് ജോൺസൻ കമ്പനി കോവിഡ് വാക്സിൻ പരീക്ഷണം താൽക്കാലികമായി നിർത്തി വച്ചു. ഇത്തരം പരീക്ഷണങ്ങൾക്കിടെ പല തരത്തിലുള്ള വിപരീത ഫലങ്ങളും ഉണ്ടാകാം. അത്തരം സാഹചര്യങ്ങളിൽ പരീക്ഷണങ്ങൾ താൽക്കാലികമായി നിർത്തി വയ്ക്കേണ്ടി വരുമെന്നും കമ്പനി പറഞ്ഞു. സെപ്റ്റംബറിലാണ് കമ്പനി മൂന്നാം ഘട്ട പരീക്ഷണം ആരംഭിച്ചത്. ലോകത്തിന്റെ വിവിധ ഭാഗങ്ങളിൽ നിന്നായി 60000 പേരിലാണ് പരീക്ഷണാടിസ്ഥാനത്തിൽ മരുന്നു നൽകാൻ തീരുമാനിച്ചത്. അർജെന്റിന, ചിലി, പെറു, കൊളംബിയ, ബ്രസീൽ, സൗത്ത്…
രാജ്യത്ത് കൊവിഡ് വ്യാപനത്തിൽ കുറവ്. കഴിഞ്ഞ 24 മണിക്കൂറിനിടെ 55,342 പേർക്കാണ് രോഗം സ്ഥിരീകരിച്ചത്. പ്രതിദിന വർധനവ് ഒരു ഘട്ടത്തിൽ ഒരു ലക്ഷത്തിനടുത്ത് വരെ എത്തിയിരുന്നു. ഇതിൽ നിന്നാണ് കുറവ് വന്നിരിക്കുന്നത് രാജ്യത്തെ ആകെ രോഗബാധിതരുടെ എണ്ണം 71,75,880 ആയി ഉയർന്നു. 706 പേരാണ് കഴിഞ്ഞ ദിവസം മരിച്ചത്. മൊത്തം കൊവിഡ് മരണം 1,09,876 ആയി ഉയർന്നു. നിലവിൽ 8,38,729 പേരാണ് ചികിത്സയിൽ കഴിയുന്നത്. മഹാരാഷ്ട്രയിൽ ഇന്നലെ 7089 കേസുകൾ പുതുതായി സ്ഥിരീകരിച്ചു. കർണാടകയിൽ 7606…