National

മുംബൈ: മഹാരാഷ്ട്രയിലെ നാഗ്പൂരില്‍ കൊവിഡ് 19 ആശുപത്രിയില്‍ വെള്ളിയാഴ്ച രാത്രി ഉണ്ടായ തീപിടുത്തത്തില്‍ നാല് പേര്‍ മരിച്ചു. ഐസിയുവിലെ എസി യൂണിറ്റില്‍ നിന്നാണ് തീപിടിത്തമുണ്ടായതെന്ന് നാഗ്പൂര്‍ സിവില്‍ ബോഡിയുടെ ചീഫ് ഫയര്‍ ഓഫീസര്‍ പറഞ്ഞു. ‘ആശുപത്രിയിലെ 27 രോഗികളെ മറ്റ് ആശുപത്രികളിലേക്ക് മാറ്റി. അവരുടെ ആരോഗ്യസ്ഥിതിയെക്കുറിച്ച് തങ്ങള്‍ക്ക് ഇപ്പോള്‍ അഭിപ്രായം പറയാനാവില്ല. ആശുപത്രി ഒഴിപ്പിച്ചു’- പോലിസ് ഉദ്യോഗസ്ഥനെ ഉദ്ധരിച്ച് വാര്‍ത്താ ഏജന്‍സിയായ എഎന്‍ഐ റിപോര്‍ട്ട് ചെയ്തു. നാല് മൃതദേഹങ്ങള്‍ ആശുപത്രിയില്‍ നിന്ന് കണ്ടെത്തിയതായി അധികൃതര്‍ അറിയിച്ചു. രണ്ടുപേരുടെ…

  കോവിഡ് കേസുകള്‍ വർധിക്കുന്ന പശ്ചാത്തലത്തില്‍ ഡൽഹിയിൽ കോളേജുകളുള്‍പ്പടെയുള്ള വിദ്യാഭ്യാസ സ്ഥാപനങ്ങള്‍ താല്‍ക്കാലികമായി അടച്ചിടുന്നു. രാജ്യത്ത് കോവിഡ് രണ്ടാം തരംഗം രൂക്ഷമായി തുടരുന്ന പശ്ചാത്തലത്തിലാണ് നടപടി. തലസ്ഥാനനഗരിയില്‍ ഏഴായിരത്തിന് മുകളിലാണ് ഇപ്പോള്‍ ദിനംപ്രതി രോഗം സ്ഥിരീകരിക്കുന്നത്. ഡല്‍ഹിയിലെ ജെ.എന്‍.യു ക്യാമ്പസില്‍ 27 പേര്‍ക്ക് കൂടി കോവിഡ് സ്ഥിരീകരിച്ചിരുന്നു. അതേസമയം ഡൽഹി എയിംസിലും കോവിഡ് വ്യാപനം തുടരുകയാണ്. എയിംസിലെ 35 ഡോക്ടർമാർക്കാണ് ഇന്ന് രോഗം സ്ഥിരീകരിച്ചത്. കോവിഡ് ബാധ വ്യാപിക്കുന്ന പശ്ചാത്തലത്തിൽ മുഖ്യമന്ത്രി അരവിന്ദ് കെജ്‌രിവാൾ അടിയന്തര യോഗം…

കൊവിഡ് വ്യാപനം വർധിക്കുന്ന പശ്ചാത്തലത്തിൽ ട്രെയിൻ സർവിസ് നിർത്തലാക്കുമോ എന്ന ചോദ്യത്തിന് വ്യക്തത വരുത്തി ഇന്ത്യൻ റെയിൽവേ. സർവിസുകൾ വെട്ടിച്ചുരുക്കാനോ നിർത്തിവെ്ക്കാനോ പദ്ധതിയില്ലെന്ന് ഇന്ത്യൻ റെയിൽവേ അറിയിച്ചു. ഇപ്പോഴുള്ള തിരക്ക് സാധാരണ മധ്യവേനലവധിയിൽ ഉണ്ടാവുന്നതാണെന്നും റെയിൽ ബോർഡ് ചെയർമാൻ സുനീത് ശർമ അറിയിച്ചു. ആശങ്കപ്പെടേണ്ട കാര്യമില്ല. ഇപ്പോഴത്തെതിരക്ക് പരിഹരിക്കാനായി കൂടതൽ ട്രെയിനുകൾ അനുവദിക്കും. കൊവിഡ് നിയന്ത്രണങ്ങൾ ശക്തമാക്കിയതോടെ കഴിഞ്ഞ കുറച്ചു ദിവസമായി മുംബൈ, ഡൽഹി പോലുള്ള പ്രധാന നഗരത്തിൽ നിന്ന് അതിഥി തൊഴിലാളികൾ മടങ്ങുകയാണെന്നും അദ്ദേഹം പറഞ്ഞു.

ഭീഷണി, പ്രലോഭനം, സമ്മാനങ്ങൾ നൽകൽ തുടങ്ങിയവയിലൂടെയുള്ള നിർബന്ധിത മതപരിവർത്തനങ്ങൾ തടയണമെന്നാവശ്യപ്പെട്ട് നൽകിയ ഹർജി സുപ്രീം കോടതി തള്ളി. രാജ്യത്ത് 18 വയസ്സ് കഴിഞ്ഞ ആർക്കും ഇഷ്ടമുള്ള മതം സ്വീകരിക്കാൻ അവകാശമുണ്ടെന്ന് സുപ്രീം കോടതി വ്യക്തമാക്കി. ഭരണഘടനയുടെ 25ാം അനുച്ഛേദപ്രകാരം മതം പ്രചരിപ്പിക്കാനുള്ള അവകാശം പൗരനുണ്ട്. ഈ അവകാശം ഭരണഘടനയിൽ രേഖപ്പെടുത്തിയിരിക്കുന്നതിന് കൃത്യമായ കാരണമുണ്ടെന്നും കോടതി ചൂണ്ടിക്കാട്ടി. ഹർജി നൽകിയ അശ്വിനി ഉപാധ്യായയെ ജസ്റ്റിസ് റോഹിംഗ്ടൺ നരിമാൻ വിമർശിക്കുകയും ചെയ്തു. ്പ്രശസ്തി ലക്ഷ്യമിട്ടുള്ള ഹർജിയാണിതെന്നും കനത്ത പിഴ ചുമത്തുമെന്നും…

  ജമ്മു കാശ്മീരിലെ പുൽവാമയിൽ സുരക്ഷാ സേനയും തീവ്രവാദികളും തമ്മിലുണ്ടായ രണ്ട് വ്യത്യസ്ത ഏറ്റുമുട്ടലുകളിൽ അഞ്ച് ഭീകരർ കൊല്ലപ്പെട്ടു. നാല് ജവാൻമാർക്ക് പരുക്കേറ്റിട്ടുണ്ട് വ്യാഴാഴ്ച വൈകുന്നേരം ഷോപിയാനിലാണ് ആദ്യ ഏറ്റുമുട്ടൽ നടന്നത്. ഇവിടെ മൂന്ന് ഭീകരരെ സൈന്യം വധിച്ചു. വെള്ളിയാഴ്ച പുലർച്ചെ ത്രാൽ മേഖലയിൽ നടന്ന ഏറ്റുമുട്ടലിൽ രണ്ട് ഭീകരരെയും സൈന്യം വധിക്കുകയായിരുന്നു.

  രാജ്യത്ത് തുടർച്ചയായ നാലാം ദിവസവും കൊവിഡ് കേസുകൾ ഒരു ലക്ഷത്തിന് മുകളിലെത്തി. കഴിഞ്ഞ 24 മണിക്കൂറിനിടെ 1,31,968 പേർക്കാണ് കൊവിഡ് സ്ഥിരീകരിച്ചത്. ഇതുവരെയുള്ളതിൽ ഏറ്റവുമുയർന്ന പ്രതിദിന വർധനവാണിത്. ഇതോടെ രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 1,30,60,542 ആയി. 780 പേർ ഒരു ദിവസത്തിനിടെ കൊവിഡ് ബാധിച്ച് മരിച്ചു. 61,899 പേർ രോഗമുക്തി നേടി. ഇതിനോടകം 1,19,13,292 പേർ രോഗമുക്തി നേടിയിട്ടുണ്ട്. ഇതുവരെ 1,67,642 പേരാണ് കൊവിഡ് ബാധിച്ച് മരിച്ചത്. നിലവിൽ 9,79,608 പേരാണ് ചികിത്സയിലുള്ളത്. ഇതിനോടകം…

ന്യൂഡല്‍ഹി: കൊവിഡ് വ്യാപനത്തില്‍ രാജ്യം കടുത്ത വെല്ലുവിളി നേരിടുകയാണെന്നും നേരിട്ടതില്‍ വച്ച് ഏറ്റവും മോശം സാഹചര്യമാണിതെന്നും പ്രധാനമന്ത്രി നരേന്ദ്രമോദി. ചില സംസ്ഥാനങ്ങളിലെ സാഹചര്യം ഏറെ ആശങ്കയുണ്ടാക്കുന്നതാണ്. അതേസമയം, രാജ്യവ്യാപക ലോക്ക് ഡൗണ്‍ പരിഹാരമല്ല. ഇനിയൊരു ലോക്ക് ഡൗണ്‍ സാമ്പത്തിക മേഖലയ്ക്ക് താങ്ങാനാവില്ലെന്നും അദ്ദേഹം പറഞ്ഞു. കൊവിഡ് നിയന്ത്രണത്തില്‍ ചില സംസ്ഥാനങ്ങള്‍ക്ക് വലിയ വീഴ്ച പറ്റി. പൊതുജനങ്ങളില്‍ രോഗത്തെ കുറിച്ചുള്ള ഗൗരവം നഷ്ടമായി. കണ്ടെയ്ന്‍മെന്റ് സോണുകളുടെയും പരിശോധനകളുടെയും എണ്ണം കൂട്ടണം. രോഗികളില്‍ ലക്ഷണങ്ങള്‍ കാണാത്തത് രണ്ടാം തരംഗത്തില്‍ വലിയ…

  ബോളിവുഡ് സിനിമാ നിര്‍മാതാവ് സന്തോഷ് ഗുപ്തയുടെ ഭാര്യയും മകളും തീ കൊളുത്തി മരിച്ചു. മുംബൈ അന്ധേരിയിലെ ഡി എന്‍ നഗറിലെ അപ്പാര്‍ട്ട്‌മെന്റില്‍ വെച്ചാണ് തീ കൊളുത്തിയത്. രണ്ട് പേരെയും ആശുപത്രിയില്‍ എത്തിച്ചെങ്കിലും സന്തോഷിന്റെ ഭാര്യ അസ്മിത അപ്പോഴേക്കും മരിച്ചിരുന്നു മകള്‍ സൃഷ്ടിയെ ചികിത്സയില്‍ പ്രവേശിപ്പിച്ചെങ്കിലും വൈകാതെ മരിച്ചു. അസ്മിതയുടെ വൃക്കസംബന്ധമായ രോഗമാണ് ആത്മഹത്യക്ക് പ്രേരിപ്പിച്ചതെന്ന് സൃഷ്ടി മൊഴി നല്‍കിയിട്ടുണ്ട്.

  കൊവിഡിനെ തുടർന്ന് ആശുപത്രിയിൽ പ്രവേശിപ്പിച്ചിരുന്ന സച്ചിൻ തെൻഡുൽക്കർ ഡിസ്ചാർജായി. സച്ചിൻ തന്നെയാണ് വീട്ടിലെത്തിയ വിവരം ട്വിറ്ററിലൂടെ അറിയിച്ചത്. മാർച്ച് 27നാണ് സച്ചിന് കൊവിഡ് സ്ഥിരീകരിച്ചത്. ആറ് ദിവസങ്ങൾക്ക് ശേഷം ഡോക്ടർമാരുടെ നിർദേശപ്രകാരം മുൻകരുതലെന്ന നിലയ്ക്ക് താരത്തെ ആശുപത്രിയിൽ പ്രവേശിപ്പിക്കുകയായിരുന്നു. തനിക്ക് വേണ്ടി പ്രാർഥിച്ച ആരാധകർക്കും പരിചരിച്ച മെഡിക്കൽ സ്റ്റാഫിനും സച്ചിൻ നന്ദി അറിയിച്ചു.

യുപിയിലെ ഝാൻസിയിൽ ട്രെയിൻ യാത്രയ്ക്കിടെ കന്യാസ്ത്രീകളെ ആക്രമിച്ച കേസിൽ മൂന്ന് പ്രതികൾക്കും ജാമ്യം. എ ബി വി പി നേതാവ് അജയ് ശങ്കർ തിവാരി, രാഷ്ട്രീയ ഭക്ത് സംഘട്ടൻ പ്രസിഡന്റ് അഞ്ജൽ അർജാരിയ, ഹിന്ദു ജാഗരൺ മഞ്ച് സെക്രട്ടറി പുർഗേഷ് അമാരിയ എന്നിവർക്കാണ് ജാമ്യം വലിയ പ്രതിഷേധങ്ങൾക്കൊടുവിലായിരുന്നു സംഘ്പരിവാർ ക്രിമിനലുകളായ പ്രതികളെ യുപി പോലീസ് അറസ്റ്റ് ചെയ്തിരുന്നത്. എബിവിപി പ്രവർത്തകരാണ് അതിക്രമം നടത്തിയതെന്ന പോലീസിന്റെ വെളിപ്പെടുത്തൽ ബിജെപിക്ക് തെരഞ്ഞെടുപ്പ് സമയത്ത് വലിയ ക്ഷീണം വരുത്തിയിരുന്നു. ഇതിന് പിന്നാലെ…