മുംബൈ: മഹാരാഷ്ട്രയിലെ നാഗ്പൂരില്‍ കൊവിഡ് 19 ആശുപത്രിയില്‍ വെള്ളിയാഴ്ച രാത്രി ഉണ്ടായ തീപിടുത്തത്തില്‍ നാല് പേര്‍ മരിച്ചു. ഐസിയുവിലെ എസി യൂണിറ്റില്‍ നിന്നാണ് തീപിടിത്തമുണ്ടായതെന്ന് നാഗ്പൂര്‍ സിവില്‍ ബോഡിയുടെ ചീഫ് ഫയര്‍ ഓഫീസര്‍ പറഞ്ഞു. ‘ആശുപത്രിയിലെ 27 രോഗികളെ മറ്റ് ആശുപത്രികളിലേക്ക് മാറ്റി. അവരുടെ ആരോഗ്യസ്ഥിതിയെക്കുറിച്ച് തങ്ങള്‍ക്ക് ഇപ്പോള്‍ അഭിപ്രായം പറയാനാവില്ല. ആശുപത്രി ഒഴിപ്പിച്ചു’- പോലിസ് ഉദ്യോഗസ്ഥനെ ഉദ്ധരിച്ച് വാര്‍ത്താ ഏജന്‍സിയായ എഎന്‍ഐ റിപോര്‍ട്ട് ചെയ്തു.
നാല് മൃതദേഹങ്ങള്‍ ആശുപത്രിയില്‍ നിന്ന് കണ്ടെത്തിയതായി അധികൃതര്‍ അറിയിച്ചു. രണ്ടുപേരുടെ നില ഗുരുതരമാണെന്നും അവര്‍ പറഞ്ഞു. 30 ബെഡ് സൗകര്യമുള്ള നാഗ്പൂരിലെ വാദി പരിസരത്തുള്ള ആശുപത്രിയിലാണ് തീപിടിത്തമുണ്ടായത്. അതില്‍ 15 എണ്ണം തീവ്രപരിചരണ വിഭാഗത്തിലെ കിടക്കകളായിരുന്നു.ആശുപത്രിയുടെ രണ്ടാം നിലയില്‍ സ്ഥിതി ചെയ്യുന്ന ഐസിയുവിലെ എസി യൂണിറ്റില്‍ നിന്നാണ് തീപിടിത്തമുണ്ടായതെന്ന് റിപ്പോര്‍ട്ട്. തീ ആ നിലയില്‍ ഒതുങ്ങിനില്‍ക്കുകയും കൂടുതല്‍ പടരുകയും ചെയ്തിട്ടില്ലെന്ന് നാഗ്പൂര്‍ മുനിസിപ്പല്‍ കോര്‍പ്പറേഷന്‍ ചീഫ് ഫയര്‍ ഓഫീസര്‍ രാജേന്ദ്ര ഉച്ചെ വാര്‍ത്താ ഏജന്‍സി പിടിഐയോട് പറഞ്ഞു.
Read More
രാജസ്ഥാനില്‍ ബസ്സിന് തീപിടിച്ച് ആറ് പേര്‍ മരിച്ചു; 17 പേര്‍ക്ക് പൊള്ളലേറ്റു
ആശുപത്രിയില്‍ സൂക്ഷിച്ചിരുന്ന പെണ്‍കുട്ടിയുടെ മൃതദേഹം തെരുവുനായ കടിച്ചു കീറി; ഞെട്ടിക്കുന്ന വീഡിയോ സമൂഹമാധ്യമങ്ങളില്‍
മധ്യപ്രദേശില്‍ പരിശീലക വിമാനം തകര്‍ന്നുവീണു; മൂന്ന് പൈലറ്റുമാര്‍ക്ക് പരിക്ക്
വയനാട് മുട്ടിലിൽ നിയന്ത്രണം വിട്ട സ്കൂട്ടി പോസ്റ്റിലിടിച്ച് ഒരാൾ മരിച്ചു : രണ്ടു പേർക്ക് പരിക്ക്
