മുതിർന്ന നടൻ കിഷോർ നന്ദലസ്കർ കൊവിഡ് ബാധിച്ച് മരിച്ചു. 81 വയസ്സായിരുന്നു. ശ്വാസതടസ്സത്തെ തുടർന്ന് ആശുപത്രിയിൽ പ്രവേശിപ്പിക്കുകയും പരിശോധനയിൽ കൊവിഡാണെന്ന് കണ്ടെത്തുകയുമായിരുന്നു. മറാത്തി സിനിമയിലൂടെയാണ് അഭിനയ രംഗത്ത് അദ്ദേഹമെത്തിയത്. പിന്നീട് ബോളിവുഡിലേക്കെത്തി. ഖാഖി, വാസ്തവ്, സിംഗം തുടങ്ങിയവയാണ് പ്രധാന ചിത്രങ്ങൾ
ഹൈദരാബാദ്: രാജ്യത്ത് കോവിഡ് പ്രതിരോധത്തിൽ നിർണായക ചുവടുവെയ്പ്പുമായി പ്രമുഖ വാക്സിൻ നിർമ്മാതാക്കളായ ഭാരത് ബയോടെക്. കോവാക്സിന്റെ ഉത്പാദനം വർദ്ധിപ്പിക്കാനാണ് ഭാരത് ബയോടെകിന്റെ തീരുമാനം. പ്രതിവർഷം 700 മില്യൺ ഡോസുകൾ നിർമ്മിക്കുമെന്നാണ് കമ്പനി അറിയിച്ചിരിക്കുന്നത്. ഇന്ത്യയിലും ആഗോളതലത്തിലും നടക്കുന്ന വാക്സിനേഷൻ പ്രക്രിയയെ പിന്തുണയ്ക്കുന്നതിന്റെ ഭാഗമായാണ് സുപ്രധാന തീരുമാനം ഭാരത് ബയോടെക് സ്വീകരിച്ചിരിക്കുന്നത്. നിലവിൽ വാക്സിൻ നിർമ്മാണം പുരോഗമിക്കുന്ന ഹൈദരാബാദിലെ ജെനോം വാലിയ്ക്കും ബംഗളൂരുവിലെ കേന്ദ്രത്തിനും പുറമെ ഹൈദരാബാദിലെ വിവിധ യൂണിറ്റുകളിലേക്ക് നിർമ്മാണ പ്രവർത്തനങ്ങൾ വ്യാപിപ്പിക്കാനാണ് കമ്പനി പദ്ധതിയിടുന്നത്….
ബംഗാളിൽ നിയമസഭാ തെരഞ്ഞെടുപ്പിന്റെ അവസാന രണ്ട് ഘട്ടങ്ങൾ ഒന്നിച്ചു നടത്തിയേക്കും. കൊവിഡ് വ്യാപനം രൂക്ഷമായ സാഹചര്യത്തിൽ അവസാന രണ്ട് ഘട്ട തെരഞ്ഞെടുപ്പുകൾ ഒന്നിച്ച് നടത്താൻ നിരീക്ഷകർ തെരഞ്ഞെടുപ്പ് കമ്മീഷനോട് ശുപാർശ ചെയ്തിട്ടുണ്ട്. ഏപ്രിൽ 26, 29 തീയതികളിലായാണ് അവസാന രണ്ട് ഘട്ട തെരഞ്ഞെടുപ്പ് നടക്കുന്നത് രണ്ട് ഘട്ടങ്ങൾ ഒന്നിച്ച് നടത്തേണ്ടി വന്നാൽ കൂടുതൽ കേന്ദ്രസേനയെ വിന്യസിക്കേണ്ടി വരുമെന്നും നിരീക്ഷകർ ചൂണ്ടിക്കാട്ടി. തൃണമൂൽ കോൺഗ്രസ് അടക്കം തെരഞ്ഞെടുപ്പ് ഒന്നിച്ച് നടത്തണമെന്ന് കമ്മീഷനോട് ആവശ്യപ്പെട്ടിരുന്നു. ഏഴ്, എട്ട് ഘട്ടങ്ങൾ…
രാജ്യത്ത് കൊവിഡ് വ്യാപനം അതിരൂക്ഷം. പ്രതിദിന വർധനവ് മൂന്ന് ലക്ഷത്തിന് അടുത്തെത്തി. കഴിഞ്ഞ 24 മണിക്കൂറിനിടെ രാജ്യത്ത് 2,95,041 പേർക്കാണ് കൊവിഡ് സ്ഥിരീകരിച്ചത്. തുടർച്ചയായ ഏഴാം ദിവസമാണ് കൊവിഡ് പ്രതിദിന വർധനവ് രണ്ട് ലക്ഷം പിന്നിടുന്നത്. 2023 പേരാണ് 24 മണിക്കൂറിനിടെ കൊവിഡ് ബാധിച്ച് മരിച്ചത്. ഇതോടെ കൊവിഡ് മരണസംഖ്യ 1,82,553 ആയി ഉയർന്നു. 1,67,457 പേർ ഇന്നലെ രോഗമുക്തി നേടി. 1,32,76,039 പേരാണ് ഇതിനോടകം രോഗമുക്തി നേടിയത്. നിലവിൽ 21,57,538 പേരാണ് ചികിത്സയിൽ കഴിയുന്നത്….
ന്യൂഡൽഹി: ലോകത്ത് തന്നെ ഏറ്റവും കുറഞ്ഞ നിരക്കിലാണ് ഇന്ത്യയിൽ വാക്സിൻ ലഭ്യമാക്കുന്നതെന്ന് പ്രധാനമന്ത്രി നരേന്ദ്ര മോദി. കോവിഡിന്റെ രണ്ടാം തരംഗം ആശങ്കയാകുന്ന സാഹചര്യത്തിൽ രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. രണ്ടു മെയ്ഡ് ഇൻ ഇന്ത്യാ വാക്സിനുകളുമായി ലോകത്തെ ഏറ്റവും വലിയ വാക്സിനേഷൻ പദ്ധതിയാണ് രാജ്യത്ത് പുരോഗമിക്കുന്നത്. കോവിഡ് മുന്നണി പോരാളികളെയും വലിയതോതിൽ മുതിർന്ന പൗരന്മാരെയും ഇതിനോടകം തന്നെ വാക്സിനേറ്റ് ചെയ്തു കഴിഞ്ഞു. സുപ്രധാനമായ മറ്റൊരു തീരുമാനവും രാജ്യം കഴിഞ്ഞ ദിവസം പ്രഖ്യാപിച്ചു. രാജ്യത്തെ 18…
ന്യൂഡൽഹി: കോവിഡിനെതിരായ പോരാട്ടത്തിൽ അടുത്ത മൂന്നാഴ്ച നിർണായകമെന്ന് കേന്ദ്രസർക്കാർ. ഈ സാഹചര്യത്തിൽ മൂന്നാഴ്ചത്തേക്കുള്ള കോവിഡ് പ്രതിരോധ പ്രവർത്തനങ്ങൾ മുൻകൂട്ടി ആസൂത്രണം ചെയ്യാൻ കേന്ദ്ര ഭരണപ്രദേശങ്ങൾക്ക് നിർദേശം നൽകി. വിവിധ കേന്ദ്രഭരണ പ്രദേശങ്ങളിലെ ചീഫ് സെക്രട്ടറിമാരും പോലീസ് മേധാവിമാരും ഉൾപ്പെടെയുള്ളവർ പങ്കെടുത്ത ഉന്നതതല യോഗത്തിലാണ് കേന്ദ്ര നിർദേശം. കോവിഡ് പോരാട്ടം മുൻകൂട്ടി ആസൂത്രണം ചെയ്യുന്നതിനൊപ്പം പുതിയ കോവിഡ് രോഗികളെ കണ്ടെത്താൻ കേന്ദ്രഭരണ പ്രദേശങ്ങൾ നടപടികൾ ഊർജിതമാക്കണമെന്നും കേന്ദ്രസർക്കാർ നിർദേശിച്ചു. ഇതിനായി പരിശോധനകൾ വർധിപ്പിക്കണം. റാപ്പിഡ് ആന്റിജൻ പരിശോധനയ്ക്കൊപ്പം…
രാജ്യത്ത് ട്രെയിൻ സർവീസ് നിർത്തിവെക്കില്ലെന്ന് കേന്ദ്ര റെയിൽവേ മന്ത്രി പീയുഷ് ഗോയൽ. ജനങ്ങൾ ആശങ്കപ്പെടേണ്ടതില്ല. ട്രെയിനുകൾ ഓടുന്നുണ്ട്. തുടർന്നും അവ ഓടും. അതിഥി തൊഴിലാളികളുടെ കാര്യം നേരിട്ട് വിലയിരുത്തുന്നുണ്ടെന്നും പീയുഷ് ഗോയൽ പറഞ്ഞു റെയിൽവേ ബോർഡ് ചെയർമാൻമാരും ജനറൽ മാനേജർമാരും സ്ഥിതിഗതികൾ സസൂക്ഷ്മം നിരീക്ഷിക്കുന്നുണ്ട്. ആവശ്യമെങ്കിൽ അതിഥി തൊഴിലാളികൾക്ക് വേണ്ടി പ്രത്യേക ട്രെയിനുകൾ ഏർപ്പെടുത്തുമെന്നും പീയുഷ് ഗോയൽ പറഞ്ഞു.
കോൺഗ്രസ് നേതാവും വയനാട് എംപിയുമായ രാഹുൽ ഗാന്ധിക്ക് കൊവിഡ് സ്ഥിരീകരിച്ചു. ട്വിറ്റർ വഴി അദ്ദേഹം തന്നെയാണ് ഇക്കാര്യം അറിയിച്ചത്. നേരിയ ലക്ഷണങ്ങൾ കാണിച്ചതിനെ തുടർന്ന് കൊവിഡ് ടെസ്റ്റ് നടത്തുകയും രോഗം സ്ഥിരീകരിക്കുകയുമായിരുന്നു. താനുമായി സമ്പർക്കത്തിൽ വന്നവർ എല്ലാ പ്രോട്ടോക്കോളും പാലിക്കണമെന്ന് രാഹുൽ അഭ്യർഥിച്ചു.
ചെന്നൈ: നടന് വിവേകിന്റെ മരണത്തില് അഭ്യൂഹങ്ങള് പ്രചരിപ്പിച്ചാല് നടപടിയെടുക്കുമെന്ന് ചെന്നൈ കോര്പ്പറേഷന് കമ്മീഷണര് ജി. പ്രകാശ്. കോവിഡ് വാക്സിന് സ്വീകരിച്ചതിന് ശേഷമാണ് വിവേക് ഹൃദയാഘാതം മൂലം മരിച്ചത് എന്ന പ്രചാരണങ്ങള് വ്യാപകമാകുന്നതിനിടെയാണ് മുന്നറിയിപ്പ്. വിവേകിന്റെ വിയോഗം ദൗര്ഭാഗ്യകരമാണ്. കോവിഡ് വാക്സിനെ കുറിച്ച് അഭ്യൂഹങ്ങള് പ്രചരിപ്പിക്കുന്നവര്ക്കെതിരെ നിയമപരമായ നടപടിയെടുക്കും. അഭ്യൂഹങ്ങള് പ്രചരിപ്പിച്ചാല് കേസെടുക്കുമെന്നും കമ്മീഷണര് അറിയിച്ചു. ഏപ്രില് 17ന് പുലര്ച്ചെ ചെന്നൈയിലെ സിംസ് ആശുപത്രിയില് വെച്ചായിരുന്നു വിവേകിന്റെ അന്ത്യം. ഇതിന് പിന്നാലെയാണ് കോവിഡ് വാക്സിനേഷനുമായി ബന്ധപ്പെട്ടാണ് താരത്തിന് ഹൃദയാഘാതം…
ഡൽഹിയിൽ ഒരാഴ്ചത്തെ ലോക്ക് ഡൗൺ പ്രഖ്യാപിച്ചതിന് പിന്നാലെ കുടിയേറ്റ തൊഴിലാളികൾ കൂട്ടമായി പലായനം ആരംഭിച്ചു. തൊഴിൽ നഷ്ടവും പട്ടിണിയും ഭയന്നാണ് ഇവർ നാടുകളിലേക്ക് മടങ്ങുന്നത്. ഡൽഹി അതിർത്തികളിലെ ബസ് ടെർമിനലുകളിൽ നാട്ടിലേക്കുള്ള ബസിൽ കയറാൻ തൊഴിലാളികളുടെ തിരക്കാണ് ആനന്ദ് വിഹാർ, കൗശാംബി ബസ് സ്റ്റേഷനുകളിലെ അന്തർ സംസ്ഥാന ബസ് ടെർമിനലുകളിൽ വലിയ തിരക്കാണ് അനുഭവപ്പെടുന്നത്. കുടുംബമടക്കമാണ് ഇവർ നാടുകളിലേക്ക് മടങ്ങുന്നത്. യുപി, ബീഹാർ, രാജസ്ഥാൻ സംസ്ഥാനങ്ങളിൽ നിന്നുള്ളവരാണ് ഇതിലേറെയും അന്തർ സംസ്ഥാന ബസ് സർവീസുകൾ നിർത്തലാക്കില്ലെന്ന്…