National

  രാജ്യത്ത് കഴിഞ്ഞ 24 മണിക്കൂറിനിടെ 54,069 പേർക്ക് കൂടി കൊവിഡ് സ്ഥിരീകരിച്ചു. അതേസമയം ഇന്നലത്തെ അപേക്ഷിച്ച് നാലായിരത്തോളം കേസുകളുടെ വർധനവാണ് ഇന്നുണ്ടായിരിക്കുന്നത്. രാജ്യത്ത് ഇതോടെ കൊവിഡ് ബാധിച്ചവരുടെ എണ്ണം 3,00,82,778 ആയി ഉയർന്നു 1321 പേർ 24 മണിക്കൂറിനിടെ കൊവിഡ് ബാധിച്ച് മരിച്ചു. രാജ്യത്തെ കൊവിഡ് മരണം 3,91,981 ആയി. 68,885 പേർ ഒരു ദിവസത്തിനിടെ രോഗമുക്തി നേടുകയും ചെയ്തു. ഇതിനോടകം 2,90,63,740 പേരാണ് കൊവിഡിൽ നിന്ന് മുക്തരായത്. നിലവിൽ 6,27,057 പേരാണ് ചികിത്സയിൽ കഴിയുന്നത്….

  ജമ്മു കാശ്മീരിലെ സ്ഥിതിഗതികൾ ചർച്ച ചെയ്യുന്നതിനായി പ്രധാനമന്ത്രി വിളിച്ച സർവകക്ഷി യോഗം ഇന്ന്. പ്രധാനമന്ത്രി നരേന്ദ്രമോദി, ആഭ്യന്തര മന്ത്രി അമിത് ഷാ എന്നിവർ യോഗത്തിൽ പങ്കെടുക്കും. ജമ്മു കാശ്മീരിലെ 14 നേതാക്കൾക്കും യോഗത്തിലേക്ക് ക്ഷണമുണ്ട് യോഗത്തിൽ പങ്കെടുക്കാൻ കാശ്മീരിലെ പാർട്ടികളുടെ സഖ്യമായ ഗുപ്കർ തീരുമാനിച്ചിട്ടുണ്ട്. കാശ്മീരിന്റെ പ്രത്യേക പദവി പുനഃസ്ഥാപിക്കണമെന്ന് യോഗത്തിൽ ഇവർ ആവശ്യപ്പെടും. അതേസമയം കോൺഗ്രസ് ഈ ആവശ്യമുന്നയിച്ചേക്കില്ല. പൂർണ സംസ്ഥാനപദവി ജമ്മു കാശ്മീരിന് തിരികെ നൽകണമെന്ന ആവശ്യം കോൺഗ്രസ് ഉന്നയിക്കും. ഇന്നലെ മൻമോഹൻ…

കുട്ടികളിലെ കൊവാക്സിൻ പരീക്ഷണത്തിന് രജിസ്ട്രേഷൻ ആരംഭിച്ചു. പറ്റ്ന എയിംസ് ആശുപത്രിയിലാണ് രജിസ്ട്രേഷൻ ആരംഭിച്ചത്. 2നും 6നും ഇടയിൽ പ്രായമുള്ള കുട്ടികളിലാണ് പരീക്ഷണം. ജൂൺ മൂന്നിനാണ് 2 മുതൽ 18 വയസ്സ് വരെയുള്ള കുട്ടികളിൽ കൊവാക്സിൻ പരീക്ഷണത്തിനുള്ള അനുമതി ലഭിച്ചത്. തുടർന്ന് ആദ്യ ഘട്ടത്തിൽ 10 കുട്ടികളിൽ കൊവാക്സിൻ പരീക്ഷിച്ചിരുന്നു. ഈ കുട്ടികൾ രണ്ട് ഡോസ് വാക്സിനും സ്വീകരിച്ചുകഴിഞ്ഞാണ് ഇപ്പോൾ രണ്ടാം ഘട്ട പരീക്ഷണത്തിന് പൊതുവായ രജിസ്ട്രേഷൻ ആരംഭിച്ചിരിക്കുന്നത്. അതേസമയം, രാജ്യത്ത് കൊവിഡ് വ്യാപനം കുറയുകയാണ്. കഴിഞ്ഞ 24…

തമിഴ്‌നാട്ടിൽ പട്ടാപ്പകൽ നടുറോഡിൽ പോലീസ് വളഞ്ഞിട്ട് തല്ലിയ യുവാവ് മരിച്ചു. സേലം സ്വദേശി മരുകേശനാണ് കൊല്ലപ്പെട്ടത്. സംഭവത്തിൽ എ എസ് ഐ പെരിയ സ്വാമിയെ പോലീസ് അറസ്റ്റ് ചെയ്തു. ചൊവ്വാഴ്ച വൈകുന്നേരം സേലം ഏതാപൂർ ചെക്ക് പോസ്റ്റിന് അടുത്തുവെച്ചാണ് മുരുകേശനെ പോലീസ് മർദിച്ചത്. ഒപ്പമുണ്ടായിരുന്ന സുഹൃത്തുക്കൾ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ബുധനാഴ്ചയാണ് മുരുകേശൻ മരിച്ചത്. സമീപ ജില്ലയായ കല്ലക്കുറുച്ചിയിൽ നിന്ന് മദ്യം വാങ്ങി തിരിച്ചുവരുന്നതിനിടെയാണ് മുരുകേശനെ പോലീസ് മർദിച്ചത്. പെരിയസ്വാമിയുടെ നേതൃത്വത്തിൽ ലാത്തി കൊണ്ട് റോഡിലിട്ട്…

ഭാരത് ബയോടെക് വികസിപ്പിച്ച കൊവാക്സിന് തത്കാലം പൂർണ അനുമതി നൽകേണ്ടതില്ലെന്ന് കേന്ദ്ര വിദഗ്ദ്ധ സമിതി. അടിയന്തര ഉപയോഗത്തിന് അനുമതി തുടരും. ഗ‍‌ർഭിണികളിലെ കുത്തിവയ്പ്പിനും തത്കാലം അനുമതിയില്ല. കൊവാക്സിൻ 77.8 ശതമാനം ഫലപ്രദമെന്ന മൂന്നാംഘട്ട പരീക്ഷണ റിപ്പോർട്ട് ഇന്നലെ ഡിജിസിഐ അംഗീകരിച്ചിരുന്നു. റിപ്പോർട്ട് പരിഗണിച്ച വിദഗ്ധ സമിതി അടിയന്തര ഉപയോഗത്തിനുള്ള അനുമതി തുടരാനാണ് തീരുമാനിച്ചത്. പൂർണ്ണ അനുമതിക്കുള്ള അപേക്ഷയും ഭാരത് ബയോടെക് നൽകിയിരുന്നു. എന്നാൽ ഇത് പരിഗണിക്കാൻ കൂടുതൽ വിവരങ്ങൾ ആവശ്യമാണെന്ന് വിദഗ്ധ സമിതി വിലയിരുത്തി.

  ബാങ്കുവായ്പ് തട്ടിപ്പ് നടത്തി രാജ്യത്ത് നിന്ന് മുങ്ങിയ വിജയ് മല്യ, നീരവ് മോദി, മെഹുൽ ചോക്‌സി എന്നിവരുടെ സ്വത്തുവകകൾ കണ്ടുകെട്ടി. 18,170 കോടി രൂപയുടെ സ്വത്തുക്കളാണ് കണ്ടുകെട്ടിയത്. ഇതിൽ 9371 കോടി രൂപയുടെ സ്വത്തുക്കൾ തട്ടിപ്പിന് ഇരയായ ബാങ്കുകൾക്കും കേന്ദ്രസർക്കാരിനും കൈമാറി ബാങ്കുകൾക്ക് നഷ്ടമായ തുകയുടെ 80.45 ശതമാനത്തോളമേ കണ്ടുകെട്ടിയ സ്വത്ത് വരൂ. 8445 കോടി രൂപയാണ് തട്ടിപ്പിന് ഇരയായ ബാങ്കുകൾക്ക് ലഭിക്കുക.

  മയക്കുമരുന്നുമായി നൈജീരിയൻ സ്വദേശി മഹാരാഷ്ട്രയിൽ അറസ്റ്റിൽ. 230 ഗ്രാം കൊക്കൈൻ ഇയാളുടെ പക്കൽ നിന്നും പോലീസ് പിടികൂടി. ഏകദേശം 23 ലക്ഷം രൂപ വിലവരുന്ന മയക്കുമരുന്നാണ് ഇയാളിൽ നിന്നും കണ്ടെത്തിയത്. പാൽഘാറിൽ നിന്നുമാണ് ഇയാളെ പിടികൂടിയത്.  

  രാജ്യദ്രോഹ കേസിൽ ഐഷ സുൽത്താനയെ ലക്ഷദ്വീപ് പോലീസ് വീണ്ടും ചോദ്യം ചെയ്യുന്നു. കവരത്തി പോലീസ് സ്‌റ്റേഷനിൽ രാവിലെ പത്തരയോടെയാണ് ഐഷ ചോദ്യം ചെയ്യലിനായി ഹാജരായത്. അറസ്റ്റ് രേഖപ്പെടുത്തി ഐഷയെ ജാമ്യത്തിൽ വിട്ടയക്കുമെന്നാണ് സൂചന അറസ്റ്റ് ചെയ്താൽ ഐഷയെ ഇടക്കാല ജാമ്യത്തിൽ വിടണമെന്ന് ഹൈക്കോടതി നേരത്തെ നിർദേശിച്ചിരുന്നു. കൊവിഡ് മാനദണ്ഡങ്ങൾ ലംഘിച്ചുവെന്ന് ചൂണ്ടിക്കാട്ടി കലക്ടർ ഐഷക്ക് നോട്ടീസ് നൽകിയിരുന്നു.

  രാജ്യത്ത് കൊവിഡ് കേസുകളുടെ എണ്ണം മൂന്ന് കോടി പിന്നിട്ടു. 2020 തുടക്കത്തിലാണ് ആദ്യമായി രാജ്യത്ത് കൊവിഡ് സ്ഥിരീകരിച്ചത്. ഒരു വർഷത്തിൽ മൂന്ന് കോടിയിലേറെ പേർക്ക് രോഗം സ്ഥിരീകരിച്ചു. ഇതിൽ ഒരു കോടിയും കഴിഞ്ഞ അമ്പത് ദിവസത്തിനുള്ളിലാണ് റിപ്പോർട്ട് ചെയ്തത് കഴിഞ്ഞ 24 മണിക്കൂറിനിടെ 50,848 പേർക്കാണ് കൊവിഡ് സ്ഥിരീകരിച്ചത്. 1358 പേർ 24 മണിക്കൂറിനിടെ മരിച്ചു. രാജ്യത്ത് ഇതുവരെ 3,00,28,709 പേർക്കാണ് കൊവിഡ് സ്ഥിരീകരിച്ചത്. ആകെ മരണസംഖ്യ 3,90,660 ആയി ഉയർന്നു 24 മണിക്കൂറിനിടെ 68,817…

രാജ്യദ്രോഹക്കുറ്റത്തിന് കേസെടുത്ത ഐഷ സുൽത്താനയെ ചോദ്യം ചെയ്യലിന് വീണ്ടും ഹാജരാകാൻ കവരത്തി പോലീസ് നോട്ടീസ് നൽകി. ഇന്ന് രാവിലെ പത്തരയോടെ കവരത്തി പോലീസ് ആസ്ഥാനത്ത് ഹാജരാകാനാണ് നിർദേശം. ദ്വീപിലെ ക്വാറന്റൈൻ ചട്ടങ്ങൾ ലംഘിച്ചതിന് കലക്ടർ ഐഷയെ താക്കീത് ചെയ്തു. ആവർത്തിച്ചാൽ കടുത്ത നടപടി സ്വീകരിക്കുമെന്നാണ് നോട്ടീസിൽ പറയുന്നത് ഞായറാഴ്ച ചോദ്യം ചെയ്യാൻ വിളിപ്പിച്ചപ്പോൾ ദ്വീപ് വിട്ട് പോകരുതെന്ന് ആവശ്യപ്പെട്ടിരുന്നു. എന്നാൽ ചോദ്യം ചെയ്യലിന് ശേഷം പൊതുസ്ഥലങ്ങളിൽ മറ്റുള്ളവരുമായി സംസാരിച്ചതായാണ് കണ്ടെത്തൽ. ഐഷ പഞ്ചായത്ത് ഓഫീസ് സന്ദർശിച്ചതിന്റെയും അംഗങ്ങളുമായി…