National

  ഹൈദരാബാദ്: കോവിഡ് പ്രതിരോധ വാക്സിനേഷനിൽ റെക്കോർഡ് നേട്ടവുമായി ആന്ധ്രാപ്രദേശ്. ഒരു ദിവസം ഏറ്റവും കൂടുതൽ പേർക്ക് വാക്സിൻ നൽകിയ സംസ്ഥാനം എന്ന നേട്ടമാണ് ആന്ധ്രാപ്രദേശ് കരസ്ഥമാക്കിയത്. ഒറ്റ ദിവസം 13 ലക്ഷം പേർക്കാണ് ആന്ധ്രയിൽ വാക്‌സിൻ നൽകിയത്. ഞായറാഴ്ച വൈകിട്ട് ഏഴ് വരെയുള്ള കണക്കുകളിലാണ് ഇക്കാര്യം വ്യക്തമാക്കിയിരിക്കുന്നത്. മുഖ്യമന്ത്രി വൈഎസ് ജഗൻ മോഹൻ റെഡ്ഡിയുടെ നിർദേശപ്രകാരം നടന്ന മെഗാ വാക്സിനേഷൻ യജ്ഞത്തിന്റെ ഭാഗമായാണ് ഇത്രയധികം പേർക്ക് ഒറ്റദിവസംകൊണ്ട് വാക്സിൻ നൽകാൻ കഴിഞ്ഞത്. ഒരുകോടിയിലധികം ആളുകളാണ് ആന്ധ്രാപ്രദേശിൽ…

  രാജ്യത്ത് പുതിയ വാക്‌സിൻ നയം ഇന്ന് മുതൽ നിലവിൽ വരും. ആകെ വാക്‌സിന്റെ 75 ശതമാനവും കേന്ദ്രം സംഭരിച്ച് വിതരണം ചെയ്യും. ബാക്കി 25 ശതമാനം സ്വകാര്യ കമ്പനികൾക്ക് നേരിട്ട് വാങ്ങാനാകും. സ്വകാര്യ കേന്ദ്രങ്ങളുടെ പക്കലിൽ നിന്ന് വാക്‌സിനായി ഈടാക്കുന്ന തുകയ്ക്ക് പരിധി നിശ്ചയിക്കും നേരത്തെ അമ്പത് ശതമാനം വാക്‌സിൻ മാത്രമാണ് കേന്ദ്രം നേരിട്ട് വിതരണം ചെയ്തിരുന്നത്. ഇത് സംസ്ഥാനങ്ങളിൽ വാക്‌സിൻ ക്ഷാമം രൂക്ഷമാക്കുകയായിരുന്നു. സംസ്ഥാനങ്ങൾക്ക് നേരിട്ട് കമ്പനികളിൽ നിന്ന് വാക്‌സിൻ വാങ്ങാൻ അവസരമുണ്ടായിരുന്നുവെങ്കിലും കേന്ദ്രവിഹിതത്തിന്…

കവരത്തി: ഒരു ടെലിവിഷന്‍ ചര്‍ച്ചയില്‍ ‘ബയോ വെപ്പണ്‍’ പരാമര്‍ശം നടത്തിയ സിനിമാ പ്രവർത്തക ഐഷ സുല്‍ത്താനയെ മൂന്നര മണിക്കൂര്‍ നീണ്ട ചോദ്യം ചെയ്യലിന് ഒടുവില്‍ അന്വേഷണ സംഘം വിട്ടയച്ചു. മൂന്ന് ദിവസം ലക്ഷദ്വീപില്‍ തുടരണമെന്നും ആവശ്യമെങ്കില്‍ വിളിപ്പിക്കുമെന്നും കവരത്തി പൊലിസ് അറിയിച്ചിട്ടുണ്ട്. സേവ് ലക്ഷദ്വീപ് സമരത്തിന്റെ ഭാഗമായി നടത്തിയ ഒരു ചർച്ചയിൽ രാജ്യദ്രോഹ പരാമര്‍ശം നടത്തിയതിനെതിരെ ലക്ഷദ്വീപ് ബിജെപി അധ്യക്ഷന്‍ സി അബ്ദുള്‍ ഖാദര്‍ ഹാജി പരാതി നൽകിയിരുന്നു. ഇതിന്റെ അടിസ്ഥാനത്തിൽ എടുത്ത കേസിലാണ് അന്വേഷണ സംഘം…

ദുബൈ: യുഎഇ അംഗീകരിച്ച വാക്സിനുകളുടെ പട്ടികയിൽ കൊവിഷീൽഡും. കൊവിഷീൽഡ് രണ്ട് വാക്സിൻ എടുത്തവർക്ക് യു.എ.ഇയിലെത്താം. ഫൈസർ, ആസ്ട്ര, സെനക, സിനോഫോം, സ്പുട്നിക് വാക്സിനുകൾക്കും അനുമതി. ദുബായ് ഹെൽത്ത് അതോറിറ്റിയാണ് ഇക്കാര്യം വ്യക്തമാക്കിയത്.  

നടിയെ പീഡിപ്പിച്ച കേസിൽ തമിഴ്‌നാട് മുൻ മന്ത്രിയും അണ്ണാ ഡിഎംകെ നേതാവുമായ എം മണികണ്ഠൻ അറസ്റ്റിൽ. ഞായറാഴ്ച രാവിലെ ബംഗളൂരുവിൽ നിന്നാണ് ചെന്നൈ പോലീസ് മുൻമന്ത്രിയെ അറസ്റ്റ് ചെയ്തത് മണികണ്ഠൻ വിവാഹ വാഗ്ദാനം നൽകി പീഡിപ്പിക്കുകയും നിർബന്ധിപ്പിച്ച് ഗർഭഛിദ്രം നടത്തുകയും ചെയ്തുവെന്നും വധിക്കുമെന്ന് ഭീഷണിപ്പെടുത്തിയതായും നടിയുടെ പരാതി പറയുന്നു. കേസിൽ മണികണ്ഠൻ മുൻകൂർ ജാമ്യാപേക്ഷ നൽകിയെങ്കിലും കോടതി ഇത് തള്ളി.

  ജമ്മു കാശ്മീരിനെ കുറിച്ച് ചർച്ച ചെയ്യാൻ കേന്ദ്രസർക്കാർ സർവ കക്ഷി യോഗം വിളിച്ചതിനെ സ്വാഗതം ചെയ്ത് സിപിഎമ്മും കോൺഗ്രസും. അതേസമയം സർവകക്ഷി യോഗത്തിലേക്ക് ഔദ്യോഗിക ക്ഷണം ലഭിച്ചിട്ടില്ലെന്ന് ജമ്മു കാശ്മീർ മുൻമുഖ്യമന്ത്രിയും പിഡിപി നേതാവുമായ മെഹബൂബ മുഫ്തി അറിയിച്ചു. യോഗം സംബന്ധിച്ച് ടെലിഫോൺ കോൾ ലഭിച്ചിരുന്നു. പങ്കെടുക്കണോയെന്ന് തീരുമാനിക്കാൻ പിഡിപി നേതാക്കളുടെ യോഗം ചേരുമെന്നും മെഹബൂബ പറഞ്ഞു. അതേസമയം യോഗത്തെ കുറിച്ച് ഒരു വിവരവും ലഭിച്ചിട്ടില്ലെന്നാണ് ജമ്മു കാശ്മീർ കോൺഗ്രസ് അധ്യക്ഷൻ ജി എ മിർ…

  കൊവിഡ് മഹാമാരിയെ പ്രകൃതി ദുരന്തമായി കണക്കാക്കാനാകില്ലെന്ന് കേന്ദ്രസർക്കാർ. സുപ്രീം കോടതിയിൽ സമർപ്പിച്ച സത്യവാങ്മൂലത്തിലാണ് കേന്ദ്രസർക്കാർ നിലപാട് അറിയിച്ചത്. കൊവിഡ് ബാധിച്ച് മരിച്ചവരുടെ ബന്ധുക്കൾക്ക് നാല് ലക്ഷം രൂപ വീതം നഷ്ടപരിഹാരം നൽകാനാകില്ലെന്നും കേന്ദ്രം വ്യക്തമാക്കി കൊവിഡിനെ പ്രകൃതി ദുരന്തമായി കാണാനാകില്ല. കൊവിഡ് പ്രതിരോധ നടപടികൾക്കായുള്ള തുകയെ ഇത് ബാധിക്കും. നികുതി വരുമാനം കുറയുന്നതും നഷ്ടപരിഹാരം നൽകുന്നതിന് തടസ്സമാണെന്നും കേന്ദ്രം പറയുന്നു.

  ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 58,419 പേർക്കു കൂടി കോവിഡ് സ്ഥിരീകരിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. 81 ദിവസത്തിനു ശേഷമാണ് പ്രതിദിന കേസുകൾ അറുപതിനായിരത്തിന് താഴെ എത്തുന്നത്. രാജ്യത്ത് ഇതുവരെ 2,98,81,965 പേർക്കാണ് കോവിഡ് സ്ഥിരീകരിച്ചിട്ടുള്ളത്. കഴിഞ്ഞ 24 മണിക്കൂറിനിടെ 87,619 പേർ കൂടി രോഗമുക്തി നേടിയതോടെ രാജ്യത്ത് ഇതുവരെ 2,87,66,009 പേർ കോവിഡ് മുക്തരായിട്ടുണ്ട്. സമാന സമയപരിധിക്കിടെ 1576 മരണം കൂടി സ്ഥിരീകരിച്ചിട്ടുണ്ട്. ഇതോടെ ആകെ മരണസംഖ്യ 3,86,713 ആയി. നിലവിൽ…

  ജമ്മു കാശ്മീരിൽ സർവകക്ഷി യോഗം വിളിച്ച് കേന്ദ്ര സർക്കാർ. ഈ മാസം 24നാണ് യോഗം വിളിച്ചിരിക്കുന്നത്. പ്രധാനമന്ത്രി നരേന്ദ്രമോദിയും ആഭ്യന്തര മന്ത്രി അമിത് ഷായും യോഗത്തിൽ പങ്കെടുക്കും. നിയമസഭാ തെരഞ്ഞെടുപ്പ് നടക്കുന്നതടക്കമുള്ള വിഷയങ്ങൾ യോഗത്തിൽ ചർച്ചയാകും സുരക്ഷാ സാഹചര്യങ്ങൾ വിലയിരുത്തിയ ശേഷമാണ് പ്രധാനമന്ത്രിയുടെ നേതൃത്വത്തിൽ യോഗം വിളിച്ചിരിക്കുന്നത്. ആവശ്യമെങ്കിൽ നിയമസഭാ തെരഞ്ഞെടുപ്പിലേക്ക് നീങ്ങാവുന്ന സാഹചര്യമുണ്ടെന്ന വിലയിരുത്തലാണ് കേന്ദ്രത്തിന്. സർവകക്ഷി യോഗത്തിൽ പങ്കെടുക്കണോ എന്നതിൽ തീരുമാനമെടുത്തിട്ടില്ലെന്ന് കാശ്മീരിലെ ഗുപ്കർ സമിതി വ്യക്തമാക്കി. മുൻ മുഖ്യമന്ത്രിമാരായ മെഹബൂബ മുഫ്തി,…

  കൊൽക്കത്തയിൽ മാതാപിതാക്കളെ അടക്കം നാല് പേരെ കൊന്ന് കുഴിച്ചിട്ടെന്ന പരാതിയിൽ 19കാരൻ അറസ്റ്റിൽ. മാൾഡ സ്വദേശി ആസിഫ് മുഹമ്മദാണ് അറസ്റ്റിലായത്. സഹോദരൻ ആരിഫാണ് പോലീസിൽ പരാതി നൽകിയത്. മാതാപിതാക്കളെയും സഹോദരിയെയും മുത്തശ്ശിയെയും ആസിഫ് കൊന്ന് വീടിനോട് ചേർന്ന ഗോഡൗണിൽ കുഴിച്ചിട്ടുവെന്നാണ് ആരിഫിന്റെ പരാതിയിൽ പറയുന്നത്. ആരിഫിനെയും പോലീസ് ചോദ്യം ചെയ്യുകയാണ്. തന്നെ കൊല്ലാൻ ശ്രമിച്ചതോടെയാണ് പരാതി നൽകിയതെന്ന് ആരിഫ് പറയുന്നു. ഭയം കാരണമാണ് ഇക്കാര്യം നേരത്തെ അറിയിക്കാതിരുന്നതെന്നും ഇയാൾ പറയുന്നു. ഫെബ്രുവരി 28നാണ് ആസിഫ് കുടുംബത്തിലെ…