Kerala

  ലോകായുക്ത ഭേദഗതി ഓർഡിനൻസിനെ ചോദ്യം ചെയ്ത ഹർജി ഹൈക്കോടതി ഫയലിൽ സ്വീകരിച്ചു. ഹർജിയിൽ കോടതി സർക്കാരിനോട് വിശദീകരണം തേടി. അതേസമയം ഓർഡിനൻസ് സ്‌റ്റേ ചെയ്യാൻ ഹൈക്കോടതി വിസമ്മതിച്ചു. ആർ എസ് ശശികുമാർ എന്നയാളാണ് ഓർഡിനൻസിനെതിരെ ഹൈക്കോടതിയെ സമീപിച്ചത്. നീതിന്യായ വ്യവസ്ഥയുടെ സ്വാതന്ത്ര്യത്തിന് മേലുള്ള കടന്നുകയറ്റാണ് ഓർഡിനൻസ് എന്നും നടപ്പാക്കുന്നത് അടിയന്തരമായി സ്റ്റേ ചെയ്യണമെന്നുമാവശ്യപ്പെട്ടാണ് ഹർജി നൽകിയത്. ദുരിതാശ്വാസ ഫണ്ട് വിനിയോഗത്തിൽ ക്രമക്കേട് ആരോപിച്ച് മുഖ്യമന്ത്രിക്കെതിരെ ലോകായുക്തയിൽ പരാതി നൽകിയ വ്യക്തിയാണ് ഹർജിക്കാരൻ. നേരത്തെ ലോകായുക്ത ഭേദഗതി…

  തിരുവനന്തപുരം പോത്തൻകോട് വീണ്ടും ഗുണ്ടാ ആക്രമണം. ഗുണ്ടാസംഘം അറുപതുകാരനെ തലകീഴായി കെട്ടിത്തൂക്കി മർദിച്ചു. പോത്തൻകോട് പള്ളിനടയിൽ എസ് കെ ബേക്കറി ജീവനക്കാരൻ മുനൂർ മൻസിലിൽ നസീമിനാണ് മർദനമേറ്റത്. സംഭവത്തിൽ ക്വട്ടേഷൻ സംഘത്തിലെ മൂന്ന് പേർ അറസ്റ്റിലായി. ബന്ധു നൽകിയ ക്വട്ടേഷനെ തുടർന്നാണ് നസീമിനെ മർദിച്ചതെന്നാണ് സൂചന. ക്വട്ടേഷൻ നൽകിയ അബ്ബാസ് മൻസിലിൽ ഷുക്കൂറിനായുള്ള തെരച്ചിൽ തുടരുകയാണ്. പലിശക്ക് നൽകിയ മുപ്പതിനായിരം രൂപ തിരികെ കിട്ടാനാണ് ക്വട്ടേഷൻ നൽകിയതെന്നാണ് വിവരം

  എയർ ഇന്ത്യ ഉദ്യോഗസ്ഥനെതിരെ വ്യാജ പീഡനപരാതി കെട്ടിച്ചമച്ച കേസിൽ സ്വപ്‌ന സുരേഷിനെതിരെ കുറ്റപത്രം. സ്വപ്‌നയടക്കം പത്ത് പേർക്കെതിരെയാണ് ക്രൈംബ്രാഞ്ച് കുറ്റപത്രം സമർപ്പിച്ചത്. എയർ ഇന്ത്യ സാറ്റ്‌സ് വൈസ് ചെയർമാൻ ബിനോയ് ജേക്കബ് ഒന്നാം പ്രതിയും എച്ച് ആർ മാനേജരായിരുന്ന സ്വപ്‌ന രണ്ടാം പ്രതിയുമാണ് ഇന്നലെ വൈകുന്നേരമാണ് തിരുവനന്തപുരം ജുഡിഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിൽ കുറ്റപത്രം നൽകിയത്. തിരുവനന്തപുരം വിമാനത്താവളത്തിലെ ട്രേഡ് യൂണിയൻ നേതാവും ഉദ്യോഗസ്ഥനുമായ എസ് എൽ സിബുവിനതെിരെ 17 സ്ത്രീകളുടേതായിരുന്നു പരാതി. ഇതിൽ…

കോഴിക്കോട് കുതിരവട്ടം മാനസികാരോഗ്യ കേന്ദ്രത്തിലെ അന്തേവാസിയെ മരിച്ച നിലയിൽ കണ്ടെത്തി. മഹാരാഷ്ട്ര സ്വദേശി ജിയാറാം ജിലോട്ടിനെയാണ് മരിച്ച നിലയിൽ കണ്ടത്. ഇന്നലെ രാത്രിയാണ് 30കാരിയായ ജിയറാമിനെ മരിച്ച നിലയിൽ കണ്ടത്. മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റും. മെഡിക്കൽ കോളജ് പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. അസ്വാഭാവിക മരണത്തിന് പോലീസ് കേസെടുത്തു.  

  ആലപ്പുഴ നഗരസഭാ ഓഫീസ് റവന്യു ഇൻസ്‌പെക്ടർ കൈക്കൂലി വാങ്ങുന്നതിനിടെ പിടിയിൽ. തിരുവല്ല സ്വദേശി ജയരാജിനെയാണ് വിജിലൻസ് സംഘം പിടികൂടിയത്. വീടിന്റെ ഉടമസ്ഥാവകാശം മാറ്റി നൽകുന്നതിന് പതിനായിരം രൂപ കൈക്കൂലി പറ്റുന്നതിനിടെയാണ് അറസ്റ്റ് വീടിന്റെ ഉടമസ്ഥാവകാശം മാറ്റി വാങ്ങാനെത്തിയ അപേക്ഷകനെ പല കാരണങ്ങൾ പറഞ്ഞ് ഇയാൾ മടക്കി അയച്ചു. ഒടുവിൽ പതിനായിരം രൂപ കൈക്കൂലി ആവശ്യപ്പെട്ടു. ആദ്യ ഘട്ടമായി 2500 രൂപ കൊണ്ടുവരാൻ നിർദേശിച്ചു. പരാതിക്കാരൻ ഈ വിവരം വിജിലൻസിന് കൈമാറി. നഗരസഭ ഓഫീസിൽ പണവുമായി എത്തുകയും…

  കൊല്ലം കുളത്തൂപ്പുഴയിൽ പിക്ക് അപ് വാൻ നിയന്ത്രണം വിട്ടുമറിഞ്ഞ് രണ്ട് പേർ മരിച്ചു. കുളത്തൂപ്പുഴ കല്ലാറിലാണ് അപകടം നടന്നത്. അപകടത്തിൽ മൂന്ന് പേർക്ക് ഗുരുതരമായി പരുക്കേറ്റു. കുളത്തൂപ്പുഴ സ്വദേശി യഹ്യ കുട്ടി, ചിതറ വളവുപച്ച സ്വദേശി സക്കീർ എന്നിവരാണ് മരിച്ചത്. വനമേഖലയോട് ചേർന്ന സ്വകാര്യ എസ്‌റ്റേറ്റിലാണ് അപകടമുണ്ടായത്.

  മലമ്പുഴയിലെ സംരക്ഷിത വനമായ കൂർമ്പാച്ചി വനത്തിൽ അതിക്രമിച്ച് കയറിയെന്ന സംഭവത്തിൽ ബാബുവിനെതിരെ തുടർ നടപടികളുണ്ടാകില്ലെന്ന് വനം മന്ത്രി എ കെ ശശീന്ദ്രൻ. ബാബുവിനെതിരെ കേസെടുക്കാൻ വനംവകുപ്പ് ഒരുങ്ങുന്നുവെന്ന റിപ്പോർട്ടുകൾക്ക് പിന്നാലെയാണ് മന്ത്രി ഇക്കാര്യം അറിയിച്ചത്. ബാബുവിന്റെ അമ്മയുമായി സംസാരിച്ചതായി മന്ത്രി പറഞ്ഞു. സഹായിക്കണം, മകന്റെ ഭാഗത്ത് നിന്നുണ്ടായ തെറ്റ് പൊറുക്കണമെന്നാണ് അവർ പറഞ്ഞത്. ആ കുടുംബത്തെയും ബാബുവിനെയും ഉപദ്രവിക്കുന്ന നടപടികൾ വനംവകുപ്പിന്റെ ഭാഗത്ത് നിന്നുണ്ടാകില്ല. ബാബുവിന്റെ രക്ഷാപ്രവർത്തനം കേരളത്തെയാകെ അഭിമാനം കൊള്ളിച്ച സംഭവമാണെന്നും മന്ത്രി പറഞ്ഞു…

  മലയിടുക്കിൽ നിന്നും രക്ഷപ്പെടുത്തിയതിന് പിന്നാലെ തന്നെയും സൈന്യത്തിൽ എടുക്കുമോ എന്നാണ് ബാബു ചോദിച്ചതെന്ന് ലഫ്. കേണൽ ഹേമന്ത് രാജ്. ബാബുവിനെ രക്ഷപ്പെടുത്തി മലമുകളിൽ എത്തിച്ചപ്പോഴായിരുന്നു ഈ ചോദ്യം. ഹേമന്ത് രാജിന്റെ നേതൃത്വത്തിലുള്ള സൈനിക സംഘമാണ് ബാബുവിനെ രക്ഷപ്പെടുത്തിയത് എത്ര കഠിനമായ അവസ്ഥയിലാണെങ്കിലും ഇന്ത്യൻ ആർമി കീ ജയ് എന്ന് വിളിക്കുമ്പോൾ തങ്ങൾക്ക് തന്നെ കിട്ടുന്ന ഒരു ഊർജമാണ് ഏറ്റവും പ്രധാനം. എല്ലാവർക്കും വേണ്ടിയാണ് ഞങ്ങളുടെ പ്രവർത്തനമെന്നും ഹേമന്ത് രാജ് പറഞ്ഞു ബുധനാഴ്ച രാവിലെ ആറരയോടെയാണ് കേണൽ…

പാലക്കാട്: ട്രെക്കിങിന് പോയി മലമ്പുഴ ചെറാട് കൂർമ്പാച്ചി മലയിൽ കുടുങ്ങിയ പാലക്കാട് സ്വദേശി ബാബുവിനെതിരെ വനം വകുപ്പ് കേസെടുക്കും. വനമേഖലയിൽ അനുമതിയില്ലാതെ അതിക്രമിച്ച് കയറിയതിനാണ് കേസെടുക്കുക. കേരളാ ഫോറസ്റ്റ് ആക്ട് സെക്ഷൻ 27 പ്രകാരമാണ് കേസെടുക്കുക. ഒരു വർഷം വരെ തടവോ പിഴയോ ലഭിക്കാവുന്ന കുറ്റമാണിത്. കേസെടുക്കുന്നതിന് മുന്നോടിയായി വാളയാർ സെക്ഷൻ ഓഫീസർ ബാബുവിനെ കണ്ട് മൊഴിയെടുക്കും. ഒപ്പമുണ്ടായിരുന്ന സുഹൃത്തുക്കൾക്ക് എതിരെ കേസെടുക്കുന്നത് ബാബുവിന്റെ മൊഴിയെടുത്ത ശേഷം തീരുമാനിക്കുമെന്ന് ഉദ്യോഗസ്ഥർ വ്യക്തമാക്കി. പാലക്കാട് ജില്ലാ ആശുപത്രി ഐസിയുവിലാണ്…

  വിഴിഞ്ഞം ഉച്ചക്കടയിൽ 44കാരനെ കുത്തിക്കൊന്ന കേസിൽ രണ്ട് പ്രതികൾ കൂടി പിടിയിൽ. മദ്യപിക്കാൻ പണം നൽകാത്തതിനെ തുടർന്നാണ് മരുതൂർകോണം റോഡിൽ താമസിക്കുന്ന സജികുമാറിനെ പ്രതികൾ കുത്തിക്കൊന്നത്. മൂന്നാം തീയതിയായിരുന്നു സംഭവം. രണ്ട് പ്രതികൾ നേരത്തെ പിടിയിലായിരുന്നു. ഒളിവിൽ കഴിഞ്ഞിരുന്ന രണ്ട് പേരെ പോലീസ് ഓടിച്ചിട്ടാണ് പിടികൂടിയത്. റജി, സുധീർ എന്നീ പ്രതികളെയാണ് ഒളിവിൽ കഴിഞ്ഞ സ്ഥലത്ത് നിന്നും പോലീസ് ഓടിച്ചിട്ട് പിടികൂടിയത്. വെള്ളായണി കാർഷിക കോളജിന് സമീപത്താണ് ഇവർ ഒളിവിൽ കഴിഞ്ഞത്. കൊല്ലപ്പെട്ട സജികുമാറിന്റെ സുഹൃത്തുക്കളാണ്…