Kerala

സീറ്റ് ചർച്ചകളിൽ തീരുമാനമാകാത്തതിനെ തുടർന്ന് വടകര അടക്കമുള്ള മണ്ഡലങ്ങളിൽ ഒറ്റയ്ക്ക് മത്സരിക്കാനൊരുങ്ങി ആർ എം പി. കെപിസിസി പ്രസിഡന്റ് മുല്ലപ്പള്ളി രാമചന്ദ്രന്റെ കടുത്ത നിലപാടാണ് നീക്കുപോക്കിന് തടസ്സമാകുന്നത്. വടകരയിൽ എൻ വേണു ആർ എം പിയുടെ സ്ഥാനാർഥിയായേക്കും തദ്ദേശ തെരഞ്ഞെടുപ്പിൽ ആർ എം പിയുമായി യുഡിഎഫ് നീക്കുപോക്ക് നടത്തിയിരുന്നു. ഇതിന് തുടർച്ചയെന്നോണം നിയമസഭാ തെരഞ്ഞെടുപ്പിലും നീക്കുപോക്കുണ്ടാക്കാൻ കെ മുരളീധരനും ലീഗിലെ ഒരു വിഭാഗം നേതാക്കളും ശ്രമിച്ചു. എന്നാൽ മുല്ലപ്പള്ളി ഇതിന് തടസ്സം വെക്കുകയായിരുന്നു വടകരയിൽ കോൺഗ്രസ് തന്നെ…

മത്സ്യത്തൊഴിലാളി യൂനിയൻ ജാക്‌സൺ പൊള്ളയിലാണ് ആഴക്കടൽ മത്സ്യബന്ധന വിഷയം തന്നോട് പറഞ്ഞതെന്ന് പ്രതിപക്ഷ നേതാവ് രമേശ് ചെന്നിത്തല. തങ്ങളുടെ 5000 കോടിയുടെ കരാർ പൊളിക്കണമെന്ന് ആവശ്യപ്പെട്ട് ആരെങ്കിലും തന്നെ വന്ന് കാണുമോ. മുഖ്യമന്ത്രിക്ക് തന്നോട് അരിശമാണെന്നും ചെന്നിത്തല പറഞ്ഞു ഐശ്വര്യ കേരളയാത്രയിലെ ലിസണിംഗ് പരിപാടിയിൽ ആലപ്പുഴയിൽ വെച്ചാണ് ജാക്‌സൺ പൊള്ളയിൽ ഈ വിഷയം തന്നോട് പറയുന്നത്. 400 ട്രോളറുകൾക്കും അഞ്ച് മദർ ഷിപ്പുകൾക്കും വേണ്ടി കരാർ ഒപ്പിട്ടതായും ഇത് തീരപ്രദേശത്ത് വൻ പ്രതിസന്ധിയുണ്ടാക്കുമെന്നും അദ്ദേഹം പറഞ്ഞു. ആരും…

തിരുവനന്തപുരം: സംസ്ഥാനത്ത് നാളെ വാഹന പണിമുടക്ക്. ഇന്ധനവില വർധനയിൽ പ്രതിഷേധിച്ചാണ് സംയുക്ത സമര സമിതി വാഹന പണിമുടക്കിന് ആഹ്വാനം ചെയ്തിട്ടുളളത്. രാവിലെ ആറു മുതൽ വൈകീട്ട് ആറുവരെയാണ് പണിമുടക്ക്. ബിഎംഎസ് ഒഴികെയുള്ള എല്ലാ ട്രേഡ് യൂണിയനുകളും പണിമുടക്കിൽ പങ്കെടുക്കും കെഎസ്ആര്‍ടിസി യൂണിയനുകളും സ്വകാര്യ ബസ് സംഘടനകളും പണിമുടക്കിൽ സഹകരിക്കുമെന്ന് സമരസമിതി നേതാക്കള്‍ പറഞ്ഞു. ഓട്ടോറിക്ഷ, ടാക്‌സി, ചെറുകിട വാഹനങ്ങൾ, സ്വകാര്യ ബസ്, കെഎസ്ആർടിസി ബസുകൾ തുടങ്ങിയവമോയെന്ന കാര്യത്തിൽ ഇന്നു തീരുമാനമുണ്ടാകും.

കഠിന ചൂടിനെ കരുതലോടെ നേരിടമെന്ന്  ആരോഗ്യവകുപ്പിന്റെ ജാഗ്രതാ നിര്‍ദേശം. രാവിലെ 11 മുതല്‍ വൈകുന്നേരം 3 മണി വരെ നേരിട്ടുള്ള വെയില്‍ കൊള്ളുന്നത് ഒഴിവാക്കണം. സൂര്യ പ്രകാശം ഏല്‍ക്കാതിരിക്കാന്‍ കുടയോ, തൊപ്പിയോ ഉപയോഗിക്കണം. 65 വയസിന് മുകളില്‍ പ്രായമുള്ളവര്‍, കുട്ടികള്‍, ഹൃദ്രോഗം തുടങ്ങിയ രോഗമുള്ളവര്‍, കഠിന ജോലികള്‍ ചെയ്യുന്നവര്‍ എന്നിവര്‍ക്ക് പ്രത്യേക സംരക്ഷണം നല്കണം.  വളരെ ഉയര്‍ന്ന ശരീരതാപം, വറ്റിവരണ്ട ചുവന്ന ചൂടായ ശരീരം, ശക്തമായ തലവേദന, തലകറക്കം, മന്ദഗതിയിലുള്ള നാഡിമിടിപ്പ്, മാനസിക അവസ്ഥയില്‍ ഉള്ള മാറ്റങ്ങള്‍…

 നാളെ നടത്താനിരുന്ന എസ്എസ്എല്‍സി, പ്ലസ് ടു, വിച്ച്എസ്ഇ പരീക്ഷകള്‍ മാറ്റിവച്ചു. മാറ്റിവച്ച പരീക്ഷകള്‍ ഈ മാസം എട്ടിന് നടത്തും. മറ്റ് പരീക്ഷകള്‍ക്ക് മാറ്റമുണ്ടാകില്ല. കേരള സര്‍വകലാശാല നാളെ നടത്താനിരുന്ന പരീക്ഷകളും മാറ്റിവച്ചു. ഇന്നാണ് എസ്എസ്എല്‍സി, ഹയര്‍ സെക്കന്‍ഡറി മോഡല്‍ പരീക്ഷകള്‍ തുടങ്ങിയത്. രാവിലെയും ഉച്ചയ്ക്കുമായിട്ടാണ് പരീക്ഷകള്‍ ക്രമീകരിച്ചിട്ടുള്ളത്. കൊവിഡ് മാര്‍ഗനിര്‍ദേശങ്ങള്‍ കര്‍ശനമായി പാലിച്ചാണ് പരീക്ഷ.രാവിലെ 9. 40ന് പരീക്ഷകള്‍ ആരംഭിച്ചു. രാവിലെയും ഉച്ചയ്ക്കുമായി ഓരോ പരീക്ഷകള്‍ എന്ന തരത്തില്‍ ദിവസം രണ്ടു പരീക്ഷകള്‍ വീതമാണ് ക്രമീകരിച്ചിട്ടുള്ളത്. ഒരു…

നടിയെ ആക്രമിച്ച കേസിൽ വിചാരണ പൂർത്തിയാക്കാൻ ആറ് മാസത്തെ സമയം കൂടി സുപ്രീം കോടതി അനുവദിച്ചു. വിചാരണ കോടതി ജഡ്ജിയുടെ ആവശ്യം പരിഗണിച്ചാണ് നടപടി. ഇനി കാലാവധി നീട്ടി നൽകില്ലെന്ന് സുപ്രം കോടതി വ്യക്തമാക്കിയിട്ടുണ്ട് പ്രത്യേക വിചാരണ കോടതി ജഡ്ജി ഹണി എം വർഗീസാണ് സുപ്രീം കോടതിക്ക് അപേക്ഷ നൽകിയത്. ജസ്റ്റിസ് എഎം ഖാൻവിൽക്കർ അധ്യക്ഷനായ ബഞ്ചാണ് അപേക്ഷ പരിഗണിച്ചത്. പ്രോസിക്യൂഷന്റെ ട്രാൻസ്ഫർ പെറ്റീഷനുകളും പ്രോസിക്യൂട്ടർ ഹാജരാകാൻ സാധിക്കാത്തതിനാലും നിർദേശിച്ച സമയത്ത് വിചാരണ പൂർത്തിയാക്കാൻ സാധിക്കില്ലെന്ന് അറിയിക്കുകയായിരുന്നു…

നിയമസഭാ തെരഞ്ഞെടുപ്പിനായുള്ള സ്ഥാനാർഥി പട്ടികക്ക് അന്തിമ രൂപം നൽകുന്നതിനായി കേന്ദ്ര ആഭ്യന്തര മന്ത്രി അമിത് ഷാ മാർച്ച് ഏഴിന് കേരളത്തിലെത്തും. കെ സുരേന്ദ്രൻ നയിക്കുന്ന വിജയ യാത്രയുടെ സമാപന ചടങ്ങിലും അമിത് ഷാ പങ്കെടുക്കും. സ്ഥാനാർഥി നിർണയം അമിത് ഷായുടെ സാന്നിധ്യത്തിൽ നടത്താനാണ് തീരുമാനം. ഇതിന് മുന്നോടിയായി എൻ ഡി എയിലെ ഘടകകക്ഷികളുമായി സീറ്റ് വിഭജന ചർച്ച നടത്തും. മണ്ഡലങ്ങളിൽ നിന്ന് പാർട്ടി പ്രവർത്തകരുടെ നിർദേശങ്ങളും സ്വീകരിക്കും. കേന്ദ്ര മന്ത്രി വി മുരളീധരൻ, കെ സുരേന്ദ്രൻ തുടങ്ങിയവർ…

തിരുവനന്തപുരം ആഴിമലയിൽ കടലിൽ കുളിക്കുന്നതിനിടെ രണ്ട് പേരെ കാണാതായി. ഇതിൽ ഒരാളുടെ മൃതദേഹം ലഭിച്ചു. പേയാട് സ്വദേശി പ്രശാന്ത് കുമാറിന്റെ മൃതദേഹമാണ് കണ്ടെത്തിയത്. രാവിലെ ഏഴ് മണിയോടെയാണ് അപകടമുണ്ടായത് പ്രശാന്തും സുഹൃത്തും കുളിക്കാനിറങ്ങിയപ്പോൾ തിരയിൽ അകപ്പെടുകയായിരുന്നു. മത്സ്യത്തൊഴിലാളികൾ ഉടനെ രക്ഷാപ്രവർത്തനം നടത്തിയെങ്കിലും പാറയുള്ള മേഖലയായതിനാൽ ഇരുവരെയും കണ്ടെത്താൻ സാധിച്ചില്ല കോസ്റ്റൽ പോലീസുമെത്തി പിന്നീട് തെരച്ചിൽ നടത്തിയപ്പോഴാണ് പ്രശാന്തിന്റെ മൃതദേഹം ലഭിച്ചത്. കപ്പ ടിവി ജീവനക്കാരനാണ് പ്രശാന്ത്‌

നിലമ്പൂർ മണ്ഡലത്തിൽ പി വി അൻവറിനെ വീണ്ടും മത്സരിപ്പിക്കാൻ സിപിഎം നീക്കം. മണ്ഡലത്തിൽ കഴിഞ്ഞ രണ്ട് മാസമായി അൻവറിന്റെ അസാന്നിധ്യം ചർച്ചയാകുമ്പോൾ തന്നെയാണ് വീണ്ടും മത്സരിപ്പിക്കാനൊരുങ്ങുന്നത്. അൻവറിന് ഒരു അവസരം കൂടി നൽകണമെന്നാണ് മലപ്പുറം ജില്ലാ നേതൃത്വത്തിന്റെ നിലപാട് മറ്റ് ആളുകളുടെ പേരും എൽ ഡി എഫ് മണ്ഡലത്തിൽ പരിഗണിക്കുന്നുണ്ട്. സിപിഎം ജില്ലാ നേതാവ് വി എം ഷൗക്കത്തിന്റെ ഉൾപ്പെടെ പേരുകളും ഉയർന്നുവരുന്നുണ്ട്. എന്നാൽ വിജയസാധ്യത കൂടുതൽ പി വി അൻവറിന് തന്നെയാണെന്ന് ജില്ലാ നേതൃത്വം പറയുന്നു….

നിയമസഭാ തെരഞ്ഞെടുപ്പിനായുള്ള യുഡിഎഫ് സീറ്റ് വിഭജനം സംബന്ധിച്ച് കോണ്‍ഗ്രസ്-കേരളാ കോണ്‍ഗ്രസ് ജോസഫ് വിഭാഗം ചര്‍ച്ച ഇന്ന് നടക്കും. 12 സീറ്റ് വേണമെന്ന നിലപാടിലാണ് ജോസഫ് വിഭാഗം. എന്നാല്‍ 9 സീറ്റ് നല്‍കാമെന്നാണ് കോണ്‍ഗ്രസ് അറിയിച്ചിരിക്കുന്നത് മുസ്ലിം ലീഗിന് 3 സീറ്റ് അധികം നല്‍കിയ സാഹചര്യത്തില്‍ തങ്ങള്‍ക്കും സീറ്റ് അധികം വേണമെന്ന് ജോസഫ് ആവശ്യപ്പെടുന്നു. എന്നാല്‍ കേരളാ കോണ്‍ഗ്രസ് മാണി ഗ്രൂപ്പ് ഒപ്പമുണ്ടായിരുന്നപ്പോള്‍ 15 സീറ്റില്‍ മത്സരിച്ചവര്‍ നിലവിലെ സാഹചര്യത്തില്‍ 12 സീറ്റ് ചോദിക്കേണ്ടതില്ലെന്നാണ് കോണ്‍ഗ്രസ് നല്‍കിയ മറുപടി.