Kerala

കേരളത്തില്‍ ഇന്ന് 24,166 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 4212, തിരുവനന്തപുരം 3210, എറണാകുളം 2779, പാലക്കാട് 2592, കൊല്ലം 2111, തൃശൂര്‍ 1938, ആലപ്പുഴ 1591, കോഴിക്കോട് 1521, കണ്ണൂര്‍ 1023, കോട്ടയം 919, പത്തനംതിട്ട 800, കാസര്‍ഗോഡ് 584, ഇടുക്കി 571, വയനാട് 315 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,35,232 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 17.87 ആണ്. റുട്ടീന്‍ സാമ്പിള്‍, സെന്റിനല്‍ സാമ്പിള്‍,…

സി കെ ജാനുവിനെ ജനാധിപത്യ രാഷ്ട്രീയ സഭയിൽ നിന്ന് സസ്‌പെൻഡ് ചെയ്തു. ആറ് മാസത്തേക്കാണ് സസ്‌പെൻഷൻ. ജാനു സാമ്പത്തിക ഇടപാടുകളും വോട്ട് തിരിമറിയും നടത്തിയതായി സംസ്ഥാന കമ്മിറ്റി ആരോപിക്കുന്നു സംസ്ഥാന സെക്രട്ടറി പ്രകാശൻ മൊറാഴയാമ് ഇതുസംബന്ധിച്ച വാർത്താക്കുറിപ്പ് ഇറക്കിയത്. ബിജെപി നേതാക്കളുമായി ചേർന്ന് വോട്ടുതിരിമറിയും സാമ്പത്തിക ഇടപാടുകളും നടത്തിയതിനാണ് അച്ചടക്ക നടപടി. നിയമസഭാ തെരഞ്ഞെടുപ്പിൽ ബത്തേരിയിലെ എൻഡിഎ സ്ഥാനാർഥിയായിരുന്നു ജാനു.

നിയമസഭാ തെരഞ്ഞെടുപ്പിലെ കനത്ത തോൽവിയുടെ പേരിൽ കെപിസിസി പ്രസിഡന്റ് സ്ഥാനത്തിരിക്കുന്ന മുല്ലപ്പള്ളി രാമചന്ദ്രനെ ഒറ്റതിരിഞ്ഞ് ആക്രമിക്കരുതെന്ന് പ്രതിപക്ഷ നേതാവ് വി ഡി സതീശൻ. തോൽവിയുടെ ഉത്തരവാദിത്വം ഉമ്മൻ ചാണ്ടിയും ചെന്നിത്തലയും മുല്ലപ്പള്ളിയും ചേർന്നാണ് ഏറ്റെടുത്തത്. ആരും ഒളിച്ചുപോയിട്ടില്ല കെപിസിസി പ്രസിഡന്റിനെ മാറ്റണമെന്ന് ആവശ്യപ്പെട്ട് ആരും ഇറങ്ങിയിട്ടില്ല. അത് തീരുമാനിക്കാൻ പാർട്ടിയുണ്ടെന്നും സതീശൻ പറഞ്ഞു. അതേ സമയത്ത് ഇനിയെങ്കിലും കെപിസിസി പ്രസിഡന്റ് സ്ഥാനം മാറുമോയെന്ന ചോദ്യത്തോട് പ്രതികരിക്കാൻ രാമചന്ദ്രൻ തയ്യാറായില്ല.

സംസ്ഥാനത്ത് സ്‌കൂളുകൾ തുറക്കാനുള്ള ഒരുക്കങ്ങൾ പൂർത്തിയായെന്ന് വിദ്യാഭ്യാസ മന്ത്രി വി ശിവൻകുട്ടി. കൊവിഡ് പശ്ചാത്തലത്തിലാണ് പ്രവേശനോത്സവം അടക്കമുള്ള കാര്യങ്ങൾ നടക്കുന്നത്. പരിമിതികൾക്ക് അകത്തുനിന്ന് ഭംഗിയായി നടത്താനാണ് വിദ്യാഭ്യാസ വകുപ്പ് ഒരുങ്ങുന്നതെന്നും മന്ത്രി പറഞ്ഞു കൈറ്റ് വിക്ടേഴ്‌സിൽ നടക്കുന്ന വെർച്വൽ പ്രവേശനോത്സവം ലൈവിൽ മുഖ്യമന്ത്രിയും വിദ്യാഭ്യാസ മന്ത്രിയും പങ്കെടുക്കും. കുട്ടികളുടെ കലാപരിപാടികളും നടക്കും. ഇതിന് ശേഷം സംസ്ഥാനതല ഉദ്ഘാടനം പതിനൊന്ന് മണിക്ക് കോട്ടൺഹിൽ സ്‌കൂളിൽ നടക്കും. വിക്ടേഴ്‌സ് ചാനൽ വഴി പാഠഭാഗങ്ങൾ സംപ്രേഷണം ചെയ്യുന്നതിന് പുറമെ അധ്യാപകരും കുട്ടികളും…

  വിഴിഞ്ഞത്ത് മത്സ്യബന്ധന വള്ളം മറിഞ്ഞുണ്ടായ അപകടത്തിൽ കാണാതായ രണ്ട് മത്സ്യത്തൊഴിലാളികളുടെയും മൃതദേഹങ്ങൾ കണ്ടെത്തി. പൂന്തുറ സ്വദേശി ജോസഫ് വർഗീസ്, സേവ്യർ എന്നിവരുടെ മൃതദേഹങ്ങളാണ് ലഭിച്ചത്. ഇതോടെ അപകടത്തിൽ മരിച്ചവരുടെ എണ്ണം മൂന്നായി. ചൊവ്വാഴ്ച അർധരാത്രിയിലാണ് വിഴിഞ്ഞത്ത് ബോട്ട് അപകടത്തിൽപ്പെട്ടത്. മത്സ്യബന്ധനത്തിന് ശേഷം കരയിലേക്ക് തിരികെ വരുന്നതിനിടെ ശക്തമായ തിരയിൽ അകപ്പെട്ടാണ് ബോട്ട് മുങ്ങിയത്. ബോട്ടിലുണ്ടായിരുന്ന ചിലരെ രക്ഷപ്പെടുത്തിയിരുന്നു. എങ്കിലും മൂന്ന് പേരെ കാണാതായി. ഇതിൽ പുന്തുറ സ്വദേശി ഡേവിസണിന്റെ മൃതദേഹം ഇന്നലെ വൈകുന്നേരം ലഭിച്ചിരുന്നു.

കെപിസിസി പ്രസിഡന്റ് സ്ഥാനത്ത് നിലിവിലുള്ള കോൺഗ്രസ് നേതാവ് മുല്ലപ്പള്ളി രാമചന്ദ്രനോട് പാർട്ടിയും സമൂഹവും നീതി കാണിച്ചില്ലെന്ന് മുൻ പ്രതിപക്ഷ നേതാവ് രമേശ് ചെന്നിത്തല. അനാവശ്യ ആരോപണങ്ങൾ ഉന്നയിച്ച് രാമചന്ദ്രനെ അപമാനിക്കാൻ ശ്രമിച്ച ആളുകൾ ഇന്നല്ലെങ്കിൽ നാളെ പശ്ചാത്തപിക്കുമെന്ന് ചെന്നിത്തല ഫേസ്ബുക്ക് വഴി പ്രതികരിച്ചു  

  കൊടകര കുഴൽപ്പണ കവർച്ചാക്കേസിൽ ബിജെപിയുടെ തട്ടിപ്പ് ഒന്നൊന്നായി പുറത്തുവരുന്നു. കവർച്ചാ സംഘത്തിന് തൃശ്ശൂരിൽ താമസമൊരുക്കിയത് ബിജെപി ജില്ലാ കമ്മിറ്റി ഓഫീസിൽ നിന്നാണെന്ന് ഹോട്ടൽ ജീവനക്കാരൻ മൊഴി നൽകി. നാഷണൽ ടൂറിസ്റ്റ് ഹോമിൽ ഏപ്രിൽ 2 വൈകുന്നേരം ഏഴ് മണിയോടെയാണ് മുറി ബുക്ക് ചെയ്തത് 216,216 മുറികളാണ് ബുക്ക് ചെയ്തത്. 215ൽ ധർരാജനും 216ൽ ഷംജീറും റഷീദും താമസിച്ചു. എർടിഗ കാറിലാണ് പണം കൊണ്ടുവന്നത്. ക്രറ്റയിലാണ് ധർമരാജൻ വന്നതെന്നും ജീവനക്കാരൻ മൊഴി നൽകി. ധർമരാജനെയും ഷംജീറിനെയും ഇന്ന്…

  രാജ്യത്ത് ഇന്ധനവില ഇന്നും വർധിപ്പിച്ചു. ഈ മാസം പതിനാലാം ദിവസമാണ് ഇന്ധനവിലയിൽ വർധനവുണ്ടാകുന്നത്. പെട്രോൾ ലിറ്ററിന് 24 പൈസയും ഡീസലിന് 31 പൈസയുമാണ് വർധിപ്പിച്ചത തിരുവനന്തപുരത്ത് പെട്രോൾ വില ലിറ്ററിന് 96 രൂപയായി. കൊച്ചിയിൽ പെട്രോൾ വില 93.90 രൂപയായി. ഡീസലിന് 89.28 രൂപയാണ്.

  സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. പതിനൊന്ന് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട് ജില്ലകളിലാണ് യെല്ലോ അലർട്ട് ഒറ്റപ്പെട്ട സ്ഥലങ്ങളിൽ മണിക്കൂറിൽ 40 കിലോമീറ്റർ വേഗതയിൽ കാറ്റിനും സാധ്യതയുണ്ട്. ഇടിമിന്നലോടുകൂടി മഴയാകും ലഭിക്കുക. കേരളാ തീരത്ത് മത്സ്യബന്ധനത്തിന് പോകരുതെന്ന് നിർദേശം നൽകിയിട്ടുണ്ട്.

തിരുവനന്തപുരം: സെക്രട്ടറിയറ്റില്‍ ഈ മാസം 31 മുതല്‍ 50 ശതമാനം ജീവനക്കാര്‍ ഹാജരാകണമെന്ന് മുഖ്യമന്ത്രി പിണറായി വിജയൻ. നിയമസഭാ സമ്മേളനം നടക്കുന്ന സാഹചര്യത്തിൽ എല്ലാ വകുപ്പുകളിലെയും പാർലമെന്ററി സെക്ഷനിലെ ഉദ്യോഗസ്ഥരും അണ്ടർ സെക്രട്ടറി മുതൽ സെക്രട്ടറി വരെ ഉള്ളവരും മെയ് 28 മുതൽ പ്രവർത്തി ദിവസങ്ങളിൽ ഓഫീസുകളിൽ ഹാജരാകണം. ആശുപത്രികളില്‍ ചികിത്സയില്‍ കഴിയുന്നവരുടെ എണ്ണത്തില്‍ കുറവുണ്ടായിട്ടില്ല. ഐസിയു ബെഡുകളിലും വെന്‍റിലേറ്ററുകളിലും ഇപ്പോള്‍ അനുഭവപ്പെടുന്ന തിരക്ക് കുറച്ചു നാളുകള്‍ കൂടി നീണ്ടു നില്‍ക്കും. അതിനാല്‍ ആശുപത്രികളില്‍ കൂടുതല്‍ തിരക്കുണ്ടാകാതിരിക്കുക…