Kerala

  തിരുവനന്തപുരം: സംസ്ഥാനത്തെ ആരോഗ്യരംഗത്ത് സംഭവിച്ച പാളിച്ചകൾക്കെതിരെ വിമർശിച്ചവർക്ക് മറുപടിയുമായി മുഖ്യമന്ത്രി പിണറായി വിജയൻ. എന്നും ഒരു ബദല്‍ കാഴ്‌ചപ്പാടാണ് കേരളമോഡലിലൂടെ ഉയ‌ര്‍ത്തിപ്പിടിച്ചതെന്ന് മുഖ്യമന്ത്രി പറഞ്ഞു. ചിന്ത വാരികയിലെഴുതിയ ലേഖനത്തിലാണ് വിമര്‍ശനങ്ങൾക്കുള്ള മുഖ്യമന്ത്രിയുടെ മറുപടി. ഈ പ്രതിസന്ധി കാലത്ത് കേരളത്തിലൊരാള്‍ക്കും വിശന്ന് ഉറങ്ങേണ്ടി വന്നില്ല, സംസ്ഥാനത്തിന് ലഭിച്ചതിലധികം വാക്‌സിന്‍ വിതരണം ചെയ്‌തു. ഒരാള്‍ക്ക് പോലും ചികിത്സ കിട്ടാതിരുന്നില്ല, ഈ പ്രതിസന്ധി കാലത്തും ഭരണസ്‌തംഭനം ഉണ്ടായില്ല, മാത്രമല്ല വികസന-ക്ഷേമ പ്രവര്‍ത്തനങ്ങള്‍ മുടങ്ങിയില്ല. കേരളത്തിന്റെ കൊവിഡ് പ്രതിരോധ മാതൃത തെറ്റെന്ന്…

  കണ്ണൂരിൽ മരത്തിൽ നിന്നും താഴെ വീണ് പരുക്കേറ്റ വിദ്യാർഥിയുടെ പിതാവിനെ മന്ത്രി വി ശിവൻകുട്ടി ഫോണിൽ വിളിച്ച് വിവരങ്ങൾ അന്വേഷിച്ചു. ഫോണിന് റേഞ്ച് ലഭിക്കാനായാണ് കുട്ടി മരത്തിൽ കയറിയത്. കണ്ണൂർ കലക്ടറെയും കുട്ടി ചികിത്സയിൽ കഴിയുന്ന ആശുപത്രിയുടെ സൂപ്രണ്ടിനെയും മന്ത്രി വിളിച്ച് കാര്യങ്ങൾ ചോദിച്ചറിഞ്ഞു. സംഭവത്തിൽ മനുഷ്യാവകാശ കമ്മീഷൻ കേസെടുത്ത് അന്വേഷണത്തിന് ഉത്തരവിട്ടിരുന്നു. 15 ദിവസത്തിനകം റിപ്പോർട്ട് നൽകാനാണ് കലക്ടർക്ക് നൽകിയ നിർദേശം. കണ്ണൂർ കണ്ണവം വനമേഖലയിലെ പന്യോട് ആദിവാസി കോളനിയിൽ താമസിക്കുന്ന അനന്തു ബാബു…

സപ്ലൈകോ മെഡിക്കൽ സ്റ്റോറുകളിൽ ഇൻസുലിൻ ഉത്പന്നങ്ങളുടെ വില കുറയ്ക്കുമെന്ന് ഭക്ഷ്യമന്ത്രി ജി ആർ അനിൽ. അടുത്ത മാസം ഒന്ന് മുതൽ ഇൻസുലിൻ ഉത്പന്നങ്ങൾക്ക് 20 ശതമാനം മുതൽ 24 ശതമാനം വരെ ഡിസ്‌കൗണ്ട് നൽകും. തൊണ്ണൂറിലധികം ഇൻസുലിൻ ഉത്പന്നങ്ങൾ ലഭ്യമാക്കുമെന്ന് മന്ത്രി അറിയിച്ചു. റേഷൻ കാർഡുമായി എത്തുന്നവർക്ക് ഒരു തവണ ആയിരം രൂപ വരെ ഇളവ് നൽകുമെന്നും മന്ത്രി വ്യക്തമാക്കി. ഓണക്കിറ്റിലെ ഏലക്കയുടെ ഗുണനിലവാരം സംബന്ധിച്ച പ്രതിപക്ഷ ആരോപണം തെറ്റാണെന്നും മന്ത്രി പറഞ്ഞു. കുറഞ്ഞ വിലയ്ക്ക് തന്നെയാണ്…

കൊച്ചി: മുട്ടിൽ മരംമുറിക്കേസ് പ്രതികളുടെ ജാമ്യഹർജി  ഹൈക്കോടതി പിന്നീട് പരിഗണിക്കാനായി മാറ്റി. ആന്റോ അഗസ്റ്റിൻ, റോജി അഗസ്റ്റിൻ, ജോസ്കുട്ടി അഗസ്റ്റിൻ എന്നിവരാണ്  ജാമ്യമാവശ്യപ്പെട്ട് ഹൈക്കോടതിയെ സമീപിച്ചത്. കേസും ആരോപണങ്ങളും പൊതു ജന പ്രതിഷേധത്തെ പ്രതിരോധിക്കാനെടുത്ത പുകമറ മാത്രമെന്ന് പ്രതികൾ ജാമ്യ ഹർജിയിൽ പറയുന്നു. 2020 നവംബർ ,ഡിസംബറിലും 2021 ജനുവരിയിലും നടന്ന മരംമുറിയിൽ കേസെടുത്തത് ആറ് മാസം കഴിഞ്ഞാണ്. ഒരു മാസമായി കസ്റ്റഡിയിൽ കഴിയുകയാണ്. അന്വേഷണവുമായി സഹകരിക്കാൻ തയ്യാറാണെന്നും കസ്റ്റഡിയിൽ  ചോദ്യം ചേയ്യേണ്ട സാഹചര്യമില്ലെന്നും അതിനാൽ ജാമ്യമനുവദിക്കണമെന്നുമാണ്…

  തൃക്കാക്കര നഗരസഭാ യോഗത്തിനിടെ ചെയർപേഴ്‌സൺ അജിത തങ്കപ്പനെ തടഞ്ഞ് പ്രതിപക്ഷാംഗങ്ങൾ. കൗൺസിൽ യോഗം നടക്കേണ്ട ഹാളിലേക്ക് ചെയർപേഴ്‌സണെ കടത്തിവിടാതെ പ്രതിപക്ഷം പ്രതിഷേധിച്ചതോടെ യുഡിഎഫ് അംഗങ്ങൾ അധ്യക്ഷയുടെ ചേംബറിലേക്ക് കയറി ഇവിടെ വെച്ച് കൗൺസിൽ യോഗം നടന്നതായി നഗരസഭ അധ്യക്ഷ അവകാശപ്പെട്ടു. സെക്രട്ടറി യോഗത്തിൽ പങ്കെടുത്തിരുന്നില്ല. പകരം ചുമതലപ്പെടുത്തിയ ഉദ്യോഗസ്ഥൻ യോഗം നിയന്ത്രിച്ചതായാണ് നഗരസഭ അധ്യക്ഷ പറയുന്നത്. പോലീസ് സംരക്ഷണത്തിലാണ് നഗരസഭാ അധ്യക്ഷ എത്തിയത് പണക്കിഴി വിവാദത്തെ തുടർന്നാണ് ചെയർപേഴ്‌സണെതിരെ പ്രതിഷേധം. ഓണക്കോടിക്കൊപ്പം കൗൺസിലർമാർക്ക് ചെയർപേഴ്‌സൺ പതിനായിരം…

  തൃശ്ശൂർ കോർപറേഷൻ യോഗത്തിനിടെ ഭരണ പ്രതിപക്ഷാംഗങ്ങൾ തമ്മിൽ കയ്യാങ്കളി. മാസ്റ്റർ പ്ലാൻ നടപ്പാക്കുന്നത് സംബന്ധിച്ച് ചർച്ച ചെയ്യാൻ ചേർന്ന യോഗമാണ് ബഹളത്തിൽ കലാശിച്ചത്. മേയറെ കയ്യേറ്റം ചെയ്യാനുള്ള പ്രതിപക്ഷത്തിന്റെ ശ്രമം ഭരണപക്ഷം തടഞ്ഞതോടെയാണ് സംഘർഷമുടലെടുത്തത് മാസ്റ്റർ പ്ലാൻ നടപ്പാക്കുന്നതിനെതിരെ നേരത്തെ കോൺഗ്രസും ബിജെപിയും രംഗത്തുവന്നിരുന്നു. എന്നാൽ പ്രതിപക്ഷത്തിന്റെ കൂടി അഭിപ്രായം പരിഗണിച്ചേ മാസ്റ്റർ പ്ലാൻ നടപ്പാക്കൂ എന്നായിരുന്നു മേയർ പറഞ്ഞത്. എന്നാൽ യോഗത്തിൽ ചർച്ച ചെയ്യാനുള്ള അവസരം പോലും നൽകാതെ പ്രതിപക്ഷം ബഹളം ആരംഭിക്കുകയായിരുന്നു പ്രതിപക്ഷ…

  കൊവിഡ് അവലോകന യോഗത്തിലെ തീരുമാനങ്ങൾ സർക്കാർ പ്രഖ്യാപിക്കും മുമ്പേ മാധ്യമങ്ങളിൽ വരുന്നതിൽ മുഖ്യമന്ത്രിക്ക് അതൃപ്തി. ഈ മാസം ഏഴിന് ചേർന്ന യോഗത്തിൽ ഇക്കാര്യത്തിലുള്ള അതൃപ്തി പ്രകടിപ്പിച്ച മുഖ്യമന്ത്രി മേലാൽ ഇത് ആവർത്തിക്കരുതെന്ന താക്കീതും നൽകി. യോഗത്തിൽ ഉയരുന്ന നിർദേശങ്ങൾ തീരുമാനമാകുന്നതിന് മുമ്പേ സർക്കാർ തീരുമാനമായി ചാനലുകളിൽ വരുന്നത് ശ്രദ്ധയിൽപ്പെട്ടെന്നും ഇത് ആവർത്തിക്കാൻ പാടില്ലെന്നും മുഖ്യമന്ത്രി പറഞ്ഞു. ജൂലൈ 30ന് നടന്ന യോഗത്തിൽ കൊവിഡി നിയന്ത്രണങ്ങളുമായി അധികകാലം മുന്നോട്ടു പോകാനാകില്ലെന്നും ഇളവുകളെ കുറിച്ച് ആലോചിക്കണമെന്നും മുഖ്യമന്ത്രി പറഞ്ഞിരുന്നു….

  ബിജെപി ദേശീയ വൈസ് പ്രസിഡന്റ് എ പി അബ്ദുള്ളക്കുട്ടിക്കെതിരെ ഡിജിപിക്ക് പരാതി. മതസ്പർധ വളർത്തുന്ന തരത്തിൽ അബ്ദുള്ളക്കുട്ടി വർഗീയ പ്രസ്താവന നടത്തിയെന്ന് ജമാഅത്തെ ഇസ്ലാമി സംസ്ഥാന സെക്രട്ടറി ഷിഹാബ് പൂക്കോട്ടൂരാണ് പരാതി നൽകിയത്. വാരിയംകുന്നത്ത് കുഞ്ഞഹമ്മദ് ഹാജിയെ താലിബാൻ തീവ്രവാദിയായി അബ്ദുള്ളക്കുട്ടി ഉപമിച്ചിരുന്നു നേരത്തെ യൂത്ത് ലീഗ് തിരൂരങ്ങാടി മണ്ഡലം കമ്മിറ്റിയും അബ്ദുള്ളക്കുട്ടിക്കെതിരെ പരാതി നൽകിയിരുന്നു. അബ്ദുള്ളക്കുട്ടിയുടേത് വർഗീയ കലാപത്തിനുള്ള ശ്രമമാണെന്നും കേസെടുക്കണമെന്നുമാണ് യൂത്ത് ലീഗിന്റെ ആവശ്യം.

തിരുവനന്തപുരം കോരാണിയിൽ നിയന്ത്രണം വിട്ട പോലീസ് ജീപ്പും കാറും കൂട്ടിയിടിച്ചുണ്ടായ അപകടത്തിൽ കോളജ് വിദ്യാർഥിനി മരിച്ചു. കാറിലുണ്ടായിരുന്ന യുവതിയുടെ സഹോദരനും മാതാപിതാക്കൾക്കും പരുക്കേറ്റു. പോലീസ് ജീപ്പിലുണ്ടായിരുന്ന രണ്ട് ഉദ്യോഗസ്ഥർക്കും പരുക്കേറ്റിട്ടുണ്ട് കൊല്ലം ആശ്രാമം ലക്ഷ്മണ നഗർ ജമീല മൻസിലിൽ സജീദ്-രാജി ദമ്പതികളുടെ മകൾ അനൈന(22)യാണ് മരിച്ചത്. തിരുവനന്തപുരം ലോ കോളജിലെ മൂന്നാം വർഷ വിദ്യാർഥിനിയാണ് അനൈന. സഹോദരൻ അംജദിന്റെ പരുക്ക് ഗുരുതരമാണ്. പോലീസ് ഡ്രൈവർ അഹമ്മദിനും ഗുരുതരമായി പരുക്കേറ്റിട്ടുണ്ട്. എ എസ് ഐ ഷജീറിനും പരുക്കേറ്റു തിരുവനന്തപുരത്തേക്ക്…

സിനിമാ നിർമാതാവും പാചക വിദഗ്ധനുമായ നൗഷാദ് അന്തരിച്ചു. 55 വയസ്സായിരുന്നു. തിരുവല്ലയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം. രണ്ടാഴ്ച മുമ്പ് നൗഷാദിന്റെ ഭാര്യ ഷീബയും മരിച്ചിരുന്നു. പാചകരംഗത്തിലൂടെയാണ് നൗഷാദ് മലയാളികളുടെ ശ്രദ്ധയാകർഷിക്കുന്നത്. നൗഷാദ് ദ ബിഗ് ഷെഫ് എന്ന റസ്റ്റോറന്റ് ശൃംഖല ആരംഭിക്കുകയും നിരവധി പാചക പരിപാടികളിൽ അവതാരകനായി എത്തുകയും ചെയ്തു. കാഴ്ച എന്ന മമ്മൂട്ടി ചിത്രത്തിന്റെ സഹനിർമാതാവായാണ് സിനിമയിൽ തുടക്കം. പിന്നീട് ചട്ടമ്പിനാട്, ബെസ്റ്റ് ആക്ടർ, ലയൺ, പയ്യൻസ്, സ്പാനിഷ് മസാല തുടങ്ങിയ ചിത്രങ്ങൾ നിർമിച്ചു