Kerala

ആരോഗ്യപ്രവർത്തകർക്കെതിരായ അതിക്രമങ്ങളിൽ കർശന നടപടി സ്വീകരിക്കണമെന്ന് ഹൈക്കോടതി. ഡോക്ടർമാർക്കും ആരോഗ്യ പ്രവർത്തകർക്കെതിരെയും ആക്രമണം വർധിച്ച സാഹചര്യത്തിലാണ് ഹൈക്കോടതിയുടെ ഇടപെടൽ. ആരോഗ്യപ്രവർത്തകർക്കെതിരായ ആക്രമണങ്ങൾ സർക്കാർ ലാഘവത്തോടെയാണ് കാണുന്നതെന്ന് ഹൈക്കോടതി വിമർശിച്ചു. ആരോഗ്യപ്രവർത്തകർക്ക് സംരക്ഷണം നല്കാൻ ഡി ജി പി ഇടപെടണമെന്ന് കോടതി ആവശ്യപ്പെട്ടു. പരാതി ലഭിച്ചാലുടൻ നടപടിയെടുക്കണമെന്നും കാലതാമസം പാടില്ലെന്നും ഹൈക്കോടതി നിർദേശിച്ചു. ആരോഗ്യപ്രവർത്തകർക്കെതിരായ ആക്രമണങ്ങളിൽ എഫ് ഐ ആർ രജിസ്റ്റർ ചെയ്യപ്പെടുന്നില്ലെന്ന് സ്വകാര്യ ആശുപത്രികൾ കോടതിയെ അറിയിച്ചു. കൊവിഡ് ചികിത്സ നിരക്കുമായി ബന്ധപ്പെട്ട കേസ് പരിഗണിക്കുമ്പോഴായിരുന്നു കോടതിയുടെ…

  തിരുവനന്തപുരം: കേരളത്തില്‍ ഇന്ന് 26,200 പേര്‍ക്ക് കോവിഡ്-19 സ്ഥിരീകരിച്ചു. തൃശൂര്‍ 3279, എറണാകുളം 3175, തിരുവനന്തപുരം 2598, മലപ്പുറം 2452, കോഴിക്കോട് 2332, കൊല്ലം 2124, പാലക്കാട് 1996, ആലപ്പുഴ 1604, കോട്ടയം 1580, കണ്ണൂര്‍ 1532, പത്തനംതിട്ട 1244, വയനാട് 981, ഇടുക്കി 848, കാസര്‍ഗോഡ് 455 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 1,56,957 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 16.69 ആണ്. ഇതുവരെ 3,29,98,816…

കെ.എസ്.ആർ.ടി.സിയുടെ സ്ഥലങ്ങളിൽ ബിവറേജസ് ഔട്ട്‌ലെറ്റുകൾ തുടങ്ങാനുള്ള നീക്കത്തിനെതിരേ കടുത്ത പ്രതിഷധമുണ്ടായെങ്കിലും തീരുമാനവുമായി മുന്നോട്ട് പോകുമെന്ന് കെ.എസ്.ആർ.ടി.സി മുന്നോട്ട്. എന്നാൽ ഡിപ്പോകൾ ഇതിനായി നൽകില്ലെന്ന് കെ.എസ്.ആർ.ടി.സി സിഎംഡി ബിജു പ്രഭാകർ അറിയിച്ചു. ഉപയോഗിക്കാതെ കിടക്കുന്ന 16 സ്ഥലങ്ങളാണ് ഇതിന് അനുവദിക്കുക. അംഗീകൃത യൂണിയനുകളുമായി സിഎംഡി നടത്തിയ ചർച്ചയിലാണ് ഇത് സംബന്ധിച്ച് തീരുമാനമായത്. തിരുവനന്തപുരത്തെ ഈഞ്ചക്കൽ, കോഴഞ്ചേരി എന്നിങ്ങനെ തെരഞ്ഞെടുത്ത സ്ഥലങ്ങളാണ് ഔട്ടലെറ്റ് ആരംഭിക്കുവാൻ നൽകുക. ഈ സ്ഥലങ്ങളിൽ ഡിപ്പോകളോ മറ്റ് സ്ഥാപനങ്ങളോ നിലവിൽ പ്രവർത്തിക്കുന്നില്ല. സാമ്പത്തിക പ്രതിസന്ധിയിൽ പെട്ടിരിക്കുന്ന…

നിയമസഭാ കയ്യാങ്കളി കേസിൽ തടസ്സ ഹർജി കോടതി തള്ളി. തിരുവനന്തപുരം സിജെഎം കോടതിയുടേതാണ് നടപടി. വി ശിവൻകുട്ടി, ഇ പി ജയരാജൻ, കെ ടി ജലീൽ, കെ അജിത്, സി കെ സദാശിവൻ, കുഞ്ഞഹമ്മദ് മാസ്റ്റർ എന്നീ പ്രതികൾ സമർപ്പിച്ച വിടുതൽ ഹർജിക്കെതിരെയാണ് കേരളാ അഭിഭാഷക പരിഷത്ത് തടസ്സ ഹർജി നൽകിയത്. രമേശ് ചെന്നിത്തല തടസ്സവാദം ഉന്നയിക്കുകയും ചെയ്തിരുന്നു തടസ്സ ഹർജി തള്ളിയതോടെ 23 മുതൽ വിടുതൽ ഹർജികളിൽ കോടതി വാദം കേൾക്കും. അതേസമയം കേസ് പിൻവലിക്കാനുള്ള…

മുഖ്യമന്ത്രി പിണറായി വിജയനുമായി തനിക്ക് യാതൊരു വ്യക്തിപരമായ പ്രശ്‌നവുമില്ലെന്ന് എൻ കെ പ്രേമചന്ദ്രൻ എംപി. മുഖ്യമന്ത്രി തനിക്കെതിരെ നടത്തിയ പരനാറി പ്രയോഗം ജനം വിലയിരുത്തട്ടെയെന്നാണ് തെരഞ്ഞെടുപ്പിന് മുമ്പും താൻ പറഞ്ഞത്. അതേ നിലപാടിൽ തന്നെയാണ് ഇപ്പോഴും നിൽക്കുന്നതെന്ന് കൊല്ലം പ്രസ് ക്ലബ്ബിൽ നടത്തിയ വാർത്താ സമ്മേളനത്തിൽ പ്രേമചന്ദ്രൻ പറഞ്ഞു എൽ ഡി എഫിന്റെ വക്താവായി നിന്ന ഒരാളാണ് താൻ. എല്ലാവരും പോയാലും താൻ പോകില്ലെന്ന ധാരണ നേതാക്കൾക്ക് ഉണ്ടായിട്ടുണ്ടാകണം. എൽഡിഎഫിനെതിരെ യുഡിഎഫ് സ്ഥാനാർഥിയായി വരുമെന്നും കരുതിക്കാണില്ല. അതാകാം…

എഐസിസി പുനഃസംഘടനയിൽ ജനറൽ സെക്രട്ടറി പദവിയിൽ നിന്ന് ഉമ്മൻ ചാണ്ടിയെ ഒഴിവാക്കിയേക്കുമെന്ന് സൂചന. 77കാരനായ ഉമ്മൻ ചാണ്ടിയെ പ്രായാധിക്യവും അനാരോഗ്യവും ചൂണ്ടിക്കാട്ടിയാണ് ഒഴിവാക്കുക. 2018ലാണ് ഉമ്മൻ ചാണ്ടി ആന്ധ്രയുടെ ചുമതലയുള്ള ജനറൽ സെക്രട്ടറിയായി ചുമതലയേറ്റത്. മുൻ കെപിസിസി പ്രസിഡന്റ് മുല്ലപ്പള്ളി രാമചന്ദ്രനെ എഐസിസി ജനറൽ സെക്രട്ടറി സ്ഥാനത്തേക്ക് പരിഗണിച്ചേക്കും. മുമ്പും കേന്ദ്രനേതൃത്വത്തിൽ മുല്ലപ്പള്ളി പദവി വഹിച്ചിട്ടുണ്ട്. അതേസമയം രമേശ് ചെന്നിത്തലയുടെ സാധ്യതകൾക്ക് മങ്ങലേറ്റുവെന്നാണ് സൂചന. ഡിസിസി പുനഃസംഘടനയുമായി ബന്ധപ്പെട്ട തീരുമാനങ്ങളിൽ പരസ്യമായി അതൃപ്തി പ്രകടിപ്പിച്ചതാണ് ചെന്നിത്തലക്ക് വിനയായത്.

താമരശ്ശേരിയിൽ ഓടിക്കൊണ്ടിരുന്ന ബൈക്കിന് മുകളിൽ മരം പൊട്ടിവീണു. ബൈക്ക് യാത്രികർ അത്ഭുതകരമായി രക്ഷപ്പെട്ടു. മരക്കൊമ്പുകൾക്കടിയിൽ ഇവർ പെട്ടുപോയിരുന്നു. ചുരത്തിലെ ഒമ്പതാം വളവിനും എട്ടാം വളവിനും ഇടയിലെ റോഡിൽ വെച്ചാണ് ഓടിക്കൊണ്ടിരുന്ന സ്‌കൂട്ടറിന് മുകളിലേക്ക് മരം വീണത് സംഭവത്തെ തുടർന്ന് ചുരത്തിൽ ഒരു മണിക്കൂറോളം ഗതാഗതം തടസ്സപ്പെട്ടു. പോലീസും ചുരം സംരക്ഷണ സമിതി പ്രവർത്തകരും ചേർന്ന് മരം തള്ളിമാറ്റി ഗതാഗതം പുനഃസ്ഥാപിക്കുകയായിരുന്നു.

മുൻ മന്ത്രിയും എംഎൽഎയുമായ കെ ടി ജലീലിനെ മുഖ്യമന്ത്രി ക്ലിഫ് ഹൗസിലേക്ക് വിളിപ്പിച്ചു. വ്യാഴാഴ്ച രാവിലെയായിരുന്നു കൂടിക്കാഴ്ച. മുസ്ലിം ലീഗ് നേതാവ് പികെ കുഞ്ഞാലിക്കുട്ടിക്കെതിരായ കള്ളപ്പണ ആരോപണം മുഖ്യമന്ത്രി തള്ളിയിരുന്നു. ഇതിന് പിന്നാലെയാണ് ജലീലിനെ വിളിപ്പിച്ചത്. ഇഡിക്ക് മുമ്പാകെ കുഞ്ഞാലിക്കുട്ടിക്കെതിരായ തെളിവുകൾ ഇന്ന് ജലീൽ ഹാജരാക്കുമെന്നാണ് പറഞ്ഞിരുന്നത്. ഇതിന് മുന്നോടിയായിട്ടായിരുന്നു കൂടിക്കാഴ്ച. കൂടിക്കാഴ്ചക്ക് ശേഷം ജലീൽ കൊച്ചിയിലേക്ക് തിരിച്ചു. വൈകുന്നേരം നാല് മണിയോടെയാണ് ജലീൽ ഇ ഡി ഓഫീസിൽ ഹാജരാകുന്നത് മുഖ്യമന്ത്രിയെ കണ്ടതായും വിശദമായി കാര്യങ്ങൾ സംസാരിച്ചതായും…

നിയമസഭാ കയ്യാങ്കളി കേസിൽ പ്രതികളുടെ വിടുതൽ ഹർജിക്കതെിരെ നൽകിയ തടസ്സ ഹർജിയിൽ കോടതി ഇന്ന് വിധി പറയും. തിരുവനന്തപുരം സിജെഎം കോടതിയാണ് വിധി പറയുക. പ്രതി പട്ടികയിൽ നിന്നൊഴിവാക്കണമെന്നാവശ്യപ്പെട്ട് മന്ത്രി വി ശിവൻകുട്ടി, ഇ പി ജയരാജൻ, കെ ടി ജലീൽ, കെ അജിത്, സി കെ സദാശിവൻ, കുഞ്ഞഹമ്മദ് മാസ്റ്റർ എന്നിവർ നൽകിയ ഹർജികളെ എതിർത്ത് രമേശ് ചെന്നിത്തലയും അഭിഭാഷക പരിഷത്തുമാണ് കോടതിയെ സമീപിച്ചത് ചെന്നിത്തല തടസ്സവാദം മാത്രമാണ് ഉന്നയിച്ചത്. അഭിഭാഷക പരിഷത്ത് തടസ്സഹർജി നൽകുകയും…

ഇടുക്കി മൂലമറ്റത്ത് വിവാഹ സംഘം സഞ്ചരിച്ച ട്രാവലർ മറിഞ്ഞ് നിരവധി പേർക്ക് പരുക്ക്. വാഗമൺ റോഡിൽ മണപ്പാട്ടിയിൽ കുത്തനെയുള്ള ഇറക്കത്തിൽ ട്രാവലർ നിയന്ത്രണം വിടുകയും മറിയുകയുമായിരുന്നു. പരുക്കേറ്റവരിൽ മൂന്ന് പേരുടെ നില ഗുരുതരമാണ് ഇവരെ കോലഞ്ചേരിയിലെ ആശുപത്രിയിൽ പ്രവേശിപ്പിച്ചു. ഇടുക്കി ചപ്പാത്ത് സ്വദേശികളായ ഷാജി, ഉഷ, കോശി എന്നിവരെയാണ് കോലഞ്ചേരി മെഡിക്കൽ കോളജിൽ പ്രവേശിപ്പിച്ചത്. ഉപ്പുതറ ആലടിയിൽ നിന്ന് തൃശ്ശൂരിലേക്ക് പോയ വിവാഹ സംഘത്തിന്റെ വാഹനമാണ് അപകടത്തിൽപ്പെട്ടത്.