Kerala

  കോഴിക്കോട് കെ എസ് ആർ ടി സി ബസ് ടെർമിനൽ നിർമാണത്തെ കുറിച്ചുള്ള വിജിലൻസ് റിപ്പോർട്ട് പുറത്തുവരുമ്പോൾ പ്രതികൾ ആരാണെന്ന് മനസ്സിലാകുമെന്ന് ഗതാഗത വകുപ്പ് മന്ത്രി ആന്റണി രാജു. യുഡിഎഫ് സർക്കാരിന്റെ കാലത്ത് നിർമാണം പൂർത്തിയാക്കി ഉദ്ഘാടനം ചെയ്ത ടെർമിനലാണിത്. ടി സിദ്ധിഖ് അവതരിപ്പിച്ച അടിയന്തര പ്രമേയത്തിന് മറുപടി നൽകുകയായിരുന്നു ആന്റണി രാജു ആരെ ലക്ഷ്യമാക്കിയാണ് വിഷയത്തിൽ അടിയന്തര പ്രമേയം അവതരിപ്പിക്കുന്നതെന്ന് മന്ത്രി ചോദിച്ചു. മറ്റൊരു പാലാരിവട്ടം പാലം ആയോ എന്നത് അന്വേഷിക്കുകയാണ്. യുഡിഎഫ് കാലത്ത്…

  മുല്ലപ്പെരിയാർ ബേബി ഡാം ബലപ്പെടുത്തണമെന്ന് കേന്ദ്ര സർക്കാർ നിർദേശം. ഇതുചൂണ്ടിക്കാട്ടി കേന്ദ്രം സംസ്ഥാന സർക്കാരിന് കത്തയച്ചു. തമിഴ്‌നാടിന്റെ ആവശ്യപ്രകാരമാണ് നടപടി. കേന്ദ്ര ജല ജോയന്റ് സെക്രട്ടറിയാണ് കത്തയച്ചത്. എർത്ത് ഡാമും ശക്തിപ്പെടുത്തണമെന്ന് കത്തിൽ ആവശ്യപ്പെടുന്നുണ്ട്. അപ്രോച്ച് റോഡിൽ അറ്റകുറ്റപ്പണി നടത്താനും കേന്ദ്രം നിർദേശിക്കുന്നു. നേരത്തെ കേരളം മരവിപ്പിച്ച വിവാദ ഉത്തരവിലെ നിർദേശങ്ങൾ നടപ്പാക്കണമെന്നാണ് കേന്ദ്രം അയച്ച കത്തിൽ പറയുന്നത്. ബേബി ഡാം ബലപ്പെടുത്തി മുല്ലപ്പെരിയാർ ഡാമിന്റെ ജലനിരപ്പ് 152 അടിയായി ഉയർത്തണമെന്നതായിരുന്നു തമിഴ്‌നാടിന്റെ ആവശ്യം. ബേബി…

  കോട്ടയം ബ്രഹ്മമംഗലത്ത് ആസിഡ് കുടിച്ച് നാലംഗ കുടുംബം ആത്മഹത്യക്ക് ശ്രമിച്ചു. രണ്ട് പേർ മരിച്ചു. കാലായിൽ സുകുമാരന്റെ ഭാര്യ സീന, മൂത്ത മകൾ സൂര്യ എന്നിവരാണ് മരിച്ചത്. സുകുമാരനും ഇളയ മകളും ഗുരുതരാവസ്ഥയിൽ കോട്ടയം മെഡിക്കൽ കോളജ് ആശുപത്രിയിൽ ചികിത്സയിലാണ് അയൽവാസികളാണ് സംഭവം ആദ്യമറിയുന്നത്. തുടർന്ന് നാല് പേരെയും ഉടനെ ആശുപത്രിയിൽ പ്രവേശിപ്പിക്കുകയായിരുന്നു. സീന ആശുപത്രിയിൽ എത്തിയപ്പോഴേക്കും തന്നെ മരിച്ചിരുന്നു. മൂത്ത മകളുടെ വിവാഹം അടുത്തിടെ മുടങ്ങിയതിന്റെ വിഷമത്തിലായിരുന്നു കുടുംബം എന്ന് പറയപ്പെടുന്നു.  

  വ്യാജ പുരാവസ്തുക്കൾ കാണിച്ച് കോടികളുടെ തട്ടിപ്പ് നടത്തിയ കേസിൽ അറസ്റ്റിലായ മോൻസൺ മാവുങ്കാലിന്റെ അടുപ്പക്കാരൻ ഐ ജി ലക്ഷ്മണക്കെതിരെയും നടപടിയുണ്ടായേക്കും. ഡിജിപി അനിൽകാന്തിന്റെ റിപ്പോർട്ട് അനുസരിച്ചാകും നടപടി. പോലീസിന്റെ മാന്യതക്ക് ചേരാത്ത നടപടിയാണ് ഐജിയുടെ ഭാഗത്ത് നിന്നുണ്ടായതെന്ന് റിപ്പോർട്ടിൽ പരാമർശമുണ്ട്. തുടക്കം മുതലെ ഐ ജി ലക്ഷ്മണ ആരോപണ വിധേയനായിരുന്നു. ഇതിന് പിന്നാലെ ഐജിയും മോൻസണും തമ്മിലുള്ള ബന്ധത്തിന്റെ കൂടുതൽ തെളിവുകൾ പരാതിക്കാരും പുറത്തുവിട്ടിരുന്നു. പരാതിക്കാർക്ക് മുന്നിൽ ഇരുന്ന് ഐജിയെ വിളിക്കുന്ന മോൻസന്റെ ദൃശ്യങ്ങളടക്കം പുറത്തുവന്നിരുന്നു…

മുല്ലപ്പെരിയാർ: റൂൾ കർവ് പുനഃപരിശോധിക്കണമെന്ന് കേരളം; സുപ്രീം കോടതിയിൽ സത്യവാങ്മൂലം മുല്ലപ്പെരിയാർ വിഷയത്തിൽ കേരളം സുപ്രീം കോടതിയിൽ സത്യവാങ്മൂലം സമർപ്പിച്ചു. ഡാമിലെ റൂൾ കർവിനെ സംസ്ഥാനം ചോദ്യം ചെയ്യുന്നുണ്ട്. റൂൾ കർവ് പുനഃപരിശോധിക്കണമെന്നും 142 അടിയായി ജലനിരപ്പ് ഉയർത്തണമെന്ന നിർദേശം പുനഃപരിശോധിക്കണമെന്നും കേരളം ആവശ്യപ്പെട്ടു. നിലവിലെ പ്രശ്‌നങ്ങൾക്ക് പരിഹാരം അണക്കെട്ടാണെന്നും കേരളം സുപ്രീം കോടതിയിൽ സമർപ്പിച്ച സത്യവാങ്മൂലത്തിൽ പറയുന്നു. കേസ് സുപ്രീം കോടതി മറ്റന്നാൾ പരിഗണിക്കും. മുല്ലപ്പെരിയാറിൽ പുതിയ ഡാം വേണമെന്ന് തന്നെയാണ് കേരളത്തിന്റെ നിലപാടെന്ന് മന്ത്രി…

  സിനിമാ, നാടക നടി കോഴിക്കോട് ശാരദ അന്തരിച്ചു. കോഴിക്കോട് മെഡിക്കൽ കോളജിൽ ചികിത്സയിലിരിക്കെയാണ് മരണം. ഹൃദയാഘാതമാണ് മരണ കാരണം. നാടകങ്ങളിൽ അഭിനയിച്ചു കൊണ്ടായിരുന്നു കോഴിക്കോട് ശാരദയുടെ തുടക്കം. 1979ൽ പുറത്തിറങ്ങിയ അങ്കക്കുറി എന്ന ചിത്രത്തിലൂടെ സിനിമയിലേക്കുള്ള അരങ്ങേറ്റം അനുബന്ധം, നാൽക്കവല, അന്യരുടെ ഭൂമി, ഉത്സവപിറ്റേന്ന്, സദയം, സല്ലാപം, കിളിച്ചുണ്ടൻ മാമ്പഴം, അമ്മക്കിളിക്കൂട്, നന്ദനം, യുഗപുരുഷൻ, കുട്ടിശ്രാങ്ക് തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്.

സംസ്ഥാനത്ത് ബസ് ചാർജ് വർധനവുണ്ടായേക്കും. മിനിമം ബസ് ചാർജ് പത്ത് രൂപയാക്കാനാണ് ധാരണ. ഈ മാസം 18ന് ഇതുസംബന്ധിച്ച തീരുമാനമുണ്ടാകും. വിദ്യാർഥികളുടെ യാത്രാ നിരക്ക് വർധിപ്പിക്കുന്നതിൽ വിശദമായ കൂടിയാലോചനകളും നടക്കും. ചാർജ് വർധന ആവശ്യപ്പെട്ട് സ്വകാര്യ ബസുടമകൾ ചൊവ്വാഴ്ച മുതൽ സമരം പ്രഖ്യാപിച്ചിരുന്നു. ഇന്നലെ നടന്ന ചർച്ചയിൽ ഗതാഗത മന്ത്രി ചാർജ് വർധനവിൽ അനുകൂല നിലപാട് എടുത്തതോടെയാണ് സമരം മാറ്റിവെച്ചത്. മിനിമം ചാർജ് എട്ട് രൂപയിൽ നിന്ന് 12 രൂപയാക്കുക, കിലോമീറ്റർ നിരക്ക് 90 പൈസയിൽ നിന്ന്…

സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. പതിനൊന്ന് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കാസർകോട്, കണ്ണൂർ, ആലപ്പുഴ ഒഴികെയുള്ള ജില്ലകളിലാണ് യെല്ലോ അലർട്ട്. ബംഗാൾ ഉൾക്കടലിൽ രൂപം കൊണ്ട ന്യൂനമർദത്തിന്റെ ഫലമായിട്ടാണ് കേരളത്തിലും മഴ ശക്തമാകുന്നത്. ഇടിമിന്നലിനും ശക്തമായ കാറ്റിനും ഉയർന്ന തിരമാലകൾക്കും സാധ്യതയുണ്ട്. ന്യൂനമർദം ശക്തിപ്രാപിച്ച് മറ്റന്നാളോടെ തമിഴ്‌നാട് തീരത്ത് കരയിൽ പ്രവേശിക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ വിലയിരുത്തൽ.

കോട്ടയം: സംസ്ഥാനത്ത് ഇന്ന് മുതൽ നടത്താനിരുന്ന സ്വകാര്യ ബസ് സമരം മാറ്റിവെച്ചു. ഗതാഗത മന്ത്രി ആന്റണി രാജു ബസ് ഉടമകളുമായി നാട്ടകം ഗസ്റ്റ്ഹൗസിൽ ഇന്നലെ രാത്രി നടത്തിയ ചർച്ചയെതുടർന്നാണ് തീരുമാനം. ഈ മാസം 18ന് മുമ്പ് ബസ് ഉടമകൾ ഉന്നയിച്ച വിഷയങ്ങൾ പരിഗണിക്കുമെന്ന് മന്ത്രി ഉറപ്പ് നൽകിയ സാഹചര്യത്തിലാണ് സമരം മാറ്റി വെച്ചതെന്ന് ബസ് ഉടമകൾ അറിയിച്ചു. ഉന്നയിച്ച ആവശ്യങ്ങളിൽ ബസ് ഉടമകളുമായി തുടർ ചർച്ചകൾ നടക്കുമെന്നും ഈ സാഹചര്യത്തിൽ സമരത്തിൽ നിന്ന് പിന്മാറണമെന്നും മന്ത്രി ആവശ്യപ്പെടുകയായിരുന്നു….

  സം​സ്ഥാ​ന​ത്ത് വാ​ക്‌​സി​നേ​ഷ​ന്‍ എ​ടു​ക്കേ​ണ്ട ജ​ന​സം​ഖ്യ​യു​ടെ 95.1 ശ​ത​മാ​നം പേ​ര്‍​ക്ക് ഒ​രു ഡോ​സ് വാ​ക്‌​സി​നും (2,54,20,162), 54.3 ശ​ത​മാ​നം പേ​ര്‍​ക്ക് ര​ണ്ട് ഡോ​സ് വാ​ക്‌​സി​നും (1,45,06,407) ന​ല്‍​കി​യ​താ​യി ആ​രോ​ഗ്യ​മ​ന്ത്രി വീ​ണാ ജോ​ർ​ജ്. ഇ​ന്ത്യ​യി​ല്‍ ഏ​റ്റ​വും കൂ​ടു​ത​ല്‍ വാ​ക്‌​സി​നേ​ഷ​ൻ/ ദ​ശ​ല​ക്ഷം ഉ​ള്ള സം​സ്ഥാ​നം കേ​ര​ള​മാ​ണ് (11,18,408). പു​തി​യ റി​പ്പോ​ര്‍​ട്ട് പ്ര​കാ​രം, 5404 പു​തി​യ രോ​ഗി​ക​ളി​ല്‍ 4602 പേ​ര്‍ വാ​ക്‌​സി​നേ​ഷ​ന് അ​ര്‍​ഹ​രാ​യി​രു​ന്നു. ഇ​വ​രി​ല്‍ 882 പേ​ര്‍ ഒ​രു ഡോ​സ് വാ​ക്‌​സി​നും 1993 പേ​ര്‍ ര​ണ്ടു ഡോ​സ് വാ​ക്‌​സി​നും എ​ടു​ത്തി​രു​ന്നു. എ​ന്നാ​ല്‍…