Kerala

  നാടിനെതിരായ ശക്തികൾക്കേ വികസന പദ്ധതികൾക്കെതിരെ നിൽക്കാനാകൂ. കേരളത്തിൽ ഒരു വികസന പരിപാടിയും പാടില്ലെന്ന മട്ടിലാണ് പ്രതിപക്ഷം നീങ്ങുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. പാലക്കാട് സിപിഎം ജില്ലാ സമ്മേളനത്തിന് ശേഷം നടന്ന പൊതുസമ്മേളനത്തിൽ സംസാരിക്കുകയായിരുന്നു മുഖ്യമന്ത്രി. കേന്ദ്രസർക്കാരിനെ ഉപയോഗിച്ച് പല പദ്ധതികളും അട്ടിമറിക്കാൻ ബിജെപി നീക്കം നടത്തുന്നു. എൽഡിഎഫ് കാലത്ത് വികസനം വേണ്ടെന്നാണ് അവർ പറയുന്നത്. ഞങ്ങൾക്ക് അനാവശ്യ ദുർവാശിയില്ല. പക്ഷേ സർക്കാരെന്തിന് നിക്ഷിപ്ത താത്പര്യക്കാർക്ക് വഴിപ്പെടണം. വികസന പദ്ധതികളുമായി ബന്ധപ്പെട്ട് സ്ഥലമെടുക്കലിലെ പ്രശ്‌നങ്ങൾ ചർച്ച…

  കേരളത്തിൽ 2802 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 472, എറണാകുളം 434, തൃശൂർ 342, കോഴിക്കോട് 338, കോട്ടയം 182, കൊല്ലം 172, കണ്ണൂർ 158, മലപ്പുറം 138, ആലപ്പുഴ 134, പത്തനംതിട്ട 120, ഇടുക്കി 99, പാലക്കാട് 91, വയനാട് 80, കാസർഗോഡ് 42 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 50,180 സാമ്പിളുകളാണ് പരിശോധിച്ചത്. പ്രതിവാര ഇൻഫെക്ഷൻ പോപ്പുലേഷൻ റേഷ്യോ (WIPR) പത്തിന് മുകളിലുള്ള 5 തദ്ദേശ…

ലക്ഷദ്വീപ് സന്ദർശനത്തിന് ശേഷം കൊച്ചിയിൽ എത്തിയ ഉപരാഷ്ട്രപതി വെങ്കയ്യ നായിഡുവിനെ നാവിക സേനാ വിമാനത്താവളത്തിൽ സ്വീകരിച്ചു. ഗവർണർ ആരിഫ് മുഹമ്മദ് ഖാൻ, വ്യവസായ വകുപ്പ് മന്ത്രി പി രാജീവ്, മേയർ എം അനിൽകുമാർ, ഹൈബി ഈഡൻ എംപി, ടി ജെ വിനോദ് എംഎൽഎ, എഡിജിപി വിജയ് സാഖറെ, സിറ്റി പോലീസ് കമ്മീഷണർ നാഗരാജു, ജില്ലാ കലക്ടർ ജാഫർ മാലിക് തുടങ്ങിയവർ ചേർന്നാണ് ഉപരാഷ്ട്രപതിയെ സ്വീകരിച്ചത് ഭാര്യ ഉഷ, കുടുംബാംഗങ്ങൾ തുടങ്ങിയവരും ഉപരാഷ്ട്രപതിക്കൊപ്പം ഉണ്ടായിരുന്നു. നാവികസേനയുടെ ഗാർഡ് ഓഫ്…

  സിപിഎം പാലക്കാട് ജില്ലാ സെക്രട്ടറിയായി ഇ എൻ സുരേഷ്ബാബുവിനെ തെരഞ്ഞെടുത്തു. അവസാന ഘട്ടത്തിൽ രണ്ട് പേരുകൾ ഉയർന്നുവന്നുവെങ്കിലും ഇന്നലെ രാത്രി മുഖ്യമന്ത്രി പിണറായി വിജയന്റെ സാന്നിധ്യത്തിൽ നടന്ന യോഗത്തിലാണ് സുരേഷ്ബാബുവിനെ തീരുമാനിച്ചത്. നിലവിലുള്ള ജില്ലാ സെക്രട്ടറി സി കെ രാജേന്ദ്രനാണ് ഇ എൻ സുരേഷ് ബാബുവിന്റെ പേര് നിർദേശിച്ചത്. പികെ ശശി വി കെ ചന്ദ്രന്റെ പേരും നിർദേശിച്ചതോടെ തർക്കമുണ്ടായി. തുടർന്നാണ് പിണറായി ഇരുവരെയും വിളിച്ചുവരുത്തിയതും വി കെ ചന്ദ്രൻ പിൻമാറാൻ തയ്യാറാണെന്ന് വ്യക്തമാക്കിയതും. 44…

ആലപ്പുഴയിൽ റേഷനരി കടത്താൻ ശ്രമിച്ച രണ്ട് പേർ പിടിയിൽ. പൊതുവിപണിയിൽ വിൽക്കുന്നതിന് ലോറിയിൽ കടത്താൻ ശ്രമിച്ച 54 ചാക്ക് അരിയും പിടികൂടിയിട്ടുണ്ട്. വഴിച്ചേരി മാർക്കറ്റിലെ സുരേന്ദ്ര സ്റ്റോഴ്‌സ് ഉടമ സുരേന്ദ്രൻ നായർ, മിനി ലോറി ഡ്രൈവർ രാജേഷ് എന്നിവരാണ് പിടിയിലായത്. പോലീസ് എത്തിയപ്പോഴേക്കും ഇവർ 2.7 ടൺ അരി ലോറിയിൽ കയറ്റിയിരുന്നു. പരിശോധനയിലാണ് റേഷനരിയാണെന്ന് തിരിച്ചറിഞ്ഞത്. ലോറിയടക്കം പോലീസ് കസ്റ്റഡിയിലെടുത്തു. അരി റേഷനാണെന്ന് ഉറപ്പിക്കാനായി സിവിൽ സപ്ലൈസ് ക്വാളിറ്റി കൺട്രോളർ പരിശോധന നടത്തും.

ചാലിയാർ പുഴയിൽ കുളിക്കുന്നതിനിടെ കോളജ് അധ്യാപകൻ മുങ്ങി മരിച്ചു. നിലമ്പൂർ അമൽ കോളജിലെ കായികാധ്യാപകനും കണ്ണൂർ ചാലാട് പള്ളിയാമൂല സ്വദേശിയുമായ മുഹമ്മദ് നജീബ് (37) ആണ് മരിച്ചത്.രാവിലെ എട്ട് മണിയോടെയാണ് അപകടം. ബന്ധുക്കൾക്കൊപ്പം ചാലിയാർ പുഴയുടെ മൈലാടി കടവിൽ കുളിക്കുന്നതിനിടയിലാണ് നജീബ് അപകടത്തിൽപ്പെട്ടത്. ഭാര്യയുടെ മാതൃ സഹോദരിയുടെ ഭർത്താവ് ഹുസൈൻ, അവരുടെ പിതാവ് മുഹമ്മദ് കുട്ടി എന്നിവർക്കൊപ്പമാണ് നജീബ് കുളിക്കാനിറങ്ങിയത്. ഭാര്യയും കുട്ടികളുമടക്കമുള്ളവർ പുഴക്കരയിൽ എത്തിയിരുന്നെങ്കിലും പുഴയിൽ ഇറങ്ങിയിരുന്നില്ല. കുളിക്കുന്നതിനിടെ ശരീരം തളർന്ന മുഹമ്മദ് കുട്ടിയെ രക്ഷപ്പെടുത്താൻ…

ദക്ഷിണാഫ്രിക്ക-ഇന്ത്യ രണ്ടാം ടെസ്റ്റിന് നാളെ വാണ്ടറേഴ്‌സിൽ തുടക്കമാകും. സെഞ്ചൂറിയനിൽ നടന്ന ആദ്യ ടെസ്റ്റ് വിജയിച്ച ഇന്ത്യ പരമ്പരയിൽ 1-0ന് മുന്നിട്ട് നിൽക്കുകയാണ്. വാണ്ടറേഴ്‌സിൽ കൂടി ജയിച്ചാൽ ഇന്ത്യക്ക് പരമ്പര സ്വന്തമാക്കാം. ദക്ഷിണാഫ്രിക്കയിൽ ആദ്യ പരമ്പര വിജയമെന്ന ചരിത്രവും ഇന്ത്യക്ക് സ്വന്തമാകും. വാണ്ടറേഴ്‌സ് ഇന്ത്യയുടെ ഭാഗ്യ ഗ്രൗണ്ട് കൂടിയാണ്. ഇവിടെ ഇതുവരെ ഇന്ത്യ പരാജയപ്പെട്ടിട്ടില്ല. ഇന്ത്യൻ കോച്ച് രാഹുൽ ദ്രാവിഡ് ആദ്യ ടെസ്റ്റ് സെഞ്ച്വറി നേടിയതും 1997ൽ ഇതേ ഗ്രൗണ്ടിലായിരുന്നു. സെഞ്ചൂറിയനിൽ 113 റൺസിന് വിജയിച്ചാണ് കോഹ്ലിയും സംഘവും…

  പെരുമ്പാവൂരിൽ മധ്യവയസ്‌കൻ ഭാര്യയെയും മകളെയും കുത്തിപ്പരുക്കേൽപ്പിച്ചു. പെരുമ്പാവൂർ നാരായപറമ്പിൽ മണികണ്ഠനാണ് ഭാര്യ ബിന്ദുവിനെയും മകൾ ലക്ഷ്മിപ്രിയയെയും ആക്രമിച്ചത്. ഇരുവരെയും ആശുപത്രിയിൽ പ്രവേശിപ്പിച്ചു. മണികണ്ഠനെ പോലീസ് കസ്റ്റഡിയിലെടുത്തു പണത്തെ ചൊല്ലിയുള്ള തർക്കമാണ് കത്തിക്കുത്തിൽ കലാശിച്ചത്. ബിന്ദുവിനും മകൾക്കും കഴുത്തിനാണ് പരുക്കേറ്റത്. ഗുരുതരമായി പരുക്കേറ്റ ബിന്ദുവിനെ കളമശ്ശേരി മെഡിക്കൽ കോളജ് ആശുപത്രിയിലേക്ക് മാറ്റിയിട്ടുണ്ട്.

  പുതുവർഷ തലേന്ന് കോവളത്ത് സ്വീഡിഷ് പൗരനെ അവഹേളിച്ച സംഭവത്തിൽ മൂന്ന് പോലീസുകാർക്കെതിരെ വകുപ്പുതല അന്വേഷണം പ്രഖ്യാപിച്ചു. പ്രിൻസിപ്പൽ എസ് ഐ അനീഷ്, സിവിൽ പോലീസ് ഓഫീസർമാരായ മനീഷ്, സജിത് എന്നിവർക്കെതിരെയാണ് അന്വേഷണം. സംഭവത്തിൽ ഗ്രേഡ് എസ് ഐയെ നേരത്തെ സസ്‌പെൻഡ് ചെയ്തിരുന്നു സംഭവം വിവാദമായതോടെ മുഖ്യമന്ത്രി വിഷയത്തിൽ ഇടപെടുകയും ഡിജിപിയോട് റിപ്പോർട്ട് തേടുകയും ചെയ്തിരുന്നു. എന്നാൽ ബീച്ചിലേക്ക് മദ്യം കൊണ്ടുപോയതാണ് തടഞ്ഞതെന്നും എസ് ഐയുടെ സസ്‌പെൻഷൻ പിൻവലിക്കണമെന്നും പോലീസ് ഓഫീസേഴ്‌സ് അസോസിയേഷൻ ആവശ്യപ്പെട്ടു. എന്നാൽ ബീച്ചിലേക്കല്ല…

  ഒമിക്രോൺ വ്യാപനത്തിനിടയിലെ പുതുവത്സരാഘോഷങ്ങൾക്ക് തടയിടുക എന്ന ലക്ഷ്യവുമായി സംസ്ഥാനത്ത് പ്രഖ്യാപിച്ച രാത്രികാല കർഫ്യു ഇന്ന് അവസാനിക്കും. നിയന്ത്രണങ്ങൾ തുടരില്ലെന്നാണ് സൂചന. അവലോകന യോഗം ഇതുസംബന്ധിച്ച തീരുമാനമെടുക്കും. ഒമിക്രോൺ വ്യാപനം രൂക്ഷമായി തുടരുന്ന സാഹചര്യത്തിലാണ് ഡിസംബർ 30 മുതൽ ജനുവരി 2 വരെ രാത്രികാല കർഫ്യൂ ഏർപ്പെടുത്തിയത്. പുതുവത്സരാഘോഷത്തിന്റെ ഭാഗമായി നിരവധി ആളുകൾ കൂട്ടം ചേരുന്നത് തടയാനായിരുന്നു നടപടി അതേസമയം കൗമാരക്കാർക്കുള്ള വാക്‌സിനേഷന് നാളെ തുടക്കമാകും. 15-18 പ്രായമുള്ളവർക്കായി വാക്‌സിനേഷൻ ആക്ഷൻ പ്ലാൻ തയ്യാറാക്കിയിട്ടുണ്ട്. ജനുവരി 10…