Kerala

  ഉത്തരവാദിത്വപ്പെട്ട നേതാക്കൾ സമൂഹ മാധ്യമങ്ങളിലൂടെ പരസ്പരം പഴി ചാരുന്നത് ശരിയല്ലെന്ന് കോൺഗ്രസ് നേതാവ് രമേശ് ചെന്നിത്തല. ഇത്തരം പ്രസ്താവനകൾ അവസാനിപ്പിക്കണം. ജെബി മേത്തർ നാമനിർദേശ പത്രിക നൽകുന്നതോടെ വിവാദങ്ങൾ അവസാനിക്കും. ഘടകകക്ഷികൾ തീരുമാനത്തെ അംഗീകരിക്കണമെന്നും ചെന്നിത്തല ആവശ്യപ്പെട്ടു രാജ്യസഭാ സീറ്റുമായി ബന്ധപ്പെട്ട് ഞങ്ങളൊക്കെ വ്യത്യസ്ത അഭിപ്രായങ്ങൾ പറഞ്ഞുവെന്നത് ശരിയാണ്. പക്ഷേ ഹൈക്കമാൻഡ് ഒരു പേര് പ്രഖ്യാപിച്ചു കഴിഞ്ഞാൽ പിന്നെ വിവാദങ്ങളില്ല. എല്ലാവരും അത് അംഗീകരിക്കുകയാണ്. ജെബി മേത്തർ നോമിനേഷൻ നൽകുകയാണ്. ഹൈക്കമാൻഡ് തീരുമാനിച്ച സ്ഥാനാർഥിക്ക് എല്ലാവരും…

  കെ റെയിൽ അതിരടയാള കല്ലുകൾ പിഴുത് മാറ്റുന്നവർക്കെതിരെ കർശന നടപടിയെടുക്കാൻ സർക്കാർ. കേസെടുക്കുന്നതിനൊപ്പം പിഴയടക്കം ഈടാക്കാനാണ് തീരുമാനം. സമരക്കാർക്കെതിരെ പൊതുമുതൽ നശിപ്പിക്കലിനെതിരെ നിയമപ്രകാരം കേസെടുക്കും. അറസ്റ്റിലാകുന്നവരെ നശിപ്പിക്കപ്പെട്ട പൊതുമുതലിന്റെ മൂല്യത്തിന് തുല്യമായ തുക കെട്ടിവെച്ചാലേ ജാമ്യം നൽകി വിട്ടയക്കൂ. ഒരു കല്ലിന് മാത്രം ആയിരം രൂപയും സ്ഥാപിക്കാനുള്ള ചെലവ് 4500 രൂപയുമാണ്. 530 കിലോമീറ്റർ നീളമുള്ള പദ്ധതിയിൽ ഇതുവരെ 155 കിലോമീറ്റർ സർവേയാണ് പൂർത്തിയാക്കിയത്. 6000 കല്ലുകൾ ഇതിനോടകം സ്ഥാപിച്ചു. കഴിഞ്ഞ ദിവസം മാടപ്പള്ളിയിൽ നടന്ന…

  സിൽവർ ലൈൻ പദ്ധതിക്കെതിരെ പ്രതിഷേധം കടുപ്പിക്കാനൊരുങ്ങി കോൺഗ്രസ്. ഇതുവരെ സ്ഥാപിച്ച അടയാള കല്ലുകൾ മുഴുവൻ പിഴുതെറിയാനാണ് തീരുമാനം. കെ റെയിൽ വേണ്ട, കേരളം മതിയെന്ന മുദ്രവാക്യം ഉയർത്തി പിഴുതെറിഞ്ഞ അടയാളക്കല്ലുകൾ യൂത്ത് കോൺഗ്രസ് കലക്ടറേറ്റുകൾക്ക് മുന്നിൽ സ്ഥാപിക്കും അതേസമയം പ്രതിഷേധം വകവെക്കാതെ കല്ലിടൽ തുടരാനാണ് സർക്കാർ തീരുമാനം. കല്ലുകൾ പിഴുതെറിയുന്നവർക്കെതിരെ കർശന നടപടി സ്വീകരിക്കും. കോട്ടയം മാടപ്പള്ളിയിൽ കഴിഞ്ഞ ദിവസം നടന്ന പ്രതിഷേധവുമായി ബന്ധപ്പെട്ട് കണ്ടാലറിയാവുന്ന 150 പേർക്കെതിരെ പോലീസ് കേസെടുത്തിരുന്നു ഇതിനിടെ കൊല്ലത്ത് കെ…

  സിൽവർ ലൈൻ സമരത്തിനെതിരായ പോലീസ് നടപടിയിൽ പ്രതികരിച്ച് സംസ്ഥാന പോലീസ് മേധാവി അനിൽകാന്ത്. പോലീസിന്റെ ഭാഗത്ത് നിന്ന് പ്രകോപനമുണ്ടാകരുതെന്നും സംയമനത്തോടെ പ്രതിഷേധങ്ങളെ നേരിടണമെന്നും ജില്ലാ പോലീസ് മേധാവിമാർക്ക് ഡിജിപി നിർദേശം നൽകി സമരക്കാർക്ക് നേരെ പോലീസ് നടത്തിയ ബലപ്രയോഗം വിവാദമായി മാറിയിരുന്നു. ചങ്ങനാശ്ശേരി മാടപ്പള്ളിയിൽ സ്ത്രീകളെ അടക്കം പോലീസ് മർദിച്ചെന്ന ആരോപണവുമുയർന്നു. ഈ സാഹചര്യത്തിലാണ് ഡിജിപി നിർദേശം നൽകിയത്. അതേസമയം ചങ്ങനാശ്ശേരി മാടപ്പള്ളിയിൽ കെ റെയിലിനെതിരെ പ്രതിഷേധിച്ച കണ്ടലാറിയാവുന്ന 150 പേർക്കെതിരെ പോലീസ് കേസെടുത്തു. സമരമുഖത്ത്…

കൊച്ചി ബ്രഹ്മപുരം മാലിന്യ പ്ലാന്റിൽ തീപിടിത്തം. കൂട്ടിയിട്ടിരിക്കുന്ന മാലിന്യത്തിനാണ് തീപിടിത്തമുണ്ടായത്. തൃക്കാക്കര, ഏലൂർ, തൃപ്പുണിത്തുറ, ഗാന്ധിനഗർ, ആലുവ എന്നിവിടങ്ങളിൽ നിന്നുള്ള ഫയർ ഫോഴ്‌സ് യൂണിറ്റ് എത്തിയാണ് തീ നിയന്ത്രണ വിധേയമാക്കുന്നത്. ഈ വർഷം രണ്ടാം തവണയാണ് ബ്രഹ്മപുരത്ത് തീപിടിത്തമുണ്ടാകുന്നത്. ജനുവരി 18നും തീപിടിത്തമുണ്ടായിരുന്നു

  കൊച്ചി മെട്രോയുടെ തൂണിനുണ്ടായ ബലക്ഷയത്തെ പറ്റി പാലാരിവട്ടം പാലം മാതൃകയിൽ സ്വതന്ത്ര ഏജൻസിയെ കൊണ്ട് പരിശോധിപ്പിക്കാൻ സർക്കാർ ഒരുങ്ങുന്നു. കെ എം ആർ എല്ലിന്റെ റിപ്പോർട്ട് കിട്ടിയ ശേഷമാകും നടപടി. ബലക്ഷയം സംബന്ധിച്ച് ജിയോ ടെക്‌നിക്കൽ പരിശോധന നടന്നിരുന്നു. ആലുവ മുതൽ പേട്ട വരെയുള്ള 975 മെട്രോ തൂണുകളിൽ ഒരെണ്ണത്തിന് മാത്രമാണ് ബലക്ഷയമുള്ളതെന്ന് ആഭ്യന്തര റിപ്പോർട്ടിൽ പറയുന്നു പത്തടിപ്പാലത്തെ ബലക്ഷയം ഒറ്റപ്പെട്ടതാണ്. സാങ്കേതികമായ പിഴവാകാം ബലക്ഷയത്തിന് കാരണമായിട്ടുള്ളതെന്നാണ് സൂചന. മറ്റ് മെട്രോ തൂണുകളിലും വിശദമായ പരിശോധന…

  മൂന്നാറിൽ പുലിയുടെ ആക്രമണത്തിൽ ഒരാൾക്ക് പരുക്കേറ്റു. കല്ലാർ പുതുക്കാട് എസ്റ്റേറ്റിലെ തൊഴിലാളി സേലരാജനാണ് പരുക്കേറ്റത്. പശുവിനുള്ള പുല്ല് അരിയുന്നതിനിടെയാണ് സേലരാജിനെ പുലി ആക്രമിച്ചത്. ഉച്ചത്തിൽ നിലവിളിച്ചതോടെ പുലി സമീപത്തെകാട്ടിലേക്ക് ഓടി മറയുകയായിരുന്നു പുലിയുടെ നഖം കൊണ്ട് സേലരാജിന്റെ മുതുകിൽ ആഴത്തിലുള്ള അഞ്ച് മുറിവുകളുണ്ടായി. ഇദ്ദേഹത്തെ മൂന്നാർ ടാറ്റാ ജനറൽ ആശുപത്രിയിൽ പ്രവേശിപ്പിച്ചു. കഴിഞ്ഞ കുറേ നാളുകളായി തോട്ടം മേഖലയിൽ പുലിയുടെയും കടുവയുടെയും സാന്നിധ്യമുണ്ട്. നിരവധി തൊഴിലാളികളുടെ കന്നുകാലികളും കൊല്ലപ്പെട്ടു. അധികാരികളുടെ നിസംഗതയാണ് വന്യജീവി ആക്രമണങ്ങൾ വർധിക്കാൻ…

  കൊച്ചി മെട്രോയുടെ പത്തടിപ്പാലത്തുള്ള 347ാം നമ്പർ പില്ലറിന്റെ അടിത്തറ ബലപ്പെടുത്തുന്ന ജോലികൾ ഇന്ന് ആരംഭിക്കും. അധിക പൈലുകൾ സ്ഥാപിച്ചു കൊണ്ടാണ് തൂണ് ബലപ്പെടുത്തുന്നത്. ഡിഎംആർസി, എൽ ആൻഡ് ടി, എയ്ജീസ്, കെഎംആർഎൽ എന്നിവയുടെ നേതൃത്വത്തിലാണ് പ്രവർത്തികൾ. നിർമാണ ചുമതല എൽ ആൻ ടിക്കാണ്. മെട്രോ ഗതാഗതത്തെ ബാധിക്കാത്ത വിധത്തിലാകും നിർമാണ ജോലികൾ നടക്കുക ട്രാക്കിന് ചെരിവ് കണ്ടെത്തിയതിനെ തുടർന്നാണ് അപാകത പരിഹരിക്കാനുള്ള ശ്രമങ്ങൾ ആരംഭിച്ചത്. നിർമാണത്തിലെയും മേൽനോട്ടത്തിലെയും പിഴവാണ് തൂണിന് ബലക്ഷമുണ്ടാക്കാൻ കാരണമെന്ന് കണ്ടെത്തിയിരുന്നു. ട്രാക്കിനുണ്ടായ…

തിരുവനന്തപുരത്ത് പൊലീസ് ജീപ്പിൽ നിന്ന് യുവാവ് വീണ് മരിച്ച സംഭവത്തിൽ ജില്ലാ ക്രൈംബ്രാഞ്ച് അന്വേഷണം നടത്തും. മരിച്ച പാപ്പനംകോട് പൂഴിക്കുന്ന് സ്വദേശി സനോഫറിന്റെ ഭാര്യയുടെ പരാതിയിലാണ് അന്വേഷണം പ്രഖ്യാപിച്ചത്. കുടുംബകലഹത്തെ തുടർന്ന് കസ്റ്റഡിയിലെത്ത ഇയാളെ പൂന്തുറ പൊലീസ് വിട്ടയച്ചെങ്കിലും ഒരു ദിവസം കൂടി കസ്റ്റഡിയിൽ വെക്കാൻ കുടുംബം ആവശ്യപ്പെട്ടിരുന്നു. തുടർന്ന് പൊലീസ് കൊണ്ടുപോയ സനോഫറിനെ മർദിച്ചതിനെ തുടർന്നാണ് ജീപ്പിൽ നിന്ന് ചാടിയതെന്ന് ബന്ധുക്കൾ ആരോപിച്ചിരുന്നു. അദ്ദേഹത്തിന്റെ ശരീരത്തിൽ മർദനമേറ്റ പാടുകളുണ്ടെന്നും അവർ പറഞ്ഞിരുന്നു സംഭവത്തിൽ സമഗ്ര അന്വേഷണം…

  തിരുവനന്തപുരം പാലോട് പൊലീസ് ജീപ്പ് മറിഞ്ഞ് എസ്‌ഐക്ക് പരിക്ക്. പ്രതിയുടെ വാഹനം പിന്തുടരുന്നതിനിടെയാണ് അപകടമുണ്ടായത്. നിയന്ത്രണം വിട്ട ജീപ്പ് മൺത്തിട്ടയിൽ ഇടിച്ച് മറിയുകയായിരുന്നു. അതേസമയം, മറ്റൊരു സംഭവത്തിൽ ബസ്സിനടിയിൽ പെട്ട് യാത്രക്കാരൻ മരിച്ചു. കോട്ടയം ചങ്ങനാശേരിലാണ് കെഎസ്ആർടിസി ബസ്സിനടിയിൽ പെട്ട് യാത്രക്കാരൻ മരിച്ചത്. ചെത്തിപ്പുഴ സ്വദേശി ടോണി ജോസാണ് മരിച്ചത്. ബസിൽ നിന്നിറങ്ങിയപ്പോൾ മറ്റൊരു ബസിന്റെ അടിയിൽ പെടുകയായിരുന്നു.