Kerala

കൊവിഡ് ബാധിച്ച് തൃശ്ശൂർ മെഡിക്കൽ കോളജിൽ മരിച്ച പട്ടാമ്പി സ്വദേശിയുടെ മൃതദേഹം ഏറ്റെടുക്കാനാളില്ല. പട്ടാമ്പി ഓങ്ങല്ലൂർ സ്വദേശി കോരനാണ് കഴിഞ്ഞ ദിവസം മരിച്ചത്. ഇദ്ദേഹത്തിന്റെ മൃതദേഹം സംസ്‌കരിക്കുന്നതിൽ അനിശ്ചിതത്വം നിലനിൽക്കുകയാണ് കോരന്റെ ഭാര്യയും മകളുമടക്കം ഏഴ് ബന്ധുക്കൾ കൊവിഡ് സ്ഥിരീകരിച്ച് ചികിത്സയിലാണ്. അടുത്ത ബന്ധുക്കൾ കൊവിഡ് ബാധിതരും മറ്റുള്ളവർ നിരീക്ഷണത്തിലുമായതിനാലാണ് കോരന്റെ മൃതദേഹം ഏറ്റെടുക്കാൻ ആളില്ലാതെ വന്നത്. ഇക്കാര്യത്തിൽ ഇന്ന് തന്നെ തീരുമാനമുണ്ടാകുമെന്ന് പാലക്കാട് ജില്ലാ കലക്ടർ അറിയിച്ചു. പാലക്കാട് ജില്ലാ ഭരണകൂടം രേഖാമൂലം ആവശ്യപ്പെട്ടാൽ തൃശ്ശൂരിൽ…

കോഴിക്കോട് : കോവിഡ് രോഗവ്യാപന പശ്ചാതലത്തിൽ കെ എസ് എഫ് ഇ യിലെ ഓഗസ്റ്റ് മാസത്തെ ചിട്ടി ലേലം മാറ്റിവെക്കാൻ കെ എസ് എഫ് ഇ മേനേജ്മെൻ്റിനോട് കെ എസ് എഫ് ഇ ഏജൻ്റ്സ് അസോസിയേഷൻ സി ഐ ടി യു കോഴിക്കോട് ജില്ലാ സെന്റർ ആവശ്യപ്പെട്ടു നിലവിൽ ഉറവിട മറിയാത്ത രോഗികൾ കൂടുകയും കോഴിക്കോട് കോർപേഷൻ പരിധിയിൽ 50 ഓളം വാർഡുകൾ കണ്ടെയ്‌മെന്റ് സോണുകളാവുകയും ചെയ്ത സാഹചര്യത്തിൽ ബ്രാൻഞ്ചുകളിൽ ചിട്ടി ലേലം നടന്നാൽ ജീവനക്കാർക്കും പൊതുജനത്തിനും…

മലപ്പുറം പുളിക്കലിൽ പനി ബാധിച്ച് മരിച്ച 11 മാസം പ്രായമുള്ള കുഞ്ഞിന് കൊവിഡ് സ്ഥിരീകരിച്ചു. പുളിക്കൽ സ്വദേശി റമീസിന്റെ കുട്ടി ആസ്യ അമാനയാണ് മരിച്ചത്. ഇന്നലെ വൈകുന്നേരം കുട്ടിയെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരുന്നു. രാത്രിയോടെ മരിച്ചു മരണശേഷം നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. കുട്ടിയുടെ ആറ് ബന്ധുക്കൾക്കും കൊവിഡ് സ്ഥിരീകരിച്ചിട്ടുണ്ട്. ഇവരെ മഞ്ചേരി, കോഴിക്കോട് മെഡിക്കൽ കോളജുകളിലേക്ക് മാറ്റി. വിദേശത്ത് നിന്നെത്തിയവരാണ് റമീസും കുടുംബവും

കോഴിക്കോട് ഇന്ന് സമ്പൂര്‍ണ ലോക്ക്ഡൗണ്‍. ഇനിയൊരു അറിയിപ്പുണ്ടാകുന്നതു വരെ ഞായറാഴ്ചകളിൽ ലോക്ഡൗൺ തുടരും. അവശ്യ വസ്തുക്കള്‍ വില്‍ക്കുന്ന കടകള്‍ ഒഴിച്ച് ബാക്കി കടകള്‍ ഒന്നും തുറന്നുപ്രവര്‍ത്തിക്കാന്‍ അനുവദിക്കില്ല. മാളുകള്‍, ഷോപ്പിംഗ് കോംപ്ലക്‌സുകള്‍ എന്നിവയുടെ പ്രവര്‍ത്തനത്തിന് നിരോധനമുണ്ട്. പൊതുഗതാഗതം ഉണ്ടാവില്ല. ഇത് മൂന്നാമത്തെ ആഴ്ചയാണ് ഞായറാഴ്ചകളിലെ സമ്പൂര്‍ണ ലോക്ക്ഡൗണ്‍ തുടരുന്നത്. അതേസമയം കോഴിക്കോട് സമ്പര്‍ക്കരോഗികളുടെ എണ്ണം ഉയരുകയാണ്. ഇന്നലെ സ്ഥിരീകരിച്ച 95 കേസുകളില്‍ 85 എണ്ണവും സമ്പര്‍ക്കത്തിലൂടെയാണ്. പൊലീസുകാര്‍ക്കും ആരോഗ്യപ്രവര്‍ത്തകര്‍ക്കും രോഗബാധ ഉണ്ടാവുന്നതാണ് ആശങ്കപ്പെടുത്തുന്നത്. രണ്ട് വനിതാ പൊലീസ്…

തിരുവനന്തപുരത്ത് കൊവിഡ് സ്ഥിരീകരിച്ചയാളെ ആശുപത്രിയിലേക്ക് മാറ്റുന്നതിനിടെ രക്ഷപ്പെടാൻ ശ്രമം. പാലോട് സ്വദേശിയായ ആളാണ് ചികിത്സക്ക് തയ്യാറാകാതെ രക്ഷപ്പെടാൻ ശ്രമിച്ചത്. ആരോഗ്യ പ്രവർത്തകർ ഇദ്ദേഹത്തെ കൊണ്ടുപോകാൻ എത്തിയെങ്കിലും സഹകരിക്കാൻ തയ്യാറായില്ല. തുടർന്ന് പോലീസിനെ വിളിക്കുകയായിരുന്നു പോലീസ് എത്തി രോഗിയെ ആംബുലൻസിൽ കയറ്റിയപ്പോഴേക്കും ഇയാൾ കുതറിയോടി. തുടർന്ന് പോലീസും സ്ഥലത്തുണ്ടായിരുന്ന ഫയർ ഫോഴ്‌സ് ഉദ്യോഗസ്ഥരും ബലപ്രയോഗത്തിലൂടെ കീഴടക്കിയാണ് ഇയാളെ ആശുപത്രിയിലേക്ക് കൊണ്ടുപോയത്. ബലപ്രയോഗത്തിനിടെ രോഗിയുമായി സമ്പർക്കത്തിൽ വന്ന പാലോട് സിഐ അടക്കം നാല് പോലീസുകാർ നിരീക്ഷണത്തിൽ പ്രവേശിച്ചു

സംസ്ഥാനത്ത് ഈ ആഴ്ചയിൽ ശക്തമായ മഴയ്ക്ക് സാധ്യത. ഇന്ന് 10 ജില്ലകളിൽ യെല്ലോ അലർട്ട് പ്രഖ്യാപിച്ചു. ബംഗാൾ ഉൾക്കടലിൽ ചൊവ്വാഴ്ചയോടെ ന്യൂനമർദം രൂപപ്പെടാൻ സാധ്യതയുണ്ട്. ഇതിന് പിന്നാലെ സംസ്ഥാനത്ത് മഴ കൂടുതൽ ശക്തിപ്രാപിക്കുമെന്നാണ് മുന്നറിയിപ്പ്. ഓഗസ്റ്റ് 2ന് ആലപ്പുഴ കോട്ടയം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് യെല്ലോ അലർട്ട്. ഓഗസ്റ്റ് 3ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ഓഗസ്റ്റ് 4ന്…

കൊവിഡ് ചികിത്സയില്‍ കേരളം മറ്റൊരു ചരിത്രം കൂടി കുറിച്ചിരിക്കുകയാണ്. കോവിഡ് പോസിറ്റീവായ കണ്ണൂര്‍ സ്വദേശിനിയായ 32 കാരി കണ്ണൂര്‍ ഗവ. മെഡിക്കല്‍ കോളേജ് ആശുപത്രിയില്‍ ഇരട്ടക്കുട്ടികള്‍ക്ക് ജന്മം നല്‍കി. ഇതാദ്യമായാണ് കോവിഡ് പോസിറ്റീവായ യുവതി ഇരട്ടക്കുട്ടികള്‍ക്ക് ജന്മം നല്‍കിയത്. ഐ.വി.എഫ് ചികിത്സ വഴി ഗര്‍ഭം ധരിച്ച കോവിഡ് പോസിറ്റീവായ ഒരു യുവതി രണ്ട് കുട്ടികള്‍ക്ക് ജന്മം നല്‍കിയതും ഇന്ത്യയില്‍ തന്നെ ഇതാദ്യമായാണ് റിപ്പോര്‍ട്ട് ചെയ്യപ്പെടുന്നത്. കണ്ണൂര്‍ മെഡിക്കല്‍ കോളേജ് ആശുപത്രിയില്‍ ചികിത്സ തേടുന്ന അമ്പതാമത്തെ കോവിഡ് പോസിറ്റീവ്…

മലയാളികളെ നാടൻ പാട്ടിലൂടെ വിസ്മയിപ്പിച്ച മലപ്പുറം ആലങ്കോട് സ്വദേശി ജിതേഷ് കക്കിടിപ്പുറം അന്തരിച്ചു. കരൾ സംബന്ധമായ അസുഖത്തിന് ചികിൽസ തേടുന്ന ജിതേഷിനെ വീട്ടിൽ മരിച്ച നിലയിൽ കാണുകയായിരുന്നു. നാടന്‍പാട്ട് വേദികളിലും കലോത്സവങ്ങളിലും ഗാനമേളകളിലും ഇന്നും നിറഞ്ഞു നിൽക്കുന്ന കൈതോല പായ വിരിച്ച്.. എന്ന ഈ ഒറ്റ ഗാനം മതി ജിതേഷ് കക്കിടിപ്പുറത്തെ അടയാളപ്പെടുത്താൻ. മലപ്പുറം ജില്ലയിലെ ആലങ്കോടാണ് സ്വദേശം. പെയിന്റിങ് തൊഴിലാളിയായിരുന്ന ജിതേഷ് കൈതോല, പാലം നല്ല നടപ്പാലം, വാനിന്‍ ചോട്ടിലെ തുടങ്ങി 600ഓളം പാട്ടുകളെഴുതിയിട്ടുണ്ട്. കേരളോത്സവ…

വാഹനാപകടത്തിൽ യുവാവിന് ദാരുണാന്ത്യം തലവഴി സ്വദേശി ജിബുവാണ് മരിച്ചത്. അപകടം നടന്നിട്ടും ആളുകൾ ആശുപത്രിയിലെത്തിക്കാതെ കാഴ്ചക്കാരായി നില്‍ക്കുകയായിരുന്നു . പത്തനംതിട്ട തിരുവല്ലയിൽ ആണ് സംഭവം. മാവേലിക്കര തിരുവല്ല സംസ്ഥാന പാതയിൽ പുളിക്കീഴിൽ ഇന്ന് രാവിലെ പത്തേകാലോടെയാണ് അപകടം ഉണ്ടായത്. യുവാക്കൾ സഞ്ചരിച്ചിരുന്ന ബൈക്ക് മഴയിൽ തെന്നിമാറി എതിർ വശത്ത് നിന്ന് വന്ന കാറിൽ ഇടിക്കുകയായിരുന്നു. കാറോടിച്ചിരുന്ന നിരണം പ്രാഥമിക ആരോഗ്യ കേന്ദ്രത്തിലെ ഡോക്ടർ ദീപ്തി ആശുപത്രിയിലെത്തിക്കാന്‍ സഹായം തേടിയെങ്കിലും സ്ഥലത്ത് ഉണ്ടായിരുന്നവർ കാഴ്ചക്കാരായി നിന്നു. 20 മിനിറ്റാണ്…

സംസ്ഥാനത്ത് കൊവിഡ് വ്യാപനം കൂടുതൽ രൂക്ഷതയിലേക്ക്. ആകെ രോഗികളുടെ എണ്ണം ഇന്നും ആയിരം കടന്നു. 1129 പേർക്കാണ് കൊവിഡ് സ്ഥിരീകരിച്ചത്. ഇതിൽ ഭൂരിഭാഗവും മൂന്ന് ജില്ലകളിൽ നിന്നാണ്. തിരുവനന്തപുരം ജില്ലയിൽ 259 പേർക്കും കാസർകോട് ജില്ലയിൽ 153 പേർക്കും മലപ്പുറം ജില്ലയിൽ 141 പേർക്കുമാണ് രോഗം സ്ഥിരീകരിച്ചത്. തിരുവനന്തപുരത്ത് ചികിത്സയിലുള്ള രോഗികളുടെ എണ്ണം മൂവായിരം കടന്നു. ഇന്ന് രോഗം സ്ഥിരീകരിച്ച 259 പേരിൽ 241 പേർക്കും സമ്പർക്കത്തിലൂടെയാണ് രോഗം വന്നത്. കാസർകോട് ജില്ലയിലെ 153 പേരിൽ 151…