Kerala

  സംസ്ഥാനത്ത് കൊവിഡ് വ്യാപനം കുറഞ്ഞു തുടങ്ങിയതായി ആരോഗ്യമന്ത്രി വീണ ജോർജ്. കൊവിഡ് വ്യാപനത്തിൽ കുറവ് രേഖപ്പെടുത്തുന്നുണ്ട്. മൂന്നാഴ്ചക്കുള്ളിൽ കൊവിഡ് കേസുകൾ നല്ല തോതിൽ കുറയുമെന്നാണ് പ്രതീക്ഷയെന്നും മന്ത്രി പറഞ്ഞു. നാളെ കൊവിഡ് അവലോകന യോഗം ചേരുന്നുണ്ട്. ഞായറാഴ്ചകളിലെ ലോക്ക് ഡൗൺ സമാന നിയന്ത്രണം തുടരണോയെന്നത് അടക്കം യോഗത്തിൽ ചർച്ചയാകും. കൊവിഡ് പ്രതിദിന കേസുകൾ അമ്പതിനായിരത്തിൽ തുടരുന്ന സാഹചര്യത്തിൽ കടുത്ത നിയന്ത്രണങ്ങൾ ഏർപ്പെടുത്തുമോയെന്നാണ് സംസ്ഥാനം ഉറ്റുനോക്കുന്നത്. ഇന്ന് സംസ്ഥാനത്ത് ലോക്ക് ഡൗണിന് സമാനമായ നിയന്ത്രണങ്ങളാണുള്ളത്. അവശ്യ സർവീസുകൾക്ക്…

  കോഴിക്കോട് തൊണ്ടയാട് ബൈപാസിൽ ബിവറേജസ് ലോഡുമായി എത്തിയ ലോറിക്ക് നേരെ ആക്രമണം. രണ്ട് ബൈക്കുകളിൽ എത്തിയ സംഘം ലോറി ഡ്രൈവറെ മർദിച്ചു. ലോറി അടിച്ചുതകർത്തു. ഗോവയിൽ നിന്ന് പത്തനംതിട്ടയിലേക്ക് പോകുന്ന ലോറിക്ക് നേരെയാണ് ആക്രമണമുണ്ടായത്. ഇന്നലെ വൈകീട്ടാണ് സംഭവം. ഇന്നലെ ഉച്ചതിരിഞ്ഞ് തൊണ്ടയാട് ബൈപ്പാസിൽ രാമനാട്ടുകരയിൽ വണ്ടി നിർത്തി ഉറങ്ങുന്നതിനിടെയാണ് ആക്രമണമുണ്ടായതെന്ന് ഡ്രൈവർ ആഷിഖ് പറഞ്ഞു. ആക്രമണത്തിന് പിന്നിലെ കാരണം വ്യക്തമല്ല. ലോഡിൽ നിന്നും കുപ്പികൾ ഒന്നും നഷ്ടമാകാത്തത് കൊണ്ട് തന്നെ മോഷണ ശ്രമമല്ലെന്നാണ് സൂചന

  മലപ്പുറം മമ്പാട് തേനീച്ച കുത്തേറ്റ് കർഷകൻ മരിച്ചു. പുള്ളിപ്പാടം ഇല്ലിക്കൽ കരീം(67) ആണ് മരിച്ചത്. ഗുരുതരമായി പരുക്കേറ്റ കരീമിനെ നിലമ്പൂർ ജില്ലാ ആശുപത്രിയിലും പിന്നീട് പെരിന്തൽമണ്ണയിലെ സ്വകാര്യ മെഡിക്കൽ കോളജിലും പ്രവേശിപ്പിച്ചിരുന്നു. മമ്പാട് പുള്ളിപ്പാടം അടക്കാക്കുണ്ടിൽ കാട് വെട്ടുന്നതിനിടെയാണ് കരീമിനെ തേനീച്ച കുത്തിയത്.

ഹൈക്കോടതി ഉത്തരവ് പ്രകാരം നടൻ ദിലീപിന്റെ ഫോണുകൾ തിങ്കളാഴ്ച തന്നെ കൈമാറുമെന്ന് ദിലീപിന്റെ അഭിഭാഷകൻ. രണ്ട് ഫോണുകൾ മാത്രമാണ് പരിശോധനക്ക് അയച്ചത്. ഇവ വൈകുന്നേരത്തോടെ തിരിച്ചെത്തും. ആറ് ഫോണുകളും കോടതി ആവശ്യപ്പെട്ടതു പ്രകാരം തിങ്കളാഴ്ച മുദ്രവെച്ച കവറിൽ ഹാജരാക്കും ദിലീപ് അടക്കമുള്‌ല പ്രതികളുടെ ഫോണുകൾ തിങ്കളാഴ്ച രാവിലെ 10.15ന് മുമ്പ് ഹൈക്കോടതി രജിസ്ട്രാർ ജനറലിന് കൈമാറണമെന്നാണ് ഹൈക്കോടതി ഉത്തരവ്. ദിലീപിന്റെ മൂന്ന് ഫോണുകൾ, സഹോദരൻ അനൂപ് ഉപയോഗിച്ചിരുന്ന രണ്ട് ഫോണുകൾ, സഹോദരി ഭർത്താവ് സൂരജിന്റെ ഫോൺ എന്നിവയാണ്…

നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ദിലീപ് ഗൂഢാലോചന നടത്തിയത് എറണാകുളം എംജി റോഡിലെ മേത്തർ ഹോംസിന്റെ ഫ്‌ളാറ്റിലെന്ന് റിപ്പോർട്ട്. പ്രതികൾ ഇവിടെയാണ് ഒത്തുകൂടിയതെന്ന് ക്രൈംബ്രാഞ്ച് കണ്ടെത്തി. ദിലീപും സഹോദരൻ അനൂപും സഹോദരി ഭർത്താവ് സുരാജും ഒന്നിച്ചുകൂടി ഗൂഢാലോചന നടത്തിയെന്നാണഅ അന്വേഷണ സംഘത്തിന്റെ കണ്ടെത്തൽ 2017 ഡിസംബർ മാസത്തിലാണ് ഇവർ ഒത്തുകൂടിയത്. മേത്തർ ഹോംസിന്റെ അപ്പാർട്ട്‌മെന്റ് സമുച്ചയത്തിൽ ദിലീപിന്റെ ഫ്‌ളാറ്റുണ്ട്. അന്വേഷണ ഉദ്യോഗസ്ഥനായ ബൈജു പൗലോസിനെ എങ്ങനെ കൈകാര്യം ചെയ്യണമെന്നത് സംബന്ധിച്ചാണ് ഇവിടെ വെച്ച് ആലോചന…

  മാനനഷ്ടക്കേസിലെ വിധിക്കെതിരെ അപ്പീൽ പോകുകയെന്നത് വി എസ് അച്യുതാനന്ദന്റെ അവകാശമാണെന്ന് ഉമ്മൻ ചാണ്ടി. വി എസിനെതിരായ മാനനഷ്ടക്കേസിൽ ഉൾപ്പെടെ സോളാർ കേസിൽ വന്ന വിധികളെല്ലാം തനിക്ക് അനുകൂലമാണ്. സോളാർ കേസിൽ മൂന്ന് കമ്മീഷൻ റിപ്പോർട്ടിലും കുറ്റക്കാരൻ എന്ന പരാമർശമില്ല. തെറ്റ് ചെയ്തിട്ടില്ല എങ്കിൽ ഒരു കുഴപ്പവും വരില്ലെന്ന വിശ്വാസമാണ് തനിക്കുള്ളത്. സോളാർ കേസിൽ അഴിമതി നടത്തിയെന്ന വി എസിന്റെ പ്രസ്താവനക്കെതിരെയാണ് ഉമ്മൻ ചാണ്ടി മാനനഷ്ടക്കേസ് ഫയൽ ചെയ്തത്. തിരുവനന്തപുരം സബ് കോടതി ഉമ്മൻ ചാണ്ടിക്ക് അനുകൂലമായി…

  മതപരിവർത്തനത്തിനെതിരെ നിയമം കൊണ്ടുവരണമെന്ന സംഘ്പരിവാർ ആവശ്യം ആവർത്തിച്ച് ഡൽഹി മുഖ്യമന്ത്രിയും ആംആദ്മി കൺവീനറുമായ അരവിന്ദ് കെജ്രിവാൾ. മതപരിവർത്തനത്തിനെതിരെ നിയമം കൊണ്ടുവരണം. എന്നാൽ അതിന്റെ പേരിൽ ആരെയും തെറ്റായി ഉപദ്രവിക്കരുതെന്നും കെജ്രിവാൾ പറഞ്ഞു. ഭയപ്പെടുത്തി മതപരിവർത്തനം നടത്തുന്നത് തെറ്റാണ്. മതം ഒരു സ്വകാര്യ കാര്യമാണെന്നും കെജ്രിവാൾ പറഞ്ഞു ഓരോരുത്തർക്കും അവരവരുടെ ഇഷ്ടപ്രകാരം ആരാധന നടത്താൻ അവകാശമുണ്ട്. യുപി, ഹിമാചൽപ്രദേശ്, മധ്യപ്രദേശ് അടക്കമുള്ളന നിരവധി സംസ്ഥാനങ്ങൾ നിർബന്ധിത മതപരിവർത്തനം നിയന്ത്രിക്കുന്നതിന് നിയമം കൊണ്ടുവന്നിട്ടുണ്ട്. അസം പോലുള്ള മറ്റ് പല…

  ലോകായുക്ത ഭേദഗതി ഓർഡിനൻസ് സംബന്ധിച്ച് മന്ത്രിസഭയിൽ നടന്ന കാര്യങ്ങൾ പാർട്ടിയെ അറിയിക്കാത്തതിൽ സിപിഐ മന്ത്രിമാരെ അതൃപ്തി അറിയിച്ച് സിപിഐ സംസ്ഥാന സെക്രട്ടറി കാനം രാജേന്ദ്രൻ. അടുത്ത സിപിഐ നിർവാഹക സമിതി യോഗം വിഷയം ചർച്ച ചെയ്യും. നിയമഭേദഗതി എൽ ഡി എഫിൽ ചർച്ച ചെയ്തിരുന്നില്ല ഭേദഗതി ഓർഡിനൻസിനെതിരെ കാനം നേരത്തെ രംഗത്തുവന്നിരുന്നു. നിയമസഭ അടുത്ത മാസം ആരംഭിക്കാനിരിക്കെ ധൃതിപെട്ട് ഭേദഗതി കൊണ്ടവരുന്നത് എന്തിനാണെന്ന് കാനം ചോദിച്ചു. സംസ്ഥാന സർക്കാരിനെ അസ്ഥിരപ്പെടുത്താനുള്ള കേന്ദ്ര നീക്കം തടയാനാണെന്ന കോടിയേരിയുടെ…

  ഭാര്യ കാമുകനൊപ്പം ഒളിച്ചോടിയതിൽ മനം നൊന്ത് യുവാവ് ആത്മഹത്യ ചെയ്തു. കാഞ്ഞങ്ങാട് അരങ്ങനടുക്കത്തെ വിനോദ്(33) ആണ് വീട്ടുവളപ്പിൽ തൂങ്ങിമരിച്ചത്. കഴിഞ്ഞ വ്യാഴാഴ്ചയാണ് ഇയാളുടെ ഭാര്യ കാമുകനൊപ്പം പോയത്. അന്വേഷണത്തിൽ പയ്യന്നൂർ സ്വദേശിയായ യുവാവിനൊപ്പമാണ് യുവതി പോയതെന്ന് കണ്ടെത്തി. യുവതിയോട് പോലീസ് സ്‌റ്റേഷനിൽ ഹാജരാകാൻ ആവശ്യപ്പെട്ടു. സ്റ്റേഷനിലെത്തിയ യുവതി കാമുകനൊപ്പം ജീവിക്കാനാണ് ആഗ്രഹമെന്ന് അറിയിക്കുകയായിരുന്നു. ഇതിന് പിന്നാലെയാണ് വീട്ടിലെത്തിയ വിനോദ് ആത്മഹത്യ ചെയ്തത്. ദമ്പതികൾക്ക് രണ്ട് കുട്ടികളുണ്ട്.

  കോഴിക്കോട്ട് മാധ്യമ പ്രവർത്തകർക്ക് നേരെ സി.പി.എം പ്രവർത്തകരുടെ കയ്യേറ്റ ശ്രമം. പൊലീസ് കസ്റ്റഡിയിൽ നിന്നും രക്ഷപ്പെട്ട പ്രതിയെ കണ്ടുപിടിക്കാൻ സഹായിച്ച ലോ കോളേജ് വിദ്യാർത്ഥികളുടെ പ്രതികരണം തേടുന്നതിനിടെയാണ് കയ്യേറ്റ ശ്രമം ഉണ്ടായത്. സുരക്ഷാ വീഴ്ച റിപ്പോർട്ട്‌ ചെയ്യരുത് എന്ന് പറഞ്ഞായിരുന്നു കയ്യേറ്റ ശ്രമം. ചേവായൂർ പോലീസ് സ്റ്റേഷനിൽ മുന്നിൽ വെച്ചാണ് സംഭവം. പ്രതിക്കെതിരെ രക്ഷപ്പെടാൻ ശ്രമിച്ചതിന് കേസെടുത്തു. കോഴിക്കോട് വെള്ളിമാടുകുന്ന് ചിൽഡ്രൻസ് ഹോമിൽനിന്ന് കുട്ടികളെ കാണാതായ കേസിൽ പൊലീസ് കസ്റ്റഡിയിൽ നിന്നും രക്ഷപ്പെട്ട പ്രതിയെ പൊലീസ്…