മസ്‌കത്ത്: കൊവിഡ്- 19 വ്യാപനം അതിശക്തമായ ഒമാനില്‍ വീണ്ടും രാജ്യവ്യാപക ലോക്ക്ഡൗണ്‍ ആരംഭിച്ചു. ഗവര്‍ണറേറ്റുകളുടെ അതിര്‍ത്തികളില്‍ റോയല്‍ ഒമാന്‍ പോലീസിന്റെ ചെക്ക്‌പോയിന്റുകളുണ്ടാകും. എന്നാല്‍, വിലായതുകളുടെ ഇടയിലുണ്ടാകില്ല. ഒരു ഗവര്‍ണറേറ്റില്‍ നിന്ന് മറ്റൊരു ഗവര്‍ണറേറ്റിലേക്കുള്ള യാത്ര അനുവദിക്കില്ല. വൈകിട്ട് ഏഴ് മുതല്‍ രാവിലെ ആറ് വരെ വാഹന ഗതാഗതവും മറ്റ് സഞ്ചാരവും തടയും. ഈ സമയത്ത് പുറത്തിറങ്ങിയാല്‍ പിഴയുണ്ടാകും. ജീവനക്കാര്‍ക്ക് രാത്രി ഏഴ് മണിയോടെ വീട്ടിലെത്താന്‍ സ്ഥാപനങ്ങളെല്ലാം അഞ്ച് മണിയോടെ അടക്കുന്നുണ്ട്. ഗവര്‍ണറേറ്റുകള്‍ക്കിടയില്‍ സഞ്ചരിക്കാന്‍ ആരോഗ്യ പ്രവര്‍ത്തകര്‍ക്കും അനുമതിയില്ല….

തായിഫ്: സൗദി അറേബ്യയിലെ തായിഫില്‍ കഴിഞ്ഞ ദിവസമുണ്ടായ കനത്ത മഴയില്‍ റോഡുകള്‍ വെള്ളത്തില്‍ മുങ്ങി. രാജ്യത്തിന്റെ പടിഞ്ഞാറന്‍ മേഖലയില്‍ മക്കക്ക് സമീപമാണ് തായിഫ്. റോഡുകളില്‍ വെള്ളം പൊങ്ങിയതിനെ തുടര്‍ന്ന് ഗതാഗതം തടസ്സപ്പെട്ടു. വെള്ളത്തില്‍ മുങ്ങിയ കാറുകളുടെ ചിത്രങ്ങള്‍ സാമൂഹിക മാധ്യമങ്ങളില്‍ പ്രചരിക്കുന്നുണ്ട്. കാര്‍ യാത്രക്കാര്‍ കുടുങ്ങിപ്പോയ 30 സംഭവങ്ങളാണ് സിവില്‍ ഡിഫന്‍സിന് റിപ്പോര്‍ട്ട് ചെയ്യപ്പെട്ടത്. തായിഫിലെ പ്രധാന റോഡിലെ ഗതാഗതം തടസ്സപ്പെട്ടു. അല്‍ മുന്തസ ജില്ലയില്‍ വെള്ളപ്പൊക്കം കാരണം ആളുകള്‍ക്ക് പുറത്തിറങ്ങാനായില്ല.