അട്ടപ്പാടിയിൽ കാട്ടാനയുടെ ആക്രമണത്തിൽ ഒരാൾ കൊല്ലപ്പെട്ടു. അട്ടപ്പാടി വണ്ണാന്തറ ഊരുമൂപ്പൻ ചിന്നനഞ്ചനാണ് മരിച്ചത്. കാലി മേയ്ക്കാൻ പോയ മൂപ്പനെ ഇന്നലെ വൈകുന്നേരം മുതൽ കാണാതായിരുന്നു. തെരച്ചിലിലാണ് ഇന്ന് രാവിലെ മൃതദേഹം കണ്ടെത്തിയത്.

കോഴിക്കോട് ജില്ലയില്‍ കൂടുതല്‍ ആരോഗ്യപ്രവര്‍ത്തകര്‍ക്ക് കോവിഡ്. ഉള്ള്യേരി മലബാര്‍ മെഡിക്കല്‍ കോളജിലെ ഫാര്‍മസിസ്റ്റിനും കോവിഡ് സ്ഥിരീകരിച്ചു. ആശുപത്രിയിലെ 43 ജീവനക്കാര്‍ നിരീക്ഷണത്തിലാണ്. രണ്ട് നഴ്സുമാര്‍ക്ക് രോഗം സ്ഥിരീകരിച്ചതോടെ തിരുവള്ളൂര്‍ കമ്യൂണിറ്റി ഹെല്‍ത്ത് സെന്‍റര്‍ അടച്ചു. രോഗ വ്യാപനം കൂടിയതോടെ കര്‍ശന നിയന്ത്രണങ്ങളാണ് ജില്ലയില്‍ ഏര്‍പ്പെടുത്തിയിരിക്കുന്നത്. ജില്ലയിലെ കോവിഡ് രോഗികളുടെ എണ്ണം 100 കവിഞ്ഞു. ഇന്നലെ സ്ഥിരീകരിച്ച 110 ആളുകളില്‍ 88 പേര്‍ക്കും സമ്പര്‍ക്കത്തിലൂടെയാണ് രോഗം പകര്‍ന്നത്. അഞ്ച് പേരുടെ ഉറവിടം വ്യക്തമല്ല. ജില്ലയില്‍ ഇന്ന് സമ്പൂര്‍ണ്ണ ലോക്ഡൌണാണ്.

സഹോദരിയുടെ വിവാഹത്തിനായി കരുതി വെച്ച 23 പവൻ സ്വർണാഭരണം മോഷ്ടിച്ച 17കാരനും കൂട്ടാളികളായ രണ്ട് പേരും പിടിയിൽ. ഇടുക്കി നെടങ്കണ്ടം ബാലഗ്രാം സ്വദേശിയുടെ വീട്ടിൽ നിന്നാണ് 23 പവൻ സ്വർണം മോഷണം പോയത്. വീട്ടിൽ അറിയാതിരിക്കാൻ മുക്കുപണ്ടം വെച്ചായിരുന്നു കവർച്ച 17കാരനും ഇയാളുടെ സുഹൃത്തുക്കളായ താഹാ ഖാൻ, ജാഫർ എന്നിവർ ചേർന്നാണ് മോഷമം നടത്തിയത്. പണത്തിന് ആവശ്യം വന്നപ്പോൾ കഴിഞ്ഞ ദിവസം സ്വർണം പണയം വെക്കാനായി ഗൃഹനാഥൻ പുറത്തെടുത്തിരുന്നു. ആഭരണം കണ്ട് സംശയം തോന്നുകയും പരിശോധിച്ചപ്പോൾ മുക്കുപണ്ടമാണെന്ന്…