തിരുവനന്തപുരം: കൊവിഡ് വൈറസിന്റെ ജനിതകമാറ്റത്തെക്കുറിച്ച് സംസ്ഥാനത്ത് എല്ലാ ജില്ലകളിലും പരിശോധന. കൗണ്‍സില്‍ ഓഫ് സയന്റിഫിക് ആന്റ് ഇന്‍ഡസ്ട്രിയല്‍ റിസര്‍ച്ചിന്റെ കീഴിലുള്ള ഡല്‍ഹി ആസ്ഥാനമായ ജിനോമിക് ആന്റ് ഇന്റഗ്രേറ്റീവ് ബയോളജിയുമായി സഹകരിച്ചാണ് പഠനം. ആര്‍ എന്‍ എ വൈറസിന്റെ പ്രത്യേകതയാണ് അടിക്കടിയുള്ള ജനിതകമാറ്റം. ബ്രിട്ടനില്‍ കഴിഞ്ഞ നാല് മാസത്തിനിടെ കണ്ടെത്തിയത് നാലായിരത്തിലധികം പുതിയ വകഭേദം. കേരളത്തില്‍ കോഴിക്കോട് മെഡിക്കല്‍ കോളജ് നടത്തിയ പഠനത്തില്‍ ചില വകഭേദങ്ങളെ കണ്ടെത്തിയിരുന്നു. ഈ സാഹചര്യത്തിലാണ് ഡിസംബറില്‍ വിശദ പഠനം തുടങ്ങിയത്. പതിനാല് ജില്ലകളേയും…

ജോസ് കെ മാണി രാജ്യസഭാ എംപി സ്ഥാനം ഇന്ന് രാജിവെച്ചേക്കും. ചൊവ്വാഴ്ച രാത്രിയോടെ ജോസ് കെ മാണി ഡൽഹിയിലെത്തിയിട്ടുണ്ട്. ഇന്ന് രാജി കത്ത് കൈമാറിയേക്കുമെന്നാണ് അറിയുന്നത്. കേരളാ കോൺഗ്രസിന് തന്നെ രാജ്യസഭാ സീറ്റ് തിരികെ ലഭിച്ചേക്കുമെന്നാണ് അറിയുന്നത്. ഈ സീറ്റിൽ ആരെ മത്സരിപ്പിക്കണമെന്ന് പിന്നീട് തീരുമാനിക്കും. മുതിർന്ന നേതാക്കളായ പി കെ സജീവ്, സ്റ്റീഫൻ ജോർജ്, പി ടി ജോസ് എന്നിവരുടെ പേരുകൾ പറഞ്ഞു കേൾക്കുന്നുണ്ട് ഗുജറാത്തിൽ ഒഴിവുവന്ന രാജ്യസഭാ സീറ്റിലെ ഉപതെരഞ്ഞെടുപ്പിനൊപ്പം കേരളത്തിലും ഉപതെരഞ്ഞെടുപ്പ് നടന്നേക്കും….

വാളയാറിൽ പീഡന ദുരൂഹ മരണക്കേസിൽ പ്രതികളെ വെറുതെ വിട്ടതിനെതിരെ കുട്ടികളുടെ രക്ഷിതാക്കളും സർക്കാരും നൽകിയ അപ്പീലിൽ ഹൈക്കോടതി ഇന്ന് വിധി പറയും. പ്രതികൾക്കെതിരെ ചുമത്തിയ കുറ്റം തെളിയിക്കാൻ സാധിക്കാത്തതിനെ തുടർന്നാണ് പാലക്കാട് പോക്‌സോ കോടതി പ്രതികളായ വി മധു, ഷിബു, എം മധു, പ്രദീപ് എന്നിവരെ വെറുതെ വിട്ടത് കേസ് നടത്തിയ പ്രോസിക്യൂഷന്റെ ഭാഗത്ത് നിന്നുണ്ടായ വീഴ്ചകളും കേസ് അന്വേഷിച്ച പോലീസിന്റെ വീഴ്ചയുമാണ് പ്രതികളെ വെറുതെ വിടാൻ കാരണമായതെന്ന് സർക്കാർ പറയുന്നു. പുനരന്വേഷണത്തിന് ഒരുക്കമാണെന്ന് സ്‌പെഷ്യൽ പ്രോസിക്യൂട്ടർ…

കാസർകോട് ബദിയടുക്കയിൽ ഒന്നര വയസ്സുകാരൻ മരിച്ച സംഭവത്തിൽ അമ്മ അറസ്റ്റിൽ. പെർളത്തടുക്ക സ്വദേശി ശാരദയാണ് അറസ്റ്റിലായത്. ഇവരുടെ മകൻ സ്വാതിക് ആണ് മരിച്ചത് കുടുംബ വഴക്കിനെ തുടർന്ന് കുട്ടിയെ കിണറ്റിൽ എറിഞ്ഞു കൊല്ലുകയായിരുന്നു. കഴിഞ്ഞ മാസം നാലിനാണ് സ്വാതികിനെ കിണറ്റിൽ മരിച്ച നിലയിൽ കണ്ടെത്തിയത്. കുട്ടി അബദ്ധത്തിൽ കിണറ്റിൽ വീണുവെന്നാണ് ആദ്യം കരുതിയിരുന്നത്. പോസ്റ്റുമോർട്ടം റിപ്പോർട്ടിലാണ് കുട്ടിയെ ആരെങ്കിലും കിണറ്റിൽ എറിഞ്ഞതാകാമെന്ന് മനസ്സിലായത്. തുടർന്ന് അമ്മയെ കസ്റ്റഡിയിലെടുക്കുകയും ചോദ്യം ചെയ്യുകയുമായിരുന്നു.  

സംസ്ഥാനത്തെ സിനിമാ തിയറ്ററുകള്‍ അടുത്ത ആഴ്ച തുറന്ന് പ്രവര്‍ത്തിക്കും. തിയറ്റര്‍ ഉടമകള്‍ കൊച്ചിയില്‍ ചേര്‍ന്ന യോഗത്തിലാണ് തീരുമാനമായത്. തിയറ്ററുകളുടെ ശുചീകരണത്തിനായി ഒരാഴ്ച സമയം ആവശ്യമാണ്. അതിന് ശേഷമായിരിക്കും തുറന്ന് പ്രവര്‍ത്തിക്കുക. വിജയ് ചിത്രമായ മാസ്റ്ററിന്റെ റിലീസോടെ തിയറ്ററുകള്‍ പ്രവര്‍ത്തന സജ്ജമാകുമെന്നാണ് സംഘടനാ ഭാരവാഹികള്‍ നല്‍കുന്ന സൂചന. സിനിമ തിയേറ്ററുകള്‍ തുറക്കുന്നതിന്റെ ഭാഗമായി ആരോഗ്യവകുപ്പ് കഴിഞ്ഞ ദിവസം മാര്‍ഗനിര്‍ദേശങ്ങല്‍ പ്രഖ്യാപിച്ചിരുന്നു. തിയേറ്ററുകളില്‍ ഒന്നിടവിട്ട സീറ്റുകളില്‍ മാത്രമെ പ്രവേസനം പാടുളളുവെന്നാണ് നിര്‍ദേശം. തിയേറ്ററുകളുടെ പ്രവര്‍ത്തന സമയം രാവിലെ 9 മുതല്‍…

തിരുവനന്തപുരം: കൊല്ലം കല്ലുവാതുക്കല്‍ വീട്ടുപറമ്പില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ കുഞ്ഞ് മരിച്ചു. ഇന്ന് രാവിലെ ഊഴായിക്കോട് ക്ഷേത്രത്തിനു സമീപത്തെ വീട്ടുപറമ്പില്‍ കണ്ടെത്തിയ കുഞ്ഞാണ് തിരുവനന്തപുരം എസ്എടി ആശുപത്രിയില്‍ മരിച്ചത്. കുഞ്ഞിന് രണ്ട് ദിവസം മാത്രമേ പ്രായമുള്ളൂ. കണ്ടെത്തുമ്പോള്‍ പൊക്കിള്‍ക്കൊടി പോലും മുറിച്ച് മാറ്റിയിരുന്നില്ല. മൂന്ന് കിലോയോളം ഭാരമുണ്ടായിരുന്നു. കുഞ്ഞിനെ നാട്ടുകാരാണ് കണ്ടെത്തിയത്. പീന്നീട് പോലിസ് ഏറ്റെടുക്കുകയും ആശുപത്രിയില്‍ പ്രവേശിപ്പിക്കുകയും ചെയ്തു. ആദ്യം മെഡിക്കല്‍കോളജിലാണ് പ്രവേശിപ്പിച്ചത്. പിന്നീട് ശ്വാസതടസ്സം നേരിട്ടപ്പോള്‍ എസ്എടിയിലേക്ക് മാറ്റുകയായിരുന്നു.