നാദാപുരം: തദ്ദേശ സ്ഥാപനങ്ങളിലേക്കുള്ള മൂന്നാം ഘട്ട വോട്ടെടുപ്പ് നടക്കുന്ന കണ്ണൂരിൽ നാദാപുരം തെരുവംപറമ്പില് സംഘര്ഷം ഉണ്ടായിരിക്കുന്നു. സ്ഥലത്ത് തടിച്ചുകൂടിയ ജനങ്ങളെ പിരിച്ച് വിടുന്നതിനിടെയാണ് സംഘർഷമുണ്ടായിരിക്കുന്നത്. പോലീസുകാര് അടക്കം നിരവധി പേര്ക്ക് പരിക്കേറ്റിട്ടുണ്ട്. പോലീസ് ഗ്രനേഡ് പ്രയോഗിക്കുകയുണ്ടായി.
ദോഹ: പുതിയ ഡിസൈനുകളിലുള്ള ഖത്തരി റിയാല് കറന്സികള് ഖത്തര് സെന്ട്രല് ബാങ്ക് പുറത്തിറക്കി. ദേശീയ ദിനത്തോടനുബന്ധിച്ച് ഡിസംബര് 18 വെള്ളിയാഴ്ച മുതല് 200ന്റെ പുതിയ കറന്സികള് പ്രാബല്യത്തില് വരും. ഖത്തരി റിയാല് ബാങ്ക് നോട്ടുകളുടെ അഞ്ചാം സീരീസില് പുതിയ ഇരുന്നൂറിന്റെ നോട്ടും പുതിയ ഡിസൈനുകളിലുള്ള മറ്റ് നോട്ടുകളുമാണ് പുറത്തിറക്കിയത്. മൂന്നുമാസത്തിനുള്ളില് പൊതുജനങ്ങള്ക്ക് ഖത്തരി റിയാലിന്റെ പഴയ കറന്സികള് പ്രാദേശിക ബാങ്കുകളില് നിന്നും അതിന് ശേഷം ഖത്തര് സെന്ട്രല് ബാങ്കില് നിന്നോ മാറ്റി വാങ്ങാം. ശൈഖ് അബ്ദുല്ല ബിന്…
കരിപ്പൂർ വിമാനത്താവളത്തിൽ വൻ സ്വർണവേട്ട. അരീക്കോട് സ്വദേശി റാഷിദിൽ നിന്നാണ് കസ്റ്റംസ് പ്രിവന്റീവ് വിഭാഗം സ്വർണം പിടികൂടിയത്. 1.117 കിലോ സ്വർണമിശ്രിതമാണ് പിടികൂടിയത്. വിപണിയിൽ 55 ലക്ഷം രൂപ വിലവരും ഇതിന് ഷാർജയിൽ നിന്ന് എയർ അറേബ്യ വിമാനത്തിലാണ് റാഷിദ് എത്തിയത്. അഞ്ച് പാക്കറ്റുകളിലായി ശരീരത്തിൽ ഒളിപ്പിച്ച നിലയിലായിരുന്നു സ്വർണം. കഴിഞ്ഞ ദിവസം ദുബൈയിൽ നിന്നെത്തിയ യാത്രക്കാരനിൽ നിന്ന് 865 ഗ്രാം സ്വർണമിശ്രിതം പിടികൂടിയിരുന്നു.
തദ്ദേശ തെരഞ്ഞെടുപ്പിന്റെ മൂന്നാംഘട്ട വോട്ടെടുപ്പിലും മികച്ച പോളിംഗ്. ആറ് മണിക്കൂർ പിന്നിടുമ്പോൾ പോളിംഗ് ശതമാനം 50 പിന്നിട്ടു. ആദ്യ രണ്ട് ഘട്ടങ്ങളേക്കാൾ മികച്ച പോളിംഗാണ് മൂന്നാം ഘട്ടത്തിൽ ഇതുവരെ രേഖപ്പെടുത്തിയത്. കണ്ണൂർ, കാസർകോട്, കോഴിക്കോട്, മലപ്പുറം ജില്ലകളിലെ ഭൂരിഭാഗം ബൂത്തുകളിലും വലിയ തിരക്ക് അനുഭവപ്പെട്ടു. ചില ബൂത്തുകളിൽ മെഷീന്റെ സാങ്കേതിക തകരാർ കാരണം പോളിംഗ് അൽപ്പനേരം വൈകി താനൂരിലും പെരുമ്പടപ്പ് കോടത്തൂരിലും എൽഡിഎഫ്, യുഡിഎഫ് പ്രവർത്തകർ തമ്മിൽ സംഘർഷമുണ്ടായി. യുഡിഎഫ് സ്ഥാനാർഥിക്ക് ഉൾപ്പെടെ പരുക്കേറ്റു കണ്ണൂരിൽ ആന്തൂരിൽ…
ഗൂഡല്ലൂർ:കേരള തമിഴ്നാട് അതിർത്തിയിൽ ഗൂഡല്ലൂര്-നീലഗിരിയിലെ ചേരങ്കോടിനു സമീപം ആനപ്പള്ളത്തു കാട്ടാനയുടെ ആക്രമണത്തില് അച്ഛനും മകനും ദാരുണാന്ത്യം. . തമിഴ് നാട് നീലഗിരി ജില്ലയിലെ ഗൂഡല്ലൂര് പഞ്ചായത്ത് യൂണിയന് കൗണ്സിലര് ആനന്ദ്രാജ്(55),മകന് പ്രശാന്ത്(20)എന്നിവരാണ് മരിച്ചത്. കഴിഞ്ഞ ദിവസം സന്ധ്യയോടെ വീട്ടിലേക്കു നടന്നുപോകുന്നതിനിടെയാണ് ഇരുവരെയും കാട്ടാന ചവിട്ടിയും നിലത്തടിച്ചും കൊലപ്പെടുത്തിയത്.നിലവിളികേട്ടെത്തിയെ പരിസരവാസികള് ദാരുണരംഗമാണ് കണ്ടത്.ശ്രീലങ്കന് അഭയാര്ഥി കുടുംബാംഗമാണ് ഡി.എം.കെ പ്രാദേശിക നേതാവും ടാന്ടി എസ്റ്റേറ്റ് തൊഴിലാളിയുമായ ആനന്ദ്രാജ്.സംഭവസ്ഥലത്തു നാട്ടുകാർ വലിയ പ്രതിഷേധമുയർത്തി .ജില്ലാ കലക്ടര് അടക്കം ഉന്നത ഉദ്യോഗസ്ഥര് എത്തിയശേഷമേ…
കുടുംബം സഞ്ചരിച്ചകാർ നിയന്ത്രണവിട്ട് തലകീഴായി മറിഞ്ഞു. സുൽത്താൻ ബത്തേരി മാടക്കരയിൽ ഇന്ന് ഉച്ചയോടെയണ് സംഭവം. കാറിൽ സഞ്ചരിച്ചിരുന്ന ആലുവ സ്വദേശികൾ നിസാര പരുക്കുകളോടെ രക്ഷപ്പെട്ടു.ഇവരെ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ചുള്ളിയോട് ഭാഗത്തു നിന്നും ബത്തേരി ഭാഗത്തേക്ക് വരുകയായിരുന്ന കാറാണ് അപകടത്തിൽ പെട്ടത്.
റിയാദ്: ചരിത്രത്തിലാദ്യമായി ഇന്ത്യന് കരസേനാ മേധാവി സൗദി അറേബ്യ സന്ദര്ശിച്ചു. ഗള്ഫ് പര്യടനത്തിന്റെ ഭാഗമായാണ് ദ്വിദിന സന്ദര്ശനത്തിന് ഇന്ത്യന് കരസേനാ മേധാവി ജനറല് മനോജ് മുകുന്ദ് നരവനെ റിയാദിലെത്തിയത്. സൗദി റോയല് ലാന്ഡ് ഫോഴ്സ് ആസ്ഥാനത്ത് സൗദി റോയല് ഫോഴ്സ് കമാന്ഡര് ജനറല് ഫഹദ് ബിന് അബ്ദുല്ല അല്മുതൈര് അദ്ദേഹത്തെ സ്വീകരിച്ചു. തുടര്ന്ന് സൗദി റോയല് ഫോഴ്സ് ഗാര്ഡ് ഓഫ് ഓണര് നല്കി. സൗദി ചീഫ് ഓഫ് ജനറല് സ്റ്റാഫ് ജനറല് ഫയ്യാദ് ബിന് ഹാമിദ് അല്റുവൈലി…
ഓസ്ട്രേലിയ്ക്കെതിരായ ടെസ്റ്റ് പരമ്പരയിലെ ആദ്യ മത്സരം വ്യാഴാഴ്ച തുടങ്ങാനിരിക്കെ ഇന്ത്യയ്ക്ക് മുന്നറിയിപ്പുമായി ക്രിക്കറ്റ് ഇതിഹാസം സച്ചിന് ടെന്ഡുല്ക്കര്. 2018-19ല് സംഭവിച്ചതു പോലെ ഇന്ത്യയ്ക്ക് കാര്യങ്ങള് എളുപ്പമാകില്ലെന്നും മൂന്ന് മികച്ച താരങ്ങള് ഇപ്പോള് അവര്ക്കൊപ്പമുണ്ടെന്നും സച്ചിന് പറഞ്ഞു. ‘ഏതാനും മുതിര്ന്ന കളിക്കാരുടെ അസാന്നിധ്യം ഉണ്ടാവുകയും, അത് ഓസ്ട്രേലിയെ ബാധിക്കുകയും ചെയ്തതാണ് 2018-19ല് സംഭവിച്ചത്. മൂന്ന് പ്രധാന കളിക്കാരെ അവര്ക്കിപ്പോള് ലഭിച്ചിട്ടുണ്ട്. സ്മിത്തും വാര്ണറും ടീമിലേക്ക് തിരിച്ചെത്തി. ലാബുഷെയ്നെ പോലൊരു താരത്തേയും അവര്ക്ക് ലഭിച്ചു. അന്നത്തെ ഓസീസ് ടീമിനേക്കാള് വളരെ…
ന്യൂഡല്ഹി: രാജ്യത്ത് 24 മണിക്കൂറിനുള്ളില് കൊവിഡ് സ്ഥിരീകരിച്ചവരുടെ എണ്ണം 27,071 ആയി. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 98,84,100 ആയതായി കേന്ദ്ര ആരോഗ്യവകുപ്പ് സ്ഥിരീകരിച്ചു. രാജ്യത്തെ സജീവ രോഗികളുടെ എണ്ണത്തിലും കുറവുണ്ടായിട്ടുണ്ട്. നിലവില് 3,52,586 പേരാണ് വിവിധ ആശുപത്രികളില് ചികില്സയില് കഴിയുന്നത്. 93,88,159 പേര് രോഗമുക്തരായി. ഇന്നലെ മാത്രം 336 പേര് കൊവിഡ് ബാധിച്ച് മരിച്ചു. ഇതോടെ ആകെ മരിച്ചവരുടെ എണ്ണം 1,43,355 ആയി. ഞായറാഴ്ച കൊവിഡ് ബാധിതരുടെ എണ്ണം 9.8 ദശലക്ഷം…
സംസ്ഥാനത്ത് സ്വർണവിലയിൽ കുറവ്. പവന് ഇന്ന് 160 രൂപ കുറഞ്ഞു. ഇതോടെ ഒരു പവൻ സ്വർണത്തിന്റെ വില 36,640 രൂപയിലെത്തി ഗ്രാമിന് 20 രൂപ കുറഞ്ഞ് 4580 രൂപയായി. അന്താരാഷ്ട്ര വിപണിയിൽ സ്പോട്ട് ഗോൾഡ് ഔൺസിന് 1834.94 ഡോളറിലാണ് വ്യാപാരം. ദേശീയ വിപണിയിൽ പത്ത് ഗ്രാം തനിത്തങ്കത്തിന്റെ വില 49,125 രൂപയായി.