ഓൺലൈൻ റമ്മി നിരോധിക്കുന്നതിന് രണ്ടാഴ്ചയ്ക്കകം വിജ്ഞാപനം ഇറക്കുമെന്ന് സംസ്ഥാന സർക്കാർ ഹൈക്കോടതിയെ അറിയിച്ചു. ഇതിനായി കേരളാ ഗെയിമിംഗ് ആക്ടിൽ ഭേദഗതി വരുത്തുമെന്നും സർക്കാർ കോടതിയെ അറിയിച്ചു. തൃശൂർ സ്വദേശി നൽകിയ പൊതുതാത്പര്യ ഹർജി പരിഗണിക്കവെയാണ് ഹൈക്കോടതിയിൽ സർക്കാർ നിലപാട് അറിയിച്ചത്. ഓൺലൈൻ ചൂതാട്ടം ഗൗരവതരമാണെന്ന് ഹൈക്കോടതി പറഞ്ഞു. കേരള ഗെയിമിംഗ് ആക്ട് പ്രകാരം ചൂതാട്ടം ശിക്ഷാർഹമാണെങ്കിലും ഓൺലൈൻ റമ്മിയടക്കമുളളവയ്ക്ക് നിയന്ത്രണമില്ലെന്നും, അതിനാൽ ഇവ നിരോധിക്കണമെന്നുമായിരുന്നു ഹർജിക്കാരന്റെ ആവശ്യം.

ഒഴിവുകൾ ഒരാഴ്ചയ്ക്കുള്ളിൽ റിപ്പോർട്ട് ചെയ്യാൻ വകുപ്പുകൾക്ക് മന്ത്രിസഭാ യോഗത്തിന്റെ നിർദേശം. പ്രമോഷനുമായി ബന്ധപ്പെട്ട തർക്കങ്ങൾ പരിഹരിക്കാനാണ് നിർദ്ദേശം. ഏകാധ്യാപക വിദ്യാലയങ്ങളിലെ 344 അധ്യാപകരെ സ്ഥിരപ്പെടുത്താനും തീരുമാനമായി. 10 വർഷത്തിലേറെയായി കരാർ അടിസ്ഥാനത്തിൽ ജോലി ചെയ്യുന്നവരെയാണ് സ്ഥിരപ്പെടുത്തിയത്. പുതിയ തസ്തികകൾ സൃഷ്ടിക്കേണ്ടതുണ്ടെങ്കിൽ അതിനുള്ള നടപടികളും വകുപ്പുകൾ സ്വീകരിക്കണം. ഇവയുടെ ഏകോപന ചുമതല ചീഫ് സെക്രട്ടറിക്കായിരിക്കും. സിവിൽ സപ്ലൈസിൽ യുഡിഎഫ് സർക്കാരിന്റെ കാലത്ത് മരവിപ്പിച്ച തസ്തികകളിലേക്ക് കരാർ അടിസ്ഥാനത്തിൽ ജോലി ചെയ്യുന്നവരെ സ്ഥിരപ്പെടുത്താനും തീരുമാനമായി.  

പാലക്കാട് ജില്ലാ സെഷൻസ് കോടതി ജഡ്ജി ബി കലാം പാഷ മുത്തലാഖ് ചൊല്ലിയെന്ന പരാതിയുമായി ഭാര്യ രംഗത്ത്. കലാം പാഷക്കെതിരെ കേസെടുക്കണമെന്നാവശ്യപ്പെട്ട് ഇവർ ഹൈക്കോടതിയെ സമീപിച്ചു. കലാം പാഷയുടെ സഹോദരനായ റിട്ട. ജസ്റ്റിസ് ബി കെമാൽ പാഷ തന്നെ ഭീഷണിപ്പെടുത്തിയെന്നും ഇവർ ആരോപിച്ചു 2018 മാർച്ച് ഒന്നിനാണ് ബി കലാം പാഷ മുത്തലാഖ് ചൊല്ലിയതായുള്ള കത്ത് നൽകിയത്. തലാഖ് ചൊല്ലിയുള്ള കത്തിൽ 2018 മാർച്ച് 1 എന്ന് രേഖപ്പെടുത്തിയിട്ടുണ്ട്. ഇത് അച്ചടി പിശകാണെന്നും 2018 മാർച്ച് 1…

മലപ്പുറത്ത് ഇതരസംസ്ഥാനക്കാരായ ദമ്പതികൾ വീട്ടിനകത്ത് പൂട്ടിയിട്ട രണ്ട് കുട്ടികളെ നാട്ടുകാരും പോലീസും ചേർന്ന് രക്ഷപ്പെടുത്തി. ആറും നാലും വയസ്സുള്ള കുട്ടികളെയാണ് ദമ്പതികൾ പൂട്ടിയിട്ടത്. പട്ടിണി കിടന്ന് അവശനിലയിലായ കുട്ടികളെ നാട്ടുകാർ ആശുപത്രിയിൽ പ്രവേശിപ്പിച്ചു ഭക്ഷണമോ വെള്ളമോ നൽകാതെയാണ് കുട്ടികളെ പൂട്ടിയിട്ട് ഇവർ പോയിരുന്നത്. ആശുപത്രിയിൽ നടന്ന പരിശോധനയിൽ കുട്ടികളുടെ ദേഹത്ത് അടിയേറ്റ പാടുകളും കണ്ടെത്തി. കുട്ടികളുടെ മാതാപിതാക്കളെ പോലീസ് കസ്റ്റഡിയിലെടുത്തിട്ടുണ്ട്. നാട്ടുകാർ പഞ്ചായത്ത് അധികൃതരെ വിവരം അറിയിച്ചതിന്റെ അടിസ്ഥാനത്തിൽ ഇവരെത്തിയാണ് കുട്ടികളെ രക്ഷപ്പെടുത്തിയത്. ദിവസങ്ങളായി ഭക്ഷണം ലഭിക്കാതെ…

അടുത്ത ചീഫ് സെക്രട്ടറിയായി വി പി ജോയ് ഐഎഎസിനെ മന്ത്രിസഭാ യോഗം തെരഞ്ഞെടുത്തു. നിലവിലെ ചീഫ് സെക്രട്ടറി വിശ്വാസ് മേത്ത സ്ഥാനമൊഴിയുന്നതിന് പിന്നാലെ മാർച്ച് ഒന്നിന് വി പി ജോയി അധികാരമേൽക്കും. കേന്ദ്ര ഡെപ്യൂട്ടേഷനിൽ ആയിരുന്ന വി പി ജോയി കഴിഞ്ഞാഴ്ചയാണ് തിരികെ എത്തിയത്. 1987 ബാച്ച് ഉദ്യോഗസ്ഥനാണ്. കേന്ദ്ര കാബിനറ്റ് സെക്രട്ടേറിയറ്റിൽ ഏകോപന ചുമതലയുള്ള സെക്രട്ടറിയായി പ്രവർത്തിച്ചു വരികയായിരുന്നു. രണ്ട് വർഷത്തെ സർവീസാണ് അദ്ദേഹത്തിന് ബാക്കിയുള്ളത്. 2023 ജൂൺ 30 വരെ ചീഫ് സെക്രട്ടറിയായി പ്രവർത്തിക്കാം….

ചെക്ക് കേസിൽ എഴുത്തുകാരനും തിരക്കഥാകൃത്തുമായ സുനിൽ പരമേശ്വരൻ അറസ്റ്റിൽ. ഇടുക്കി കാന്തല്ലൂരിൽ നിന്നാണ് സുനിൽ പരമേശ്വരനെ പോലീസ് കസ്റ്റഡിയിലെടുത്തത്. വർക്കല സ്വദേശിയുടെ പരാതിയിലാണ് നടപടി. സുനിലിനെ വർക്കല കോടതിയിൽ ഹാജരാക്കും. അനന്തഭദ്രം, രുദ്രസിംഹാസനം എന്നീ ചിത്രങ്ങളുടെ തിരക്കഥാകൃത്താണ് സുനിൽ പരമേശ്വരൻ. നിരവധി മാന്ത്രിക നോവലുകളും രചിച്ചിട്ടുണ്ട്.

സംസ്ഥാനത്ത് സ്വർണവില ഇന്നും വർധിച്ചു. പവന് 80 രൂപയാണ് ഉയർന്നത്. ഇതോടെ ഒരു പവൻ സ്വർണത്തിന് 35,800 രൂപയായി. ഗ്രാമിന് പത്ത് രൂപ വർധിച്ച് 4475 രൂപയിലെത്തി കഴിഞ്ഞ മൂന്ന് ദിവസവും സ്വർണവില ഉയർന്നിരുന്നു. മൂന്ന് ദിവസത്തിനിടെ 800 രൂപയുടെ വർധനവാണുണ്ടായിരിക്കുന്നത്. ബജറ്റിൽ സ്വർണത്തിന്റെ ഇറക്കുമതി തീരുവ കുറയ്ക്കുമെന്ന് പ്രഖ്യാപിച്ചതിന് പിന്നാലെ പവന് 1800 രൂപയുടെ കുറവ് വന്നിരുന്നു. ഇത് ഘട്ടങ്ങളായി തിരിച്ചു കയറുകയാണ്.

മാണി സി കാപ്പനെ പാലാ മണ്ഡലത്തിൽ സ്ഥാനാർഥിയാക്കില്ലെന്ന് വ്യക്തമാക്കി മുഖ്യമന്ത്രി പിണറായി വിജയൻ. മാണി സി കാപ്പന് കുട്ടനാട് നൽകാമെന്ന് പിണറായി എൻസിപി നേതാവ് പ്രഫുൽ പട്ടേലിനെ ഫോണിൽ വിളിച്ച് അറിയിച്ചു. പാലാ സീറ്റ് ജോസ് കെ മാണി വിഭാഗത്തിന് നൽകാനാണ് തീരുമാനം. പാലാ വിട്ടുകൊടുക്കില്ലെന്ന ഉറപ്പിച്ച മാണി സി കാപ്പൻ നേരത്തെ യുഡിഎഫ് നേതൃത്വവുമായി ചർച്ചകൾ നടത്തിയിരുന്നു. ഇതോടെയാണ് പിണറായിയും നിലപാട് കടുപ്പിച്ചത്. ഇതോടെ മുന്നണി മാറ്റ ചർച്ചകൾ എൻസിപി സജീവമാക്കി. സംസ്ഥാന പ്രസിഡന്റ് ടിപി…