ഇന്ധനവിലയിൽ ഇന്നും വർധനവ്. ഡീസലിന് 31 പൈസയും പെട്രോളിന് 26 പൈസയുമാണ് വർധിപ്പിച്ചത്. തിരുവനന്തപുരത്ത് പെട്രോൾ ലിറ്ററിന് 90.87 രൂപയും ഡീസലിന് 85.31 രൂപയുമായി മഹാരാഷ്ട്രയിലെ പർബനിയിൽ പെട്രോൾ വില 100 കടന്നു. ഞായറാഴ്ച രാവിലെ 28 പൈസ വർധിച്ചതോടെയാണ് 100 രൂപ കടന്നത്. പുതുക്കിയ പാചകവാതക വിലയും ഇന്ന് മുതൽ നിലവിൽ വന്നു. സിലിണ്ടറിന് അമ്പത് രൂപയാണ് വർധിപ്പിച്ചത്.
കിഴക്കൻ ലഡാക്ക് മേഖലയിൽ നിന്നുള്ള സൈനിക പിൻമാറ്റം ചൈനക്ക് മുന്നിലെ കീഴടങ്ങലാണെന്ന് കോൺഗ്രസ് നേതാവും പ്രതിരോധ മന്ത്രിയുമായ എ കെ ആന്റണി. ഗാൽവൻ താഴ് വര, പാൻഗോംഗ് തടാകം എന്നിവിടങ്ങളിലെ സൈനിക പിൻമാറ്റവും ബഫർസോൺ സൃഷ്ടിക്കലും വഴി ഇന്ത്യയുടെ അവകാശങ്ങളാണ് ചൈനക്ക് അടിയറ വെച്ചതെന്ന് ആന്റണി പറഞ്ഞു രാജ്യം യുദ്ധസമാനമായ സ്ഥിതി നേരിടുമ്പോഴും ബജറ്റിൽ പ്രതിരോധ മേഖലക്ക് വർധന വരുത്താത്തത് രാജ്യത്തെ വഞ്ചിക്കുന്നതിന് തുല്യമാണ്. അതിർത്തികളിൽ ചൈനയും പാക്കിസ്ഥാനും പ്രകോപനവും ഭീകരപ്രവർത്തനത്തെ പ്രോത്സാഹിപ്പിക്കലും തുടരുമ്പോൾ രാജ്യസുരക്ഷക്ക് മുൻഗണന…
ഗുജറാത്ത് മുഖ്യമന്ത്രി വിജയ് രൂപാണി കുഴഞ്ഞുവീണു. മെഹസനാനഗറിൽ പൊതുസമ്മേളനത്തിൽ പങ്കെടുക്കവെയാണ് മുഖ്യമന്ത്രിക്ക് ദേഹാസ്വാസ്ഥ്യം അനുഭവപ്പെട്ടത്. ഫെബ്രുവരി 21ന് നടക്കാനിരിക്കുന്ന തെരഞ്ഞെടുപ്പിന് മുന്നോടിയായി വടോദ്രയിൽ നടത്തിയ റാലിയെ അഭിസംബോധന ചെയ്ത് പ്രസംഗിക്കവെയാണ് മുഖ്യമന്ത്രി വിജയ് രൂപാണി കുഴഞ്ഞുവീണത്. തുടർന്ന് മുഖ്യമന്ത്രിയെ അഹമദാബാദിലുള്ള യുഎൻ മെഹ്ത ആശുപത്രിയിൽ പ്രവേശിപ്പിച്ചു. കുറഞ്ഞ രക്ത സമ്മർദവും, പ്രമേഹവുമാണ് ദേഹാസ്വാസ്ഥ്യത്തിന് കാരണമെന്ന് ആശുപത്രി അധികൃതർ അറിയിച്ചു. നിലിവൽ വിജയ് രൂപാണിയുടെ ആരോഗ്യനില തൃപ്തികരമാണെന്നും ആശുപത്രി അധികൃതർ കൂട്ടിച്ചേർത്തു.
ന്യൂഡൽഹി: ഇന്ധനവിലവർധനയിൽ നട്ടംതിരിയുന്ന സാധാരണക്കാരന് ഇരുട്ടടി നൽകിക്കൊണ്ട് പാചകവാതക വില വർധിപ്പിച്ചു. സിലിണ്ടറിന് 50 രൂപയാണ് വർധിപ്പിച്ചത്. പുതുക്കിയ വില ഇന്ന് അർധരാത്രി മുതൽ നിലവിൽ വരും.
ന്യൂഡല്ഹി: ഓട്ടോമാറ്റിക് ടോള് പ്ലാസ പേയ്മെന്റ് സംവിധാനമായ ഫാസ്ടാഗ് നടപ്പിലാക്കാൻ ഇനി സമയം നീട്ടി നല്കില്ലെന്ന് കേന്ദ്ര ഗതാഗത മന്ത്രി നിതിന് ഗഡ്കരി. തിങ്കളാഴ്ച അര്ധ രാത്രി മുതല് നിര്ബന്ധമാക്കുമെന്നും കേന്ദ്ര സര്ക്കാര് അറിയിച്ചു. വാഹനങ്ങളില് ഫാസ്ടാഗ് ഇന്സ്റ്റാള് ചെയ്തിട്ടില്ലെങ്കിലും പ്രവര്ത്തിക്കാത്ത ഫാസ്ടാഗാണെങ്കിലും പിഴ നല്കേണ്ടി വരും. ഇരട്ടി നിരക്കിന് തുല്യമായ പിഴയായിരിക്കും ചുമത്തുകയെന്നും കേന്ദ്ര സര്ക്കാര് അറിയിച്ചു.
വയനാട് ജില്ല ആശുപത്രി മെഡിക്കൽ കോളേജ് ആയി ഉയർത്തുന്നതിൻ്റെ ഉദ്ഘാടനവും തലപ്പുഴ ബോയ്സ് ടൗണിൽ നിർമിക്കുന്ന കോമ്പ്രിഹെൻസിവ് ഹീമോഗ്ളോബിനോപതി റിസെർച്ച് ആന്ഡ് കെയർ സെന്ററിന്റെ ശിലാസ്ഥാപനവും ആരോഗ്യ – കുടുംബ ക്ഷേമ മന്ത്രി കെ .കെ ശൈലജ ടീച്ചർ നിര്വഹിച്ചു. കേന്ദ്ര മെഡിക്കല് കമ്മീഷന്റെ അനുമതി ലഭിച്ചാല് വയനാട് മെഡിക്കല് കോളജില് ഈ വര്ഷം മുതല് തന്നെ വിദ്യാർത്ഥികളെ പ്രവേശിപ്പിക്കാന് കഴിയുമെന്ന് ആരോഗ്യ വകുപ്പ് മന്ത്രി പ്രഖ്യാപിച്ചു. ആവശ്യമായ സൗകര്യങ്ങള് നിലവില് ജില്ലാ ആശുപത്രിയില് ലഭ്യമാണ്. മറ്റ്…
മാനന്തവാടി: മാനന്തവാടി സെന്റ് ജോസഫ് ആശുപത്രിക്ക് മുന്ഭാഗത്തായി നിയന്ത്രണം വിട്ട സ്കൂട്ടര് മറിഞ്ഞുണ്ടായ അപകടത്തില് വിദ്യാർത്ഥി മരിച്ചു. ഒണ്ടയങ്ങാടി സ്വദേശി മാഞ്ഞൂരാന് സജിയുടെയും നാന്സിയുടേയും മകന് ജസ്റ്റിന് (20) ആണ് മരിച്ചത്. ജസ്റ്റിനും, സുഹൃത്തും സഞ്ചരിച്ച സ്കൂട്ടര് നിയന്ത്രണം വിട്ട് മറിഞ്ഞതോടെ പിന്സീറ്റിലിരിക്കുകയായിരുന്ന ജസ്റ്റിന് കെ.എസ്.ആര്.ടി.സി ബസ്സിനടിയില്പ്പെടുകയായിരുന്നു. തുടര്ന്ന് ജില്ലാശുപത്രിയിലെത്തിച്ചുവെങ്കിലും മരിക്കുകയായിരുന്നു. ദ്വാരക പോളിടെക്നിക് വിദ്യാര്ത്ഥിയാണ് ജസ്റ്റിന്.
രാജ്യത്ത് ആദ്യമായി പെട്രോൾ വില നൂറിലെത്തി. മധ്യപ്രദേശിലെ ഭോപ്പാൽ, അനുപൂർ തുടങ്ങിയ ജില്ലകളിലും മഹാരാഷ്ട്രയിലെ പർബനി ജില്ലയിലുമാണ് പെട്രോൾ വില മൂന്നക്കം കടന്നത്. പ്രീമിയം പെട്രോളിനാണ് വില നൂറ് കടന്നത് മധ്യപ്രദേശിലെ അനുപൂരിൽ 102 രൂപയാണ് പെട്രോൾ ലിറ്ററിന് വില. രാജസ്ഥാനിൽ വരും ദിവസം തന്നെ സാധാരണ പെട്രോൾ വില സെഞ്ച്വറി തികയ്ക്കും. നിലവിൽ 99 രൂപയാണ് ഇവിടുത്തെ വില. കേരളത്തിലും പെട്രോൾ വില അധികം വൈകാതെ നൂറ് കടക്കുമെന്നാണ് സാമ്പത്തിക വിദഗ്ധർ പറയുന്നത്.
ഹിമാചൽ പ്രദേശിൽ ഭൂചലനം. വൈകിട്ട് 3.49നാണ് ഭൂചലനമുണ്ടായത്. റിക്ടർ സ്കെയിലിൽ 3.2 തീവത്ര രേഖപ്പെടുത്തി. ഹിമാചലിലെ ബിലാസ്പുരാണ് പ്രഭവകേന്ദ്രം. വെള്ളിയാഴ്ച രാത്രിയിൽ ഡൽഹി അടക്കം ഉത്തരേന്ത്യൻ സംസ്ഥാനങ്ങളിൽ ഭൂചലനം അനുഭവപ്പെട്ടിരുന്നു. ജമ്മു കശ്മീർ, ഡൽഹി, പഞ്ചാബ്, ഹരിയാന, ഉത്തർ പ്രദേശ്, ഉത്തരാഖണ്ഡ്, രാജസ്ഥാൻ എന്നിവിടങ്ങളിലാണ് വെള്ളിയാഴ്ച ഭൂമി കുലുക്കം അനുഭവപ്പെട്ടത്. 6.1 തീവ്രത രേഖപ്പെടുത്തിയ ഭൂചകമ്പത്തിൽ ഇതുവരെ ആളപായമോ നാശനഷ്ടമോ റിപ്പോർട്ട് ചെയ്തിട്ടില്ല. ഇന്നലെ ജപ്പാനിലും ഭൂചലനം ഉണ്ടായിരുന്നു. റിക്ടർ സ്കെയിലിൽ 7 തീവ്രത രേഖപ്പെടുത്തിയ ചലനം…
സംസ്ഥാനത്തെ മൂന്ന് ജില്ലകൾ പ്രശ്നബാധിത സാധ്യതാ പട്ടികയിലുണ്ടെന്ന് മുഖ്യ തെരഞ്ഞെടുപ്പ് കമ്മീഷണർ സുനിൽ അറോറ. ഇവിടെ കൂടുതൽ ഉദ്യോഗസ്ഥരെ സുരക്ഷക്കായി നിയോഗിക്കും. കൊവിഡ് വ്യാപനം പരിഗണിച്ചും പോളിംഗ് ബൂത്തിൽ നിയന്ത്രണമുണ്ടാകും പോളിംഗ് ബൂത്തിൽ 500 മുതൽ ആയിരം വോട്ടർമാർ മാത്രമേ പാടുള്ളു. കൂടുതൽ പോളിംഗ് സ്റ്റേഷനുകൾ ഏർപ്പെടുത്തും. അവസാന ഒരു മണിക്കൂർ കൊവിഡ് ബാധിതർക്ക് വോട്ട് ചെയ്യാം. മലപ്പുറം പാർലമെന്റ് തെരഞ്ഞെടുപ്പും നിയമസഭാ തെരഞ്ഞെടുപ്പിനൊപ്പം നടത്തും. വിഷു, ഈസ്റ്റർ, റമദാൻ എന്നിവയും പ്രാദേശിക ഘടകങ്ങളും പരിഗണിച്ചാകും തെരഞ്ഞെടുപ്പ്…