കൊവിഡ് ചികിത്സക്ക് സ്വകാര്യ ആശുപത്രികൾ അമിത നിരക്ക് ഈടാക്കുന്നതിനെതിരായ ഹർജിയിൽ ഹൈക്കോടതിയിൽ ഇന്ന് പ്രത്യേക സിറ്റിംഗ്. ഉച്ചയ്ക്ക് ശേഷമാണ് ഹർജി പരിഗണിക്കുന്നത്. ചികിത്സാ നിരക്ക് കുറയ്ക്കാൻ സർക്കാർ എടുക്കുന്ന നടപടികൾ അറിയിക്കാൻ കോടതി നിർദേശം നൽകിയിട്ടുണ്ട് സ്വകാര്യ ആശുപത്രികളിൽ 50 ശതമാനം കിടക്കകൾ ഏറ്റെടുക്കുന്നത് ആലോചിക്കാനും കോടതി ആവശ്യപ്പെട്ടിരുന്നു. ആലുവയിലെ അൻവർ മെമ്മോറിയൽ ആശുപത്രി കൊവിഡ് ചികിത്സയുടെ പേരിൽ പതിനായിരക്കണക്കിന് രൂപ ഫീസായി ഈടാക്കിയത് സംബന്ധിച്ച വാർത്തയെ തുടർന്ന് കോടതി ഇടപെടൽ നടത്തിയിരുന്നു. സംഭവത്തിൽ ജില്ലാ…

  സംസ്ഥാനം പണം മുടക്കി നിർമാതാക്കളിൽ നിന്ന് നേരിട്ട് വാങ്ങുന്ന കൊവിഷീൽഡ് വാക്‌സിന്റെ ആദ്യ ബാച്ച് ഇന്നെത്തും. ഒരു കോടി ഡോസ് വാക്‌സിനാണ് സംസ്ഥാനം വാങ്ങുന്നത്. ഇതിൽ മൂന്നര ലക്ഷം ഡോലാണ് ഇന്നെത്തുന്നത് ഉച്ചയ്ക്ക് പന്ത്രണ്ട് മണിയോടെ എറണാകുളത്താണ് വാക്‌സിൻ എത്തുന്നത്. ഗുരുതര രോഗികൾക്കും പൊതുപ്രവർത്തനത്തിൽ കൂടുതൽ ഇടപെടുന്നവർക്കുമാണ് ആദ്യഘട്ടത്തിൽ പരിഗണന. 75 ലക്ഷം കൊവിഷീൽഡ് വാക്‌സിനും 25 ലക്ഷം കൊവാക്‌സിനുമാണ് സംസ്ഥാനം വില നൽകി വാങ്ങാൻ തീരുമാനിച്ചത്.

  രാജ്യത്ത് ഇന്ധനവില ഇന്നും വർധിപ്പിച്ചു. കേരളത്തിൽ പെട്രോളിന് 26 പൈസയും ഡീസലിന് 35 പൈസയും വർധിപ്പിച്ചു. തിരുവനന്തപുരത്ത് പെട്രോൾ ലിറ്ററിന് 93.51 രൂപയായി. ഡീസലിന് 88.25 രൂപയാണ് കൊച്ചിയിൽ പെട്രോൾ ലിറ്ററിന് 93.73 രൂപയും ഡീസലിന് 86.48 രൂപയുമാണ്. കേരളമടക്കമുള്ള സംസ്ഥാനങ്ങളിലെ നിയമസഭാ തെരഞ്ഞെടുപ്പ് പ്രക്രിയ ആരംഭിച്ചത് മുതൽ ഇന്ധനവില വർധിപ്പിച്ചിരുന്നില്ല. എന്നാൽ ഫലം വന്നതിന് പിന്നാലെ ദിവസേന ഇന്ധനവില വർധിപ്പിക്കുകയായിരുന്നു.

  കായംകുളം കൃഷ്ണപുരം അജന്താ ജംഗ്ഷന് സമീപം ദേശീയപാതയിൽ മത്സ്യലോറി നിയന്ത്രണം വിട്ടുമറിഞ്ഞു. ലോറി ജീവനക്കാർ പരുക്കേൽക്കാതെ രക്ഷപ്പെട്ടു. ഇന്നലെ വൈകുന്നേരമായിരുന്നു അപകടം. കോഴിക്കോട് നിന്ന് മത്സ്യം കയറ്റി വവ്വക്കാവിന് പോകുകയായിരുന്ന ലോറി നിയന്ത്രണം വിട്ടു മറിയുകയായിരുന്നു. മഴയെ തുടർന്ന് ലോറി തെന്നി മറിയുകയായിരുന്നുവെന്ന് ലോറി ജീവനക്കാർ പറയുന്നു.

  സംസ്ഥാനത്ത് ലോക്ക് ഡൗൺ ഇന്ന് മൂന്നാം ദിവസത്തിലേക്ക്. ഇന്ന് പ്രവർത്തി ദിനമായതിനാൽ കഴിഞ്ഞ രണ്ട് ദിവസത്തിനെ അപേക്ഷിച്ച് കൂടുതൽ പേർ ഇന്ന് പുറത്തിറങ്ങുമോയെന്ന ആശങ്ക പോലീസിനുണ്ട്. ഇന്ന് പരിശോധന കൂടുതൽ കർശനമാക്കാനാണ് തീരുമാനം അവശ്യ സർവീസ് വിഭാഗത്തിൽ ജോലി ചെയ്യുന്നവർക്ക് തിരിച്ചറിയൽ കാർഡ് ഉപയോഗിച്ച് പുറത്തിറങ്ങാം. വീട്ടുജോലിക്കാർ, ഹോം നഴ്‌സ് തുടങ്ങിയവർക്കായി തൊഴിലുടമക്ക് പാസിന് അപേക്ഷിക്കാം. കഴിഞ്ഞ രണ്ട് ദിവസവും ലോക്ക് ഡൗണിനോട് ആളുകൾ സഹകരിക്കുന്നതാണ് കണ്ടത്. നിയന്ത്രണങ്ങൾ ലംഘിച്ചതിന് സംസ്ഥാനത്താകെ 3065 പേർക്കെതിരെ കേസെടുത്തിട്ടുണ്ട്….