തിരുവനന്തപുരം മണമ്പൂരിൽ യുവാവിനെ ഒരു സംഘം വെട്ടിക്കൊന്നു. മണമ്പൂർ കല്ലറ തോട്ടം വീട്ടിൽ ജോഷി എന്ന 34കാരനാണ് കൊല്ലപ്പെട്ടത്. രാവിലെയായിരുന്നു സംഭവം. കൊല്ലപ്പെട്ട ജോഷി നിരവധി കേസുകളിൽ പ്രതിയാണ്. പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ഉത്തർപ്രദേശിൽ ലോക്ക് ഡൗൺ കാലാവധി നീട്ടി. മെയ് 17 വരെയാണ് നിയന്ത്രണം നീട്ടിയത്. നേരത്തെ മെയ് 10 വരെയാണ് ലോക്ക്ഡൗൺ ഏർപ്പടുത്തിയിരുന്നത്. കൊറോണ വൈറസ് കേസുകൾ കുത്തനെ ഉയരുന്നത് തടയാൻ രണ്ടാഴ്ചത്തേക്ക് ലോക്ക്ഡൗൺ ഏർപ്പെടുത്തണമെന്ന് ഏപ്രിൽ 27 ന് അലഹബാദ് ഹൈക്കോടതി സംസ്ഥാന സർക്കാരിനോട് ആവശ്യപ്പെട്ടിരുന്നു. തുടർന്നായിരുന്നു യോഗി ആദിത്യനാഥ് സർക്കാർ സംസ്ഥാനത്ത് ലോക്ക്ഡൗൺ പ്രഖ്യാപിച്ചത്. ഉത്തർപ്രദേശിൽ ഇന്നലെ 26,847 പേർക്കാണ് കോവിഡ് സ്ഥിരീകരിച്ചത്. 298 പേർ മരിച്ചു
മലപ്പുറത്ത് കൊവിഡ് രോഗി വീട്ടിലെ കിണറ്റിൽ ചാടി ആത്മഹത്യ ചെയ്തു. വെട്ടം ആലിശ്ശേരി മണിയൻപള്ളിയിൽ അനി ആണ് ആത്മഹത്യ ചെയ്തത്. കൊവിഡ് ബാധിച്ചതിനെ തുടർന്ന് ഇയാൾ മാനസിക സമ്മർദം അനുഭവിച്ചിരുന്നതായാണ് റിപ്പോർട്ടുകൾ ഏതാനും ദിവസങ്ങൾക്ക് കൊച്ചിയിലും കൊവിഡ് ബാധിച്ച ഒരു യുവാവ് ആത്മഹത്യ ചെയ്തിരുന്നു. മുളവുകാട് സ്വദേശി വിജയനാണ് മരിച്ചത്.
തമിഴ്നാട് നിയമസഭയുടെ ആദ്യ സമ്മേളനം മേയ് 11ന് ആരംഭിക്കും. പുതിയതായി തെരഞ്ഞെടുക്കപ്പെട്ട എം.എൽ.എമാരുടെ സത്യപ്രതിജ്ഞ ചടങ്ങുകൾ ആദ്യ ദിവസം നടക്കും. മേയ് 12ന് പുതിയ നിയമസഭ സ്പീക്കറെയും ഡെപ്യൂട്ടി സ്പീക്കറെയും തെരഞ്ഞെടുക്കും. വെള്ളിയാഴ്ചയാണ് ഡി.എം.കെ അധ്യക്ഷൻ എം.കെ സ്റ്റാലിൻ നയിക്കുന്ന ഡി.എം.കെ സഖ്യ സർക്കാർ അധികാരമേറ്റത്. സത്യപ്രതിജ്ഞക്ക് പിന്നാലെ എം.കെ. സ്റ്റാലിൻ തെരഞ്ഞെടുപ്പ് പ്രകടനപത്രികയിലെ വാഗ്ദാനങ്ങൾ നടപ്പാക്കുന്നതിന് തുടക്കം കുറിച്ച് ഉത്തരവുകളിൽ ഒപ്പുവെച്ചിരുന്നു
അഫ്ഗാനിസ്ഥാൻ തലസ്ഥാനമായ കാബൂളിൽ സ്കൂളിന് നേരെയുണ്ടായ കാർബോംബ് ആക്രമണത്തിൽ കൊല്ലപ്പെട്ടവരുടെ എണ്ണം 55 ആയി. 150ലേറെ പേർക്ക് പരിക്കേറ്റു. സ്കൂൾ പ്രവേശനകവാടത്തിൽ നിർത്തിയിട്ട ബോംബ് നിറച്ച കാർ പൊട്ടിത്തെറിക്കുകയായിരുന്നു. സയ്യിദുൽ ശുഹദ സ്കൂളിൽ നിന്ന് കുട്ടികൾ പുറത്തുവരുന്നതിനിടെയാണ് സ്ഫോടനമുണ്ടായത്. സ്കൂളിൽ മൂന്നു ഷിഫ്റ്റുകളിലായാണ് പഠനം. പെൺകുട്ടികൾ പഠിക്കുന്ന സമയത്തായിരുന്നു ആക്രമണം.
സിദ്ധിക്ക് കാപ്പനെ വീണ്ടും മഥുര ജയിലിലേക്ക് മാറ്റിയ നടപടിയിൽ യുപി സർക്കാരിനെതിരെ കോടതിയലക്ഷ്യ നോട്ടിസ്. സിദ്ധിക്ക് കാപ്പന്റെ അഭിഭാഷകനാണ് നോട്ടിസ് അയച്ചത്. കാപ്പനെ തിരികെ ആശുപത്രിയിൽ പ്രവേശിപ്പിക്കണമെന്നാണ് ആവശ്യം. യുപി സർക്കാർ ഉത്തരവ് ലംഘിച്ചെന്ന് നോട്ടിസിൽ പറയുന്നു. എയിംസിൽ കൊവിഡ് ചികിത്സ തുടരുന്നതിനിടെ രഹസ്യമായാണ് അദ്ദേഹത്തെ ജയിലിലേക്ക് മാറ്റിയത്. ഭാര്യയോ അഭിഭാഷകനോ അറിയാതെയായിരുന്നു യുപി പൊലീസിന്റെ നീക്കം. കൊവിഡ് നെഗറ്റീവായോ എന്ന് അവർ ഉറപ്പുവരുത്തിയില്ലെന്നും നിർബന്ധപൂർവം ഡിസ്ചാർജ് ചെയ്യിക്കുകയായിരുന്നു എന്നും കാപ്പന്റെ കുടുംബം ആരോപിച്ചു. കൊവിഡ് ബാധിച്ചതിനെ…
കൊവിഡ് രണ്ടാം തരംഗം ഇന്ത്യയിൽ അതിരൂക്ഷമായി തുടരുന്നതിനിടെ പ്രധാനമന്ത്രി നരേന്ദ്രമോദിക്കും കേന്ദ്രസർക്കാരിനുമെതിരെ വിമർശനവുമായി അന്താരാഷ്ട്ര മെഡിക്കൽ ജേർണലായ ലാൻസെറ്റ്. ഇന്ത്യൻ സർക്കാർ കാണിച്ച തികഞ്ഞ അലംഭാവമാണ് കൊവിഡിന്റെ രണ്ടാം തരംഗത്തിന് കാരണമായതെന്ന് ലാൻസെറ്റ് പറയുന്നു. മഹാമാരിയെ ചെറുക്കുന്നതിന് പകരം വിമർശനങ്ങളെ ഇല്ലാതാക്കാനാണ് മോദി ശ്രമിച്ചത്. ഇന്ത്യയിലെ കൊവിഡ് മരണങ്ങൾ പത്ത് ലക്ഷം കടക്കുമെന്നാണ് പഠനങ്ങൾ പറയുന്നത്. അങ്ങനെയൊരു ദുരന്തം സംഭവിച്ചാൽ അതിന്റെ പൂർണ ഉത്തരവാദിത്വം മോദി സർക്കാരിനായിരിക്കും. കൊവിഡിന്റെ രണ്ടാം തരംഗമുണ്ടാകുമെന്ന മുന്നറിയിപ്പുകളെ അവഗണിക്കുന്ന രീതിയിലാണ് ഇന്ത്യൻ…
കൊച്ചി: മാതൃഭൂമി ന്യൂസ് ചാനല് സീനിയര് ചീഫ് റിപോര്ട്ടര് വിപിന് ചന്ദ് (42) അന്തരിച്ചു. കൊവിഡ് ബാധിതനായശേഷം ന്യുമോണിയ പിടിപെട്ട് അദ്ദേഹം എറണാകുളം മെഡിക്കല് ട്രസ്റ്റ് ആശുപത്രിയില് ചികില്സയിലായിരുന്നു. ഇന്ന് പുലര്ച്ചെ രണ്ടിനാണ് ഹൃദയാഘാതത്തെത്തുടര്ന്ന് മരണപ്പെട്ടത്. പഴവൂര് കൊടുവഴങ്ങ പാലപ്പുറത്ത് ചന്ദ്രന്റെ മകനാണ്. ഭാര്യ: ശ്രീദേവി. മകന്. മഹേശ്വര്.
സംസ്ഥാനത്ത് ലോക്ക് ഡൗൺ രണ്ടാം ദിവസത്തിലേക്ക് കടക്കുമ്പോൾ പുറത്തിറങ്ങുന്നതിനുള്ള പോലീസ് പാസിനായി വൻ തിരക്ക്. ആളുകൾ തിക്കിത്തിരക്കി കയറിയതോടെ പാസ് അനുവദിക്കാനായി തയ്യാറാക്കിയ സൈറ്റ് പണി മുടക്കിയിരുന്നു. പ്രശ്നങ്ങൾ പരിഹരിച്ചിട്ടുണ്ടെന്ന് സൈബർ ഡോം പറയുന്നുണ്ടെങ്കിലും സൈറ്റിൽ ഇപ്പോഴും തടസ്സം നേരിടുന്നുണ്ട് ഒരേ സമയം 5000 പേർക്ക് അപേക്ഷ സമർപ്പിക്കാവുന്ന വിധത്തിലാണ് സൈറ്റ് ഒരുക്കിയിരിക്കുന്നത്. എന്നാൽ ആവശ്യക്കാരേറിയതോടെയാണ് സാങ്കേതിക തകരാർ അനുഭവപ്പെട്ടത്. ഒരേ സമയം പതിനായിരത്തിലേറെ പേരാണ് അപേക്ഷയുമായി എത്തുന്നത്.
രാജ്യത്ത് ഇന്നും കൊവിഡ് രോഗികളുടെ പ്രതിദിന വർധനവ് നാല് ലക്ഷം കടന്നു. കഴിഞ്ഞ 24 മണിക്കൂറിനിടെ 4,03,738 പേർക്കാണ് കൊവിഡ് സ്ഥിരീകരിച്ചത്. 4092 പേർ കൊവിഡ് ബാധിച്ച് മരിക്കുകയും ചെയ്തു തുടർച്ചയായ നാലാം ദിവസമാണ് കൊവിഡ് പ്രതിദിന വർധനവ് നാല് ലക്ഷം പിന്നിടുന്നത്. 3,86,444 പേർ കഴിഞ്ഞ 24 മണിക്കൂറിനിടെ രോഗമുക്തരായിട്ടുണ്ട്. നിലവിൽ 37,36,648 പേരാണ് ചികിത്സയിൽ കഴിയുന്നത് രാജ്യത്ത് ഇതുവരെ 2,22,96,414 പേർക്കാണ് കൊവിഡ് സ്ഥിരീകരിച്ചത്. 2,242,362 പേർ കൊവിഡ് ബാധിച്ച് മരിച്ചു.