കൊവിഡ് 19 പശ്ചാത്തലത്തിൽ ലോക്ക് ഡൗൺ പ്രഖ്യാപിച്ച സാഹചര്യത്തിൽ അനാവശ്യമായി പുറത്തിറങ്ങുന്നവർക്കെതിരെ കടുത്ത നടപടി സ്വീകരിക്കുമെന്ന് മുഖ്യമന്ത്രി പിണറായി വിജയൻ. കൊവിഡ് 19 അവലോകന യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു മുഖ്യമന്ത്രി. ആളുകൾ വീട്ടിൽ തന്നെ കഴിയണം. അസാധാരണമായി ഇടപെടലുകൾ ഇതിന് വേണ്ടിവരും. റോഡുകൾ പൊതുസ്ഥലങ്ങൾ എന്നിവയെല്ലാം ആളില്ലാത്ത ഇടമായി മാറണം. നാടാകെ നിശ്ചലമാകണം. നിയന്ത്രണങ്ങൾ ലംഘിച്ച് പുറത്തിറങ്ങുന്നവർക്കെതിരെ കടുത്ത നടപടികൾ സ്വീകരിക്കും. പൊലീസ് ഇക്കാര്യം കൂടുതൽ ശ്രദ്ധിക്കും. വീട്ടിൽ നിന്ന് പുറത്തിറങ്ങുന്നവർ സത്യവാങ്മൂലമോ, പാസോ കൈയിൽ…

കൊവിഡ് 19 പ്രതിരോധത്തിന്റെ ഭാഗമായി രാജ്യത്ത് ലോക്ക് ഡൗൺ പ്രഖ്യാപിച്ച സാഹചര്യത്തിൽ സംസ്ഥാന സർക്കാർ അതിജീവന പാക്കേജുകൾ പ്രഖ്യാപിച്ചു. എല്ലാ കുടുംബങ്ങൾക്കും ഒരു മാസത്തെ സൗജന്യ റേഷൻ നൽകും. നീല, വെള്ള കാർഡുകൾ ഉള്ളവർക്ക് ഈ മാസം 15 കിലോ അരി നൽകാനാണ് തീരുമാനം. ബിപിഎല്ലുകാർക്ക് പ്രതിമാസം 35 കിലോ അരി നൽകുന്നത് തുടരും. കൂടാതെ ഇവർക്ക് പലവ്യഞ്ജനങ്ങൾ അടങ്ങിയ ഭക്ഷ്യകിറ്റുകളും സൗജന്യമായി നൽകും. നിരീക്ഷണത്തിൽ കഴിയുന്നവർക്ക് എല്ലാവർക്കും വീട്ടിലേക്ക് അരിയും പലവ്യഞ്ജനങ്ങളും ഉൾപ്പെടെയുള്ള ഭക്ഷ്യ കിറ്റ്…

സംസ്ഥാനത്ത് ഇന്ന് 9 പേർക്ക് കൂടി കൊറോണ വൈറസ് ബാധ സ്ഥിരീകരിച്ചു. കോഴിക്കോട് ജില്ലയിൽ ഒരാൾക്കും പാലക്കാട് ജില്ലയിൽ രണ്ട് പേർക്കും എറണാകുളം ജില്ലയിൽ മൂന്ന് പേർക്കും പത്തനംതിട്ട ജില്ലയിൽ രണ്ട് പേർക്കും ഇടുക്കി ജില്ലയിൽ ഒരാൾക്കുമാണ് രോഗം സ്ഥിരീകരിച്ചത്. രോഗബാധിതരായ നാല് പേർ ദുബൈയിൽ നിന്ന് എത്തിയവരാണ്. ഒരാൾ യു കെയിൽ നിന്നും ഒരാൾ ഫ്രാൻസിൽ നിന്നുമെത്തി. മൂന്ന് പേർക്ക് സമ്പർക്കം വഴി ലഭിച്ചതാണ്. 12 പേർ രോഗവിമുക്തി നേടി ആശുപത്രി വിട്ട ശുഭവാർത്തയും ഇതോടൊപ്പമുണ്ട്….