തിരുവനന്തപുരം: വള്ളം മറിഞ്ഞ് മത്സ്യത്തൊഴിലാളി മരിച്ചു. തുമ്പ സ്വദേശി അബ്രഹാം കോരയാണ് (61) മരിച്ചത്. മത്സ്യബന്ധനത്തിന് പോയ ഏഴംഗ സംഘത്തിന്‍റെ വള്ളം ശക്തമായ തിരയിലും ചുഴിയിലും പെട്ട് മറിയുകയായിരുന്നു. ജില്ലയിൽ മത്സ്യബന്ധനം നിരോധിച്ചിരിക്കെയാണ് അപകടം. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
മട്ടന്നൂർ നടുവനാട് നിടിയാഞ്ഞിരത്ത് വീടിനുള്ളിൽ സ്‌ഫോടനം. വീട്ടുടമ രാജേഷിന് പരുക്കേറ്റു. ഇയാളെ പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. തിങ്കളാഴ്ച അർധരാത്രിയിലാണ് സ്‌ഫോടനമുണ്ടായത്. സ്‌ഫോടനം നടക്കുമ്പോൾ വീടിന് പുറത്തുണ്ടായിരുന്ന രണ്ട് പേരെ പോലീസ് കസ്റ്റഡിയിലെടുത്തു. പരിസരവാസികളെയാണ് പരുക്കേറ്റയാളെ കണ്ണൂരിലെ സ്വകാര്യ ആശുപത്രിയിലെത്തിച്ചത്. സ്‌ഫോടനത്തിൽ വീടിന് കേടുപാടുകൾ സംഭവിച്ചിട്ടുണ്ട്. പന്നിപ്പടക്കം നിർമിക്കുമ്പോഴാണ് സ്‌ഫോടനമുണ്ടായതെന്നാണ് പ്രാഥമിക നിഗമനം.
തിരുവനന്തപുരം കന്റോൺമെന്റ് അസി. കമ്മീഷണർക്ക് കൊവിഡ് സ്ഥിരീകരിച്ചു. സെക്രട്ടേറിയറ്റിന് മുന്നിലെ സമരങ്ങൾ നിയന്ത്രിക്കാൻ അദ്ദേഹവുമുണ്ടായിരുന്നു. ഇതിനാൽ തന്നെ അസി. കമ്മീഷണറുടെ സമ്പർക്ക പട്ടിക സങ്കീർണമാണെന്ന് ആരോഗ്യവകുപ്പ് അറിയിച്ചു. കോൺഗ്രസ്-യൂത്ത് കോൺഗ്രസ് നേതാക്കളുമായി അസി. കമ്മീഷണർക്ക് സമ്പർക്കമുണ്ട്. പോലീസ് ആസ്ഥാനത്ത് നടന്ന സമരത്തിൽ നിന്നും ഷാഫി പറമ്പലിനെയും ശബരിനാഥനെയും അറസ്റ്റ് ചെയ്തത് ഈ ഉദ്യോഗസ്ഥനാണ്. ഇന്ന് രാവിലെ മുഖ്യമന്ത്രി പങ്കെടുത്ത ചടങ്ങിലും ഇദ്ദേഹം സംബന്ധിച്ചിരുന്നു. സിറ്റി പോലീസ് കമ്മീഷണറുടെ ഗൺമാനും കൊവിഡ് സ്ഥിരീകരിച്ചിട്ടുണ്ട്. കമ്മീഷണർ സ്വയം നിരീക്ഷണത്തിൽ പോയി….
ജലനിരപ്പ് ഉയരുന്നതിനാൽ ബാണാസുരസാഗർ ഡാമിന്റെ ഷട്ടറുകൾ 45 സെന്റിമീറ്റർ കൂടി ഉയർത്തും. ഇന്ന് ഉച്ചക്ക് 2 മണി, 3 മണി, 3.30 മണി എന്നീ സമയങ്ങളിൽ 15 സെന്റിമീറ്റർ വീതം ഷട്ടർ ഉയർത്തി ആകെ 45 സെന്റിമീറ്റർ കൂടി അധികമായാണ് ഉയർത്തുക. നിലവിൽ 45 സെൻറീമീറ്റർ തുറന്നു സെക്കൻഡിൽ 37.50 കുബിക് മീറ്റർ വെള്ളമാണ് പുറത്തേക്കു ഒഴുക്കുന്നത്. ഇത്‌ ആകെ 90 സെൻറീമീറ്റർ ആക്കുന്നതോടെ പുറത്തു വിടുന്ന ജലം സെക്കൻഡിൽ 75 കുബിക് മീറ്റർ ആയി വർധിക്കും….
കൂട്ടിനുള്ളില്‍ വളര്‍ത്തിയ പത്തോളം മുട്ട കോഴികളെ അജ്ഞാത ജീവി കൊന്നു. പുല്‍പ്പള്ളി കുന്നത്തുകവല മുട്ടത്ത് സണ്ണിയുടെ കോഴികളെയാണ് അജ്ഞാത ജീവി കൊന്നത്.ഇന്ന് പുലര്‍ച്ചെയായിരുന്നു സംഭവം.ശബ്ദം കേട്ട് വീട്ടുകാര്‍ പുറത്തിറങ്ങിയപ്പോഴാണ് കോഴികളെ ചത്തനിലയില്‍ കണ്ടത്.
കെ.ടി. ജലീലിന്റെ രാജിക്കായുള്ള സമരത്തില്‍ തിരുവനന്തപുരത്ത് 3000 പേര്‍ക്കെതിരെ കേസ്. 500 പേര്‍ അറസ്റ്റിലായി. സെക്രട്ടറിയേറ്റിന് മുന്നില്‍ സമരം നടത്തിയവര്‍ക്കെതിരെയാണ് കേസെടുത്തിരിക്കുന്നത്. കഴിഞ്ഞ 8 ദിവസത്തെ കണക്ക് പ്രകാരം മൂവായിരം പേര്‍ക്കെതിരെയാണ് പൊലീസ് കേസെടുത്തിരിക്കുന്നത്. 25 എഫ്‌ഐആറുകള്‍ ഇട്ടിട്ടുണ്ട്. 500 പേര്‍ അറസ്റ്റിലായി. കന്റോണ്‍മെന്റ് പൊലീസാണ് കേസെടുത്തത്. കൊവിഡ് മാനദണ്ഡ ലംഘനം, സംഘം ചേരല്‍, പൊലീസിനെ ആക്രമിക്കല്‍, സഞ്ചാര സ്വാതന്ത്ര്യം തടസപ്പെടുത്തല്‍ എന്നീ വകുപ്പുകള്‍ ചുമത്തിയാണ് കേസെടുത്തിരിക്കുന്നത്. പൊതുമുതല്‍ നശിപ്പിച്ചതിനെതിരേയുള്ള വകുപ്പ് ആര്‍ക്കെതിരേയും ചുമത്തിയിട്ടില്ല.
മലയാറ്റൂരിൽ സ്‌ഫോടനത്തിൽ രണ്ട് പേർ മരിച്ച സംഭവത്തിൽ പാറമട ഉടമ, നടത്തിപ്പുകാരൻ എന്നിവർക്കെതിരെ പോലീസ് കേസെടുത്തു. ഉടമ റോബിൻസൺ, നടത്തിപ്പുകാരൻ ബെന്നി എന്നിവർക്കെതിരെയാണ് കേസെടുത്തത്. നരഹത്യക്ക് പുറമെ അനധികൃതമായി സ്‌ഫോടക വസ്തു കൈവശം വെച്ചതിനുള്ള കുറ്റവും ചുമത്തിയിട്ടുണ്ട് പാറമടയിലെ വാഹനങ്ങളുടെ പാർട്‌സും വെടിമരുന്നും സൂക്ഷിച്ച കെട്ടിടത്തിലാണ് സ്‌ഫോടനമുണ്ടായത്. രണ്ട് ഇതര സംസ്ഥാന തൊഴിലാളികളാണ് സ്‌ഫോടന സമയത്ത് ഇവിടെ ഉണ്ടായിരുന്നത്. കെട്ടിടത്തിൽ വെടിമരുന്ന് സൂക്ഷിക്കാനുള്ള ലൈസൻസ് ഇല്ലായിരുന്നുവെന്നാണ് അധികൃതർ നൽകുന്ന വിവരം തിങ്കളാഴ്ച പുലർച്ചെയാണ് മലയാറ്റൂർ ഇല്ലിത്തോടിലെ പാറമടയോട്…
ജലനിരപ്പ് ഉയരുന്ന സാഹചര്യത്തില്‍ ജില്ലയില്‍ അഞ്ച് അണക്കെട്ടുകള്‍ തുറന്നു. ശനി, ഞായര്‍ ദിവസങ്ങളിലായാണ് ലോവര്‍ പെരിയാര്‍, കല്ലാര്‍കുട്ടി, മലങ്കര, കുണ്ടള, പൊന്മുടി അണക്കെട്ടുകള്‍ തുറന്നത്. ജലനിരപ്പ് ഉയരുന്ന സാഹചര്യത്തില്‍ മലങ്കര ഡാമിന്‍റ ഷട്ടറുകള്‍ ഞായറാഴ്ച രണ്ട് ഘട്ടമായി 20 സെ.മീ. കൂടി ഉയര്‍ത്തി. തൊടുപുഴയാര്‍, മൂവാറ്റുപുഴയാര്‍ ഇരുകരകളിലുമുള്ളവര്‍ ജാഗ്രത പുലര്‍ത്താന്‍ അധികൃതര്‍ നിര്‍ദേശം നല്‍കി. ജില്ലയില്‍ റെഡ് അലര്‍ട്ട് പ്രഖ്യാപിച്ചതിനാല്‍ ജലനിരപ്പ് ക്രമീകരിക്കുന്നതിന് ഞായറാഴ്ച വൈകീട്ട് നാലുമുതല്‍ കല്ലാര്‍കുട്ടി ഡാമിന്‍റ അഞ്ച് ഷട്ടറുകള്‍ തുറന്ന് 600 കുമെക്സ്…
രാജ്യത്ത് കഴിഞ്ഞ 24 മണിക്കൂറിനിടെ 86,961 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 54,87,580 ആയി ഉയർന്നു. 43,96,399 പേരാണ് നിലവിൽ ചികിത്സയിൽ കഴിയുന്നത്. 1130 പേർ കൂടി കഴിഞ്ഞ ദിവസം കൊവിഡ് ബാധിച്ച് മരിച്ചു. ആകെ മരണസംഖ്യ 87,882 ആയി. രോഗമുക്തി നിരക്കിൽ ഇന്ത്യ ഒന്നാംസ്ഥാനത്താണ്. 79.68 ശതമാനമാണ്? ഇന്ത്യയിലെ കോവിഡ് രോഗമുക്തി നിരക്ക്. ഇന്ത്യയിൽ 6.50 കോടി കോവിഡ്? പരിശോധനകളാണ് ഇതുവരെ നടത്തിയത്. സെപ്തംബർ 20ന് 7,31,534 സാമ്പിളുകൾ പരിശോധിച്ചതായും…
സംസ്ഥാനത്ത് സ്വർണവില ഉയർന്നു. പവന് 80 രൂപ വർധിച്ച് 38,160 രൂപയിലെത്തി. 4770 രൂപയാണ് ഗ്രാമിന്റെ വില. കഴിഞ്ഞ മൂന്ന് ദിവസമായി 38,080 രൂപയിൽ തുടർന്ന ശേഷമാണ് സ്വർണവില ഉയർന്നത്. ഡോളറിന്റെ തകർച്ചയാണ് സ്വർണവില വർധനവിന് കാരണമായത്.