സ്വർണക്കടത്ത് കേസിലെ മുഖ്യപ്രതികളിൽ ഒരാളായ റബിൻസൺ കൊച്ചിയിൽ പിടിയിൽ. നെടുമ്പാശ്ശേരി വിമാനത്താവളത്തിൽ വെച്ചാണ് ഇയാളെ പിടികൂടിയത്. ഡിപ്ലോമാറ്റിക് കാർഗോ വഴി യുഎഇയിൽ നിന്ന് സ്വർണം അയച്ചത് ഫൈസൽ ഫരീദും റബിൻസണും ചേർന്നാണ്.   ഇരുവരെയും നേരത്തെ യുഎഇയിൽ അറസ്റ്റ് ചെയ്തിരുന്നു. തുടർന്നാണ് ഇന്ത്യയിലെത്തിച്ച് അറസ്റ്റ് രേഖപ്പെടുത്തിയത്. കേസിലെ മറ്റ് പ്രതികൾ റബിൻസണെതിരെ മൊഴി നൽകിയിരുന്നു. റബിൻസണ് ദാവൂദ് ഇബ്രാഹിമിന്റെ കമ്പനിയുമായി ബന്ധമുണ്ടെന്ന് എൻഐഎയും പറഞ്ഞിരുന്നു.

  സംസ്ഥാനത്തെ മുഴുവൻ പ്രാഥമിക ആരോഗ്യ കേന്ദ്രങ്ങളും (പിഎച്ച്‌സി) ഇനിമുതൽ കുടുംബാരോഗ്യ കേന്ദ്രങ്ങൾ (എഫ്‌എച്ച്‌സി). ആർദ്രം മിഷന്റെ മൂന്നാം ഘട്ടത്തിൽ 212 പ്രാഥമികാരോഗ്യ കേന്ദ്രങ്ങളെകൂടി‌ കുടുംബാരോഗ്യ കേന്ദ്രങ്ങളാക്കി ഉയർത്തിയതോടെയാണിത്‌. ആർദ്രം മിഷന്റെ ഒന്നാംഘട്ടത്തിൽ 170ഉം രണ്ടാംഘട്ടത്തിൽ 503ഉം പിഎച്ച്‌സികളെ എഫ്‌എച്ച്‌സികളാക്കിയിരുന്നു. 461 കേന്ദ്രം പ്രവർത്തനമാരംഭിച്ചു. ബാക്കിയുള്ളവ ഉടൻ സജ്ജമാകും. കുടുംബാരോഗ്യ കേന്ദ്രമാകുമ്പോൾ ഉച്ചവരെയായിരുന്ന പ്രവർത്തനസമയം എഫ്‌എച്ച്‌സിളാകുമ്പോൾ ‌ രാവിലെ ഒമ്പത്‌ മുതൽ വൈകിട്ട്‌ ആറുവരെയാകും. ഒരു ഡോക്ടറുടെ സ്ഥാനത്ത്‌ മൂന്ന്‌ ഡോക്ടർമാരുടെ സേവനം ലഭിക്കും. നേഴ്‌സ്‌, ലാബ്‌…

കേരളത്തിലേക്ക് വരുന്നവർക്ക് കൊവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി. ഇതിനായി അതിർത്തികളിൽ പരിശോധന ശക്തമാക്കും. കൊവിഡ് ഭേദമായവരിൽ പലർക്കും മറ്റ് ആരോഗ്യപ്രശ്‌നങ്ങളുണ്ടാകുന്നത് കണ്ടുവരുന്നുണ്ട്. ഇവരെ ചികിത്സിക്കാൻ പോസ്റ്റ് കൊവിഡ് ക്ലിനിക്ക് ആരംഭിക്കുമെന്നും ആരോഗ്യമന്ത്രി കെ കെ ശൈലജ പറഞ്ഞു   നിലവിലുള്ള സുരക്ഷാ നിർദേശങ്ങൾ കൃത്യമായി പാലിച്ചാൽ നവംബറിൽ രോഗവ്യാപനം കുറഞ്ഞേക്കാം. കൊവിഡ് വൈറസിന്റെ ജനിതക പഠനം മധ്യകേരളത്തിലും തെക്കൻ കേരളത്തിലും നടത്തും. നേരത്തെ കോഴിക്കോട് മെഡിക്കൽ കോളജിൽ ജനിതക പഠനം നടത്തിയിരുന്നു   ആശുപത്രികളിൽ ഓക്‌സിജൻ ഉറപ്പാക്കാൻ…

തിരുവനന്തപുരം : നവംബർ 2 മുതൽ പ്ലസ് വൺ ക്ലാസുകളും ഫസ്റ്റ്ബെല്ലിൽ സംപ്രേഷണം ചെയ്യും . തുടക്കത്തിൽ രാവിലെ 9.30 മുതൽ 10.30 വരെയാണ് ക്ലാസ് . രണ്ട് ക്ലാസുകളാണ് സംപ്രേഷണം ചെയ്യുന്നത് . ഇതോടെ ഒന്നു മുതൽ പന്ത്രണ്ടുവരെ ക്ലാസുകളിലായി 45 ലക്ഷം കുട്ടികൾക്കും പ്രയോജനപ്പെടുന്ന ക്ലാസുകൾ എല്ലാ ദിവസവും കൈറ്റ് വിക്ടേഴ്സിൽ സംപ്രേഷണം ചെയ്യും . പ്രീ പ്രൈമറി വിഭാഗത്തിലെ കിളിക്കൊഞ്ചൽ ആദ്യ ആഴ്ച ശനി , ഞായർ ദിവസങ്ങളിലായിരിക്കും . ഇത് പിന്നീട്…

ലൈഫ് മിഷൻ കേസിൽ കോടതിയിൽ നിന്ന് ഇനിയും തിരിച്ചടിയുണ്ടാകാതെ നോക്കണമെന്ന് സിബിഐയോട് കേന്ദ്രസർക്കാർ. കേസിൽ തിടുക്കം വേണ്ടെന്നും കേന്ദ്രം നിർദേശിച്ചു. ഹൈക്കോടതിയിൽ നിന്ന് തുടർച്ചയായി തിരിച്ചടിയുണ്ടാകുന്ന സാഹചര്യത്തിലാണ് കേന്ദ്രത്തിന്റെ നിർദേശം കേസിൽ ഹൈക്കോടതിയിൽ അഡീഷണൽ സോളിസിറ്റർ ജനറൽ ഹാജരാകണമെന്ന് സിബിഐ കേന്ദ്രത്തോട് ആവശ്യപ്പെട്ടിട്ടുണ്ട്. അഡ്വ. എം നടരാജ് അല്ലെങ്കിൽ എസ് വി രാജു ഹാജരാകണമെന്നാണ് സിബിഐ ആവശ്യപ്പെട്ടിരിക്കുന്നത്. കേസിൽ സിബിഐ അടുത്താഴ്ച എതിർ സത്യവാങ്മൂലം നൽകും.