നടിയെ ആക്രമിച്ച കേസിൽ പുതിയ വെളിയപ്പെടുത്തലുകളിൽ പൾസർ സുനിയുടെ മൊഴിയെടുക്കും. ഇതിനായി അനുമതി തേടി അന്വേഷണ സംഘം കോടതിയിൽ അപേക്ഷ നൽകി. പൾസർ സുനി അമ്മയ്ക്ക് നൽകിയ കത്തിന്റെ അടിസ്ഥാനത്തിലാണ് നടപടി. വെളിപ്പെടുത്തലുകളുടെ പശ്ചാത്തലത്തിൽ പൾസർ സുനിയുടെ അമ്മയുടെ രഹസ്യ മൊഴിയും അന്വേഷണ സംഘം ശേഖരിക്കും. ഇതിനിടെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസിൽ ദിലീപിന്റെ മുൻകൂർ ജാമ്യാപേക്ഷ പരിഗണിക്കുന്നത് കോടതി വെള്ളിയാഴ്ചത്തേക്ക് മാറ്റി. പ്രോസിക്യൂഷൻ കൂടുതൽ സമയം ആവശ്യപ്പെട്ടതോടെയാണ് കേസ് പരിഗണിക്കുന്നത് മാറ്റിയത്.

  നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയ കേസിൽ ദിലീപിന്റെ മുൻകൂർ ജാമ്യാപേക്ഷ പരിഗണിക്കുന്നത് വെള്ളിയാഴ്ചത്തേക്ക് മാറ്റി. പ്രോസിക്യൂഷൻ കൂടുതൽ സമയം ആവശ്യപ്പെട്ടതിനെ തുടർന്നാണ് കേസ് പരിഗണിക്കുന്നത് മാറ്റിയത് ദിലീപ്, സഹോദരൻ അനൂപ്, സഹോദരി ഭർത്താവ് സുരാജ്, ശരത് തുടങ്ങി ആറ് പേരാണ് ഗൂഢാലോചന കേസിലെ പ്രതികൾ. ഹർജി മാറ്റിയതോടെ ആറ് പ്രതികളുടെയും അറസ്റ്റിനുള്ള വിലക്കും വെള്ളിയാഴ്ച വരെ തുടരും. ഇന്നലെ കേസിലെ വിഐപി എന്ന് സംശയിക്കുന്ന ശരത്തിന്റെ വീട്ടിൽ അന്വേഷണ സംഘം…

  മന്ത്രി വി ശിവൻകുട്ടിക്ക് കൊവിഡ് സ്ഥിരീകരിച്ചു. മന്ത്രിയെ ആശുപത്രിയിൽ പ്രവേശിപ്പിച്ചു. മന്ത്രിയുടെ ഓഫീസിൽ കൊവിഡ് പടരുന്ന സാഹചര്യമുണ്ടായതിനെ തുടർന്ന് പരിശോധന നടത്തുകയും ഇതിൽ പോസിറ്റീവാകുകയുമായിരുന്നു. മന്ത്രിയുടെ ആരോഗ്യ നില തൃപ്തികരമാണെന്ന് ഡോക്ടർമാർ അറിയിച്ചു സെക്രട്ടേറിയറ്റിൽ കൊവിഡിന്റെ ക്ലസ്റ്റർ രൂപപ്പെട്ടതായാണ് വിവരം. വനം, ആരോഗ്യം, ദേവസ്വം മന്ത്രിമാരുടെ ഓഫീസുകളും കൊവിഡ് ഭീഷണിയിലാണ്. കൊവിഡ് വ്യാപനത്തെ തുടർന്ന് മുഖ്യമന്ത്രിയുടെ ഓഫീസ് ഭാഗികമായി അടച്ചിരുന്നു. സെക്രട്ടേറിയറ്റിലെ സെൻട്രൽ ലൈബ്രറിയും അടച്ചു.

  പത്തനാപുരം പട്ടാഴിയിൽ 17കാരിയെ വീടിനുള്ളിൽ തുങ്ങിമരിച്ച നിലയിൽ കണ്ടെത്തി. കലയപുരം സ്വദേശിയായ യുവാവുമായി പെൺകുട്ടി പ്രണയത്തിലായിരുന്നു. മരിക്കുന്നതിന് തൊട്ടുമുമ്പ് യുവാവുമായി ഒരു മണിക്കൂറിലധികം നേരം പെൺകുട്ടി ഫോണിൽ സംസാരിച്ചിരുന്നു. കശുവണ്ടി തൊഴിലാളിയായ അമ്മ ജോലിക്ക് പോയ സമയത്തായിരുന്നു സംഭവം. ശബ്ദം കേട്ട് ഓടിയെത്തിയ സഹോദരൻ നാട്ടുകാരുടെ സഹായത്തോടെ തുണി മുറിച്ചിട്ട് പെൺകുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

  പാലക്കാട് അകത്തേത്തറയിൽ വീണ്ടും പുലിയിറങ്ങി. മേലേ ചെറാട് ഭാഗത്താണ് പുലിയെത്തിയത്. ഇവിടെ തെക്കേപരിയാരത്ത് രാധാകൃഷ്ണൻ എന്നയാളുടെ വളർത്തുനായയെ പുലി ആക്രമിച്ചു. പ്രദേശത്ത് വനംവകുപ്പ് നിരീക്ഷണം ശക്തമാക്കിയിട്ടുണ്ട് കഴിഞ്ഞാഴ്ച പുലിക്കുഞ്ഞുങ്ങളെ കണ്ടെത്തിയ ഉമ്മിനി ഉൾപ്പെടുന്ന പഞ്ചായത്താണ് അകത്തേത്തറ. പുലിക്കുഞ്ഞുങ്ങളെ വെച്ച് തള്ളപ്പുലിയെ പിടികൂടാനുള്ള വനംവകുപ്പിന്റെ ശ്രമം പരാജയപ്പെട്ടിരുന്നു. ഇതേ പുലി തന്നെയാണ് ഇന്നലെ ആക്രമണം നടത്തിയതെന്ന കാര്യത്തിൽ വ്യക്തതയില്ല. വളർത്തുമൃഗങ്ങളെ വരെ ആക്രമിക്കുന്നതിനാൽ പ്രദേശവാസികൾ വലിയ ഭീതിയിലാണ് കഴിയുന്നത്.

  തൃശ്ശൂരിൽ നിരോധിത മയക്കുമരുന്നായ എംഡിഎംഎയുമായി ഡോക്ടർ പിടിയിൽ. കോഴിക്കോട് സ്വദേശിയും തൃശ്ശൂർ മെഡിക്കൽ കോളജ് ഹൗസ് സർജനുമായ അക്വിൽ മുഹമ്മദ് ഹുസൈനാണ് പിടിയിലായത്. മെഡിക്കൽ കോളജ് പരിസരത്തെ സ്വകാര്യ ഹോസ്റ്റലിൽ നിന്നാണ് മയക്കുമരുന്ന് പിടികൂടിയത്. 2.4 ഗ്രാം എംഡിഎംഎയും ഹാഷിഷ് ഓയിലുമാണ് ഇയാളിൽ നിന്ന് പിടിച്ചെടുത്തത് മെഡിക്കൽ കോളജുമായി ബന്ധപ്പെട്ട് മയക്കുമരുന്ന് ഉപയോഗം വ്യാപകമാണെന്ന് നേരത്തെ പോലീസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തിലാണ് പരിശോധന നടത്തിയത്. ഹോസ്റ്റൽ കെട്ടിടത്തിൽ നിന്ന് ഹാഷിഷ് ഓയിലിന്റെ ഒഴിഞ്ഞ കുപ്പികളും…

  കോട്ടയത്ത് കൊല്ലപ്പെട്ട 19കാരൻ ഷാൻ ബാബു നേരിട്ടത് ക്രൂരമർദനമെന്ന് പോലീസ് റിപ്പോർട്ട്. ഷാന്റെ ദേഹത്ത് മർദനമേറ്റ 38 അടയാളങ്ങളുണ്ട്. കാപ്പി വടി കൊണ്ട് മൂന്ന് മണിക്കൂറോളം നേരം അടിച്ചു. ഷാനെ വിവസ്ത്രനാക്കിയും മർദിച്ചു. മൂന്ന് മണിക്കൂറോളം മർദനം നടന്നു. കണ്ണിൽ വിരലുകൾ കൊണ്ട് ആഞ്ഞുകുത്തി. ഇന്നലെ പുലർച്ചെയാണ് ഷാൻ ബാബുവിനെ കൊലപ്പെടുത്തിയ ശേഷം മൃതദേഹം ജോമോൻ തോളത്തിട്ട് കോട്ടയം ഈസ്റ്റ് പോലീസ് സ്‌റ്റേഷന് മുന്നിൽ ഉപേക്ഷിച്ചത്. ഇതിന് ശേഷം രക്ഷപ്പെടാൻ നോക്കിയ ജോമോനെ പോലീസ് പിടികൂടുകയായിരുന്നു….

  നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസിൽ ദിലീപ് നൽകിയ മുൻകൂർ ജാമ്യാപേക്ഷ ഹൈക്കോടതി ഇന്ന് വീണ്ടും പരിഗണിക്കും. ദിലീപിനെ കൂടാതെ സഹോദരൻ അനൂപ്, ബന്ധുക്കളായ സൂരജ്, അപ്പു, സുഹൃത്ത് ബൈജു ചെങ്ങമ്മനാട് എന്നിവരും മുൻകൂർ ജാമ്യഹർജികൾ നൽകിയിട്ടുണ്ട്. സംവിധായകൻ ബാലചന്ദ്രകുമാറിന്റെ വെളിപ്പെടുത്തലിന്റെ അടിസ്ഥാനത്തിലാണ് ആറ് പേർക്കെതിരെ ക്രൈംബ്രാഞ്ച് കേസെടുത്തത്. കഴിഞ്ഞ ദിവസം ഹർജി പരിഗണിച്ചപ്പോൾ ചൊവ്വാഴ്ച വരെ അറസ്റ്റുണ്ടാകില്ലെന്ന് അന്വേഷണ സംഘം പറഞ്ഞിരുന്നു. മുൻകൂർ ജാമ്യഹർജിയിൽ തീരുമാനമെടുക്കും മുമ്പ് ബാലചന്ദ്രകുമാർ…